§15Ἑρμῆς
καὶ τὰ μὲν τούτων ὧδε ἕξει.
헤르메스 그리고 이들의 처지는 이와 같을 것이네.
τὴν δὲ πληθὺν ὁρᾷς, ὦ Χάρων, τοὺς πλέοντας αὐτῶν, τοὺς πολεμοῦντας, τοὺς δικαζομένους, τοὺς γεωργοῦντας, τοὺς δανείζοντας, τοὺς προσαιτοῦντας;
하지만 카론이여, 자네는 저 군중, 즉 항해하는 자들, 전쟁하는 자들, 재판하는 자들, 농사짓는 자들, 돈을 빌려주는 자들, 구걸하는 자들이 보이는가?
Χάρων
ὁρῶ ποικίλην τινὰ τὴν διατριβὴν καὶ μεστὸν ταραχῆς τὸν βίον καὶ τὰς πόλεις γε αὐτῶν ἐοικυίας τοῖς σμήνεσιν, ἐν οἷς ἅπας μὲν ἴδιόν τι κέντρον ἔχει καὶ τὸν πλησίον κεντεῖ, ὀλίγοι δέ τινες ὥσπερ σφῆκες ἄγουσι καὶ φέρουσι τὸ ὑποδεέστερον.
카론 다양한 활동들이 보이고 혼란으로 가득 찬 삶이 보이며, 그들의 도시 역시 마치 벌집 같아 보여서, 그 안에서는 누구나 저마다 독침을 가지고 이웃을 찌르고 있으며, 말벌 같은 소수의 자들이 더 약한 자들을 약탈하고 있구려.
ὁ δὲ περιπετόμενος αὐτοὺς ἐκ τἀφανοῦς οὗτος ὄχλος τίνες εἰσίν;
그런데 그들 주변을 남몰래 날아다니는 이 군중은 누구인가요?
Ἑρμῆς
ἐλπίδες, ὦ Χάρων, καὶ δείματα καὶ ἄγνοιαι καὶ ἡδοναὶ καὶ φιλαργυρίαι καὶ ὀργαὶ καὶ μίση καὶ τὰ τοιαῦτα.
헤르메스 희망들일세, 카론이여, 그리고 두려움과 무지와 쾌락과 탐욕과 분노와 증오, 그리고 그와 같은 것들이라네.
τούτων δὲ ἡ ἄγνοια μὲν κάτω συναναμέμικται αὐτοῖς καὶ συμπολιτεύεται, καὶ νὴ Δία καὶ τὸ μῖσος καὶ ὀργὴ καὶ ζηλοτυπία καὶ ἀμαθία καὶ ἀπορία καὶ φιλαργυρία, ὁ φόβος δὲ καὶ αἱ ἐλπίδες ὑπεράνω πετόμενοι ὁ μὲν ἐμπίπτων ἐκπλήττει ἐνίοτε καὶ ὑποπτήσσειν ποιεῖ, αἱ δʼ ἐλπίδες ὑπὲρ κεφαλῆς αἰωρούμεναι, ὁπόταν μάλιστα οἴηταί τις ἐπιλήψεσθαι αὐτῶν, ἀναπτάμεναι οἴχονται κεχηνότας αὐτοὺς ἀπολιποῦσαι, ὅπερ καὶ τὸν Τάνταλον κάτω πάσχοντα ὁρᾷς ὑπὸ τοῦ ὕδατος.
이들 중 무지는 아래에서 그들과 뒤섞여 함께 시민 생활을 하고 있으며, 제우스에 맹세코 증오와 분노와 질투와 무식과 궁핍과 탐욕도 마찬가지라네. 한편 두려움과 희망들은 위에서 날아다는데, 전자는 때때로 내려앉아 그들을 놀라게 하고 기죽게 만들며, 희망들은 머리 위에 떠돌다가 누군가가 그것을 가장 붙잡았다고 생각할 때 날아가 버려 그들을 멍하니 입을 벌린 채 남겨둔다네. 이는 아래에서 탄탈로스가 물 때문에 겪고 있는 고통을 자네가 보고 있는 것과 정확히 같다네.
§16Ἑρμῆς
ἢν δὲ ἀτενίσῃς, κατόψει καὶ τὰς Μοίρας ἄνω ἐπικλωθούσας ἑκάστῳ τὸν ἄτρακτον, ἀφʼ οὗ ἠρτῆσθαι συμβέβηκεν ἅπαντας ἐκ λεπτῶν νημάτων.
헤르메스 그리고 만약 눈을 부릅뜨고 본다면, 위에서 모이라이들이 각자에게 실타래를 잣고 있는 것도 보게 될 것이네. 거기서부터 가는 실에 의해 모든 이들이 매달려 있게 되었다네.
ὁρᾷς καθάπερ ἀράχνιά τινα καταβαίνοντα ἐφʼ ἕκαστον ἀπὸ τῶν ἀτράκτων;
물레에서 각자에게 거미줄 같은 것이 내려오고 있는 것이 보이는가?
