§35τοιαῦτα ἐντρυφῶσι, μᾶλλον δὲ ἐνυβρίζουσι τοῖς συνοῦσι, κατὰ μικρὸν αὐτοὺς χειροήθεις τῇ ὕβρει παρασκευάζοντες.
그들은 동석하는 이들을 그처럼 가지고 놀며, 오히려 모욕하고, 그 모욕에 의해 그들을 점차 길들여 나간다.
οἶδα δʼ ἐγὼ καὶ ῥήτορα τῶν καρχάρων ἐπὶ τῷ δείπνῳ κελευσθέντα μελετήσαντα μὰ τὸν Δίʼ οὐκ ἀπαιδεύτως, ἀλλὰ πάνυ τορῶς καὶ συγκεκροτημένως·
나는 이빨이 날카로운 변론가들 중 한 명이 연회에서 연설을 하도록 명령받고, 제우스를 두고 맹세컨대 무식하지 않게, 참으로 명료하고 짜임새 있게 연설한 것을 알고 있다.
ἐπῃνεῖτο γοῦν μεταξὺ πινόντων οὐ πρὸς ὕδωρ μεμετρημένον, ἀλλὰ πρὸς οἴνου ἀμφορέας λέγων, καὶ τοῦτο ὑποστῆναι τὸ τόλμημα ἐπὶ διακοσίαις δραχμαῖς ἐλέγετο.
어쨌든 그는 물(물시계)에 맞추어 계량된 시간이 아니라, 와인 암포라에 맞추어 말하는 자로서 술을 마시는 사람들 사이에서 칭송받았으며, 이 대담한 시도를 하고 이백 드라크마를 받았다고 전해졌다.
ταῦτα μὲν οὖν ἴσως μέτρια.
이러한 일들은 아마도 온건한 편일 것이다.
ἢν δὲ ποιητικὸς αὐτὸς ἢ συγγραφικὸς ὁ πλούσιος ᾖ, παρὰ τὸ δεῖπνον τὰ αὑτοῦ ῥαψῳδῶν, τότε καὶ μάλιστα διαρραγῆναι χρὴ ἐπαινοῦντα καὶ κολακεύοντα καὶ τρόπους ἐπαίνων καινοτέρους ἐπινοοῦντα.
하지만 만일 그 부자 자신이 시를 쓰거나 글을 짓는 자여서 연회 중에 자신의 작품을 읊는다면, 그때야말로 아첨하고 칭송하며 새로운 칭송의 방법을 고안해 내어, 터져 버릴 정도로 몸을 뒤틀어야 한다.
εἰσὶ δʼ οἳ καὶ ἐπὶ κάλλει θαυμάζεσθαι ἐθέλουσιν, καὶ δεῖ Ἀδώνιδας αὐτοὺς καὶ Ὑακίνθους ἀκούειν, πήχεως ἐνίοτε τὴν ῥῖνα ἔχοντας.
더구나 어떤 이들은 자신의 미모로 찬탄받기를 원하여, 코의 길이가 때로는 한 자(한 페쿠스)나 되는데도 아도니스나 히아킨토스라는 말을 들어야 한다.
σὺ δʼ οὖν ἂν μὴ ἐπαινῇς, εἰς τὰς λιθοτομίας τὰς Διονυσίου εὐθὺς ἀφίξῃ ὡς καὶ φθονῶν καὶ ἐπιβουλεύων αὐτῷ.
만일 자네가 칭송하지 않는다면, 자네는 그를 시기하고 음해하려 했다는 이유로 즉시 디오니시오스의 석광산(감옥)으로 보내질 것이다.
χρὴ δὲ καὶ σοφοὺς καὶ ῥήτορας εἶναι αὐτούς, κἂν εἴ τι σολοικίσαντες τύχωσιν, αὐτὸ τοῦτο τῆς Ἀττικῆς καὶ τοῦ Ὑμηττοῦ μεστοὺς δοκεῖν τοὺς λόγους καὶ νόμον εἶναι τὸ λοιπὸν οὕτω λέγειν.
