§20.42.1ὁ γʼ οὖν Ὀφέλλας ἀναλαβὼν τὴν δύναμιν προῆγεν διὰ τῆς ἀνύδρου καὶ θηριώδους ἐπιπόνως·
그리하여 오펠라스는 군세를 이끌고 물이 없고 야수가 들끓는 황무지를 고난을 겪으며 나아갔다.
οὐ μόνον γὰρ ὕδατος ἐσπάνιζεν, ἀλλὰ καὶ τῆς ξηρᾶς τροφῆς ἀπολιπούσης ἐκινδύνευσεν ἅπαν ἀπολέσαι τὸ στρατόπεδον.
왜냐하면 그는 물이 부족했을 뿐만 아니라 마른 양식마저 바닥나면서 온 군대를 잃을 위험에 처했기 때문이다.
§20.42.2δακέτων δὲ θηρίων παντοίων ἐπεχόντων τὰ περὶ τὰς Σύρτεις ἔρημα καὶ τῶν πλείστων ὀλέθριον ἐχόντων τὸ δῆγμα πολλῇ τῇ συμφορᾷ περιέπιπτον, ἀβοήθητον ἔχοντες τὴν ἐκ τῶν ἰατρῶν καὶ φίλων ἐπικουρίαν.
또한, 무는 성질을 지닌 온갖 종류의 야수들이 시르티스 주변의 황무지를 가득 채우고 있었고, 그 대부분이 치명적인 독을 품고 있었기에, 그들은 의사들과 동료들의 도움도 소용없이 큰 불행에 빠지게 되었다.
καὶ γὰρ ἔνιοι τῶν ὄφεων ὁμοίαν ἔχοντες τὴν χρόαν τῇ κατʼ αὐτοὺς οὔσῃ χώρᾳ τὴν ἰδίαν φύσιν ἀπροόρατον ἐποίουν·
왜냐하면 어떤 뱀들은 자신들이 처한 주변의 땅과 유사한 체색을 지니고 있어, 자신들의 모습을 미리 알아채지 못하게 만들었기 때문이다.
οἷς πολλοὶ διὰ τὴν ἄγνοιαν ἐπιβαίνοντες δήγμασι θανατηφόροις περιέπιπτον.
많은 이들이 무지함 때문에 이것들을 밟아 치명적인 물림을 당하곤 했다.
τέλος δὲ κατὰ τὴν ὁδοιπορίαν πλεῖον ἢ δύο μῆνας κακοπαθήσαντες μόγις διήνυσαν πρὸς τοὺς περὶ Ἀγαθοκλέα καὶ βραχὺ διαχωρίσαντες ἀπʼ ἀλλήλων τὴν δύναμιν κατεστρατοπέδευσαν.
마침내 그들은 행군 중에 두 달이 넘는 기간 동안 고초를 겪은 끝에 가까스로 아가토클레스 일행이 있는 곳에 도달하여, 군세를 서로 조금 떨어진 곳에 주둔시켰다.
§20.42.3εἶθʼ οἱ μὲν Καρχηδόνιοι πυθόμενοι τὴν τούτων παρουσίαν κατεπλάγησαν, ὁρῶντες τηλικαύτην δύναμιν κατʼ αὐτῶν ἥκουσαν·
그 후 카르타고인들은 이들의 도래 소식을 전해 듣고, 자신들을 향해 이토록 거대한 군세가 다가온 것을 보고 경악했다.
ὁ δʼ Ἀγαθοκλῆς ἀπαντήσας τοῖς περὶ τὸν Ὀφέλλαν καὶ φιλοφρόνως ἅπαντα χορηγήσας τούτους μὲν ἠξίου τὴν στρατιὰν ἀναλαμβάνειν ἐκ τῆς κακοπαθείας, αὐτὸς δὲ ἐπιμείνας ἡμέρας ὀλίγας καὶ κατασκεψάμενος ἕκαστα τῶν πραττομένων ἐν τῇ παρεμβολῇ τῶν παρόντων, ἐπεὶ τὸ πλεῖον μέρος τῶν στρατιωτῶν ἐπὶ χορτάσματα καὶ σιτολογίαν ἐξεληλύθει, τὸν δὲ Ὀφέλλαν ἑώρα μηδὲν τῶν ὑφʼ ἑαυτοῦ βεβουλευμένων ὑπονοοῦντα, συνήγαγεν ἐκκλησίαν τῶν ἰδίων στρατιωτῶν, κατηγορήσας δὲ τοῦ παρόντος ἐπὶ τὴν συμμαχίαν ὡς ἐπιβουλεύοντος καὶ παροξύνας τὸ πλῆθος εὐθὺς διεσκευασμένην τὴν δύναμιν ἦγεν ἐπὶ τοὺς Κυρηναίους.
한편, 아가토클레스는 오펠라스 일행을 마중하고 친절하게 온갖 필요품을 공급해 주며, 그들에게 군세를 그간의 노고로부터 회복시키라고 권했다. 그리고 그는 스스로 며칠 동안 대기하면서 새로 도착한 자들의 진영에서 행해지는 일들을 낱낱이 관찰했다. 병사들의 대부분이 말 먹이와 식량을 구하러 밖으로 나가 있었고, 오펠라스가 자신이 도모하고 있는 계획을 전혀 의심하지 않는 것을 보게 되자, 자신의 군사들을 소집하여 집회를 열고, 동맹을 맺기 위해 온 자가 음모를 꾸미고 있다고 비난하며 군중을 격앙시킨 뒤, 즉시 전투 태세를 갖춘 군세를 이끌고 키레네인들을 공격했다.
§20.42.4εἶθʼ ὁ μὲν Ὀφέλλας διὰ τὸ παράδοξον καταπλαγεὶς ἐπεχείρησε μὲν ἀμύνασθαι, καταταχούμενος δὲ καὶ τὴν ὑπολελειμμένην δύναμιν οὐκ ἔχων ἀξιόχρεων μαχόμενος ἐτελεύτησεν·
그리하여 오펠라스는 뜻밖의 사태에 경악하여 방어하려 시도했으나, 기선을 제압당하고 남은 군세도 충분하지 않았기에, 전투 중에 목숨을 잃고 말았다.
§20.42.5ὁ δʼ Ἀγαθοκλῆς συναναγκάσας τὸ λοιπὸν πλῆθος ἀποθέσθαι τὰ ὅπλα καὶ φιλανθρώποις ἐπαγγελίαις παραστησάμενος ἅπαντας κύριος ἐγένετο τῆς δυνάμεως πάσης.
한편 아가토클레스는 남은 군중에게 무기를 내려놓도록 강제하고, 너그러운 약속으로 그들 모두를 회유하여 그 군세 전체를 손에 넣었다.
Ὀφέλλας μὲν οὖν ἐλπίσας μεγάλα καὶ προχειρότερον αὑτὸν πιστεύσας τοιαύτης ἔτυχε τῆς τοῦ βίου καταστροφῆς.
그리하여 원대한 희망을 품고 너무나 무모하게 자신을 믿고 맡겼던 오펠라스는 이와 같은 인생의 종말을 맞이하게 되었다.