Χάρων
ὁρῶ πάνυ λεπτὸν ἑκάστῳ νῆμα, ἐπιπεπλεγμένον γε τὰ πολλά, τοῦτο μὲν ἐκείνῳ, ἐκεῖνο δὲ ἄλλῳ.
카론 각자에게 매우 가는 실이 보이는데, 대부분은 서로 얽혀서 이것은 저것에, 저것은 다른 것에 이어져 있구려.
Ἑρμῆς
εἰκότως, ὦ πορθμεῦ·
헤르메스 당연한 일이네, 사공이여.
εἵμαρται γὰρ ἐκείνῳ μὲν ὑπὸ τούτου φονευθῆναι, τούτῳ δὲ ὑπʼ ἄλλου, καὶ κληρονομῆσαί γε τοῦτον μὲν ἐκείνου, ὅτου ἂν ᾖ μικρότερον τὸ νῆμα, ἐκεῖνον δὲ αὖ τούτου·
왜냐하면 저 자는 이 자에게 죽임을 당하고, 이 자는 다른 자에게 죽임을 당하며, 또한 실이 더 짧은 자의 재산은 이 자가 상속받고, 저 자는 다시 이 자의 재산을 상속받기로 정해져 있기 때문일세.
τοιόνδε γάρ τι ἡ ἐπιπλοκὴ δηλοῖ.
이 얽힘은 그러한 일을 나타내 준다네.
ὁρᾷς δʼ οὖν ἀπὸ λεπτοῦ κρεμαμένους ἅπαντας·
어쨌든 자네는 모두가 가는 실에 매달려 있는 것을 보고 있네.
καὶ οὗτος μὲν ἀνασπασθεὶς ἄνω μετέωρός ἐστι καὶ μετὰ μικρὸν καταπεσών, ἀπορραγέντος τοῦ λίνου ἐπειδὰν μηκέτι ἀντέχῃ πρὸς τὸ βάρος, μέγαν τὸν ψόφον ἐργάσεται, οὗτος δὲ ὀλίγον ἀπὸ γῆς αἰωρούμενος, ἢν καὶ πέσῃ, ἀψοφητὶ κείσεται, μόλις καὶ τοῖς γείτοσιν ἐξακουσθέντος τοῦ πτώματος.
그리하여 이 자는 위로 끌려 올려져 공중에 떠 있다가 조금 뒤에 떨어지는데, 무게를 더 이상 견디지 못해 실이 끊어질 때 큰 소리를 낼 것이며, 저 자는 땅에서 조금 떠 있다가 떨어지더라도 소리 없이 누울 것이라네, 그 추락은 이웃들에게도 거의 들리지 않을 정도일세.
Χάρων
παγγέλοια ταῦτα, ὦ Ἑρμῆ.
카론 이것은 참으로 우스꽝스럽군요, 헤르메스여.
§17Ἑρμῆς
καὶ μὴν οὐδʼ εἰπεῖν ἔχοις ἂν κατὰ τὴν ἀξίαν ὅπως ἐστὶ καταγέλαστα, ὦ Χάρων, καὶ μάλιστα αἱ ἄγαν σπουδαὶ αὐτῶν καὶ τὸ μεταξὺ τῶν ἐλπίδων οἴχεσθαι ἀναρπάστους γινομένους ὑπὸ τοῦ βελτίστου Θανάτου.
헤르메스 정말이지, 카론이여, 자네는 그들이 얼마나 우스꽝스러운지 그 가치에 맞게 말할 수도 없을 것이네. 특히 그들의 지나친 열성과, 희망들의 한가운데에서 가장 훌륭한 '죽음'에게 붙잡혀 가 사라져 버리는 것 말일세.
ἄγγελοι δὲ καὶ ὑπηρέται αὐτοῦ μάλα πολλοί, ὡς ὁρᾷς, ἠπίαλοι καὶ πυρετοὶ καὶ φθόαι καὶ περιπλευμονίαι καὶ ξίφη καὶ λῃστήρια καὶ κώνεια καὶ δικασταὶ καὶ τύραννοι·
자네가 보듯이 죽음의 사자들과 하수인들은 매우 많으니, 오한과 열병과 폐결핵과 폐렴과 칼과 강도 떼와 독미나리와 재판관들과 참주들이라네.
καὶ τούτων οὐδὲν ὅλως αὐτοὺς εἰσέρχεται, ἔστʼ ἂν εὖ πράττωσιν, ὅταν δὲ σφαλῶσι, πολὺ τὸ ὀττοτοῖ καὶ αἰαῖ καὶ οἴμοι.
그들은 일이 잘 풀릴 때는 이것들을 전혀 마음에 두지 않다가, 실패할 때에는 많은 '오토토이' 와 '아이아이'와 '오이모이'의 비탄이 터져 나온다네.
