§19.98.1ὁ μὲν οὖν Δημήτριος λαβὼν ὁμήρους καὶ τὰς ὁμολογηθείσας δωρεὰς ἀνέζευξεν ἀπὸ τῆς πέτρας·
데메트리오스는 인질과 합의된 선물들을 받은 후 '바위'에서 군대를 철수시켰다.
διατείνας δὲ σταδίους τριακοσίους κατεστρατοπέδευσε πλησίον τῆς Ἀσφαλτίτιδος λίμνης, ἧς τὴν φύσιν οὐκ ἄξιον παραδραμεῖν ἀνεπισήμαντον.
그리고 삼백 스타디온을 행진한 끝에 아스팔티티스 호수 근처에 진을 쳤는데, 이 호수의 성질에 대해서는 언급하지 않고 그냥 지나쳐서는 안 될 것이다.
κεῖται γὰρ κατὰ μέσην τὴν σατραπείαν τῆς Ἰδουμαίας, τῷ μὲν μήκει παρεκτείνουσα σταδίους μάλιστά που πεντακοσίους, τῷ δὲ πλάτει περὶ ἑξήκοντα.
왜냐하면 이 호수는 이두매아 총독령의 거의 중앙에 위치하고 있으며, 길이는 대략 오백 스타디온에 달하고, 너비는 약 육십 스타디온에 이르기 때문이다.
τὸ δʼ ὕδωρ ἔχει διάπικρον καὶ καθʼ ὑπερβολὴν δυσῶδες, ὥστε μήτʼ ἰχθὺν δύνασθαι τρέφειν μήτʼ ἄλλο τῶν καθʼ ὕδατος εἰωθότων ζῴων εἶναι.
그 물은 매우 쓰고 극도로 악취가 나서, 물고기를 기를 수도 없고 물속에서 사는 습성이 있는 다른 어떤 생물도 존재할 수 없다.
ἐμβαλλόντων δʼ εἰς αὐτὴν ποταμῶν μεγάλων τῇ γλυκύτητι διαφόρων τούτων μὲν περιγίνεται κατὰ τὴν δυσωδίαν, ἐξ αὑτῆς δὲ μέσης ἐκφυσᾷ κατʼ ἐνιαυτὸν ἀσφάλτου στερεᾶς μέγεθος ποτὲ μὲν μεῖζον ἢ τρίπλεθρον, ἔστι δʼ ὅτʼ οὐ πολὺ λειπόμενον πλέθρου·
단맛으로 이름난 큰 강들이 그곳으로 흘러들지만, 호수는 그 악취로 이 강들을 압도하며, 매년 호수 한가운데에서 고체 아스팔트 덩어리를 뿜어낸다. 그 크기는 어떤 때는 삼 플레트론을 초과하고, 어떤 때는 일 플레트론에 조금 못 미치는 정도이다.
ἐφʼ ᾧ δὴ συνήθως οἱ περιοικοῦντες βάρβαροι τὸ μὲν μεῖζον καλοῦσι ταῦρον, τὸ δὲ ἔλασσον μόσχον.
그리하여 인근에 사는 야만인들은 습관적으로 큰 덩어리를 '황소', 작은 덩어리를 '송아지'라고 부른다.
ἐπιπλεούσης δὲ τῆς ἀσφάλτου πελαγίας ὁ τόπος φαίνεται τοῖς ἐξ ἀποστήματος θεωροῦσιν οἱονεί τις νῆσος.
아스팔트가 수면에 떠 있을 때, 멀리서 바라보는 사람들에게는 그곳이 마치 하나의 섬처럼 보인다.
τὴν δʼ ἔκπτωσιν φανερὰν συμβαίνει γίνεσθαι πρὸ ἡμερῶν εἴκοσι·
그리고 그 분출은 이십 일 전에 명백히 나타난다.
κύκλῳ γὰρ τῆς λίμνης ἐπὶ πολλοὺς σταδίους ὀσμὴ τῆς ἀσφάλτου προσπίπτει μετὰ πνεύματος μοχθηροῦ καὶ πᾶς ὁ περὶ τὸν τόπον ἄργυρος καὶ χρυσὸς καὶ χαλκὸς ἀποβάλλει τὴν ἰδιότητα τοῦ χρώματος.
왜냐하면 호수 주변으로 여러 스타디온에 걸쳐 유해한 바람과 함께 아스팔트 냄새가 풍겨와, 그 지역 근처의 모든 은, 금, 구리가 본래의 색을 잃기 때문이다.
ἀλλʼ αὕτη μὲν ἀποκαθίσταται πάλιν, ἐπειδὰν ἀναφυσηθῆναι συμβῇ πᾶσαν τὴν ἄσφαλτον·
하지만 이 변색은 아스팔트가 모두 분출된 후에는 다시 원래대로 돌아간다.
ὁ δὲ πλησίον τόπος ἔμπυρος ὢν καὶ δυσώδης ποιεῖ τὰ σώματα τῶν περιοικούντων ἐπίνοσα καὶ παντελῶς ὀλιγοχρόνια.
한편 주변 지역은 열기를 띠고 악취가 나서 근처 주민들의 몸을 병약하게 만들고 극도로 단명하게 한다.
ἀγαθὴ δʼ ἐστὶ φοινικόφυτος ὅσην αὐτῆς συμβαίνει διειλῆφθαι ποταμοῖς χρησίμοις ἢ πηγαῖς δυναμέναις ἀρδεύειν.
그러나 유용한 강이나 관개가 가능한 샘들로 나뉘는 곳은 어디나 대추야자가 풍성하게 자라는 비옥한 땅이다.
γίνεται δὲ περὶ τοὺς τόπους τούτους ἐν αὐλῶνί τινι καὶ τὸ καλούμενον βάλσαμον, ἐξ οὗ πρόσοδον ἁδρὰν εἶναι συμβαίνει, οὐδαμοῦ μὲν τῆς ἄλλης οἰκουμένης εὑρισκομένου τοῦ φυτοῦ, τῆς δʼ ἐξ αὐτοῦ χρείας εἰς φάρμακα τοῖς ἰατροῖς καθʼ ὑπερβολὴν εὐθετούσης.
또한 이 지역의 어떤 골짜기에서는 이른바 발삼도 생산되는데, 이것은 다른 거주 세계 어디에서도 찾아볼 수 없는 식물이며 의사들의 의약품으로서의 효능이 극도로 뛰어나기 때문에 막대한 수입원이 된다.