§40καί σε οὐκ ἄν τις ἄλλος δέξαιτο ἔξωρον ἤδη γεγονότα καὶ τοῖς γεγηρακόσιν ἵπποις ἐοικότα, ὧν οὐδὲ τὸ δέρμα ὁμοίως χρήσιμον.
그리고 이제 한창때가 지나고 늙은 말처럼 되어버린 자네를 다른 어느 누구도 받아주지 않을 것이며, 그러한 늙은 말들은 가죽조차도 전처럼 유용하지 않다.
ἄλλως τε καὶ ἡ ἐκ τοῦ ἀπωσθῆναι διαβολὴ πρὸς τὸ μεῖζον εἰκαζομένη μοιχὸν ἢ φαρμακέα σε ἤ τι τοιοῦτον ἄλλο δοκεῖν ποιεῖ·
더구나 쫓겨남으로써 생기는 모함은 사람들에게 더 나쁜 방향으로 추측되어, 자네를 간통한 자나 독살범, 혹은 그와 유사한 다른 어떤 사람처럼 보이게 만든다.
ὁ μὲν γὰρ κατήγορος καὶ σιωπῶν ἀξιόπιστος, σὺ δὲ Ἕλλην καὶ ῥᾴδιος τὸν τρόπον καὶ πρὸς πᾶσαν ἀδικίαν εὔκολος.
왜냐하면 고발하는 자는 침묵하고 있을지라도 신뢰를 받는 반면, 자네는 그리스인이고 성격이 허술하여 어떤 부당한 일에도 쉽게 영합하는 자로 여겨지기 때문이다.
τοιούτους γὰρ ἅπαντας ἡμᾶς εἶναι οἴονται, καὶ μάλα εἰκότως·
그들은 우리 모두를 그러한 자들로 생각하며, 그것은 매우 당연한 일이다.
δοκῶ γάρ μοι καὶ τῆς τοιαύτης δόξης αὐτῶν, ἣν ἔχουσι περὶ ἡμῶν, κατανενοηκέναι τὴν αἰτίαν.
왜냐하면 그들이 우리에 대해 품고 있는 그러한 평판의 이유를 나 자신도 이해한 것 같기 때문이다.
πολλοὶ γὰρ εἰς τὰς οἰκίας παρελθόντες ὑπὲρ τοῦ μηδὲν ἄλλο χρήσιμον εἰδέναι μαντείας καὶ φαρμακείας ὑπέσχοντο καὶ χάριτας ἐπὶ τοῖς ἐρωτικοῖς καὶ ἐπαγωγὰς τοῖς ἐχθροῖς, καὶ ταῦτα πεπαιδεῦσθαι λέγοντες καὶ τρίβωνας ἀμπεχόμενοι καὶ πώγωνας οὐκ εὐκαταφρονήτους καθειμένοι.
실제로 많은 이들이 집안으로 들어가서, 달리 유용한 지식을 가진 것이 없기 때문에, 스스로 교양 있는 자라 칭하고 철학자의 망토를 걸치고 얕볼 수 없는 수염을 기른 채, 점술이나 독약 제조, 사랑의 묘약, 적들에 대한 저주 등을 약속했다.
εἰκότως οὖν τὴν ὁμοίαν περὶ πάντων ὑπόνοιαν ἔχουσιν, οὓς ἀρίστους ᾤοντο τοιούτους ὁρῶντες, καὶ μάλιστα ἐπιτηροῦντες αὐτῶν τὴν ἐν τοῖς δείπνοις καὶ τῇ ἄλλῃ συνουσίᾳ κολακείαν καὶ τὴν πρὸς τὸ κέρδος δουλοπρέπειαν.
그러므로 그들은 자신들이 가장 훌륭하다고 여겼던 자들이 그러한 모습을 보이는 것을 보고, 또한 특히 연회나 다른 모임에서의 그들의 아첨과 이익에 대한 노예적 태도를 관찰하고서, 당연하게도 모두에 대해 똑같은 의심을 품게 되는 것이다.
§41ἀποσεισάμενοι δὲ αὐτοὺς μισοῦσι, καὶ μάλα εἰκότως, καὶ ἐξ ἅπαντος ζητοῦσιν ὅπως ἄρδην ἀπολέσωσιν, ἢν δύνωνται·
그리고 그들을 털어버린 후에는 그들을 미워하고, 참으로 당연하게도, 할 수만 있다면 아주 뿌리째 파멸시키려고 온갖 수단을 동원한다.
λογίζονται γὰρ ὡς ἐξαγορεύσουσιν αὐτῶν τὰ πολλὰ ἐκεῖνα τῆς φύσεως ἀπόρρητα ὡς ἅπαντα εἰδότες ἀκριβῶς καὶ γυμνοὺς αὐτοὺς ἐπωπτευκότες.
왜냐하면 그들은 자신들의 본성에 깃든 수많은 비밀을 그들이 정확하게 알고 있고, 자신들의 발가벗은 모습을 목격했기 때문에, 모든 것을 폭로해 버릴 것이라고 계산하기 때문이다.