또한 그들은 현자이자 변론가여야 하며, 설령 그들이 문법적 오류를 범하더라도, 바로 그것이 아티카의 품격과 히메토스의 향기로 가득 찬 말로 여겨져야 하고, 앞으로 그렇게 말하는 것이 규칙이 되어야 한다.
§36καίτοι φορητὰ ἴσως τὰ τῶν ἀνδρῶν.
하지만 남자(주인)들의 일은 아마 견딜 만할 것이다.
αἱ δὲ οὖν γυναῖκες — καὶ γὰρ αὖ καὶ τόδε ὑπὸ τῶν γυναικῶν σπουδάζεται, τὸ εἶναί τινας αὐταῖς πεπαιδευμένους μισθοῦ ὑποτελεῖς συνόντας καὶ τῷ φορείῳ ἑπομένους·
그러나 여인들은 어떤가——여인들 사이에서도 역시, 돈을 주고 자신들을 모실 교양 있는 사람들을 동반하여 가마를 따르게 하는 것이 열심히 추구되기 때문이다.
ἓν γάρ τι καὶ τοῦτο τῶν ἄλλων καλλωπισμάτων αὐταῖς δοκεῖ, ἢν λέγηται ὡς πεπαιδευμέναι τέ εἰσιν καὶ φιλόσοφοι καὶ ποιοῦσιν ᾄσματα οὐ πολὺ τῆς Σαπφοῦς ἀποδέοντα — διὰ δὴ ταῦτα μισθωτοὺς καὶ αὗται περιάγονται ῥήτορας καὶ γραμματικοὺς καὶ φιλοσόφους, ἀκροῶνται δʼ αὐτῶν — πηνίκα;
왜냐하면 그들이 교양 있고 철학적이며 사포에 뒤지지 않는 노래를 짓는다는 평을 듣는다면, 그것이 그 여인들에게는 다른 장신구들 중 하나로 여겨지기 때문이다——바로 이러한 이유로 그녀들 또한 고용된 변론가와 문법학자, 철학자들을 거느리고 다니며, 그들의 강의를 듣는다.
γελοῖον γὰρ καὶ τοῦτο — ἤτοι μεταξὺ κομμούμεναι καὶ τὰς κόμας παραπλεκόμεναι ἢ παρὰ τὸ δεῖπνον·
언제 듣는가? 이것도 우스꽝스러운 일인데——화장을 하고 머리를 땋는 도중이거나, 아니면 연회 중에 듣는다.
ἄλλοτε γὰρ οὐκ ἄγουσι σχολήν.
다른 때에는 한가한 시간이 없기 때문이다.
πολλάκις δὲ καὶ μεταξὺ τοῦ φιλοσόφου τι διεξιόντος ἡ ἅβρα προσελθοῦσα ὤρεξε παρὰ τοῦ μοιχοῦ γραμμάτιον, οἱ δὲ περὶ σωφροσύνης ἐκεῖνοι λόγοι ἑστᾶσι περιμένοντες, ἔστʼ ἂν ἐκείνη ἀντιγράψασα τῷ μοιχῷ ἐπαναδράμῃ πρὸς τὴν ἀκρόασιν.
그리고 종종 철학자가 무언가를 강의하고 있는 도중에도, 시녀가 다가와 정부가 보낸 연서를 건네주면, 저 절제에 관한 고결한 토론은 그녀가 정부에게 답장을 쓰고 다시 강의를 들으러 돌아올 때까지 멈추어 기다려야 한다.
§37ἐπειδὰν δέ ποτε διὰ μακροῦ τοῦ χρόνου Κρονίων ἢ Παναθηναίων ἐπιστάντων πέμπηταί τί σοι ἐφεστρίδιον ἄθλιον ἢ χιτώνιον ὑπόσαθρον, ἐνταῦθα μάλιστα πολλὴν δεῖ καὶ μεγάλην γενέσθαι τὴν πομπήν.
