§6Μένιππος
σφαλεὶς οὖν καὶ τῆσδε τῆς ἐλπίδος ἔτι μᾶλλον ἐδυσχέραινον, ἠρέμα παραμυθούμενος ἐμαυτὸν ὅτι μετὰ πολλῶν καὶ σοφῶν καὶ σφόδρα ἐπὶ συνέσει διαβεβοημένων ἀνόητός τέ εἰμι καὶ τἀληθὲς ἔτι ἀγνοῶν περιέρχομαι.
메니포스 그리하여 이 희망마저 꺾이자 나는 더욱더 불쾌해졌으나, 지혜로 명성이 자자한 수많은 현자들과 함께 나 또한 어리석은 채로 여전히 진리를 알지 못하고 헤매고 있는 것이라며 스스로를 넌지시 위로하곤 했다네.
καί μοί ποτε διαγρυπνοῦντι τούτων ἕνεκα ἔδοξεν εἰς Βαβυλῶνα ἐλθόντα δεηθῆναί τινος τῶν μάγων τῶν Ζωροάστρου μαθητῶν καὶ διαδόχων·
그러던 어느 날 밤, 이 일로 잠을 이루지 못하던 차에 바빌론으로 가서 조로아스터의 제자이자 후계자들인 마법사들 중 한 사람에게 간청하는 것이 좋겠다는 생각이 들었네.
ἤκουον δʼ αὐτοὺς ἐπῳδαῖς τε καὶ τελεταῖς τισιν ἀνοίγειν τοῦ Ἅιδου τὰς πύλας καὶ κατάγειν ὃν ἂν βούλωνται ἀσφαλῶς καὶ ὀπίσω αὖθις ἀναπέμπειν.
그들이 주문과 어떤 의식들을 통해 하데스의 문을 열고, 그들이 원하는 자는 누구든 안전하게 데리고 내려갔다가 다시 위로 돌려보내 준다는 말을 들었기 때문일세.
ἄριστον οὖν ἡγούμην εἶναι παρά τινος τούτων διαπραξάμενον τὴν κατάβασιν ἐλθόντα παρὰ Τειρεσίαν τὸν Βοιώτιον μαθεῖν παρʼ αὐτοῦ ἅτε μάντεως καὶ σοφοῦ, τίς ἐστιν ὁ ἄριστος βίος καὶ ὃν ἄν τις ἕλοιτο εὖ φρονῶν.
그리하여 이들 중 한 사람의 도움을 받아 저승행을 성사시킨 뒤, 보이오티아의 테이레시아스를 찾아가 그가 예언자이자 현자이니 그로부터 어떤 삶이 최선이며 사려 깊은 사람이라면 어떤 삶을 선택할 것인지를 배우는 것이 최선이라 생각했네.
καὶ δὴ ἀναπηδήσας ὡς εἶχον τάχους ἔτεινον εὐθὺ Βαβυλῶνος·
이에 나는 즉시 벌떡 일어나 있는 힘을 다해 바빌론으로 곧장 향했네.
ἐλθὼν δὲ συγγίγνομαί τινι τῶν Χαλδαίων σοφῷ ἀνδρὶ καὶ θεσπεσίῳ τὴν τέχνην, πολιῷ μὲν τὴν κόμην, γένειον δὲ μάλα σεμνὸν καθειμένῳ, τοὔνομα δὲ ἦν αὐτῷ Μιθροβαρζάνης.
도착하여 나는 칼데아인들 중 한 사람으로 그 술법에 있어 신비로운 현자를 만났는데, 머리는 희끗희끗하고 수염을 아주 엄숙하게 기르고 있었으며, 그의 이름은 미트로바르자네스였네.
δεηθεὶς δὲ καὶ καθικετεύσας μόγις ἐπέτυχον παρʼ αὐτοῦ, ἐφʼ ὅτῳ βούλοιτο μισθῷ, καθηγήσασθαί μοι τῆς ὁδοῦ.
나는 그에게 간청하고 애걸한 끝에, 그가 원하는 어떠한 보수를 대가로 해서든 나의 길 안내를 맡아달라는 허락을 간신히 받아내었네.
§7Μένιππος
παραλαβὼν δέ με ὁ ἀνὴρ πρῶτα μὲν ἡμέρας ἐννέα καὶ εἴκοσιν ἅμα τῇ σελήνῃ ἀρξάμενος ἔλουε κατάγων ἕωθεν ἐπὶ τὸν Εὐφράτην πρὸς ἀνίσχοντα τὸν ἥλιον, ῥῆσίν τινα μακρὰν ἐπιλέγων ἧς οὐ σφόδρα κατήκουον·
메니포스 그 남자는 나를 데리고 먼저 이십구 일 동안 달의 주기에 맞추어 시작하여, 새벽녘에 떠오르는 태양을 향해 유프라테스강으로 나를 데리고 가 씻겨주었네. 이때 긴 주문을 읊조렸는데 나는 그것을 잘 알아듣지 못했네.
ὥσπερ γὰρ οἱ φαῦλοι τῶν ἐν τοῖς ἀγῶσι κηρύκων ἐπίτροχόν τι καὶ ἀσαφὲς ἐφθέγγετο.
경기장의 서툰 전령들처럼 아주 빠르고 불분명하게 웅얼거렸기 때문이네.
