§20.46.1τούτων δὲ ὀλίγαις ἡμέραις κατευτυχηθέντων ὁ μὲν Δημήτριος κατασκάψας τὴν Μουνυχίαν ὁλόκληρον τῷ δήμῳ τὴν ἐλευθερίαν ἀποκατέστησεν καὶ φιλίαν καὶ συμμαχίαν πρὸς αὐτοὺς συνέθετο,
이 일들이 수일 만에 무사히 성사되자, 데메트리오스는 무니키아를 완전히 파괴하고 민중에게 자유를 돌려주었으며, 그들과 우호 및 동맹 관계를 맺었다.
§20.46.2οἱ δὲ Ἀθηναῖοι γράψαντος ψήφισμα Στρατοκλέους ἐψηφίσαντο χρυσᾶς μὲν εἰκόνας ἐφʼ ἅρματος στῆσαι τοῦ τε Ἀντιγόνου καὶ Δημητρίου πλησίον Ἁρμοδίου καὶ Ἀριστογείτονος, στεφανῶσαι δὲ ἀμφοτέρους ἀπὸ ταλάντων διακοσίων καὶ βωμὸν ἱδρυσαμένους προσαγορεῦσαι Σωτήρων, πρὸς δὲ τὰς δέκα φυλὰς προσθεῖναι δύο, Δημητριάδα καὶ Ἀντιγονίδα, καὶ συντελεῖν αὐτοῖς κατʼ ἐνιαυτὸν ἀγῶνας καὶ πομπὴν καὶ θυσίαν, ἐνυφαινόντων αὐτοὺς εἰς τὸν τῆς Ἀθηνᾶς πέπλον.
반면 아테네인들은 스트라토클레스가 기초한 결의안에 따라, 안티고노스와 데메트리오스의 금색 입상을 전차 위에 세워 하르모디우스와 아리스토게이톤 옆에 모실 것과, 두 사람에게 200탈란톤 상당의 왕관을 씌울 것, 그리고 제단을 세워 그들을 ‘구원자들’이라 부를 것, 나아가 기존의 열 개 부족에 데메트리아스와 안티고니스라는 두 개의 부족을 추가할 것, 매년 그들을 위해 경기회와 행렬 및 제사를 올릴 것, 그들의 모습을 아테나의 페플로스(겉옷)에 짜 넣을 것을 의결했다.
§20.46.3ὁ μὲν οὖν δῆμος ἐν τῷ Λαμιακῷ πολέμῳ καταλυθεὶς ὑπʼ Ἀντιπάτρου μετʼ ἔτη πεντεκαίδεκα παραδόξως ἐκομίσατο τὴν πάτριον πολιτείαν·
이리하여 라미아 전쟁에서 안티파트로스에 의해 무너졌던 민중은 15년 만에 뜻밖에도 조상 전래의 정체를 되찾게 되었다.
ὁ δὲ Δημήτριος, φρουρουμένης τῆς Μεγαρέων πόλεως, ἐκπολιορκήσας αὐτὴν ἀπέδωκεν τὴν αὐτονομίαν τῷ δήμῳ καὶ τιμῶν ἀξιολόγων ἔτυχεν ὑπὸ τῶν εὖ παθόντων.
한편 데메트리오스는 메가라인들의 도시에 수비대가 배치되어 있던 것을 공성전으로 함락시키고 민중에게 자치를 돌려주었으며, 은혜를 입은 자들로부터 값진 영예를 얻었다.
§20.46.4Ἀντίγονος δέ, παραγενομένων πρὸς αὐτὸν Ἀθήνηθεν πρεσβευτῶν καὶ τό τε περὶ τῶν τιμῶν ἀναδόντων ψήφισμα καὶ περὶ σίτου καὶ ξύλων εἰς ναυπηγίαν διαλεχθέντων, ἔδωκεν αὐτοῖς πυροῦ μὲν μεδίμνων πεντεκαίδεκα μυριάδας, ὕλην δὲ τὴν ἱκανὴν ναυσὶν ἑκατόν· ἐξ Ἴμβρου δὲ τὴν φρουρὰν ἐξαγαγὼν ἀπέδωκεν αὐτοῖς τὴν πόλιν.
안티고노스는 아테네에서 파견된 사절단이 그에게 와서 영예에 관한 결의안을 전달하고 밀과 조선용 목재에 대해 협상하자, 그들에게 밀 15만 메딤노스와 배 100척을 만들기에 충분한 목재를 주었으며, 임브로스에서 수비대를 철수시켜 그들에게 그 도시를 돌려주었다.
§20.46.5πρὸς δὲ τὸν υἱὸν Δημήτριον ἔγραψε κελεύων τῶν μὲν συμμαχίδων πόλεων συνέδρους συστήσασθαι τοὺς βουλευσομένους κοινῇ περὶ τῶν τῇ Ἑλλάδι συμφερόντων, αὐτὸν δὲ μετὰ τῆς δυνάμεως εἰς Κύπρον πλεῦσαι καὶ διαπολεμῆσαι τὴν ταχίστην πρὸς τοὺς Πτολεμαίου στρατηγούς.
그리고 아들 데메트리오스에게는 동맹 도시들의 대표들을 소집하여 그리스의 이익에 대해 공동으로 심의하게 할 것과, 스스로는 군세를 이끌고 키프로스로 항해하여 프톨레마이오스의 장군들에 맞서 가장 신속하게 전쟁을 끝까지 치러낼 것을 명령하는 서한을 보냈다.
§20.46.6οὗτος μὲν οὖν συντόμως πάντα πράξας κατὰ τὰς ἐντολὰς τοῦ πατρὸς καὶ κομισθεὶς ἐπὶ Καρίας παρεκάλει τοὺς Ῥοδίους πρὸς τὸν κατὰ Πτολεμαίου πόλεμον.
그리하여 그는 아버지의 명령에 따라 모든 일을 신속하게 처리하고 카리아로 건너가, 로도스인들에게 프톨레마이오스에 대항하는 전쟁에 동참할 것을 요청했다.
οὐ προσεχόντων δʼ αὐτῶν, ἀλλὰ κοινὴν εἰρήνην αἱρουμένων ἄγειν πρὸς ἅπαντας ταύτην ἀρχὴν συνέβη γενέσθαι τῷ δήμῳ τῆς πρὸς Ἀντίγονον ἀλλοτριότητος.
하지만 그들이 이에 귀를 기울이지 않고 오히려 모든 이들과 공통의 평화를 유지하는 쪽을 택했기 때문에, 이것이 민중에게는 안티고노스에 대한 소원함의 시작이 되고 말았다.