§1.17τοιαύτῃ μὲν καὶ ὁ Φαέθων ἐπῄει παρασκευῇ.
이와 같이 파에톤 역시 그러한 준비를 갖추고 진격해 왔다.
συμμίξαντες δὲ ἐπειδὴ τὰ σημεῖα ἤρθη καὶ ὠγκήσαντο ἑκατέρων οἱ ὄνοι — τούτοις γὰρ ἀντὶ σαλπιστῶν χρῶνται — ἐμάχοντο.
그리고 양군이 맞부딪쳐 신호가 올려지고 양측의 당나귀들이 울부짖자 — 그들은 나팔수 대신 당나귀들을 쓰기 때문이다 — 그들은 싸웠다.
καὶ τὸ μὲν εὐώνυμον τῶν Ἡλιωτῶν αὐτίκα ἔφυγεν οὐδʼ εἰς χεῖρας δεξάμενον τοὺς Ἱππογύπους, καὶ ἡμεῖς εἱπόμεθα κτείνοντες·
그리하여 헬리오타이의 좌익은 히포기포스에 맞서 싸우지도 않고 즉시 도망쳤고, 우리는 뒤쫓아가며 살육했다.
τὸ δεξιὸν δὲ αὐτῶν ἐκράτει τοῦ ἐπὶ τῷ ἡμετέρῳ εὐωνύμου, καὶ ἐπεξῆλθον οἱ Ἀεροκώνωπες διώκοντες ἄχρι πρὸς τοὺς πεζούς.
그러나 그들의 우익은 우리의 좌익을 압도했고, 아에로코노페스는 보병들의 위치까지 추격해 들어왔다.
ἐνταῦθα δὲ κἀκείνων ἐπιβοηθούντων ἔφυγον ἐγκλίναντες, καὶ μάλιστα ἐπεὶ ᾔσθοντο τοὺς ἐπὶ τῷ εὐωνύμῳ σφῶν νενικημένους.
하지만 거기서 보병들도 지원에 나서자, 그들(적의 우익)은 등을 돌려 도망쳤으며, 특히 자신들의 좌익이 패배한 것을 알아차렸을 때 더욱 그러했다.
τῆς δὲ τροπῆς λαμπρᾶς γεγενημένης πολλοὶ μὲν ζῶντες ἡλίσκοντο, πολλοὶ δὲ καὶ ἀνῃροῦντο, καὶ τὸ αἷμα ἔρρει πολὺ μὲν ἐπὶ τῶν νεφῶν, ὥστε αὐτὰ βάπτεσθαι καὶ ἐρυθρὰ φαίνεσθαι, οἷα παρʼ ἡμῖν δυομένου τοῦ ἡλίου φαίνεται, πολὺ δὲ καὶ εἰς τὴν γῆν κατέσταζεν, ὥστε με εἰκάζειν, μὴ ἄρα τοιούτου τινὸς καὶ πάλαι ἄνω γενομένου Ὅμηρος ὑπέλαβεν αἵματι ὗσαι τὸν Δία ἐπὶ τῷ τοῦ Σαρπηδόνος θανάτῳ.
패주가 결정적이 되자 많은 이들이 생포되었고, 많은 이들이 살해당했으며, 피가 구름 위로 대량으로 흘러넘쳐 구름이 물들어 우리 땅에서 해가 질 때처럼 붉게 보였다. 또한 많은 피가 땅으로 떨어져 내렸으므로, 나는 옛날에도 하늘에서 이와 같은 일이 일어나 호메로스가 사르페돈의 죽음에 즈음하여 제우스가 피의 비를 내렸다고 생각한 것은 아닐까 추측하게 되었다.
§1.18ἀναστρέψαντες δὲ ἀπὸ τῆς διώξεως δύο τρόπαια ἐστήσαμεν, τὸ μὲν ἐπὶ τῶν ἀραχνίων τῆς πεζομαχίας, τὸ δὲ τῆς ἀερομαχίας ἐπὶ τῶν νεφῶν.
우리는 추격에서 돌아와 두 개의 전승 기념비를 세웠는데, 하나는 거미줄 위의 보병전을 기념하기 위한 것이었고, 다른 하나는 공중전을 기념하기 위해 구름 위에 세웠다.
ἄρτι δὲ τούτων γινομένων ἠγγέλλοντο ὑπὸ τῶν σκοπῶν οἱ Νεφελοκένταυροι προσελαύνοντες, οὓς ἔδει πρὸ τῆς μάχης ἐλθεῖν τῷ Φαέθοντι.
마침 이 일이 행해지고 있을 때, 파수꾼들에 의해 네펠로켄타우로스들이 말을 타고 다가오고 있다는 전갈이 왔는데, 이들은 원래 전투 전에 파에톤에게 이르렀어야 했다.
