§1καὶ τί σοι πρῶτον, ὦ φιλότης, ἢ τί ὕστατον, φασί, καταλέξω τούτων ἃ πάσχειν ἢ ποιεῖν ἀνάγκη τοὺς ἐπὶ μισθῷ συνόντας κἀν ταῖς τῶν εὐδαιμόνων τούτων φιλίαις ἐξεταζομένους — εἰ χρὴ φιλίαν τὴν τοιαύτην αὐτῶν δουλείαν ἐπονομάζειν;
내 친구여, 사람들이 말하듯이, 급료를 바라고 함께 지내며 이 부유한 자들의 우정 속에서 단련을 받는 자들이 겪거나 해야만 하는 일들에 대해, 내가 그중 어떤 것을 첫째로, 또 어떤 것을 마지막으로 그대에게 늘어놓아야 하겠는가? 만약 그들의 그러한 예속을 우정이라고 불러야 한다면 말일세.
οἶδα γὰρ πολλὰ καὶ σχεδὸν τὰ πλεῖστα τῶν συμβαινόντων αὐτοῖς, οὐκ αὐτὸς μὰ Δία τοῦ τοιούτου πειραθείς, οὐ γὰρ ἐν ἀνάγκῃ μοι ἡ πεῖρα ἐγεγένητο, μηδέ, ὦ θεοί, γένοιτο·
왜냐하면 나는 그들에게 일어나는 많은 일들, 거의 대부분의 일들을 알고 있기 때문이네. 제우스에 맹세코 나 자신이 그러한 일을 겪어보아서가 아니라네. 나에게는 그러한 경험을 할 필요가 없었으며, 신들이시여, 결코 그런 일이 일어나지 않기를 바라네!
ἀλλὰ πολλοὶ τῶν εἰς τὸν βίον τοῦτον ἐμπεπτωκότων ἐξηγόρευον πρός με, οἱ μὲν ἔτι ἐν τῷ κακῷ ὄντες, ἀποδυρόμενοι ὁπόσα καὶ ὁποῖα ἔπασχον, οἱ δὲ ὥσπερ ἐκ δεσμωτηρίου τινὸς ἀποδράντες οὐκ ἀηδῶς μνημονεύοντες ὧν ἐπεπόνθεσαν·
하지만 이 삶에 빠진 많은 이들이 나에게 털어놓았다네. 어떤 이들은 여전히 그 불행 속에 머물면서 자신들이 얼마나 많고 어떤 종류의 일들을 겪었는지를 한탄하며 울부짖었고, 다른 이들은 마치 어떤 감옥에서 탈출한 것처럼 자신들이 겪었던 일을 불쾌하지 않게 회상했다네.
ἀλλὰ γὰρ εὐφραίνοντο ἀναλογιζόμενοι οἵων ἀπηλλάγησαν.
오히려 그들은 자신들이 어떤 것들로부터 벗어났는지를 되새기며 기뻐했지.
ἀξιοπιστότεροι δὲ ἦσαν οὗτοι διὰ πάσης, ὡς εἰπεῖν, τῆς τελετῆς διεξεληλυθότες καὶ πάντα ἐξ ἀρχῆς εἰς τέλος ἐποπτεύσαντες.
그들은, 말하자면 비의의 전체를 통과하고 처음부터 끝까지 모든 것을 목격한 자들이기에 더욱 신뢰할 수 있었다네.
οὐ παρέργως οὖν οὐδὲ ἀμελῶς ἐπήκουον αὐτῶν καθάπερ ναυαγίαν τινὰ καὶ σωτηρίαν αὑτῶν παράλογον διηγουμένων, οἷοί εἰσιν οἱ πρὸς τοῖς ἱεροῖς ἐξυρημένοι τὰς κεφαλὰς συνάμα πολλοὶ τὰς τρικυμίας καὶ ζάλας καὶ ἀκρωτήρια καὶ ἐκβολὰς καὶ ἱστοῦ κλάσεις καὶ πηδαλίων ἀποκαυλίσεις διεξιόντες, ἐπὶ πᾶσι δὲ τοὺς Διοσκούρους ἐπιφαινομένους, — οἰκεῖοι γὰρ τῆς τοιαύτης τραγῳδίας οὗτοί γε — ἤ τινʼ ἄλλον ἐκ μηχανῆς θεὸν ἐπὶ τῷ καρχησίῳ καθεζόμενον ἢ πρὸς τοῖς πηδαλίοις ἑστῶτα καὶ πρός τινα ᾐόνα μαλακὴν ἀπευθύνοντα τὴν ναῦν, οἷ προσενεχθεῖσα ἔμελλεν αὐτὴ μὲν ἠρέμα καὶ κατὰ σχολὴν διαλυθήσεσθαι, αὐτοὶ δὲ ἀσφαλῶς ἀποβήσεσθαι χάριτι καὶ εὐμενείᾳ τοῦ θεοῦ.
