§35Ἀλλὰ ποῦ τὸ τῆς τέχνης καὶ τὸ τῆς συμβουλῆς χρήσιμον;
그러나 기술과 조언의 유용함은 어디에 있는가?
οὐκ ἐς ποίησιν τῶν προσόντων, ἀλλ’ ἐς χρῆσιν αὐτῶν τὴν προσήκουσαν.
그것은 (재능을) 만들어내는 데 있는 것이 아니라, 이미 갖추어진 자질을 적절하게 사용하는 데 있네.
οἷόν τι ἀμέλει καὶ Ἴκκος καὶ Ἡρόδικος καὶ Θέων καὶ εἴ τις ἄλλος γυμναστής ὑπόσχοιντο ἄν σοι οὐ τὸν Περδίκκαν παραλαβόντες—εἰ δὴ οὗτός ἐστιν ὁ τῆς μητρυιᾶς ἐρασθεὶς καὶ διὰ ταῦτα κατεσκληκώς, ἀλλὰ μὴ Ἀντίοχος ὁ τοῦ Σελεύκου —ἀποφαίνειν Ὀλυμπιονίκην καὶ Θεαγένει τῷ Θασίῳ ἢ Πολυδάμαντι τῷ Σκοτουσσαίῳ ἀντίπαλον, ἀλλὰ τὴν δοθεῖσαν ὑπόθεσιν εὐφυᾶ πρὸς ὑποδοχὴν τῆς γυμναστικῆς παρὰ πολὺ ἀμείνω ἀποφαίνειν μετὰ τῆς τέχνης.
예컨대 익코스나 헤로디코스, 테온, 혹은 다른 어떤 체육 지도자라 할지라도, 만약 그들이 페르디카스를 데려다가――만약 그가 계모를 사랑하여 그 때문에 야위어 간 자가 맞다면 말이네, 셀레우코스의 아들 안티오코스가 아니라――그를 올림피아 우승자나 타소스의 테아게네스 혹은 스코투사의 폴리다마스에 필적하는 경쟁자로 만들어 주겠다고 자네에게 약속하지는 않을 것이네. 오히려 그들은 체육 교육을 받아들이기에 천성적으로 소질이 있는 주어진 대상을, 기술을 통해 훨씬 더 훌륭하게 만들어 주겠다고 약속할 것이네.
ὥστε ἀπέστω καὶ ἡμῶν τὸ ἐπίφθονον τοῦτο τῆς ὑποσχέσεως εἰ τέχνην φαμὲν ἐφ' οὕτω μεγάλῳ καὶ χαλεπῷ τῷ πράγματι εὑρηκέναι·
그러므로 우리가 이처럼 대단하고 어려운 일에 대해 기술을 발견했다고 말한다 한들, 우리의 약속에 대한 그러한 반감은 거두어 주어야 하네.
οὐ γὰρ ὁντινοῦν παραλαβόντες ἀποφαίνειν συγγραφέα φαμέν, ἀλλὰ τῷ φύσει συνετῷ καὶ ἄριστα πρὸς λόγους ἠσκημένῳ ὑποδείξειν ὁδούς τινας ὀρθάς (εἰ δὴ τοιαῦται φαίνονται) αἷς χρώμενος θᾶττον ἂν καὶ εὐμαρέστερον τελέσειεν ἄχρι πρὸς τὸν σκοπόν.
왜냐하면 우리는 아무나 데려다가 역사가로 만들어 주겠다고 말하는 것이 아니라, 천성적으로 총명하고 언어 훈련을 가장 잘 받은 사람에게 올바른 몇 가지 길을(만약 참으로 그렇게 보인다면) 제시하여, 그 길을 사용함으로써 그가 더 빠르고 수월하게 목적지까지 도달할 수 있도록 돕겠다고 말하는 것이기 때문이네.
§36καίτοι οὐ γὰρ ἂν φαίης ἀπροσδεῆ τὸν συνετὸν εἶναι τῆς τέχνης καὶ διδασκαλίας ὧν ἀγνοεῖ·
더욱이 총명한 사람이라 할지라도 자신이 모르는 것에 대해서는 기술과 가르침을 필요로 하지 않는다고 말할 수는 없을 것이네.
ἐπεὶ κἂν ἐκιθάριζε μὴ μαθὼν καὶ ηὔλει καὶ πάντα ἂν ἠπίστατο.
그렇지 않다면 배우지도 않고 수금을 타고 피리를 불며 모든 것을 스스로 알았을 터이니 말이네.
νῦν δὲ μὴ μαθὼν οὐκ ἄν τι αὐτῶν χειρουργήσειεν, ὑποδείξαντος δέ τινος ῥᾷστά τε ἂν μάθοι καὶ εὖ μεταχειρίσαιτο ἐφ' αὑτοῦ.