καὶ δὴ ἐφαίνοντο προσιόντες, θέαμα παραδοξότατον, ἐξ ἵππων πτερωτῶν καὶ ἀνθρώπων συγκείμενοι·
그리고 실제로 그들이 다가오는 모습이 보였는데, 날개 달린 말과 인간으로 이루어진 지극히 기이한 구경거리였다.
μέγεθος δὲ τῶν μὲν ἀνθρώπων ὅσον τοῦ Ῥοδίων κολοσσοῦ ἐξ ἡμισείας ἐς τὸ ἄνω, τῶν δὲ ἵππων ὅσον νεὼς μεγάλης φορτίδος.
인간의 크기는 상반신이 로도스 섬의 거상만큼이나 컸고, 말의 크기는 거대한 상선만큼이나 컸다.
τὸ μέντοι πλῆθος αὐτῶν οὐκ ἀνέγραψα, μή τῳ καὶ ἄπιστον δόξῃ — τοσοῦτον ἦν.
다만 그들의 수는, 누군가에게 믿을 수 없는 일로 여겨질까 두려워 나는 적지 않았다. 그 수가 참으로 대단했기 때문이다.
ἡγεῖτο δὲ αὐτῶν ὁ ἐκ τοῦ ζῳδιακοῦ τοξότης.
그들을 이끄는 자는 황도대의 궁수자리였다.
ἐπεὶ δὲ ᾔσθοντο τοὺς φίλους νενικημένους, ἐπὶ μὲν τὸν Φαέθοντα ἔπεμπον ἀγγελίαν αὖθις ἐπιέναι, αὐτοὶ δὲ διαταξάμενοι τεταραγμένοις ἐπιπίπτουσι τοῖς Σεληνίταις, ἀτάκτως περὶ τὴν δίωξιν καὶ τὰ λάφυρα διεσκεδασμένοις·
그들은 아군이 패배한 것을 알아채자, 파에톤에게 다시 공격하라는 전갈을 보냈고, 자신들은 전열을 정비하여, 추격과 약탈에 정신이 팔려 무질서하게 흩어져 혼란해하던 셀레니타이들을 덮쳤다.
καὶ πάντας μὲν τρέπουσιν, αὐτὸν δὲ τὸν βασιλέα καταδιώκουσι πρὸς τὴν πόλιν καὶ τὰ πλεῖστα τῶν ὀρνέων αὐτοῦ κτείνουσιν·
그리하여 그들은 모두를 패주시키고, 왕 자신을 도시로 추격했으며 그의 새들 대부분을 살해했다.
ἀνέσπασαν δὲ καὶ τὰ τρόπαια καὶ κατέδραμον ἅπαν τὸ ὑπὸ τῶν ἀραχνῶν πεδίον ὑφασμένον, ἐμὲ δὲ καὶ δύο τινὰς τῶν ἑταίρων ἐζώγρησαν.
또한 그들은 전승 기념비들을 무너뜨리고 거미들이 짜놓은 평원 전체를 유린했으며, 나와 동료 두 명을 생포했다.
ἤδη δὲ παρῆν καὶ ὁ Φαέθων καὶ αὖθις ἄλλα τρόπαια ὑπʼ ἐκείνων ἵστατο.
이미 파에톤 역시 도착해 있었고, 그들에 의해 다시 다른 전승 기념비들이 세워지고 있었다.
ἡμεῖς μὲν οὖν ἀπηγόμεθα ἐς τὸν ἥλιον αὐθημερὸν τὼ χεῖρε ὀπίσω δεθέντες ἀραχνίου ἀποκόμματι.
그리하여 우리는 그날 당일 거미줄 조각으로 두 손이 뒤로 묶인 채 태양으로 끌려갔다.
§1.19οἱ δὲ πολιορκεῖν μὲν οὐκ ἔγνωσαν τὴν πόλιν, ἀναστρέψαντες δὲ τὸ μεταξὺ τοῦ ἀέρος ἀπετείχιζον, ὥστε μηκέτι τὰς αὐγὰς ἀπὸ τοῦ ἡλίου πρὸς τὴν σελήνην διήκειν.
그들은 도시를 포위하지는 않기로 결정하고, 돌아와 공중의 중간 부분을 장벽으로 막아 더 이상 태양 광선이 달에 닿지 못하게 했다.
τὸ δὲ τεῖχος ἦν διπλοῦν, νεφελωτόν·
그 장벽은 구름으로 된 이중 벽이었다.
ὥστε σαφὴς ἔκλειψις τῆς σελήνης ἐγεγόνει καὶ νυκτὶ διηνεκεῖ πᾶσα κατείχετο.
그리하여 달에는 명백한 일식(월식)이 일어났고, 달 전체가 끝없는 밤에 사로잡혔다.
