§1.21τοιαύτη μὲν ἡ εἰρήνη ἐγένετο·
이러한 방식으로 평화가 체결되었다.
εὐθὺς δὲ τὸ τεῖχος καθῃρεῖτο καὶ ἡμᾶς τοὺς αἰχμαλώτους ἀπέδοσαν.
그리고 즉시 장벽은 철거되었고 우리 포로들은 송환되었다.
ἐπεὶ δὲ ἀφικόμεθα ἐς τὴν σελήνην, ὑπηντίαζον ἡμᾶς καὶ ἠσπάζοντο μετὰ δακρύων οἵ τε ἑταῖροι καὶ ὁ Ἐνδυμίων αὐτός.
우리가 달에 도착하자, 동료들과 엔디미온 자신이 눈물을 흘리며 우리를 맞이하고 포옹해 주었다.
καὶ ὁ μὲν ἠξίου με μεῖναί τε παρʼ αὐτῷ καὶ κοινωνεῖν τῆς ἀποικίας, ὑπισχνούμενος δώσειν πρὸς γάμον τὸν ἑαυτοῦ παῖδα·
그리고 그는 나에게 자신과 함께 머물며 식민지 건설에 동참할 것을 권했고, 자신의 아이를 아내로 주겠다고 약속했다.
γυναῖκες γὰρ οὐκ εἰσὶ παρʼ αὐτοῖς.
그들 사이에는 여자가 없기 때문이다.
ἐγὼ δὲ οὐδαμῶς ἐπειθόμην, ἀλλʼ ἠξίουν ἀποπεμφθῆναι κάτω ἐς τὴν θάλατταν.
그러나 나는 결코 설득되지 않았고, 아래쪽 바다로 보내 달라고 요청했다.
ὡς δὲ ἔγνω ἀδύνατον ὂν πείθειν, ἀποπέμπει ἡμᾶς ἑστιάσας ἑπτὰ ἡμέρας.
설득하는 것이 불가능함을 알게 되자, 그는 우리를 이레 동안 대접한 후에 보내 주었다.
§1.22ἃ δὲ ἐν τῷ μεταξὺ διατρίβων ἐν τῇ σελήνῃ κατενόησα καινὰ καὶ παράδοξα, ταῦτα βούλομαι εἰπεῖν.
한편, 그동안 달에 머물면서 내가 관찰한 새롭고도 기이한 일들을 말하고자 한다.
πρῶτα μὲν τὸ μὴ ἐκ γυναικῶν γεννᾶσθαι αὐτούς, ἀλλʼ ἀπὸ τῶν ἀρρένων·
첫째로, 그들은 여자에게서 태어나는 것이 아니라 남성에게서 태어난다는 점이다.
γάμοις γὰρ τοῖς ἄρρεσι χρῶνται καὶ οὐδὲ ὄνομα γυναικὸς ὅλως ἴσασι.
그들은 남성들끼리 결혼하며 '여자'라는 단어조차 아예 알지 못하기 때문이다.
μέχρι μὲν οὖν πέντε καὶ εἴκοσι ἐτῶν γαμεῖται ἕκαστος, ἀπὸ δὲ τούτων γαμεῖ αὐτός·
따라서 각각 스물다섯 살까지는 아내가 되고, 그 이후부터는 스스로 남편이 된다.
κύουσι δὲ οὐκ ἐν τῇ νηδύϊ, ἀλλʼ ἐν ταῖς γαστροκνημίαις·
그리고 그들은 자궁 속이 아니라 종아리에 아이를 밴다.
ἐπειδὰν γὰρ συλλάβῃ τὸ ἔμβρυον, παχύνεται ἡ κνήμη, καὶ χρόνῳ ὕστερον ἀνατεμόντες ἐξάγουσι νεκρά, θέντες δὲ αὐτὰ πρὸς τὸν ἄνεμον κεχηνότα ζῳοποιοῦσιν.
배아가 들어서면 종아리가 굵어지고, 얼마 뒤에 그곳을 절개하여 생명 없는 상태의 아이를 꺼낸 다음, 바람을 향해 입을 벌린 채로 둠으로써 생명을 불어넣는다.
δοκεῖ δέ μοι καὶ ἐς τοὺς Ἕλληνας ἐκεῖθεν ἥκειν τῆς γαστροκνημίας τοὔνομα, ὅτι παρʼ ἐκείνοις ἀντὶ γαστρὸς κυοφορεῖ.
나에게는 종아리를 뜻하는 '가스트로크네미아'라는 이름이 그리스인들에게도 그곳으로부터 유래한 것으로 보이는데, 저들에게는 자궁 대신 종아리가 아이를 배기 때문이다.
μεῖζον δὲ τούτου ἄλλο διηγήσομαι.
그러나 이보다 더 엄청난 다른 일을 이야기하겠다.
γένος ἐστὶ παρʼ αὐτοῖς ἀνθρώπων οἱ καλούμενοι Δενδρῖται, γίνεται δὲ τὸν τρόπον τοῦτον.
그들 중에는 '덴드리타이'라고 불리는 인간 종족이 있는데, 다음과 같은 방식으로 생겨난다.
ὄρχιν ἀνθρώπου τὸν δεξιὸν ἀποτεμόντες ἐν γῇ φυτεύουσιν, ἐκ δὲ αὐτοῦ δένδρον ἀναφύεται μέγιστον, σάρκινον, οἷον φαλλός·
남성의 오른쪽 고환을 잘라내어 땅에 심으면, 그곳으로부터 남근 모양의 고기로 된 아주 거대한 나무가 자란다.