그리고 마침내 오랜 시간이 흘러 크로니아 축제나 파나테나이아 축제가 닥쳤을 때, 가련한 겉옷 한 벌이나 약간 해진 속옷 한 벌이 자네에게 보내진다면, 그때야말로 대단히 성대하고 거창한 행렬이 벌어져야 한다.
καὶ ὁ μὲν πρῶτος εὐθὺς ἔτι σκεπτομένου παρακούσας τοῦ δεσπότου προδραμὼν καὶ προμηνύσας ἀπέρχεται μισθὸν οὐκ ὀλίγον τῆς ἀγγελίας προλαβών.
그리하여 주인이 아직 고민하고 있을 때 그것을 엿들은 첫 번째 하인이 서둘러 달려가 미리 예고를 하고, 그 소식에 대한 적지 않은 대가를 미리 챙겨 떠난다.
ἕωθεν δὲ τρισκαίδεκα ἥκουσιν κομίζοντες, ἕκαστος ὡς πολλὰ εἶπε καὶ ὡς ὑπέμνησε καὶ ὡς ἐπιτραπεὶς τὸ κάλλιον ἐπελέξατο διεξιών.
그리고 아침이 되면 열세 명의 하인들이 그것을 들고 찾아와, 제각기 자신이 얼마나 많이 주선했는지, 어떻게 상기시켰는지, 그리고 위임받아 어떻게 가장 아름다운 것을 골랐는지를 자세히 설명한다.
ἅπαντες δʼ οὖν ἀπαλλάττονται λαβόντες, ἔτι καὶ βρενθυόμενοι ὅτι μὴ πλείω ἔδωκας.
어쨌든 그들은 모두 팁을 받고 떠나면서도, 자네가 더 많이 주지 않은 것에 대해 툴툴거리기까지 한다.
§38ὁ μὲν γὰρ μισθὸς αὐτὸς κατὰ δῠ ὀβολοὺς ἢ τέτταρας, καὶ βαρὺς αἰτῶν σὺ καὶ ὀχληρὸς δοκεῖς.
왜냐하면 급료 자체는 두 오볼이나 네 오볼씩 쪼개어 지급되는데, 그것을 요구하면 자네는 무겁고 성가신 존재로 여겨지기 때문이다.
ἵνα δʼ οὖν λάβῃς, κολακευτέος μὲν αὐτὸς καὶ ἱκετευτέος, θεραπευτέος δὲ καὶ ὁ οἰκονόμος, οὗτος μὲν κατʼ ἄλλον θεραπείας τρόπον·
어쨌든 그것을 받기 위해서는 주인 그 자신을 아첨하고 애원해야 하며, 집사도 비위를 맞춰야 하는데, 이 집사에게는 또 다른 방식의 비위 맞추기가 필요하다.
οὐκ ἀμελητέος δὲ οὐδὲ ὁ σύμβουλος καὶ φίλος.
또한 주인의 조언자와 친구 역시 소홀히 해서는 안 된다.
καὶ τὸ ληφθὲν ἤδη προωφείλετο ἱματιοκαπήλῳ ἢ ἰατρῷ ἢ σκυτοτόμῳ τινί.
그리고 그렇게 받은 돈은 이미 옷장사나 의사, 혹은 제화공에게 빌린 빚으로 미리 나가게 되어 있다.
ἄδωρα οὖν σοι τὰ δῶρα καὶ ἀνόνητα.
그러니 자네에게 선물은 선물이 아니요, 아무런 이득도 없는 것이다.
