§29Παρρησιάδης
οὐ πάντα μου, ὦ Φιλοσοφία, κατηγόρησε Διογένης, ἀλλὰ τὰ πλείω καὶ ὅσα ἦν χαλεπώτερα οὐκ οἶδα ὅ τι παθὼν παρέλιπεν.
파르레시아데스 철학이여, 디오게네스는 내 죄를 모두 고발한 것이 아닙니다. 오히려 대부분의 일과 더 심각한 일들을 무슨 바람이 불어서인지 생략해 버렸습니다.
ἐγὼ δὲ τοσούτου δέω ἔξαρνος γενέσθαι ὡς οὐκ εἶπον αὐτά, ἢ ἀπολογίαν τινὰ μεμελετηκὼς ἀφῖχθαι, ὥστε καὶ εἴ τινα ἢ αὐτὸς ἀπεσιώπησεν ἢ ἐγὼ μὴ πρότερον ἔφθην εἰρηκώς, νῦν προσθήσειν μοι δοκῶ.
나는 내가 그런 말을 하지 않았다고 부인하는 것이나, 어떤 변명거리를 미리 연습해 와서 여기 도착했다는 것과는 거리가 멀며, 오히려 그가 침묵한 일이나 내가 이전에 미처 말하지 못했던 일이 있다면 이제와서 덧붙여 말하고 싶을 정도입니다.
οὕτως γὰρ ἂν μάθοις οὕστινας ἀπεκήρυττον καὶ κακῶς ἠγόρευον ἀλαζόνας καὶ γόητας ἀποκαλῶν.
그렇게 해야 내가 사기꾼이자 협잡꾼이라 부르며 경매에 넘기고 악평을 퍼부었던 자들이 어떤 자들이었는지 당신도 아시게 될 터이니 말입니다.
καί μοι μόνον τοῦτο παραφυλάττετε, εἰ ἀληθῆ περὶ αὐτῶν ἐρῶ.
그리고 제게는 오직 이 한 가지, 내가 그들에 대해 진실을 말하고 있는지 아닌지만을 유심히 지켜봐 주십시오.
εἰ δέ τι βλάσφημον ἢ τραχὺ φαίνοιτο ἔχων ὁ λόγος, οὐ τὸν διελέγχοντα ἐμέ, ἀλλʼ ἐκείνους ἂν οἶμαι δικαιότερον αἰτιάσαισθε, τοιαῦτα ποιοῦντας.
만약 내 말에 비방이나 거친 구석이 있는 것처럼 보인다면, 그것은 폭로하는 나를 탓할 것이 아니라, 그런 짓을 저지르는 저들을 탓하는 것이 더 공정하다고 생각하실 것입니다.
ἐγὼ γὰρ ἐπειδὴ τάχιστα συνεῖδον ὁπόσα τοῖς ῥητορεύουσιν ἀναγκαῖον τὰ δυσχερῆ προσεῖναι, ἀπάτην καὶ ψεῦδος καὶ θρασύτητα καὶ βοὴν καὶ ὠθισμοὺς καὶ μυρία ἄλλα, ταῦτα μέν, ὥσπερ εἰκὸς ἦν, ἀπέφυγον, ἐπὶ δὲ τὰ σά, ὦ Φιλοσοφία, καλὰ ὁρμήσας ἠξίουν ὁπόσον ἔτι μοι λοιπὸν τοῦ βίου καθάπερ ἐκ ζάλης καὶ κλύδωνος εἰς εὔδιόν τινα λιμένα ἐσπλεύσας ὑπὸ σοὶ σκεπόμενος καταβιῶναι.
왜냐하면 나는 연설을 업으로 삼는 자들에게 기만과 거짓, 뻔뻔함, 고함소리, 밀치기, 그리고 수없이 많은 불쾌한 일들이 필연적으로 따를 수밖에 없음을 깨닫자마자, 당연히 이것들을 피했고, 철학이여, 당신의 아름다운 가르침으로 달려가 폭풍과 큰 파도를 피해 잔잔한 항구로 들어서듯 당신의 비호 아래 남은 인생을 마쳐야겠다고 생각했기 때문입니다.