ἔχει δὲ καὶ κλάδους καὶ φύλλα· ὁ δὲ καρπός ἐστι βάλανοι πηχυαῖοι τὸ μέγεθος.
그것은 가지와 잎도 가지고 있으며, 그 열매는 크기가 한 규빗이나 되는 도토리이다.
ἐπειδὰν οὖν πεπανθῶσιν, τρυγήσαντες αὐτὰς ἐκκολάπτουσι τοὺς ἀνθρώπους.
그리하여 그것들이 익으면, 열매를 수확하여 그 안에서 인간들을 부화시킨다.
αἰδοῖα μέντοι πρόσθετα ἔχουσιν, οἱ μὲν ἐλεφάντινα, οἱ δὲ πένητες αὐτῶν ξύλινα, καὶ διὰ τούτων ὀχεύουσι καὶ πλησιάζουσι τοῖς γαμέταις τοῖς ἑαυτῶν.
다만 그들은 인공 성기를 달고 있는데, 어떤 이들은 상아로 된 것을, 그들 중 가난한 이들은 나무로 된 것을 가지고 있으며, 이것을 통해 교미하고 자신들의 배우자와 접촉한다.
§1.23ἐπειδὰν δὲ γηράσῃ ὁ ἄνθρωπος, οὐκ ἀποθνήσκει, ἀλλʼ ὥσπερ καπνὸς διαλυόμενος ἀὴρ γίνεται.
그리고 사람이 늙으면 죽는 것이 아니라, 마치 연기처럼 흩어져 공기가 된다.
τροφὴ δὲ πᾶσιν ἡ αὐτή·
음식은 모두에게 동일하다.
ἐπειδὰν γὰρ πῦρ ἀνακαύσωσιν, βατράχους ὀπτῶσιν ἐπὶ τῶν ἀνθράκων· πολλοὶ δὲ παρʼ αὐτοῖς εἰσιν ἐν τῷ ἀέρι πετόμενοι·
그들은 불을 피우면 숯불 위에 개구리를 굽는데, 그들의 공중에는 날아다니는 개구리가 많이 있기 때문이다.
ὀπτωμένων δὲ περικαθεσθέντες ὥσπερ δὴ περὶ τράπεζαν κάπτουσι τὸν ἀναθυμιώμενον καπνὸν καὶ εὐωχοῦνται.
그것들이 구워지는 동안 마치 식탁 주변에 앉듯이 둘러앉아 피어오르는 연기를 들이마시며 잔치를 즐긴다.
σίτῳ μὲν δὴ τρέφονται τοιούτῳ·
참으로 그들은 이러한 음식으로 영양을 섭취한다.
ποτὸν δὲ αὐτοῖς ἐστιν ἀὴρ ἀποθλιβόμενος εἰς κύλικα καὶ ὑγρὸν ἀνιεὶς ὥσπερ δρόσον.
그리고 그들의 음료는 잔 속에 짜내어 이슬 같은 액체를 내놓는 공기이다.
οὐ μὴν ἀπουροῦσίν γε καὶ ἀφοδεύουσιν, ἀλλʼ οὐδὲ τέτρηνται ᾗπερ ἡμεῖς, οὐδὲ τὴν συνουσίαν οἱ παῖδες ἐν ταῖς ἕδραις παρέχουσιν, ἀλλʼ ἐν ταῖς ἰγνύαις ὑπὲρ τὴν γαστροκνημίαν·
또한 그들은 소변을 보지도 대변을 보지도 않으며, 우리처럼 구멍이 뚫려 있지도 않다.
ἐκεῖ γάρ εἰσι τετρημένοι.
소년들 역시 둔부로 교합을 제공하는 것이 아니라 종아리 위쪽인 오금에서 제공하는데, 거기에 구멍이 뚫려 있기 때문이다.
καλὸς δὲ νομίζεται παρʼ αὐτοῖς ἤν πού τις φαλακρὸς καὶ ἄκομος ᾖ, τοὺς δὲ κομήτας καὶ μυσάττονται.
그리고 그들 사이에서는 탈모가 있고 머리카락이 없는 사람이 미남으로 여겨지며, 긴 머리를 가진 사람들은 혐오한다.
ἐπὶ δὲ τῶν κομητῶν ἀστέρων τοὐναντίον τοὺς κομήτας καλοὺς νομίζουσιν·
반대로 혜성에서는 머리가 긴 사람들을 아름답다고 여긴다.
ἐπεδήμουν γάρ τινες, οἳ καὶ περὶ ἐκείνων διηγοῦντο.
그곳에 다녀와서 그것에 대해 들려준 이들이 있었기 때문이다.
καὶ μὴν καὶ γένεια φύουσιν μικρὸν ὑπὲρ τὰ γόνατα.
또한 그들은 무릎 약간 윗부분에 수염이 자란다.
καὶ ὄνυχας ἐν τοῖς ποσὶν οὐκ ἔχουσιν, ἀλλὰ πάντες εἰσὶν μονοδάκτυλοι.
그리고 발에는 발톱이 없으며 모두가 외발가락이다.
ὑπὲρ δὲ τὰς πυγὰς ἑκάστῳ αὐτῶν κράμβη ἐκπέφυκε μακρὰ ὥσπερ οὐρά, θάλλουσα ἐς ἀεὶ καὶ ὑπτίου ἀναπίπτοντος οὐ κατακλωμένη.
또한 그들 각자의 엉덩이 위에는 꼬리처럼 긴 양배추가 자라나 있는데, 이것은 항상 싱싱하게 자라나서 뒤로 넘어져도 부러지지 않는다.