πιεζόμενος δὲ τούτοις ὁ Ἐνδυμίων πέμψας ἱκέτευε καθαιρεῖν τὸ οἰκοδόμημα καὶ μὴ σφᾶς περιορᾶν ἐν σκότῳ βιοτεύοντας, ὑπισχνεῖτο δὲ καὶ φόρους τελέσειν καὶ σύμμαχος ἔσεσθαι καὶ μηκέτι πολεμήσειν, καὶ ὁμήρους ἐπὶ τούτοις δοῦναι ἤθελεν.
이러한 고통에 처하게 된 엔디미온은 사절을 보내 그 건축물을 철거하고 자신들을 어둠 속에서 살아가도록 방치하지 말아 달라고 애원했다. 그리고 공물을 바치고 동맹국이 될 것이며 더 이상 전쟁을 벌이지 않겠다고 약속하며, 이를 담보하기 위해 인질들을 보낼 용의가 있다고 했다.
οἱ δὲ περὶ τὸν Φαέθοντα γενομένης δὶς ἐκκλησίας τῇ προτεραίᾳ μὲν οὐδὲν παρέλυσαν τῆς ὀργῆς, τῇ ὑστεραίᾳ δὲ μετέγνωσαν, καὶ ἐγένετο ἡ εἰρήνη ἐπὶ τούτοις·
파에톤의 무리들은 민회를 두 번 열었는데, 첫째 날에는 노여움을 조금도 꺾지 않았으나, 둘째 날에는 생각을 바꾸어 다음과 같은 조건 아래 평화가 체결되었다.
§1.20κατὰ τάδε συνθήκας ἐποιήσαντο Ἡλιῶται καὶ οἱ σύμμαχοι πρὸς Σεληνίτας καὶ τοὺς συμμάχους, ἐπὶ τῷ καταλῦσαι μὲν τοὺς Ἡλιώτας τὸ διατείχισμα καὶ μηκέτι ἐς τὴν σελήνην ἐσβάλλειν, ἀποδοῦναι δὲ καὶ τοὺς αἰχμαλώτους ῥητοῦ ἕκαστον χρήματος, τοὺς δὲ Σεληνίτας ἀφεῖναι μὲν αὐτονόμους τούς γε ἄλλους ἀστέρας, ὅπλα δὲ μὴ ἐπιφέρειν τοῖς Ἡλιώταις, συμμαχεῖν δὲ τῇ ἀλλήλων, ἤν τις ἐπίῃ·
다음과 같이 헬리오타이와 그 동맹군들은 셀레니타이와 그 동맹군들을 상대로 협정을 맺었다. 헬리오타이는 차단 장벽을 철거하고 다시는 달로 침입하지 않으며, 포로들을 한 명당 정해진 몸값을 받고 돌려보내기로 한다. 또한 셀레니타이는 다른 별들을 자치 상태로 두고, 헬리오타이에게 무기를 겨누지 않으며, 누구든 공격을 받으면 서로 동맹하여 싸우기로 한다.
φόρον δὲ ὑποτελεῖν ἑκάστου ἔτους τὸν βασιλέα τῶν Σεληνιτῶν τῷ βασιλεῖ τῶν Ἡλιωτῶν δρόσου ἀμφορέας μυρίους, καὶ ὁμήρους δὲ σφῶν αὐτῶν δοῦναι μυρίους, τὴν δὲ ἀποικίαν τὴν ἐς τὸν Ἑωσφόρον κοινῇ ποιεῖσθαι, καὶ μετέχειν τῶν ἄλλων τὸν βουλόμενον·
셀레니타이의 왕은 매년 헬리오타이의 왕에게 이슬 만 암포라를 공물로 바치고, 자신들 중에서 인질 만 명을 내어주기로 한다. 또한 샛별로의 식민지 건설은 공동으로 하며, 원하는 다른 자들도 참가할 수 있도록 한다.
ἐγγράψαι δὲ τὰς συνθήκας στήλῃ ἠλεκτρίνῃ καὶ ἀναστῆσαι ἐν μέσῳ τῷ ἀέρι ἐπὶ τοῖς μεθορίοις.
이 협정을 호박 비석에 새겨 국경 지역의 공중 한가운데에 세우기로 한다.
ὤμοσαν δὲ Ἡλιωτῶν μὲν Πυρωνίδης καὶ Θερείτης καὶ Φλόγιος, Σεληνιτῶν δὲ Νύκτωρ καὶ Μήνιος καὶ Πολυλάμπης.
헬리오타이 측에서는 피로니데스와 테레이테스, 플로기오스가 맹세했고, 셀레니타이 측에서는 닉토르와 메니오스, 폴리람페스가 맹세했다.