§12εἰκὸς δὲ πολλοὺς εἶναι τοὺς ἐναντία σοι φρονοῦντας καὶ ἄλλους ἀντὶ σοῦ τιθεμένους, ὧν ἕκαστος ὥσπερ ἐκ λόχου τοξεύων λέληθεν.
자네에게 반대하는 생각을 품고 자네 대신 다른 사람을 세우려는 이들이 많은 것은 당연한 일이며, 그들 각자는 마치 복병 속에서 활을 쏘듯 은밀히 숨어서 노리고 있네.
εἶτʼ ἐννόησον ἄνδρα ἐν βαθεῖ πώγωνι καὶ πολιᾷ τῇ κόμῃ ἐξεταζόμενον εἴ τι οἶδεν ὠφέλιμον, καὶ τοῖς μὲν δοκοῦντα εἰδέναι, τοῖς δὲ μή.
그러고 나서 덥수룩한 수염에 희끗희끗한 머리를 한 남자가 무언가 유익한 것을 알고 있는지 시험받는 모습을 상상해 보게. 어떤 이들에게는 아는 것처럼 보이고, 다른 이들에게는 그렇지 않게 보이지 않겠는가.
μέσος ἐν τοσούτῳ χρόνος, καὶ πολυπραγμονεῖταί σου ἅπας ὁ παρεληλυθὼς βίος, κἂν μέν τις ἢ πολίτης ὑπὸ φθόνου ἢ γείτων ἔκ τινος εὐτελοῦς αἰτίας προσκεκρουκὼς ἀνακρινόμενος εἴπῃ μοιχὸν ἢ παιδεραστήν, τοῦτʼ ἐκεῖνο, ἐκ τῶν Διὸς δέλτων ὁ μάρτυς, ἂν δὲ πάντες ἅμα ἑξῆς ἐπαινῶσιν, ὕποπτοι καὶ ἀμφίβολοι καὶ δεδεκασμένοι.
그사이 긴 시간이 흐르고, 자네가 지나온 삶 전체가 샅샅이 조사받게 되네. 그리하여 만약 어떤 시민이 시기심 때문에, 혹은 어떤 이웃이 사소한 이유로 갈등을 빚어 심문을 받던 중 자네를 간통자라거나 남색가라고 부른다면, 바로 그것이네! '제우스의 명부에서 나온 증인'이 나타난 것이지. 하지만 모든 사람이 동시에 연달아 자네를 칭찬한다면, 그들은 의심스럽고 불확실하며 매수된 자들로 여겨지네.
χρὴ τοίνυν πολλὰ εὐτυχῆσαι καὶ μηδὲν ὅλως ἐναντιωθῆναι·
그러므로 수많은 행운이 따라야 하고 전혀 막힘이 없어야 하네.
μόνως γὰρ ἂν οὕτως κρατήσειας.
오직 그렇게 해야만 자네가 승리할 수 있기 때문이네.
Εἶεν·
좋네.
καὶ δὴ εὐτύχηταί σοι πάντα εὐχῆς μειζόνως·
그리고 자네의 바람 이상으로 모든 일이 행운으로 가득 찼다고 가정해 보세.
αὐτός τε γὰρ ἐπῄνεσε τοὺς λόγους καὶ τῶν φίλων οἱ ἐντιμότατοι καὶ οἷς μάλιστα πιστεύει τὰ τοιαῦτα οὐκ ἀπέτρεψαν·
그가 손수 자네의 연설을 칭찬했고, 그의 친구들 중 가장 존경받고 그런 일에 관해 그가 가장 신뢰하는 이들도 만류하지 않았네.
ἔτι δὲ καὶ ἡ γυνὴ βούλεται, οὐκ ἀντιλέγει δὲ οὔτε ὁ ἐπίτροπος οὔτε ὁ οἰκονόμος·
게다가 그의 아내도 원하고 있으며, 관리인이나 집사도 반대하지 않네.