하지만 실제로는 배우지 않고서는 그것들 중 어느 하나도 해낼 수 없으며, 누군가 길을 제시해 주어야만 아주 쉽게 배우고 스스로 그것을 잘 다룰 수 있게 되는 법이네.
§37Καὶ τοίνυν καὶ ἡμῖν τοιοῦτός τις ὁ μαθητὴς νῦν παραδεδόσθω—συνεῖναί τε καὶ εἰπεῖν οὐκ ἀγεννής, ἀλλ’ ὀξὺ δεδορκώς, οἷος καὶ πράγμασι χρήσασθαι ἂν εἰ ἐπιτραπείη, καὶ γνώμην στρατιωτικήν ἀλλὰ μετὰ τῆς πολιτικῆς καὶ ἐμπειρίαν στρατηγικὴν ἔχειν, καὶ νὴ Δία καὶ ἐν στρατοπέδῳ γεγονώς ποτε καὶ γυμναζομένους ἢ ταττομένους στρατιώτας ἑωρακὼς καὶ ὅπλα εἰδὼς καὶ μηχανήματα, ἔτι δὲ καὶ τί ἐπὶ κέρως καὶ τί ἐπὶ μετώπου, πῶς οἱ λόχοι, πῶς οἱ ἱππεῖς καὶ πόθεν καὶ τί ἐξελαύνειν ἢ περιελαύνειν, καὶ ὅλως οὐ τῶν κατοικιδίων τις οὐδ’ οἷος πιστεύειν μόνον τοῖς ἀπαγγέλλουσιν.
그러니 이제 우리에게도 그러한 학생이 주어졌다고 가정해 보세. 곧 이해하고 말하는 데 있어서 비천하지 않고 날카로운 안목을 가졌으며, 만약 맡겨진다면 실무도 능히 처리할 수 있고, 정치적 식견과 더불어 군사적 식견 및 장수로서의 경험을 갖춘 자네. 그리고 참으로 군영에 있어 본 적이 있어 군인들이 훈련받거나 대열을 짓는 모습을 보았고, 무기와 공성 병기를 알며, 나아가 '종대로'가 무엇인지 '횡대로'가 무엇인지, 보병 부대와 기병 부대는 어떻게 구성되는지, 어디서 어떻게 돌격하고 우회 기동을 하는지 아는 자이네. 한마디로 집에만 틀어박혀 지내는 부류가 아니며, 보고하는 자들의 말만 곧이곧대로 믿는 자도 아니어야 하네.
§38Μάλιστα δὲ καὶ πρὸ τῶν πάντων ἐλεύθερος ἔστω τὴν γνώμην καὶ μήτε φοβείσθω μηδένα μήτε ἐλπιζέτω μηδέν, ἐπεὶ ὅμοιος ἔσται τοῖς φαύλοις δικασταῖς πρὸς χάριν ἢ πρὸς ἀπέχθειαν ἐπὶ μισθῷ δικάζουσιν.
무엇보다도 그리고 모든 것에 앞서 그는 정신에 있어 자유로워야 하며, 누구도 두려워하지 말고 아무것도 바라지 말아야 하네. 그렇지 않으면 그는 뇌물을 받고 호의나 미움에 따라 판결을 내리는 나쁜 재판관들과 다름없게 될 것이기 때문이네.
ἀλλὰ μὴ μελέτω αὐτῷ μήτε Φίλιππος ἐκκεκομμένος τὸν ὀφθαλμὸν ὑπὸ Ἀστέρος τοῦ Ἀμφιπολίτου τοῦ τοξότου ἐν Ὀλύνθῳ, ἀλλὰ τοιοῦτος οἷος ἦν δειχθήσεται·
그에게는 필리포스가 오륀토스에서 암피폴리스의 궁수 아스테르에게 한쪽 눈을 잃은 일이 어떻게 생각될지 신경 쓰이지 않아야 하며, 필리포스는 있는 그대로의 모습으로 묘사되어야 하네.
μήτ' εἰ Ἀλέξανδρος ἀνιάσεται ἐπὶ τῇ Κλείτου σφαγῇ ὠμῶς ἐν τῷ συμποσίῳ γενομένῃ, εἰ σαφῶς ἀναγράφοιτο·
또한 알렉산드로스가 연회에서 잔인하게 저질러진 클레이토스의 살해에 대해, 만약 그것이 명확하게 기록된다고 해서 괴로워할지 여부도 신경 쓰지 말아야 하네.