πλὴν ἐῴκει γέ τινας ἐπικαλεῖσθαι δαίμονας.
다만 어떤 신령들을 소환하는 듯하긴 했네.
μετὰ δʼ οὖν τὴν ἐπῳδὴν τρὶς ἄν μου πρὸς τὸ πρόσωπον ἀποπτύσας, ἐπανῄει πάλιν οὐδένα τῶν ἀπαντώντων προσβλέπων.
어쨌든 주문이 끝난 후 내 얼굴에 침을 세 번 뱉고는, 마주치는 사람을 아무도 쳐다보지 않고 다시 돌아왔네.
καὶ σιτία μὲν ἦν ἡμῖν τὰ ἀκρόδρυα, ποτὸν δὲ γάλα καὶ μελίκρατον καὶ τὸ τοῦ Χοάσπου ὕδωρ, εὐνὴ δὲ ὑπαίθριος ἐπὶ τῆς πόας.
우리의 식사는 나무 열매였고, 음료는 우유와 꿀물, 그리고 코아스페스강의 물이었으며, 잠자리는 풀밭 위의 노숙이었네.
ἐπεὶ δʼ ἅλις εἶχε τῆς προδιαιτήσεως, περὶ μέσας νύκτας ἐπὶ τὸν Τίγρητα ποταμὸν ἀγαγὼν ἐκάθηρέν τέ με καὶ ἀπέμαξε καὶ περιήγνισεν δᾳδὶ καὶ σκίλλῃ καὶ ἄλλοις πλείοσιν, ἅμα καὶ τὴν ἐπῳδὴν ἐκείνην ὑποτονθορύσας.
예비적인 훈련이 충분해지자, 한밤중에 나를 티그리스강으로 데리고 가 나를 깨끗이 씻기고 닦아내었으며, 횃불과 바다양파와 그 밖의 여러 가지로 나를 정화해 주었네. 동시에 저 주문을 나직이 투덜거리면서 말이네.
εἶτά με ὅλον καταμαγεύσας καὶ περιελθών, ἵνα μὴ βλαπτοίμην ὑπὸ τῶν φασμάτων, ἐπανάγει εἰς τὴν οἰκίαν, ὡς εἶχον, ἀναποδίζοντα, καὶ τὸ λοιπὸν ἀμφὶ πλοῦν εἴχομεν.
그러고는 나에게 온통 마법을 걸고 내 주변을 돌았는데, 이는 내가 유령들에게 해를 입지 않도록 하기 위함이었네. 그러고 나서 나를 그대로, 뒷걸음질 치게 하면서 집으로 데려왔고, 그 후로는 배편을 준비했네.
§8Μένιππος
αὐτὸς μὲν οὖν μαγικήν τινα ἐνέδυ στολὴν τὰ πολλὰ ἐοικυῖαν τῇ Μηδικῇ, ἐμὲ δὲ τουτοισὶ φέρων ἐνεσκεύασε, τῷ πίλῳ καὶ τῇ λεοντῇ καὶ προσέτι τῇ λύρᾳ, καὶ παρεκελεύσατο, ἤν τις ἔρηταί με τοὔνομα, Μένιππον μὴ λέγειν, Ἡρακλέα δὲ ἢ Ὀδυσσέα ἢ Ὀρφέα.
메니포스 그 자신은 메디아의 의복과 매우 유사한 마법 옷을 입었고, 나에게는 이것들, 즉 가죽 모자와 사자 가죽, 그리고 한편으로 하프를 들려 장장해 주었네. 그리고 누군가 내 이름을 묻거든 메니포스라 말하지 말고, 헤라클레스나 오디세우스 또는 오르페우스라고 말하라고 당부했네.
Φίλος
ὡς δὴ τί τοῦτο, ὦ Μένιππε;
친구 메니포스여, 대체 그것은 무슨 까닭인가?
οὐ γὰρ συνίημι τὴν αἰτίαν οὔτε τοῦ σχήματος οὔτε τῶν ὀνομάτων.
나는 그 복장의 이유도 이름들의 이유도 당최 이해하지 못하겠네.
Μένιππος
καὶ μὴν πρόδηλόν γε τοῦτο καὶ οὐ παντελῶς ἀπόρρητον·
메니포스 실로 이것은 아주 명백하며 완전히 비밀스러운 일도 아니라네.
ἐπεὶ γὰρ οὗτοι πρὸ ἡμῶν ζῶντες εἰς Ἅιδου κατεληλύθεσαν, ἡγεῖτο, εἴ με ἀπεικάσειεν αὐτοῖς, ῥᾳδίως ἂν τὴν τοῦ Αἰακοῦ φρουρὰν διαλαθεῖν καὶ ἀκωλύτως ἂν παρελθεῖν ἅτε συνηθέστερον, τραγικῶς μάλα παραπεμπόμενον ὑπὸ τοῦ σχήματος.
우리보다 먼저 살았던 이들이 생전에 하데스로 내려간 적이 있었기에, 만일 나를 그들과 비슷하게 꾸민다면 내가 에아코스의 감시를 쉽게 피할 수 있고, 그 복장 덕분에 매우 비극 배우처럼 호송되면서 낯익은 이로서 방해 없이 통과할 수 있을 것이라 생각했기 때문이네.