οὐδέ τις ἐμέμψατό σου τὸν βίον, ἀλλὰ πάντα ἵλεω καὶ πανταχόθεν αἴσια τὰ ἱερά.
자네의 행실을 비난한 사람도 없으며, 제물들은 사방에서 온통 자비롭고 길한 징조를 보여주네.
§13κεκράτηκας οὖν, ὦ μακάριε, καὶ ἔστεψαι τὰ Ὀλύμπια, μᾶλλον δὲ Βαβυλῶνα εἴληφας ἢ τὴν Σάρδεων ἀκρόπολιν καθῄρηκας, καὶ ἕξεις τὸ τῆς Ἀμαλθείας κέρας καὶ ἀμέλξεις ὀρνίθων γάλα.
그렇다면 자네는 승리한 것이네, 복된 사람이여. 올림피아의 화관을 쓴 것이나 다름없고, 오히려 바빌론을 차지했거나 사르디스의 성채를 무너뜨린 셈이네. 그리고 아말테이아의 뿔을 손에 쥐고 새의 젖을 짜게 되겠지.
δεῖ δή σοι ἀντὶ τῶν τοσούτων πόνων μέγιστα ἡλίκα γενέσθαι τἀγαθά, ἵνα μὴ φύλλινος μόνον ὁ στέφανος ᾖ, καὶ τόν τε μισθὸν οὐκ εὐκαταφρόνητον ὁρισθῆναι καὶ τοῦτον ἐν καιρῷ τῆς χρείας ἀπραγμόνως ἀποδίδοσθαι καὶ τὴν ἄλλην τιμὴν ὑπὲρ τοὺς πολλοὺς ὑπάρχειν, πόνων δὲ ἐκείνων καὶ πηλοῦ καὶ δρόμων καὶ ἀγρυπνιῶν ἀναπεπαῦσθαι, καὶ τοῦτο δὴ τὸ τῆς εὐχῆς, ἀποτείναντα τὼ πόδε καθεύδειν, μόνα ἐκεῖνα πράττοντα ὧν ἕνεκα τὴν ἀρχὴν παρελήφθης καὶ ὧν ἔμμισθος εἶ.
그토록 많은 노고의 대가로 자네가 얻을 선물이 얼마나 거대해야 하겠는가, 화관이 단지 나뭇잎으로만 된 것이 아니도록 말이네. 그리하여 보수도 얕잡아볼 수 없는 액수로 정해지고, 이것이 필요한 때에 번거로움 없이 지급되며, 그 외의 명예도 대중보다 훨씬 뛰어날 것이며, 저 노고들과 진흙탕, 달리기와 불면으로부터 벗어나 쉬게 되겠지. 그리하여 소원대로 두 발을 뻗고 자면서, 오직 자네가 처음에 고용되고 그 대가로 보수를 받는 일들만을 행하게 될 것이네.
ἐχρῆν μὲν οὕτως, ὦ Τιμόκλεις, καὶ οὐδὲν ἂν ἦν μέγα κακὸν ὑποκύψαντα φέρειν τὸν ζυγὸν ἐλαφρόν τε καὶ εὔφορον καὶ τὸ μέγιστον, ἐπίχρυσον ὄντα.
본래는 이래야 마땅했네, 티모클레스여. 그렇다면 목을 숙여 가볍고 짊어지기 쉬우며, 무엇보다도 금칠을 한 멍에를 메는 것도 그리 큰 재앙은 아니었을 것이네.
ἀλλὰ πολλοῦ, μᾶλλον δὲ τοῦ παντὸς δεῖ·
하지만 실상은 이와 거리가 멀고, 오히려 완전히 딴판이네.
μυρία γάρ ἐστιν ἀφόρητα ἐλευθέρῳ ἀνδρὶ ἐν αὐταῖς ἤδη ταῖς συνουσίαις γιγνόμενα.