그러므로 나는 그들이 자신들의 난파와 뜻밖의 구원에 대해 이야기하는 것을 예사로이 듣지도, 소홀히 듣지도 않았다네. 그것은 마치 신전 근처에서 머리를 깎은 많은 이들이 함께 모여 큰 파도와 폭풍, 곶, 화물 투하, 돛대의 부러짐과 키의 깨짐을 일일이 늘어놓으며, 그 모든 것 위에 디오스쿠로이 형제가 나타났다는 것――그들이야말로 그러한 비극에 걸맞은 이들이니――혹은 다른 어떤 기계 장치의 신이 돛대 가로대에 앉아 있거나 키 옆에 서서 배를 완만한 해안으로 안내하여, 그 배가 그곳에 닿아 조용히 여유롭게 해체되고 자신들은 신의 은혜와 호의로 안전하게 하선하게 될 것이라고 이야기하는 것과 같았다네.
ἐκεῖνοι μὲν οὖν τὰ πολλὰ ταῦτα πρὸς τὴν χρείαν τὴν παραυτίκα ἐπιτραγῳδοῦσιν ὡς παρὰ πλειόνων λαμβάνοιεν, οὐ δυστυχεῖς μόνον ἀλλὰ καὶ θεοφιλεῖς τινες εἶναι δοκοῦντες·
그들은 당장의 필요를 위해 이 많은 일들을 비극적으로 과장하여 이야기하니, 이는 그들이 단지 불행할 뿐만 아니라 신의 사랑을 받는 이들로 보여 더 많은 것을 얻기 위함이라네.
§2οἱ δὲ τοὺς ἐν ταῖς οἰκίαις χειμῶνας καὶ τὰς τρικυμίας καὶ νὴ Δία πεντακυμίας τε καὶ δεκακυμίας, εἰ οἷόν τε εἰπεῖν, διηγούμενοι, καὶ ὡς τὸ πρῶτον εἰσέπλευσαν, γαληνοῦ ὑποφαινομένου τοῦ πελάγους, καὶ ὅσα πράγματα παρὰ τὸν πλοῦν ὅλον ὑπέμειναν ἢ διψῶντες ἢ ναυτιῶντες ἢ ὑπεραντλούμενοι τῇ ἅλμῃ, καὶ τέλος ὡς πρὸς πέτραν τινὰ ὕφαλον ἢ σκόπελον ἀπόκρημνον περιρρήξαντες τὸ δύστηνον σκαφίδιον ἄθλιοι κακῶς ἐξενήξαντο γυμνοὶ καὶ πάντων ἐνδεεῖς τῶν ἀναγκαίων — ἐν δὴ τούτοις καὶ τῇ τούτων διηγήσει ἐδόκουν μοι τὰ πολλὰ οὗτοι ὑπʼ αἰσχύνης ἐπικρύπτεσθαι, καὶ ἑκόντες εἶναι ἐπιλανθάνεσθαι αὐτῶν.
