§20.45.1τοῦ δʼ ἐνιαυσίου χρόνου διεληλυθότος Ἀθήνησι μὲν ἦρχεν Ἀναξικράτης, ἐν Ῥώμῃ δὲ ὕπατοι κατέστησαν Ἄππιος Κλαύδιος καὶ Λεύκιος Οὐολόμνιος.
1년의 세월이 흐른 뒤, 아테네에서는 아낙시크라테스가 집정관으로 있었고, 로마에서는 아피우스 클라우디우스와 루키우스 볼룸니우스가 집정관으로 취임했다.
ἐπὶ δὲ τούτων Δημήτριος μὲν ὁ Ἀντιγόνου παραλαβὼν παρὰ τοῦ πατρὸς δύναμιν ἁδρὰν πεζικήν τε καὶ ναυτικήν, ἔτι δὲ βελῶν καὶ τῶν ἄλλων τῶν εἰς πολιορκίαν χρησίμων τὴν ἁρμόζουσαν παρασκευὴν ἐξέπλευσεν ἐκ τῆς Ἐφέσου·
이들의 임기 중에, 안티고노스의 아들 데메트리오스는 아버지로부터 강력한 육해군 병력과 아울러 투척 무기 및 기타 공성전에 유용한 적절한 장비를 물려받아 에페소스에서 출항했다.
παράγγελμα δʼ εἶχεν ἐλευθεροῦν πάσας μὲν τὰς κατὰ τὴν Ἑλλάδα πόλεις, πρώτην δὲ τὴν Ἀθηναίων, φρουρουμένην ὑπὸ Κασάνδρου.
그는 그리스 전역의 모든 도시를 해방하되, 카산드로스에 의해 수비대가 배치되어 있던 아테네인들의 도시를 가장 먼저 해방하라는 명령을 받았다.
§20.45.2καταπλεύσαντος δʼ αὐτοῦ μετὰ τῆς δυνάμεως εἰς τὸν Πειραιᾶ καὶ πανταχόθεν προσβαλόντος ἐξ ἐφόδου καὶ κήρυγμα ποιησαμένου Διονύσιος ὁ καθεσταμένος ἐπὶ τῆς Μουνυχίας φρούραρχος καὶ Δημήτριος ὁ Φαληρεὺς ἐπιμελητὴς τῆς πόλεως γεγενημένος ὑπὸ Κασάνδρου, πολλοὺς ἔχοντες στρατιώτας, ἀπὸ τῶν τειχῶν ἠμύνοντο.
그가 군세를 이끌고 페이라이에우스로 입항하여 즉시 사방에서 공격을 가하고 포고를 내렸을 때, 무니키아에 배치되어 있던 수비대장 디오니시오스와 카산드로스에 의해 도시의 감독관으로 임명되어 있던 팔레론의 데메트리오스는 많은 병사를 거느리고 성벽에서 방어했다.
§20.45.3τῶν δʼ Ἀντιγόνου στρατιωτῶν τινες βιασάμενοι καὶ κατὰ τὴν ἀκτὴν ὑπερβάντες ἐντὸς τοῦ τείχους παρεδέξαντο πλείους τῶν συναγωνιζομένων.
그러나 안티고노스의 병사들 중 일부가 힘으로 돌파하고 해안을 따라 성벽을 넘어 성벽 안으로 더 많은 아군을 맞아들였다.
τὸν μὲν οὖν Πειραιᾶ τοῦτον τὸν τρόπον ἁλῶναι συνέβη, τῶν δʼ ἔνδον Διονύσιος μὲν ὁ φρούραρχος εἰς τὴν Μουνυχίαν συνέφυγε, Δημήτριος δʼ ὁ Φαληρεὺς ἀπεχώρησεν εἰς ἄστυ.
그리하여 페이라이에우스는 이와 같은 방식으로 함락되었고, 성 안의 인물들 중 수비대장 디오니시오스는 무니키아로 도망쳤으며, 팔레론의 데메트리오스는 아스투(시내)로 퇴각했다.
§20.45.4τῇ δʼ ὑστεραίᾳ πεμφθεὶς μεθʼ ἑτέρων πρεσβευτὴς ὑπὸ τοῦ δήμου πρὸς Δημήτριον καὶ περὶ τῆς αὐτονομίας διαλεχθεὶς καὶ τῆς ἰδίας ἀσφαλείας ἔτυχε παραπομπῆς καὶ τὰ κατὰ τὰς Ἀθήνας ἀπογινώσκων ἔφυγεν εἰς τὰς Θήβας, ὕστερον δὲ πρὸς Πτολεμαῖον εἰς Αἴγυπτον.