왜냐하면 실제 사교 생활 속에서 자유인에게 도저히 참을 수 없는 일들이 수없이 일어나기 때문이네.
σκέψαι δὲ αὐτὸς ἑξῆς ἀκούων, εἴ τις ἂν αὐτὰ ὑπομεῖναι δύναιτο παιδείᾳ κἂν ἐπʼ ἐλάχιστον ὡμιληκώς.
자네가 순서대로 귀를 기울여 들으며, 교육을 아주 조금이라도 접해 본 사람이라면 과연 누가 그것들을 견뎌낼 수 있을지 스스로 생각해 보게나.
§14ἄρξομαι δὲ ἀπὸ τοῦ πρώτου δείπνου, ἢν δοκῇ, ὅ σε εἰκὸς δειπνήσειν τὰ προτέλεια τῆς μελλούσης συνουσίας.
만약 괜찮다면 첫 만찬에서부터 시작하겠네. 자네가 앞으로의 사교 생활의 예비식으로서 먹게 될 만찬이네.
εὐθὺς οὖν πρόσεισιν παραγγέλλων τις ἥκειν ἐπὶ τὸ δεῖπνον, οὐκ ἀνομίλητος οἰκέτης, ὃν χρὴ πρῶτον ἵλεων ποιήσασθαι, παραβύσαντα εἰς τὴν χεῖρα, ὡς μὴ ἀδέξιος εἶναι δοκῇς, τοὐλάχιστον πέντε δραχμάς·
만찬에 참석하라고 알리러 곧장 누군가 다가올 것인데, 사교성 있는 하인이네. 눈치 없는 자로 보이지 않으려면, 그의 손에 최소한 다섯 드라크마를 찔러주어 먼저 그의 마음을 누그러뜨려야 하네.
ὁ δὲ ἀκκισάμενος καί,
ἄπαγε, παρὰ σοῦ δὲ ἐγώ; καί,
Ἡράκλεις, μὴ γένοιτο,
ὑπειπὼν τέλος ἐπείσθη, καὶ ἄπεισί σοι πλατὺ ἐγχανών.
그러면 그는 내숭을 떨면서, "에이 참, 제가 자네에게서 받겠습니까?" 라거나, "헤라클레스시여, 당치도 않습니다" 하고 나지막이 읊조린 끝에 마침내 설득되어, 자네를 향해 입을 크게 벌리고 씩 웃으며 물러갈 것이네.
σὺ δὲ ἐσθῆτα καθαρὰν προχειρισάμενος καὶ σεαυτὸν ὡς κοσμιώτατα σχηματίσας λουσάμενος ἥκεις, δεδιὼς μὴ πρὸ τῶν ἄλλων ἀφίκοιο·
자네는 깨끗한 옷을 마련하고 자신을 최대한 단정하게 꾸민 뒤 목욕을 하고 찾아가는데, 남들보다 먼저 도착할까 봐 조마조마해하네.
ἀπειρόκαλον γάρ, ὥσπερ καὶ τὸ ὕστατον ἥκειν φορτικόν.
너무 일찍 도착하는 것은 무식해 보이고, 가장 늦게 오는 것 또한 무례해 보이기 때문이네.
αὐτὸ οὖν τηρήσας τὸ μέσον τοῦ καιροῦ εἰσελήλυθας, καί σε πάνυ ἐντίμως ἐδέξατο, καὶ παραλαβών τις κατέκλινε μικρὸν ὑπὲρ τοῦ πλουσίου μετὰ δύο που σχεδὸν τῶν παλαιῶν φίλων.
그리하여 자네는 딱 중간쯤의 때를 맞추어 안으로 들어가게 되고, 그는 자네를 아주 정중하게 맞이해 줄 것이네. 그리고 안내인이 다가와 자네를 부유한 주인보다 약간 윗자리, 아마 그의 옛 친구들 두 사람쯤의 바로 옆자리에 앉힐 것이네.