하지만 저택 안에서의 폭풍과 큰 파도, 그리고 제우스에 맹세코, 말하자면 다섯 배, 열 배의 파도를 이야기하는 이들, 그리고 그들이 처음에 바다가 잔잔해 보일 때 어떻게 배를 저어 들어갔는지, 그리고 항해 내내 갈증에 시달리거나 배멀미를 하거나 소금물에 젖으면서 얼마나 많은 고난을 견뎌냈는지, 마침내 그 가련한 소형 선박을 암초나 가파른 바위에 부딪쳐 산산조각 내고는, 가련한 처지에 벌거벗은 채 모든 필요한 것을 결여한 상태로 간신히 헤엄쳐 나왔음을 이야기하는 이들――바로 이 사람들과 그들의 이야기에서, 나는 그들이 수치심 때문에 많은 것을 숨기고 기꺼이 잊으려 한다고 여겼다네.
ἀλλʼ ἔγωγε κἀκεῖνα καὶ εἴ τινʼ ἄλλα ἐκ τοῦ λόγου συντιθεὶς εὑρίσκω προσόντα ταῖς τοιαύταις συνουσίαις, οὐκ ὀκνήσω σοι πάντα, ὦ καλὲ Τιμόκλεις, διεξελθεῖν·
그러나 나는 그러한 일들과, 이 논의를 통해 그러한 교제에 부수된다고 내가 발견한 다른 모든 것들을 결합하여, 나의 아름다운 티모클레스여, 그대에게 모두 이야기해 주기를 주저하지 않겠네.
δοκῶ γάρ μοι ἐκ πολλοῦ ἤδη κατανενοηκέναι σε τούτῳ τῷ βίῳ ἐπιβουλεύοντα,
왜냐하면 그대가 오래전부터 이 삶을 꾀하고 있음을 내가 이미 알아차린 듯하기 때문이네.
§3καὶ πρῶτόν γε ὁπηνίκα περὶ τῶν τοιούτων ὁ λόγος ἐνέπεσεν, εἶτα ἐπῄνεσέ τις τῶν παρόντων τὴν τοιαύτην μισθοφοράν, τρισευδαίμονας εἶναι λέγων οἷς μετὰ τοῦ φίλους ἔχειν τοὺς ἀρίστους Ῥωμαίων καὶ δειπνεῖν δεῖπνα πολυτελῆ καὶ ἀσύμβολα καὶ οἰκεῖν ἐν καλῷ καὶ ἀποδημεῖν μετὰ πάσης ῥᾳστώνης καὶ ἡδονῆς ἐπὶ λευκοῦ ζεύγους, εἰ τύχοι, ἐξυπτιάζοντας, προσέτι καὶ μισθὸν τῆς φιλίας καὶ ὧν εὖ πάσχουσιν τούτων λαμβάνειν οὐκ ὀλίγον ἐστίν· ἀτεχνῶς γὰρ ἄσπορα καὶ ἀνήροτα τοῖς τοιούτοις τὰ πάντα φύεσθαι.
그리고 우선 그러한 일들에 관한 이야기가 나왔을 때, 그 자리에 있던 어떤 이가 그러한 고용살이를 찬양하며, 로마인 중 가장 훌륭한 이들을 친구로 두고 호사스럽고 공짜인 저녁 식사를 하며, 아름다운 곳에 살고, 만약 그렇다면 백마 마차를 타고 극도로 안락하고 쾌락 속에서 누워 여행하는 이들은 삼중으로 행복하며, 게다가 그들의 우정과 자신들이 받는 호의의 보상으로 적지 않은 급료를 받으니, 참으로 그러한 자들에게는 모든 것이 씨 뿌리지도 갈지도 않고 자란다고 말했지.
ὁπότε οὖν ταῦτα καὶ τὰ τοιαῦτα ἤκουες, ἑώρων ὅπως ἐκεχήνεις πρὸς αὐτὰ καὶ πάνυ σφόδρα πρὸς τὸ δέλεαρ ἀναπεπταμένον παρεῖχες τὸ στόμα.
그리하여 그대가 이러한 일들과 그와 유사한 것들을 들었을 때, 그대가 그것을 향해 어떻게 입을 벌리고 미끼를 향해 매우 격렬하게 입을 쫙 벌리고 있었는지를 나는 보았다네.
