§18.51.1τούτου δὲ περὶ ταῦτʼ ὄντος Ἀρριδαῖος ὁ τῆς ἐφʼ Ἑλλησπόντῳ Φρυγίας σατράπης, γνοὺς αὐτοῦ τὴν ἐπιβολήν, ἔκρινεν ἀσφαλισάμενος τὰ κατὰ τὴν ἰδίαν σατραπείαν καὶ τὰς ἀξιολογωτάτας πόλεις φρουραῖς περιλαμβάνειν.
안티고노스가 이러한 일에 전념하고 있는 동안, 헬레스폰투스 프리기아의 총독인 아리다이오스는 그의 계획을 알아차리고, 자신의 총독령 내부를 안전하게 다지고 가장 중요한 도시들을 수비대로 확보하기로 결정했다.
οὔσης δὲ τῆς τῶν Κυζικηνῶν πόλεως ἐπικαιροτάτης καὶ μεγίστης ἀνέζευξεν ἐπʼ αὐτὴν ἔχων πεζοὺς μὲν μισθοφόρους πλείους τῶν μυρίων, Μακεδόνας δὲ χιλίους, Πέρσας δὲ τοξότας καὶ σφενδονήτας πεντακοσίους, ἱππεῖς δὲ ὀκτακοσίους, βέλη δὲ παντοδαπὰ καὶ καταπέλτας ὀξυβελεῖς τε καὶ πετροβόλους καὶ τὴν ἄλλην χορηγίαν πᾶσαν τὴν ἀνήκουσαν πρὸς πολιορκίαν.
키지코스인들의 도시가 가장 좋은 위치에 있으며 가장 컸기에, 그는 1만 명이 넘는 용병 보병, 마케도니아인 1천 명, 페르시아인 궁수와 투석병 500명, 기병 800명, 온갖 종류의 발사 무기와 날카로운 화살 및 돌을 쏘아 보내는 투석기, 그리고 공성전에 필요한 다른 모든 보급 물자를 이끌고 그곳을 향해 진군했다.
§18.51.2ἄφνω δὲ προσπεσὼν τῇ πόλει καὶ τὸν πολὺν ὄχλον ἀπολαβὼν ἐπὶ τῆς χώρας εἴχετο τῆς πολιορκίας καὶ τοὺς ἐν τῇ πόλει καταπληξάμενος ἠνάγκαζε δέχεσθαι φρουράν.
그는 돌연 도시를 습격하여 교외에 있던 많은 군중을 고립시킨 채 포위를 굳건히 하였으며, 도시 안의 사람들을 겁박하여 수비대를 받아들이도록 강요했다.
οἱ δὲ Κυζικηνοὶ παραδόξου τῆς ἐπιθέσεως γενομένης καὶ τῶν μὲν πλείστων ἐπὶ τῆς χώρας ἀπειλημμένων, ὀλίγων δʼ ὄντων τῶν ὑπολελειμμένων ἀπαράσκευοι παντελῶς ὑπῆρχον πρὸς τὴν πολιορκίαν.
그러나 키지코스인들은 이 습격이 예기치 못하게 일어났고, 대부분의 사람들이 교외에 고립되어 남은 자가 적었기 때문에, 포위전에 대해 완전히 무방비 상태에 있었다.
§18.51.3ὅμως δὲ κρίναντες ἀντέχεσθαι τῆς ἐλευθερίας φανερῶς μὲν πρέσβεις ἐξέπεμψαν τοὺς διαλεξομένους τῷ Ἀρριδαίῳ λῦσαι τὴν πολιορκίαν·
그럼에도 불구하고 자유를 지켜내기로 결심한 그들은, 겉으로는 아리다이오스에게 사절을 보내 포위를 풀어줄 것을 협상하게 했다.
ποιήσειν γὰρ πάντα τὴν πόλιν Ἀρριδαίῳ πλὴν τοῦ δέξασθαι φρουράν·
수비대를 받아들이는 일 외에는 도시가 아리다이오스를 위해 무엇이든 할 용의가 있었기 때문이다.
λάθρᾳ δὲ τοὺς νέους ἀθροίζοντες καὶ τῶν οἰκετῶν τοὺς εὐθέτους ἐπιλεγόμενοι καθώπλιζον καὶ τὸ τεῖχος ἀνεπλήρουν τῶν ἀμυνομένων.