§30Παρρησιάδης
κἀπειδὴ μόνον παρέκυψα εἰς τὰ ὑμέτερα, σὲ μέν, ὥσπερ ἀναγκαῖον ἦν, καὶ τούσδε ἅπαντας ἐθαύμαζον ἀρίστου βίου νομοθέτας ὄντας καὶ τοῖς ἐπʼ αὐτὸν ἐπειγομένοις χεῖρα ὀρέγοντας, τὰ κάλλιστα καὶ συμφορώτατα παραινοῦντας, εἴ τις μὴ παραβαίνοι αὐτὰ μηδὲ διολισθάνοι, ἀλλʼ ἀτενὲς ἀποβλέπων εἰς τοὺς κανόνας οὓς προτεθείκατε, πρὸς τούτους ῥυθμίζοι καὶ ἀπευθύνοι τὸν ἑαυτοῦ βίον, ὅπερ νὴ Δία καὶ τῶν καθʼ ὑμᾶς αὐτοὺς ὀλίγοι ποιοῦσιν.
파르레시아데스 그리고 내가 당신들의 영역을 아주 잠깐 엿보았을 때, 당연히 당신을, 그리고 여기 있는 모든 이들을 가장 훌륭한 삶의 입법자이자 그 삶으로 달려가는 이들에게 손을 내밀어 주며 가장 아름답고 유익한 것들을 권해 주는 이들로 우러러보았습니다. 그것은 사람들이 그것을 어기지 않고 길을 벗어나지 않으며, 당신들이 제시한 기준들을 똑바로 바라보며 그것들에 맞추어 자신의 삶을 조율하고 바로잡는다면 그러하겠지만, 제우스에 맹세코 당신들의 추종자들 중에서조차 그렇게 하는 이는 극히 드뭅니다.
§31Παρρησιάδης
ὁρῶν δὲ πολλοὺς οὐκ ἔρωτι φιλοσοφίας ἐχομένους ἀλλὰ δόξης μόνον τῆς ἀπὸ τοῦ πράγματος ἐφιεμένους, καὶ τὰ μὲν πρόχειρα ταῦτα καὶ δημόσια καὶ ὁπόσα παντὶ μιμεῖσθαι ῥᾴδιον εὖ μάλα ἐοικότας ἀγαθοῖς ἀνδράσι, τὸ γένειον λέγω καὶ τὸ βάδισμα καὶ τὴν ἀναβολήν, ἐπὶ δὲ τοῦ βίου καὶ τῶν πραγμάτων ἀντιφθεγγομένους τῷ σχήματι καὶ τἀναντία ὑμῖν ἐπιτηδεύοντας καὶ διαφθείροντας τὸ ἀξίωμα τῆς ὑποσχέσεως, ἠγανάκτουν, καὶ τὸ πρᾶγμα ὅμοιον ἐδόκει μοι καθάπερ ἂν εἴ τις ὑποκριτὴς τραγῳδίας μαλθακὸς αὐτὸς ὢν καὶ γυναικεῖος Ἀχιλλέα ἢ Θησέα ἢ καὶ τὸν Ἡρακλέα ὑποκρίνοιτο αὐτὸν μήτε βαδίζων μήτε βοῶν ἡρωϊκόν, ἀλλὰ θρυπτόμενος ὑπὸ τηλικούτῳ προσωπείῳ, ὃν οὐδʼ ἂν ἡ Ἑλένη ποτὲ ἢ Πολυξένη ἀνάσχοιντο πέρα τοῦ μετρίου αὐταῖς προσεοικότα, οὐχ ὅπως ὁ Ἡρακλῆς ὁ Καλλίνικος, ἀλλά μοι δοκεῖ τάχιστʼ ἂν ἐπιτρῖψαι τῷ ῥοπάλῳ παίων τοῦτον αὐτόν τε καὶ τὸ προσωπεῖον, οὕτως ἀτίμως κατατεθηλυμμένος πρὸς αὐτοῦ.
파르레시아데스 하지만 많은 이들이 철학에 대한 사랑에 사로잡혀서가 아니라 오직 그 일로 얻는 명성만을 갈망하고 있으며, 누구나 쉽게 모방할 수 있는 턱수염이나 걸음걸이, 망토를 걸치는 법 같은 손쉽고 대중적인 면에서는 훌륭한 사람을 쏙 빼닮았으나, 실제 삶과 행실에서는 그 겉모습과 모순되고 당신들의 가르침에 반하는 짓을 일삼으며 자신들의 서약의 존엄을 무너뜨리는 것을 보고 나는 분개하였습니다. 그 모습은 마치 어떤 비극 배우가 자신은 나약하고 여성스러우면서도 아킬레우스나 테세우스, 혹은 헤라클레스 본인을 연기하느라 영웅다운 걸음걸이도 고함소리도 내지 못하고 그 거대한 가면 밑에서 엄살을 부리는 것과 같아 보였습니다. 그런 자는 헬레네나 폴뤽세네조차 자신들과 너무 닮았다는 이유로 도저히 참아주지 못할 터인데, 하물며 승리자 헤라클레스는 말할 것도 없이, 그 자에 의해 이토록 불명예스럽게 여성화된 것에 분노하여 몽둥이로 그 자와 가면을 단숨에 쳐서 박살 내 버릴 것이라 생각됩니다.
