§9τὰ μὲν τοίνυν πρὸς τὰς συνουσίας αὐτοὺς ἄγοντα καὶ ἀφʼ ὧν αὑτοὺς φέροντες ἐπιτρέπουσι τοῖς πλουσίοις χρῆσθαι πρὸς ὅ τι ἂν ἐθέλωσιν, ταῦτά ἐστιν ἢ ὅτι ἐγγύτατα τούτων, πλὴν εἰ μὴ κἀκείνων τις μεμνῆσθαι ἀξιώσειεν τῶν καὶ μόνῃ τῇ δόξῃ ἐπαιρομένων τοῦ συνεῖναι εὐπατρίδαις τε καὶ εὐπαρύφοις ἀνδράσιν·
그러므로 그들을 사교의 자리로 이끄는 것들, 그리고 그들이 스스로를 내맡겨 부자들이 원하는 것은 무엇이든 하도록 허락하는 원인이 되는 것들은 바로 이러한 것들이거나 이와 가장 유사한 것들이네. 다만 명문가나 자줏빛 옷을 입은 자들과 교제한다는 오직 그 명성만으로 우쭐해하는 이들조차 언급할 가치가 있다고 누군가가 주장하지 않는다면 말이네.
εἰσὶν γὰρ οἳ καὶ τοῦτο περίβλεπτον καὶ ὑπὲρ τοὺς πολλοὺς νομίζουσιν, ὡς ἔγωγε τοὐμὸν ἴδιον οὐδὲ βασιλεῖ τῷ μεγάλῳ αὐτὸ μόνον συνεῖναι καὶ συνὼν ὁρᾶσθαι μηδὲν χρηστὸν ἀπολαύων τῆς συνουσίας δεξαίμην ἄν.
왜냐하면 이것 역시 남들의 부러움을 사는 일이자 대중보다 우월한 일이라 여기는 자들이 있기 때문이네. 하지만 나로 말할 것 같으면, 사교에서 아무런 유익을 얻지 못한다면, 단지 사교 그 자체를 위해서, 그리고 함께 있는 모습을 남들에게 보여주기 위해서라면 페르시아 대왕과의 사교라 할지라도 결코 받아들이지 않을 것이네.
§10τοιαύτης δὲ αὐτοῖς τῆς ὑποθέσεως οὔσης, φέρε ἤδη πρὸς ἡμᾶς αὐτοὺς ἐπισκοπήσωμεν οἷα μὲν πρὸ τοῦ εἰσδεχθῆναι καὶ τυχεῖν ὑπομένουσιν, οἷα δὲ ἐν αὐτῷ ἤδη ὄντες πάσχουσιν, ἐπὶ πᾶσι δὲ ἥτις αὐτοῖς ἡ καταστροφὴ τοῦ δράματος γίγνεται.
그들의 전제가 이와 같으니, 자, 이제 우리끼리 그들이 받아들여져 목적을 달성하기 전에 어떤 일들을 견뎌내는지, 그리고 이미 그 안에 들어갔을 때 어떤 고통을 겪는지, 그리고 이 모든 일 끝에 그들에게 이 연극의 파국이 어떻게 닥치는지 살펴보세.
οὐ γὰρ δὴ ἐκεῖνό γε εἰπεῖν ἐστιν, ὡς εἰ καὶ πονηρὰ ταῦτα, εὔληπτα γοῦν καὶ οὐ πολλοῦ δεήσει τοῦ πόνου, ἀλλὰ θελῆσαι δεῖ μόνον, εἶτά σοι πέπρακται τὸ πᾶν εὐμαρῶς·
설령 이것이 나쁜 일일지라도 어쨌든 쉽게 얻을 수 있고 많은 노고를 필요로 하지 않으며, 그저 원하기만 하면 그 뒤에는 모든 것이 수월하게 이루어진다고 말할 수는 결코 없기 때문이네.