그러나 뒤로는 젊은이들을 모으고 노예들 중 적합한 자들을 가려내어 무장시켰으며, 방어하는 자들로 성벽을 가득 채웠다.
§18.51.4τοῦ δὲ Ἀρριδαίου βιαζομένου δέχεσθαι φρουρὰν ἔφησαν βούλεσθαι τῷ δήμῳ προσανενεγκεῖν περὶ τούτου.
아리다이오스가 수비대를 받아들이라고 강요하자, 그들은 이 일에 대해 민회에 자문하고 싶다고 말했다.
συγχωρήσαντος δὲ τοῦ σατράπου λαβόντες ἀνοχὴν ταύτην τε τὴν ἡμέραν καὶ τὴν ἐπιοῦσαν νύκτα βέλτιον παρεσκευάσαντο τὰ πρὸς τὴν πολιορκίαν.
총독이 이를 허락하자, 그들은 이 휴전 기간을 얻어 그날 하루와 이튿날 밤 동안 포위전에 대비한 준비를 더욱 철저히 다졌다.
§18.51.5ὁ δʼ Ἀρριδαῖος καταστρατηγηθεὶς καὶ τὸν οἰκεῖον ἑαυτῷ προέμενος καιρὸν διεσφάλη τῆς ἐλπίδος·
아리다이오스는 상대의 지략에 말려들고 자신에게 이로운 기회를 날려버렸기에 기대가 꺾이고 말았다.
οἱ γὰρ Κυζικηνοὶ πόλιν ἔχοντες ὀχυρὰν καὶ παντελῶς εὐφύλακτον ἀπὸ τῆς γῆς διὰ τὸ χερρόνησον αὐτὴν εἶναι καὶ θαλαττοκρατοῦντες ῥᾳδίως ἠμύνοντο τοὺς πολεμίους.
키지코스인들은 자신들의 도시가 반도인 까닭에 육로로부터 방어하기에 매우 용이한 요새인 데다 해전의 주도권마저 쥐고 있었기에, 손쉽게 적을 물리쳤기 때문이다.
§18.51.6μετεπέμποντο δὲ καὶ παρὰ Βυζαντίων στρατιώτας καὶ βέλη καὶ τἄλλα τὰ χρήσιμα πρὸς τὴν πολιορκίαν·
그들은 비잔티온 사람들에게도 군사와 무기, 그 밖에 포위전에 유용한 다른 물자들을 요청했다.
ὧν ἅπαντα συντόμως καὶ προθύμως χορηγησάντων ἀνέλαβον ἑαυτοὺς ταῖς ἐλπίσι καὶ πρὸς τοὺς κινδύνους εὐθαρσεῖς κατέστησαν.
비잔티온 측이 이 모든 것을 신속하고 열성적으로 지원해 주었기에, 키지코스인들은 다시 희망을 품고 위험 앞에서 용기를 내게 되었다.
§18.51.7εὐθὺ δὲ καὶ μακρὰς ναῦς καθελκύσαντες παρέπλεον τὴν παραθαλάττιον καὶ τοὺς ἀπὸ τῆς χώρας ἀναλαμβάνοντες ἀπεκόμιζον εἰς τὴν πόλιν.
그들은 즉시 군함을 진수시켜 연안을 항해하며 교외에 있던 사람들을 수습해 도시로 실어 날랐다.
ταχὺ δὲ στρατιωτῶν εὐπορήσαντες καὶ πολλοὺς τῶν πολιορκούντων ἀποκτείναντες ἀπετρίψαντο τὴν πολιορκίαν.
그리하여 빠르게 충분한 병력을 확보하고 포위군 중 많은 수를 사살하여 포위망을 격퇴했다.
Ἀρριδαῖος μὲν οὖν καταστρατηγηθεὶς ὑπὸ τῶν Κυζικηνῶν ἄπρακτος ἐπανῆλθεν εἰς τὴν ἰδίαν σατραπείαν.
이리하여 아리다이오스는 키지코스인들의 지략에 당해 아무런 소득도 없이 자신의 총독령으로 되돌아갔다.