ὡς οὖν τό γε ἡμέτερον εἰσαῦθίς ποτε ἀναίτιον ᾖ μηδὲ ἔχῃς λέγειν ὡς ὁρῶντές σε τηλικοῦτο μετὰ τῆς καρίδος ἄγκιστρον καταπίνοντα οὐκ ἐπελαβόμεθα οὐδὲ πρὶν ἐμπεσεῖν τῷ λαιμῷ περιεσπάσαμεν οὐδὲ προεδηλώσαμεν, ἀλλὰ περιμείναντες ἐξ ἑλκομένου καὶ ἐμπεπηγότος ἤδη συρόμενον καὶ πρὸς ἀνάγκην ἀγόμενον ὁρᾶν, ὅτʼ οὐδὲν ὄφελος ἑστῶτες ἐπεδακρύομεν·
그러므로 훗날 우리 쪽에 아무런 잘못이 없게 하고, 그대가 '내가 저렇게 큰 낚싯바늘을 새우 미끼와 함께 삼키는 것을 보았으면서도 왜 붙잡아 주지 않았는가, 목구멍에 들어가기 전에 당겨서 빼내지 않았는가, 미리 가리켜 주지 않았는가, 이미 낚여서 박힌 채 강제로 끌려가는 것을 그저 서서 아무 소용없이 눈물만 흘리며 보고 있을 때까지 내버려 두었는가' 하는 말을 하지 못하도록 하려는 것이네.
ὅπως μὴ ταῦτα λέγῃς ποτέ, πάνυ εὔλογα, ἢν λέγηται, καὶ ἄφυκτα ἡμῖν, ὡς οὐκ ἀδικοῦμεν μὴ προμηνύσαντες, ἄκουσον ἐξ ἀρχῆς ἁπάντων, καὶ τὸ δίκτυόν τε αὐτὸ καὶ τῶν κύρτων τὸ ἀδιέξοδον ἔκτοσθεν ἐπὶ σχολῆς, ἀλλὰ μὴ ἔνδοθεν ἐκ τοῦ μυχοῦ προεπισκόπησον, καὶ τοῦ ἀγκίστρου δὲ τὸ ἀγκύλον καὶ τὴν εἰς τὸ ἔμπαλιν τοῦ σκόλοπος ἀναστροφὴν καὶ τῆς τριαίνης τὰς ἀκμὰς εἰς τὰς χεῖρας λαβὼν καὶ πρὸς τὴν γνάθον πεφυσημένην ἀποπειρώμενος, ἢν μὴ πάνυ ὀξέα μηδὲ ἄφυκτα μηδὲ ἀνιαρὰ ἐν τοῖς τραύμασι φαίνηται βιαίως σπῶντα καὶ ἀμάχως ἀντιλαμβανόμενα, ἡμᾶς μὲν ἐν τοῖς δειλοῖς καὶ διὰ τοῦτο πεινῶσιν ἀνάγραφε, σεαυτὸν δὲ παρακαλέσας θαρρεῖν ἐπιχείρει τῇ ἄγρᾳ, εἰ θέλεις, καθάπερ ὁ λάρος ὅλον περιχανὼν τὸ δέλεαρ.
그대가 언젠가 이러한 매우 조리 있고, 듣고 보면 우리에게 피할 수 없는 불만을, 미리 경고하지 않은 우리가 잘못한 것이 아니라고 변명할 수 없도록, 처음부터 모든 것을 들으시게. 그리고 그물 자체와 고기잡이 통발의 출구 없는 구조를, 내부의 깊은 곳이 아니라 외부에서 여유롭게 미리 관찰해 보시게. 또한 낚싯바늘의 굽은 모양과 미늘의 역방향 꺾임, 그리고 삼지창의 날카로운 끝을 손에 쥐고 부풀린 뺨에 대고 시험해 보아, 그것이 상처 속에서 격렬하게 찢어발기며 저항할 수 없이 걸리는, 극도로 날카롭고 피할 수 없으며 고통스러운 것이 아닌지 확인해 보시게. 만약 그것이 날카롭지 않고 피할 수 없지도 않으며 상처 속에서 고통스럽지도 않게 보인다면, 우리를 겁쟁이이며 그래서 굶주리는 자들의 명단에 적어 넣고, 스스로를 격려하여 담대하게, 그대가 원한다면 갈매기가 미끼를 통째로 삼키듯 그 사냥감에 덤벼들어 보시게.