이튿날, 그는 민중에 의해 다른 이들과 함께 사절로서 데메트리오스에게 파견되어 자치와 자신의 안전에 대해 협상한 끝에 호송 약속을 얻어냈고, 아테네의 상황에 절망하여 테베로 망명했다가 나중에 이집트의 프톨레마이오스에게로 가 버렸다.
§20.45.5οὗτος μὲν οὖν ἔτη δέκα τῆς πόλεως ἐπιστατήσας ἐξέπεσεν ἐκ τῆς πατρίδος τὸν εἰρημένον τρόπον.
그리하여 그는 10년 동안 도시를 다스린 뒤 언급된 방식으로 조국에서 쫓겨났다.
ὁ δὲ δῆμος τῶν Ἀθηναίων κομισάμενος τὴν ἐλευθερίαν ἐψηφίσατο τιμὰς τοῖς αἰτίοις τῆς αὐτονομίας.
반면 아테네 민중은 자유를 되찾자 자치를 가져다준 공헌자들에게 영예를 돌리기로 의결했다.
Δημήτριος δʼ ἐπιστήσας τοὺς πετροβόλους καὶ τὰς ἄλλας μηχανὰς καὶ τὰ βέλη προσέβαλλε τῇ Μουνυχίᾳ καὶ κατὰ γῆν καὶ κατὰ θάλατταν.
데메트리오스는 투석기와 다른 공성 병기들 및 투척 무기를 배치하여 육지와 바다 양쪽에서 무니키아를 공격했다.
§20.45.6ἀμυνομένων δὲ τῶν ἔνδον ἀπὸ τῶν τειχῶν εὐρώστως συνέβαινε τοὺς μὲν περὶ Διονύσιον προέχειν ταῖς δυσχωρίαις καὶ ταῖς τῶν τόπων ὑπεροχαῖς, οὔσης τῆς Μουνυχίας ὀχυρᾶς οὐ μόνον ἐκ φύσεως, ἀλλὰ καὶ ταῖς τῶν τειχῶν κατασκευαῖς, τοὺς δὲ περὶ τὸν Δημήτριον τῷ τε πλήθει τῶν στρατιωτῶν πολλαπλασίους εἶναι καὶ ταῖς παρασκευαῖς πολλὰ πλεονεκτεῖν.
성 안의 군사들이 성벽에서 완강하게 방어하는 가운데, 디오니시오스 측은 지형의 험난함과 높은 지세로 우세를 점하고 있었는데(무니키아는 자연적으로 견고할 뿐만 아니라 성벽 축조로도 견고했기 때문이다), 반면 데메트리오스 측은 병사의 수에 있어 몇 배나 더 많았고 장비 면에서도 크게 유리했다.
§20.45.7τέλος δʼ ἐπὶ δύο ἡμέρας συνεχῶς τῆς πολιορκίας γινομένης οἱ μὲν φρουροὶ τοῖς καταπέλταις καὶ πετροβόλοις συντιτρωσκόμενοι καὶ διαδόχους οὐκ ἔχοντες ἠλαττοῦντο, οἱ δὲ περὶ τὸν Δημήτριον ἐκ διαδοχῆς κινδυνεύοντες καὶ νεαλεῖς ἀεὶ γινόμενοι, διὰ τῶν πετροβόλων ἐρημωθέντος τοῦ τείχους, ἐνέπεσον εἰς τὴν Μουνυχίαν καὶ τοὺς μὲν φρουροὺς ἠνάγκασαν θέσθαι τὰ ὅπλα, τὸν δὲ φρούραρχον Διονύσιον ἐζώγρησαν.
마침내 이틀 동안 공성전이 쉼 없이 계속되자, 수비대원들은 투석기와 돌포에 맞서 부상을 입고 교대 요원도 없어 열세에 몰렸으나, 데메트리오스 측은 교대로 전투에 가담해 항상 신선한 상태를 유지했고, 투석기로 인해 성벽에서 방어 세력이 소탕되자 무니키아로 난입하여 수비대원들에게 무기를 놓도록 강요하고 수비대장 디오니시오스를 생포했다.