§32Παρρησιάδης
τοιαῦτα καὶ αὐτὸς ὑμᾶς πάσχοντας ὑπʼ ἐκείνων ὁρῶν οὐκ ἤνεγκα τὴν αἰσχύνην τῆς ὑποκρίσεως, εἰ πίθηκοι ὄντες ἐτόλμησαν ἡρώων προσωπεῖα περιθέσθαι ἢ τὸν ἐν Κύμῃ ὄνον μιμήσασθαι, ὃς λεοντῆν περιβαλόμενος ἠξίου λέων αὐτὸς εἶναι, πρὸς ἀγνοοῦντας τοὺς Κυμαίους ὀγκώμενος μάλα τραχὺ καὶ καταπληκτικόν, ἄχρι δή τις αὐτὸν ξένος καὶ λέοντα ἰδὼν καὶ ὄνον πολλάκις ἤλεγξε καὶ ἀπεδίωξε παίων τοῖς ξύλοις.
파르레시아데스 그들에 의해 당신들이 이러한 수모를 당하는 것을 나 역시 목격하고 이 위선의 수치심을 견딜 수 없었습니다. 그들이 원숭이 주제에 감히 영웅의 가면을 쓰려 하거나, 퀴메의 당나귀를 흉내 내려 했으니 말입니다. 그 당나귀는 사자 가죽을 두르고 자신이 사자라고 주장하며, 사정을 모르는 퀴메 사람들에게 매우 거칠고 무시무시하게 울어댔으나, 결국 사자와 당나귀를 둘 다 자주 보았던 한 이방인에게 탄로 나 몽둥이로 얻어맞고 쫓겨났습니다.
Ὃ δὲ μάλιστά μοι δεινόν, ὦ Φιλοσοφία, κατεφαίνετο, τοῦτο ἦν·
그리고 철학이여, 내게 가장 끔찍하게 여겨진 일은 이것이었습니다.
οἱ γὰρ ἄνθρωποι εἴ τινα τούτων ἑώρων πονηρὸν ἢ ἄσχημον ἢ ἀσελγές τι ἐπιτηδεύοντα, οὐκ ἔστιν ὅστις οὐ Φιλοσοφίαν αὐτὴν ᾐτιᾶτο καὶ τὸν Χρύσιππον εὐθὺς ἢ Πλάτωνα ἢ Πυθαγόραν ἢ ὅτου ἐπώνυμον αὑτὸν ὁ διαμαρτάνων ἐκεῖνος ἐποιεῖτο καὶ οὗ τοὺς λόγους ἐμιμεῖτο·
만약 사람들이 이들 중 누군가가 악하고 사나우며 방종한 짓을 일삼는 것을 본다면, 철학 그 자체를 비난하고, 즉시 크리시포스나 플라톤, 피타고라스, 혹은 저 탈선한 자가 누구의 이름을 도용하고 누구의 가르침을 흉내 냈던 간에 그 사람을 탓하지 않는 자가 없었던 것입니다.
καὶ ἀπὸ τοῦ κακῶς βιοῦντος πονηρὰ περὶ ὑμῶν εἴκαζον τῶν πρὸ πολλοῦ τεθνηκότων·
그리고 악하게 살아가는 자 때문에, 오래전에 세상을 떠난 당신들에 대해 사람들은 나쁜 추측을 하였습니다.
οὐ γὰρ παρὰ ζῶντας ὑμᾶς ἡ ἐξέτασις αὐτοῦ ἐγίγνετο, ἀλλʼ ὑμεῖς μὲν ἐκποδών, ἐκεῖνον δὲ ἑώρων σαφῶς ἅπαντες δεινὰ καὶ ἄσεμνα ἐπιτηδεύοντα, ὥστε ἐρήμην ἡλίσκεσθε μετʼ αὐτοῦ καὶ ἐπὶ τὴν ὁμοίαν διαβολὴν συγκατεσπᾶσθε.
그에 대한 심판은 살아 있는 당신들 앞에서 이루어진 것이 아니라, 당신들은 세상을 떠나 계셨고 모두가 그의 끔찍하고 불손한 행동을 똑똑히 보고 있었기 때문에, 당신들은 그와 함께 결석재판으로 패소하여 똑같은 비방 속으로 함께 끌려 내려간 셈입니다.