§18.64.1ἅμα δὲ τούτοις πραττομένοις Νικάνωρ ὁ τὴν Μουνυχίαν κατέχων ἀκούων τὸν μὲν Κάσανδρον ἐκ Μακεδονίας κεχωρίσθαι πρὸς Ἀντίγονον, τὸν δὲ Πολυπέρχοντα προσδόκιμον εἶναι συντόμως ἥξειν εἰς τὴν Ἀττικὴν μετὰ τῆς δυνάμεως ἠξίου τοὺς Ἀθηναίους διαφυλάττειν τὴν πρὸς τὸν Κάσανδρον εὔνοιαν.
이러한 일들이 행해지고 있는 동시에, 무니키아를 장악하고 있던 니카노르는 카산드로스가 마케도니아를 떠나 안티고노스에게로 갔다는 것과 폴리페르콘이 군대를 거느리고 머지않아 아티카에 도착할 것으로 예상된다는 소식을 듣고, 아테네인들에게 카산드로스에 대한 호의를 유지할 것을 요구했다.
§18.64.2οὐθενὸς δὲ αὐτῷ προσέχοντος, ἀλλὰ καὶ τὴν φρουρὰν πάντων οἰομένων δεῖν ἐξάγειν τὴν ταχίστην τὸ μὲν πρῶτον παρακρουσάμενος τὸν δῆμον ἔπεισεν ὀλίγας ἡμέρας ἐπισχεῖν·
그러나 아무도 그에게 귀를 기울이지 않고, 오히려 모든 이들이 가능한 한 빨리 수비대를 철수시켜야 한다고 생각했기 때문에, 그는 처음에 민중을 속여 몇 일을 기다리도록 설득했다.
πράξειν γὰρ αὐτὸν τὰ συμφέροντα τῇ πόλει·
그가 도시에 유익한 일을 행할 것이라 [주장했기] 때문이었다.
μετὰ δὲ ταῦτα τῶν Ἀθηναίων ἐπί τινας ἡμέρας ἡσυχίαν ἐχόντων ἔλαθε νυκτὸς κατʼ ὀλίγους στρατιώτας εἰσαγαγὼν εἰς τὴν Μουνυχίαν, ὥστε γενέσθαι δύναμιν ἀξιόχρεων τηρεῖν τὴν φυλακὴν καὶ διαγωνίζεσθαι πρὸς τοὺς ἐπιβαλλομένους πολιορκεῖν τὴν φρουράν.
그 후 아테네인들이 며칠 동안 정적을 유지하는 사이에, 그는 밤을 틈타 소수의 군사들을 무니키아로 몰래 끌어들였다. 그 결과 수비 태세를 유지하고 수비대를 포위하려는 자들과 맞서 싸우기에 충분한 병력을 갖추게 되었다.
§18.64.3οἱ δὲ Ἀθηναῖοι γνόντες τὸν Νικάνορα μηδὲν ὑγιὲς πράττοντα πρὸς μὲν τοὺς βασιλέας καὶ Πολυπέρχοντα πρεσβείαν ἐξέπεμψαν, ἀξιοῦντες βοηθεῖν αὐτοῖς κατὰ τὸ διάγραμμα τὸ γραφὲν ὑπὲρ τῆς τῶν Ἑλλήνων αὐτονομίας·
아테네인들은 니카노르가 불순한 의도로 행동하고 있음을 깨닫고, 왕들과 폴리페르콘에게 사절단을 보내 그리스인들의 자치를 위해 작성된 포고령에 따라 자신들을 도울 것을 요구했다.
αὐτοὶ δὲ πλεονάκις ἐκκλησίαν συναγαγόντες ἐβουλεύοντο πῶς χρηστέον εἴη περὶ τοῦ πρὸς Νικάνορα πολέμου.
한편 그들 자신도 여러 차례 민회를 소집하여 니카노르와의 전쟁에 어떻게 대처해야 할지 심의했다.
§18.64.4τούτων δʼ ἔτι περὶ ταῦτʼ ἀσχολουμένων ὁ Νικάνωρ, πολλοὺς ἐξενολογηκώς, λάθρᾳ νυκτὸς ἐξαγαγὼν τοὺς στρατιώτας κατελάβετο τὰ τείχη τοῦ Πειραιέως καὶ τοῦ λιμένος τὰ κλεῖθρα.
그들이 아직 이 일들로 분주할 때, 많은 용병을 모집해 둔 니카노르는 밤사이에 몰래 군사들을 이끌고 나가 페이라에우스의 성벽과 항구의 차단 장치들을 점령했다.
οἱ δὲ Ἀθηναῖοι τὴν μὲν Μουνυχίαν οὐκ ἀπειληφότες, τὸν δὲ Πειραιᾶ προσαποβεβληκότες χαλεπῶς ἔφερον.
아테네인들은 무니키아를 되찾지 못한 데다 페이라에우스까지 추가로 잃게 되자 몹시 괴로워했다.
§18.64.5διόπερ ἑλόμενοι πρέσβεις τῶν ἐπιφανῶν ἀνδρῶν καὶ φιλίαν ἐχόντων πρὸς Νικάνορα Φωκίωνα τὸν Φώκου καὶ Κόνωνα τὸν Τιμοθέου καὶ Κλέαρχον τὸν Ναυσικλέους ἐξαπέστειλαν, ἐγκαλοῦντες μὲν ἐπὶ τοῖς πεπραγμένοις, ἀξιοῦντες δὲ ἀποδοῦναι τὴν αὐτονομίαν αὐτοῖς κατὰ τὸ γεγενημένον διάταγμα.
그리하여 그들은 저명한 인물이자 니카노르와 친분이 있는 이들 중에서 포코스의 아들 포키온, 티모테오스의 아들 코논, 나우시클레스의 아들 클레아르코스를 사절로 선출하여 파견했다. 그들은 행해진 일들에 대해 항의하면서 이미 발표된 포고령에 따라 자신들에게 자치권을 돌려줄 것을 요구했다.
ὁ δὲ Νικάνωρ ἀποκρίσεις ἔδωκε πρεσβεύειν αὐτοὺς πρὸς Κάσανδρον·
그러나 니카노르는 그들에게 카산드로스에게 사절을 보내라는 답변을 주었다.
ὑπʼ ἐκείνου γὰρ καθεσταμένον φρούραρχον μηδαμῶς ἔχειν ἐξουσίαν ἰδιοπραγεῖν.
그에 의해 임명된 수비대장인 자기로서는 독단적으로 행동할 권한이 전혀 없다는 이유였다.