οὐδὲ Κλέων αὐτὸν φοβήσει μέγα ἐν τῇ ἐκκλησίᾳ δυνάμενος καὶ κατέχων τὸ βῆμα, ὡς μὴ εἰπεῖν ὅτι ὀλέθριος καὶ μανικὸς ἄνθρωπος οὗτος ἦν· οὐδὲ ἡ σύμπασα πόλις τῶν Ἀθηναίων, ἢν τὰ ἐν Σικελίᾳ κακὰ ἱστορῇ καὶ τὴν Δημοσθένους λῆψιν καὶ τὴν Νικίου τελευτὴν καὶ ὡς ἐδίψων καὶ οἷον τὸ ὕδωρ ἔπινον καὶ ὡς ἐφονεύοντο πίνοντες οἱ πολλοί.
민회에서 막강한 권력을 쥐고 연단을 장악했던 클레온이라 할지라도 그가 "이 자는 파멸적이고 미친 사람이었다"라고 말하는 것을 두려워하게 만들지 못할 것이며, 아테나이의 전 시민이라 할지라도, 그가 시켈리아에서의 참상과 데모스테네스의 생포, 니키아스의 죽음, 그리고 그들이 얼마나 목말라했으며 어떤 물을 마셨고 마시는 와중에 얼마나 많은 이들이 살육당했는지를 기록하는 것을 두려워하게 만들지 못할 것이네.
ἡγήσεται γάρ—ὅπερ δικαιότατον—ὑπ' οὐδενὸς τῶν νοῦν ἐχόντων αὐτὸς ἕξειν τὴν αἰτίαν ἢν τὰ δυστυχῶς ἢ ἀνοήτως γεγενημένα ὡς ἐπράχθη διηγῆται—οὐ γὰρ ποιητὴς αὐτῶν ἀλλὰ μηνυτὴς ἦν.
왜냐하면 그는――이것이 가장 공정하네――불행하게 혹은 어리석게 일어난 일들을 일어난 그대로 서술한다면 지각 있는 사람 중 누구에게서도 비난받지 않으리라고 생각할 것이기 때문이네. 그는 그 사건들의 창조자가 아니라 보고자였기 때문이네.
ὥστε κἂν καταναυμαχῶνται τότε οὐκ ἐκεῖνος ὁ καταδύων ἐστὶ κἂν φεύγωσιν οὐκ ἐκεῖνος ὁ διώκων, ἐκτὸς εἰ μή εὔξασθαι δέον παρέλιπεν.
따라서 그들이 당시에 해전에서 패배하더라도 배를 가라앉힌 것은 그가 아니며, 그들이 도망치더라도 추격한 것은 그가 아니네. 다만 기도해야 할 때 기도를 빠뜨린 것이 아니라면 말이네.
ἐπεί τοί γε εἰ σιωπήσας αὐτὰ ἢ πρὸς τοὐναντίον εἰπὼν ἐπανορθώσασθαι ἐδύνατο, ῥᾷστον ἦν ἑνὶ καλάμῳ λεπτῷ τὸν Θουκυδίδην ἀνατρέψαι μὲν τὸ ἐν ταῖς Ἐπιπολαῖς παρατείχισμα, καταδῦσαι δὲ τὴν Ἑρμοκράτους τριήρη καὶ τὸν κατάρατον Γύλιππον διαπεῖραι μεταξὺ ἀποτειχίζοντα καὶ ἀποταφρεύοντα τὰς ὁδούς καὶ τέλος Συρακοσίους μὲν ἐς τὰς λιθοτομίας ἐμβαλεῖν, τοὺς δὲ Ἀθηναίους περιπλεῖν Σικελίαν καὶ Ἰταλίαν μετὰ τῶν πρώτων τοῦ Ἀλκιβιάδου ἐλπίδων.
참으로 만약 그가 그것들을 묵과하거나 반대로 말하여 바로잡을 수 있었다면, 투큐디데스로서는 단 하나의 가느다란 펜으로 에피폴라이의 장벽을 무너뜨리고, 헤르모크라테스의 삼단노선을 침몰시키며, 저주받을 귈립포스가 길을 차단하고 해자를 파고 있는 와중에 그를 찔러 죽이고, 마침내 시라쿠사 인들을 석석장에 처넣고 아테나이 인들은 알키비아데스의 첫 희망과 함께 시켈리아와 이탈리아를 주항하도록 만드는 일이 지극히 쉬웠을 것이네.
ἀλλ’ οἶμαι τὰ μὲν πραχθέντα οὐδὲ Κλωθὼ ἂν ἔτι ἀνακλώσειεν οὐδὲ Ἄτροπος μετατρέψειε.
그러나 내 생각에 이미 행해진 일은 클로토조차 다시 풀 수 없고 아트로포스도 되돌릴 수 없네.