ἀλλὰ πολλῆς μὲν τῆς διαδρομῆς δεῖ, συνεχοῦς δὲ τῆς θυραυλίας, ἕωθέν τε ἐξανιστάμενον περιμένειν ὠθούμενον καὶ ἀποκλειόμενον καὶ ἀναίσχυντον ἐνίοτε καὶ ὀχληρὸν δοκοῦντα καὶ ὑπὸ θυρωρῷ κακῶς συρίζοντι καὶ ὀνομακλήτορι Λιβυκῷ ταττόμενον καὶ μισθὸν τελοῦντα τῆς μνήμης τοῦ ὀνόματος.
오히려 수많은 분주함이 필요하고, 끊임없이 문가를 서성여야 하며, 새벽부터 일어나 밀쳐지고 문전박대당하면서 기다려야 하고, 때로는 뻔뻔스럽고 성가신 자로 여겨지며, 발음이 엉망인 문지기와 리비아인 이름 안내원 밑에서 지시를 받아야 하고, 자기 이름을 기억해 주는 대가로 사례금까지 치러야 하네.
καὶ μὴν καὶ ἐσθῆτος ὑπὲρ τὴν ὑπάρχουσαν δύναμιν ἐπιμεληθῆναι χρὴ πρὸς τὸ τοῦ θεραπευομένου ἀξίωμα, καὶ χρώματα αἱρεῖσθαι οἷς ἂν ἐκεῖνος ἥδηται, ὡς μὴ ἀπᾴδῃς μηδὲ προσκρούῃς βλεπόμενος, καὶ φιλοπόνως ἕπεσθαι, μᾶλλον δὲ ἡγεῖσθαι, ὑπὸ τῶν οἰκετῶν προωθούμενον καὶ ὥσπερ τινὰ πομπὴν ἀναπληροῦντα.
게다가 모시는 이의 격조에 맞추어 자기 능력을 넘어서는 의복에도 신경을 써야 하고, 그가 좋아하는 색상을 골라 그의 눈에 띄었을 때 조화를 깨뜨리거나 거슬리지 않도록 해야 하며, 고생스럽게 뒤따르거나, 아니면 차라리 하인들에게 등 떠밀려 마치 어떤 행렬의 머릿수나 채우는 것처럼 앞장서서 가야 하네.
ὁ δὲ οὐδὲ προσβλέπει πολλῶν ἑξῆς ἡμερῶν.
하지만 주인은 연달아 며칠 동안 눈길조차 주지 않네.
§11ἢν δέ ποτε καὶ τὰ ἄριστα πράξῃς, καὶ ἴδῃ σε καὶ προσκαλέσας ἔρηταί τι ὧν ἂν τύχῃ, τότε δὴ τότε πολὺς μὲν ὁ ἱδρώς, ἀθρόος δὲ ὁ ἴλιγγος καὶ τρόμος ἄκαιρος καὶ γέλως τῶν παρόντων ἐπὶ τῇ ἀπορίᾳ.
어쩌다 아주 운이 좋아서 그가 자네를 보고 불러 세워 무엇이든 닥치는 대로 물어본다 하더라도, 그때야말로 바로 그때 식은땀이 흐르고 왈칵 어지러움이 밀려오며 때아닌 떨림이 일고, 자네의 당황한 모습에 주변 사람들의 비웃음이 터져 나오네.
καὶ πολλάκις ἀποκρίνασθαι δέον,
τίς ἦν ὁ βασιλεὺς τῶν Ἀχαιῶν,
ὅτι
χίλιαι νῆες ἦσαν αὐτοῖς,
λέγεις.
그리고 아카이아인의 왕이 누구냐는 질문에 답해야 할 때가 많음에도, "그들에게는 천 척의 배가 있었습니다" 라고 자네는 말하고 마네.
τοῦτο οἱ μὲν χρηστοὶ αἰδῶ ἐκάλεσαν, οἱ δὲ τολμηροὶ δειλίαν, οἱ δὲ κακοήθεις ἀπαιδευσίαν.
이를 온후한 이들은 '수줍음'이라 부르고, 대담한 이들은 '겁 많음'이라 부르며, 심보가 사나운 이들은 '무식함'이라 부르네.