§39πολὺς δὲ ὁ φθόνος, καί που καὶ διαβολή τις ἠρέμα ὑπεξανίσταται πρὸς ἄνδρα ἤδη τοὺς κατὰ σοῦ λόγους ἡδέως ἐνδεχόμενον·
또한 시기심은 극심하고, 어딘가에서 자네를 향한 모함이 슬며시 일어나, 이제는 자네에 대한 험담을 기꺼이 받아들이는 주인에게로 흘러 들어간다.
ὁρᾷ γὰρ ἤδη σὲ μὲν ὑπὸ τῶν συνεχῶν πόνων ἐκτετρυχωμένον καὶ πρὸς τὴν θεραπείαν σκάζοντα καὶ ἀπηυδηκότα, τὴν ποδάγραν δὲ ὑπανιοῦσαν.
주인은 자네가 끊임없는 노동으로 초췌해지고, 시중을 들 때 절뚝거리며 지쳐버린 것을 보고 있고, 통풍이 은밀히 도지기 시작하는 것을 보기 때문이다.
ὅλως γὰρ ὅπερ ἦν νοστιμώτατον ἐν σοὶ ἀπανθισάμενος καὶ τὸ ἐγκαρπότατον τῆς ἡλικίας καὶ τὸ ἀκμαιότατον τοῦ σώματος ἐπιτρίψας καὶ ῥάκος σε πολυσχιδὲς ἐργασάμενος ἤδη περιβλέπει, σὲ μὲν οἷ τῆς κόπρου ἀπορρίψει φέρων, ἄλλον δὲ ὅπως τῶν δυναμένων τοὺς πόνους καρτερεῖν προσλήψεται.
요컨대 자네 안의 가장 맛있는 즙을 다 빨아먹고, 자네 나이의 가장 실속 있는 시절과 몸의 가장 성한 시절을 소모해 버려 자네를 갈가리 찢어진 누더기로 만들어 놓은 지금, 주인은 딴마음을 품는다. 자네는 거름더미에 던져버리고, 대신 노동을 견뎌낼 수 있는 다른 사람을 어떻게 고용할지 주위를 둘러보는 것이다.
καὶ ἤτοι μειράκιον αὐτοῦ ὅτι ἐπείρασάς ποτε ἢ τῆς γυναικὸς ἅβραν παρθένον γέρων ἀνὴρ διαφθείρεις ἢ ἄλλο τι τοιοῦτον ἐπικληθείς, νύκτωρ ἐγκεκαλυμμένος ἐπὶ τράχηλον ὠσθεὶς ἐξελήλυθας, ἔρημος ἁπάντων καὶ ἄπορος, τὴν βελτίστην ποδάγραν αὐτῷ γήρᾳ παραλαβών, καὶ ἃ μὲν τέως ᾔδεις ἀπομαθὼν ἐν τοσούτῳ χρόνῳ, θυλάκου δὲ μείζω τὴν γαστέρα ἐργασάμενος, ἀπλήρωτόν τι καὶ ἀπαραίτητον κακόν.
그리하여 자네는 그의 어린 미소년을 유혹하려 했다거나, 늙은 몸으로 아내의 정결한 시녀를 망쳐놓았다거나, 혹은 그와 유사한 누명을 쓰고, 밤중에 머리가 덮인 채 목덜미를 잡혀 밀쳐져 쫓겨나게 된다. 모든 것을 잃고 막막한 처지에, 노년과 함께 고귀한 통풍을 고스란히 떠안은 채로 말이다. 그리고 그 오랜 시간 동안 그전까지 알고 있던 지식은 다 잊어버리고, 배만 주머니보다 더 크게 불려 놓았으니, 채울 수 없고 어찌할 수 없는 재앙이다.
καὶ γὰρ ὁ λαιμὸς ἀπαιτεῖ τὰ ἐκ τοῦ ἔθους καὶ ἀπομανθάνων αὐτὰ ἀγανακτεῖ.
왜냐하면 목구멍은 습관이 된 것을 요구하고, 그것을 잃어버리는 것에 분개하기 때문이다.