§20.40.1ἀπὸ δὲ τῆς μάχης ταύτης γενόμενος καὶ πάντα τῇ διανοίᾳ σκοπούμενος πρὸς τὸ λαβεῖν τοὺς Καρχηδονίους ὑποχειρίους ἐξέπεμψε πρεσβευτὴν Ὄρθωνα τὸν Συρακόσιον πρὸς Ὀφέλλαν εἰς Κυρήνην.
이 전투를 마친 뒤, 아가토클레스는 카르타고인들을 손아귀에 넣기 위해 온갖 방책을 마음속으로 궁리하다가, 시라쿠사인 오르톤을 사절로 삼아 키레네의 오펠라스에게 파견했다.
οὗτος δʼ ἦν μὲν τῶν φίλων τῶν συνεστρατευμένων Ἀλεξάνδρῳ, κυριεύων δὲ τῶν περὶ Κυρήνην πόλεων καὶ δυνάμεως ἁδρᾶς περιεβάλετο ταῖς ἐλπίσι μείζονα δυναστείαν.
오펠라스는 알렉산드로스와 함께 원정했던 친구들 중 한 명이었으며, 키레네 주변의 도시들과 강력한 군세들을 지배하고 있었고, 더 큰 지배권을 차지하려는 야망을 품고 있었다.
§20.40.2τοιαύτην οὖν αὐτοῦ διάνοιαν ἔχοντος ἧκεν ὁ παρʼ Ἀγαθοκλέους πρεσβευτής, ἀξιῶν συγκαταπολεμῆσαι Καρχηδονίους·
그가 마침 그러한 생각을 품고 있던 터에 아가토클레스의 사절이 당도하여, 카르타고인들을 상대로 함께 싸울 것을 요청했다.
ἀντὶ δὲ ταύτης τῆς χρείας ἐπηγγέλλετο τὸν Ἀγαθοκλέα συγχωρήσειν αὐτῷ τῶν ἐν Λιβύῃ πραγμάτων κυριεύειν.
그리고 이러한 지원에 대한 보답으로, 아가토클레스가 그에게 리비아의 제반사를 지배하도록 양보할 것임을 약속했다.
§20.40.3εἶναι γὰρ ἱκανὴν αὐτῷ τὴν Σικελίαν, ἵνʼ ἐξῇ τῶν ἀπὸ τῆς Καρχηδόνος κινδύνων ἀπαλλαχθέντα μετʼ ἀδείας κρατεῖν ἁπάσης τῆς νήσου· παρακεῖσθαι δὲ καὶ τὴν Ἰταλίαν αὐτῷ πρὸς ἐπαύξησιν τῆς ἀρχῆς, ἐὰν κρίνῃ μειζόνων ὀρέγεσθαι.
왜냐하면 아가토클레스에게는 시칠리아만으로도 충분하므로, 카르타고로부터 오는 위험에서 벗어나 아무런 두려움 없이 섬 전체를 지배할 수 있기 때문이며, 만약 그가 더 큰 것을 갈망하기로 결심한다면, 지배를 확장하기 위해 이탈리아도 인접해 있다는 것이었다.
§20.40.4τὴν μὲν γὰρ Λιβύην διεζευγμένην μεγάλῳ καὶ χαλεπῷ πελάγει μηδαμῶς ἁρμόζειν αὐτῷ, εἰς ἣν καὶ νῦν οὐ κατʼ ἐπιθυμίαν, ἀλλὰ κατʼ ἀνάγκην ἀφῖχθαι.
리비아는 넓고 험난한 바다로 격리되어 있어서 그에게 전혀 어울리지 않으며, 지금 그곳에 가 있는 것도 원해서가 아니라 어쩔 수 없는 필요 때문이라는 이유에서였다.
§20.40.5ὁ δὲ Ὀφέλλας τῇ πάλαι βεβουλευμένῃ κρίσει προστεθείσης τῆς γενομένης ἐλπίδος ἀσμένως ὑπήκουσε καὶ πρὸς μὲν Ἀθηναίους περὶ συμμαχίας διεπέμπετο, γεγαμηκὼς Εὐθυδίκην τὴν Μιλτιάδου θυγατέρα τοῦ τὴν προσηγορίαν φέροντος εἰς τὸν στρατηγήσαντα τῶν ἐν Μαραθῶνι νικησάντων.
오펠라스는 오래전부터 계획해 오던 결단에 새로이 생겨난 희망이 더해지자 기꺼이 제안에 응했고, 동맹을 논의하기 위해 아테네인들에게 사절을 보냈다. 그는 마라톤에서 승리한 자들을 장군으로서 지배했던 인물의 이름을 이어받은 밀티아데스의 딸 에우티디케와 결혼한 상태였기 때문이다.
§20.40.6διὰ δὴ ταύτην τὴν ἐπιγαμίαν καὶ τὴν ἄλλην σπουδήν, ἣν ὑπῆρχεν ἀποδεδειγμένος εἰς τὴν πόλιν, καὶ πολλοὶ τῶν Ἀθηναίων προθύμως ὑπήκουσαν εἰς τὴν στρατείαν.
바로 이러한 혼인 관계와 그가 아테네 시를 향해 보여주었던 그 밖의 헌신적인 태도 덕분에, 많은 아테네인들 역시 기꺼이 이 원정에 응했다.
οὐκ ὀλίγοι δὲ καὶ τῶν ἄλλων Ἑλλήνων ἔσπευδον κοινωνῆσαι τῆς ἐπιβολῆς, ἐλπίζοντες τήν τε κρατίστην τῆς Λιβύης κατακληρουχήσειν καὶ τὸν ἐν Καρχηδόνι διαρπάσειν πλοῦτον.
다른 그리스인들도 적지 않게 이 기도에 동참하기를 서둘렀는데, 리비아에서 가장 비옥한 토지를 분배받고 카르타고의 부를 약탈하기를 기대했기 때문이다.
§20.40.7τὰ μὲν γὰρ κατὰ τὴν Ἑλλάδα διὰ τοὺς συνεχεῖς πολέμους καὶ τὰς τῶν δυναστῶν πρὸς ἀλλήλους φιλοτιμίας ἀσθενῆ καὶ ταπεινὰ καθειστήκει·
당시 그리스의 상황은 끊임없는 전쟁과 지배자들 간의 상호 대립 경쟁으로 인해 약화되고 쇠락해 있었다.
ὥσθʼ ὑπελάμβανον μὴ μόνον ἐγκρατεῖς ἔσεσθαι πολλῶν ἀγαθῶν, ἀλλὰ καὶ τῶν παρόντων κακῶν ἀπαλλαγήσεσθαι.
그리하여 그들은 많은 재물을 차지할 수 있을 뿐만 아니라, 현재의 고난으로부터도 벗어나게 될 것이라고 생각했다.