εἰ δὲ εὐθὺς ἐξ ἀρχῆς ἐνενόουν ὅτι θνητοί τέ εἰσιν αὐτοὶ καὶ ὀλίγον τοῦτον χρόνον ἐπιδημήσαντες τῷ βίῳ ἀπίασιν ὥσπερ ἐξ ὀνείρατος πάντα ὑπὲρ γῆς ἀφέντες, ἔζων τε ἂν σωφρονέστερον καὶ ἧττον ἠνιῶντο ἀποθανόντες·
하지만 만약 그들이 처음부터 자신들이 필멸의 존재이며, 이 삶에 아주 짧은 시간 머물다가 마치 꿈에서 깨어나듯 지상의 모든 것을 뒤에 남겨두고 떠난다는 것을 염두에 두었더라면, 더 절제하며 살았을 것이고 죽을 때도 덜 괴로워했을 것이네.
νῦν δὲ εἰς ἀεὶ ἐλπίσαντες χρήσεσθαι τοῖς παροῦσιν, ἐπειδὰν ἐπιστὰς ὁ ὑπηρέτης καλῇ καὶ ἀπάγῃ πεδήσας τῷ πυρετῷ ἢ τῇ φθόῃ, ἀγανακτοῦσι πρὸς τὴν ἀγωγὴν οὔποτε προσδοκήσαντες ἀποσπασθήσεσθαι αὐτῶν.
하지만 지금은 현재 가진 것들을 영원히 누릴 것으로 희망하다가, 하수인이 나타나 불러서 열병이나 폐결핵으로 묶어 끌고 갈 때, 결코 그것들로부터 뜯겨 나갈 줄은 예상하지 못했기에 그 끌려감에 분개하는 것이라네.
ἢ τί γὰρ οὐκ ἂν ποιήσειεν ἐκεῖνος ὁ τὴν οἰκίαν σπουδῇ οἰκοδομούμενος καὶ τοὺς ἐργάτας ἐπισπέρχων, εἰ μάθοι ὅτι ἡ μὲν ἕξει τέλος αὐτῷ, ὁ δὲ ἄρτι ἐπιθεὶς τὸν ὄροφον ἄπεισι τῷ κληρονόμῳ καταλιπὼν ἀπολαύειν αὐτῆς, αὐτὸς μηδὲ δειπνήσας ἅθλιος ἐν αὐτῇ;
실제로, 열심히 집을 지으며 일꾼들을 재촉하고 있는 저 자가, 집은 완공을 보겠지만 방금 지붕을 얹은 자신은 떠나가 상속인에게 그것을 누리도록 남겨두게 될 것이며, 가련한 자신은 그 안에서 저녁 한 끼조차 먹지 못한다는 것을 알게 된다면, 대체 무슨 짓인들 하지 않겠는가?
ἐκεῖνος μὲν γὰρ ὁ χαίρων ὅτι ἄρρενα παῖδα τέτοκεν αὐτῷ ἡ γυνή, καὶ τοὺς φίλους διὰ τοῦτο ἑστιῶν καὶ τοὔνομα τοῦ πατρὸς τιθέμενος, εἰ ἠπίστατο ὡς ἑπτέτης γενόμενος ὁ παῖς τεθνήξεται, ἆρα ἄν σοι δοκεῖ χαίρειν ἐπʼ αὐτῷ γεννωμένῳ;
또한 아내가 아들을 낳았다고 기뻐하며 그 때문에 친구들을 대접하고 아버지의 이름을 붙여 주고 있는 저 자가, 만약 그 아이가 일곱 살이 되면 죽을 것임을 알고 있었다면, 그 아이가 태어났을 때 기뻐했겠는가?
ἀλλὰ τὸ αἴτιον, ὅτι τὸν μὲν εὐτυχοῦντα ἐπὶ τῷ παιδὶ ἐκεῖνον ὁρᾷ τὸν τοῦ ἀθλητοῦ πατέρα τοῦ Ὀλύμπια νενικηκότος, τὸν γείτονα δὲ τὸν ἐκκομίζοντα τὸ παιδίον οὐχ ὁρᾷ οὐδὲ οἶδεν ἀφʼ οἵας αὐτῷ κρόκης ἐκρέματο.
하지만 그 원인은, 그가 올림피아에서 우승한 운동선수의 아버지인 저 행운아를 바라보면서도, 아이의 시신을 실어 나가는 이웃은 보지 못하며, 또한 자기 자신이 어떤 실에 매달려 있는지를 알지 못하기 때문일세.
τοὺς μὲν γὰρ περὶ τῶν ὅρων διαφερομένους ὁρᾷς, ὅσοι εἰσί, καὶ τοὺς συναγείροντας τὰ χρήματα, εἶτα, πρὶν ἀπολαῦσαι αὐτῶν, καλουμένους ὑφʼ ὧν εἶπον τῶν ἀγγέλων τε καὶ ὑπηρετῶν.
자네는 경계선에 대해 다투고 있는 자들이 얼마나 많은지, 그리고 재물을 모으고 있는 자들을 보고 있지만, 그들은 그 재물을 누리기도 전에 내가 말한 사자들과 하수인들에게 불려 간다네.