τοῦτο τοίνυν ἀποπνίγει αὐτούς·
바로 이 점이 그들을 숨 막히게 만든다.
ἅπαντες γὰρ ἀκριβῶς ὅμοιοί εἰσιν τοῖς καλλίστοις τούτοις βιβλίοις, ὧν χρυσοῖ μὲν οἱ ὀμφαλοί, πορφυρᾶ δὲ ἔκτοσθεν ἡ διφθέρα, τὰ δὲ ἔνδον ἢ Θυέστης ἐστὶν τῶν τέκνων ἑστιώμενος ἢ Οἰδίπους τῇ μητρὶ συνὼν ἢ Τηρεὺς δύο ἀδελφὰς ἅμα ὀπυίων.
왜냐하면 그들은 모두 겉으로는 책축이 황금이고 가죽 표지가 자주색인 극히 아름다운 책들과 정확히 똑같지만, 그 안에는 자식들을 뜯어먹는 티에스테스나 어머니와 잠자리를 같이하는 오이디푸스, 혹은 두 자매를 동시에 취하는 테레우스가 들어있기 때문이다.
τοιοῦτοι καὶ αὐτοί εἰσι, λαμπροὶ καὶ περίβλεπτοι, ἔνδον δὲ ὑπὸ τῇ πορφύρᾳ πολλὴν τὴν τραγῳδίαν σκέποντες·
그들 자신도 이와 같아서, 겉보기에는 화려하고 선망의 대상이지만, 안으로는 자주색 옷 아래에 수많은 비극을 숨기고 있다.
ἕκαστον γοῦν αὐτῶν ἢν ἐξειλήσῃς, δρᾶμα οὐ μικρὸν εὑρήσεις Εὐριπίδου τινὸς ἢ Σοφοκλέους, τὰ δʼ ἔξω πορφύρα εὐανθὴς καὶ χρυσοῦς ὁ ὀμφαλός.
어쨌든 그들 각자를 풀어헤쳐 본다면, 에우리피데스나 소포클레스의 작지 않은 연극을 발견하겠지만, 겉은 화사한 자주색이고 책축은 황금인 것이다.
ταῦτα οὖν συνεπιστάμενοι αὑτοῖς, μισοῦσι καὶ ἐπιβουλεύουσιν εἴ τις ἀποστὰς ἀκριβῶς κατανενοηκὼς αὐτοὺς ἐκτραγῳδήσει καὶ πρὸς πολλοὺς ἐρεῖ.
그러므로 자신에 대해 이러한 것들을 자각하고 있기에, 떠나간 후에 자신들을 정확히 간파하여 비극으로 폭로하고 많은 이들에게 이야기할 사람이 있다면, 그를 미워하고 음해하려 드는 것이다.
§42βούλομαι δʼ ὅμως ἔγωγε ὥσπερ ὁ Κέβης ἐκεῖνος εἰκόνα τινὰ τοῦ τοιούτου βίου σοι γράψαι, ὅπως εἰς ταύτην ἀποβλέπων εἰδῇς εἴ σοι παριτητέον ἐστὶν εἰς αὐτήν.
하지만 그럼에도 불구하고 나는 저 케베스처럼 그러한 삶의 초상화를 자네에게 그려 보이고 싶다. 자네가 이것을 바라보고 그곳에 들어서야 할지 말아야 할지를 알 수 있도록 말이다.
ἡδέως μὲν οὖν Ἀπελλοῦ τινος ἢ Παρρασίου ἢ Ἀετίωνος ἢ καὶ Εὐφράνορος ἂν ἐδεήθην ἐπὶ τὴν γραφήν· ἐπεὶ δὲ ἄπορον νῦν εὑρεῖν τινα οὕτως γενναῖον καὶ ἀκριβῆ τὴν τέχνην, ψιλὴν ὡς οἷόν τέ σοι ἐπιδείξω τὴν εἰκόνα.
기왕이면 아펠레스나 파라시오스, 아에티온, 혹은 에우프라노르 같은 화가에게 이 그림을 부탁하고 싶었으나, 오늘날 그처럼 기품 있고 그 기술에서 정확한 사람을 찾기란 어려우므로, 가능한 한 있는 그대로의 초상화를 자네에게 보여주겠다.
καὶ δὴ γεγράφθω προπύλαια μὲν ὑψηλὰ καὶ ἐπίχρυσα καὶ μὴ κάτω ἐπὶ τοῦ ἐδάφους, ἀλλʼ ἄνω τῆς γῆς ἐπὶ λόφου κείμενα, καὶ ἡ ἄνοδος ἐπὶ πολὺ καὶ ἀνάντης καὶ ὄλισθον ἔχουσα, ὡς πολλάκις ἤδη πρὸς τῷ ἄκρῳ ἔσεσθαι ἐλπίσαντας ἐκτραχηλισθῆναι διαμαρτόντος τοῦ ποδός.
자, 문들은 높고 황금으로 치장되어 있으며, 지상의 낮은 곳이 아니라 언덕 위의 높은 곳에 위치해 있다고 그리자. 그리고 올라가는 길은 길고 가파르며 미끄러워서, 이미 정상 근처에 이르렀다고 기대했던 많은 이들이 발을 헛디뎌 목이 부러진다.