σὺ δʼ οὖν ἐπισφαλεστάτης πειραθεὶς τῆς πρώτης φιλοφροσύνης ἀπῆλθες καταδικάσας σεαυτοῦ πολλὴν τὴν ἀπόγνωσιν.
어쨌든 자네는 가장 위태로운 첫 호의를 겪어보고는 스스로에게 기나긴 절망을 선고한 채 물러나게 되네.
ἐπειδὰν δὲ
"
πολλὰς μὲν ἀΰπνους νύκτας ἰαύσῃς
ἤματα δʼ αἱματόεντα
"
διαγάγῃς, οὐ μὰ Δία τῆς Ἑλένης ἕνεκα οὐδὲ τῶν Πριάμου Περγάμων, ἀλλὰ τῶν ἐλπιζομένων πέντε ὀβολῶν, τύχῃς δὲ καὶ τραγικοῦ τινος θεοῦ συνιστάντος, ἐξέτασις τοὐντεῦθεν εἰ οἶσθα τὰ μαθήματα.
그리고 자네가 "수많은 잠 못 드는 밤을 보내고 피비린내 나는 낮을" 지내고 난 후에—제우스에 맹세코 헬레네를 위해서도 프리아모스의 페르가모스 성채를 위해서도 아니고, 오직 기대하는 다섯 오볼로스 때문이네—게다가 운 좋게도 어떤 비극의 신이 추천까지 해 주어 마주하게 된다면, 그 뒤에야 자네가 배움이 있는지에 대한 시험이 기다리고 있네.
καὶ τῷ μὲν πλουσίῳ ἡ διατριβὴ οὐκ ἀηδὴς ἐπαινουμένῳ καὶ εὐδαιμονιζομένῳ, σοὶ δὲ ὁ ὑπὲρ τῆς ψυχῆς ἀγὼν καὶ ὑπὲρ ἅπαντος τοῦ βίου τότε προκεῖσθαι δοκεῖ·
부자에게는 칭송받고 축복받는 이 소일거리가 불쾌하지 않겠지만, 자네에게는 목숨을 건, 그리고 온 평생을 건 싸움이 그때 눈앞에 놓여 있는 것처럼 보이네.
ὑπεισέρχεται γὰρ εἰκότως τὸ μηδʼ ὑπʼ ἄλλου ἂν καταδεχθῆναι πρὸς τοῦ προτέρου ἀποβληθέντα καὶ δόξαντα εἶναι ἀδόκιμον.
왜냐하면 첫 주인에게 거부당하고 자격 미달로 판정받으면 다른 누구에게도 받아들여지지 않을 것이라는 생각이 당연하게도 마음속에 기어들기 때문이네.
ἀνάγκη τοίνυν εἰς μυρία διαιρεθῆναι τότε, τοῖς μὲν ἀντεξεταζομένοις φθονοῦντα, — τίθει γὰρ καὶ ἄλλους εἶναι τῶν αὐτῶν ἀντιποιουμένους — αὐτὸν δὲ πάντα ἐνδεῶς εἰρηκέναι νομίζοντα, φοβούμενον δὲ καὶ ἐλπίζοντα καὶ πρὸς τὸ ἐκείνου πρόσωπον ἀτενίζοντα καὶ εἰ μὲν ἐκφαυλίζοι τι τῶν λεγομένων, ἀπολλύμενον, εἰ δὲ μειδιῶν ἀκούοι, γεγηθότα καὶ εὔελπιν καθιστάμενον.
따라서 그때 자네의 마음은 수만 갈래로 찢어질 수밖에 없네. 함께 시험을 치르는 다른 이들—자네와 같은 자리를 구하는 다른 이들도 있다고 가정하게—을 시기하고, 자기 자신은 모든 말을 부족하게 했다고 여기며, 두려워하고 또한 희망을 품으면서 그의 얼굴을 뚫어지게 바라보게 되지. 그리하여 만약 그가 말한 것 중 무엇이든 깎아내린다면 자네는 파멸하는 것이고, 미소를 지으며 들어준다면 기뻐 날뛰며 희망을 품게 되는 것이라네.