ἔνδον δὲ ὁ Πλοῦτος αὐτὸς καθήσθω χρυσοῦς ὅλος, ὡς δοκεῖ, πάνυ εὔμορφος καὶ ἐπέραστος.
내부에는 부 자체가, 보기에는 온통 황금으로 되어 있으며 매우 아름답고 매혹적인 모습으로 앉아 있다.
ὁ δὲ ἐραστὴς μόλις ἀνελθὼν καὶ πλησιάσας τῇ θύρᾳ τεθηπέτω ἀφορῶν εἰς τὸ χρυσίον.
그리고 겨우 올라가 문에 다가선 연인은 그 황금을 바라보며 넋을 잃고 서 있다.
παραλαβοῦσα δʼ αὐτὸν ἡ Ἐλπίς, εὐπρόσωπος καὶ αὕτη καὶ ποικίλα ἀμπεχομένη, εἰσαγέτω σφόδρα ἐκπεπληγμένον τῇ εἰσόδῳ.
거기에 역시 고운 얼굴에 화려한 옷을 입은 희망이 그를 맞아들이고, 입구에서 몹시 압도되어 있는 그를 안으로 안내한다.
τοὐντεῦθεν δὲ ἡ μὲν Ἐλπὶς ἀεὶ προηγείσθω, διαδεξάμεναι δʼ αὐτὸν ἄλλαι γυναῖκες, Ἀπάτη καὶ Δουλεία, παραδότωσαν τῷ Πόνῳ, ὁ δὲ πολλὰ τὸν ἄθλιον καταγυμνάσας τελευτῶν ἐγχειρισάτω αὐτὸν τῷ Γήρᾳ ἤδη ὑπονοσοῦντα καὶ τετραμμένον τὴν χρόαν.
그 다음부터는 희망이 늘 앞장서고, 다른 여인들, 즉 기만과 예속이 그를 인계받아 고통에게 넘겨준다. 고통은 이 가련한 자를 혹독하게 단련시킨 후, 결국 이미 병들기 시작하고 안색이 변해버린 그를 노령에게 넘겨준다.
ὑστάτη δὲ ἡ Ὕβρις ἐπιλαβομένη συρέτω πρὸς τὴν Ἀπόγνωσιν.
그리고 마지막으로 오만이 그를 붙잡아 절망으로 끌고 간다.
ἡ δὲ Ἐλπὶς τὸ ἀπὸ τούτου ἀφανὴς ἀποπτέσθω, καὶ μηκέτι καθʼ οὓς εἰσῆλθε τοὺς χρυσοῦς θυρῶνας, ἔκ τινος δὲ ἀποστρόφου καὶ λεληθυίας ἐξόδου ἐξωθείσθω γυμνὸς προγάστωρ ὠχρὸς γέρων, τῇ ἑτέρᾳ μὲν τὴν αἰδῶ σκέπων, τῇ δεξιᾷ δὲ αὐτὸς ἑαυτὸν ἄγχων.
그리하여 희망은 그때부터 모습을 감추고 날아가 버리며, 그는 들어왔던 저 황금 문들이 아니라, 어떤 뒷문이자 은밀한 출구로 알몸에 배가 불룩 튀어나오고 창백한 노인이 되어, 한 손으로는 치부를 가리고 오른손으로는 스스로 목을 조르며 밀려 나간다.
ἀπαντάτω δʼ ἐξιόντι ἡ Μετάνοια δακρύουσα εἰς οὐδὲν ὄφελος καὶ τὸν ἄθλιον ἐπαπολλύουσα.
그리고 나가는 그에게 후회가 눈물을 흘리며 마주하지만, 그것은 아무런 쓸모가 없고 가련한 자를 한층 더 파멸로 몰고 갈 뿐이다.
τοῦτο μὲν ἔστω τὸ τέλος τῆς γραφῆς.
이것을 이 그림의 결말로 삼자.
σὺ δʼ οὖν, ὦ ἄριστε Τιμόκλεις, αὐτὸς ἤδη ἀκριβῶς ἐπισκοπῶν ἕκαστα ἐννόησον, εἴ σοι καλῶς ἔχει παρελθόντα εἰς τὴν εἰκόνα κατὰ ταύτας τὰς θύρας ἐκείνης τῆς ἔμπαλιν αἰσχρῶς οὕτως ἐκπεσεῖν.
어쨌든 훌륭한 티모클레스여, 자네 스스로 이제 각 요소를 정확히 살펴보고, 이 문들을 통해 그 초상화 속으로 들어간 뒤에, 저 반대편에서 이토록 추하게 쫓겨나는 것이 자네에게 좋은 일인지 생각해 보게.
ὅ τι δʼ ἂν πράττῃς, μέμνησο τοῦ σοφοῦ λέγοντος ὡς θεὸς ἀναίτιος, αἰτία δὲ ἑλομένου.
자네가 무엇을 하든, "신은 책임이 없으며, 책임은 선택하는 자에게 있다"라고 말한 현자의 말을 명심하게.