§18.52.1Ἀντίγονος δὲ πυθόμενος τὴν τῶν Κυζικηνῶν πόλιν πολιορκουμένην ἔτυχε μὲν ἐν Κελαιναῖς διατρίβων, κρίνας δὲ τὴν κινδυνεύουσαν πόλιν ἰδίαν κατασκευάσασθαι πρὸς τὰς μελλούσας ἐπιβολὰς ἀπέλεξεν ἐξ ἁπάσης τῆς δυνάμεως τοὺς ἀρίστους, πεζοὺς μὲν δισμυρίους, §18.52.2ἱππεῖς δὲ τρισχιλίους.
안티고노스는 키지코스인들의 도시가 포위되었다는 소식을 들었을 때 마침 켈라이나이에 머물고 있었는데, 위기에 처한 그 도시를 자신의 향후 계획을 위해 포섭하기로 결심하고, 전군에서 가장 우수한 이들인 보병 2만 명과 기병 3천 명을 선발했다.
τούτους δὲ ἀναλαβὼν ἐν τάχει προῆγε βοηθήσων τοῖς Κυζικηνοῖς.
이들을 이끌고 그는 키지코스인들을 구원하기 위해 신속히 진군했다.
βραχὺ δὲ τῶν καιρῶν ὑστερήσας φανερὰν μὲν ἔσχε τὴν εἰς τὴν πόλιν εὔνοιαν, τῆς δὲ ὅλης ἐπιβολῆς ἀπέτυχε.
그러나 기회를 아주 조금 놓친 탓에 도시를 향한 그의 호의는 명백해졌으나, 전체 계획은 수포로 돌아갔다.
§18.52.3πρὸς δὲ Ἀρριδαῖον ἐξέπεμψε πρεσβευτάς, ἐγκαλῶν ὅτι πρῶτον μὲν Ἑλληνίδα πόλιν σύμμαχον οὖσαν καὶ μηδὲν ἀδικοῦσαν ἐτόλμησε πολιορκεῖν, ἔπειθʼ ὅτι φανερός ἐστιν ἀποστατήσων καὶ τὴν σατραπείαν ἑαυτῷ δυναστείαν κατασκευαζόμενος·
그리하여 그는 아리다이오스에게 사절을 보내 다음과 같이 비난했다. 첫째로, 동맹국이자 아무런 잘못도 없는 그리스 도시를 감히 포위했다는 점이며, 둘째로 그가 반역을 꾀하여 총독령을 자신을 위한 독재 지배지로 구축하려 함이 명백하다는 점이었다.
τὸ δὲ τελευταῖον προσέταττε τῆς σατραπείας παραχωρεῖν καὶ μίαν λαβόντα πόλιν εἰς καταβίωσιν τὴν ἡσυχίαν ἄγειν.
그리고 마지막으로, 총독령에서 물러나고 여생을 보낼 수 있는 도시 하나만을 취해 조용히 지낼 것을 명령했다.
§18.52.4ὁ δʼ Ἀρριδαῖος διακούσας τῶν πρέσβεων καὶ τὸ τῶν λόγων ὑπερήφανον καταμεμψάμενος οὐκ ἔφη παραχωρήσειν τῆς σατραπείας, τὰς δὲ πόλεις φρουραῖς διαλαμβάνων πειράσεσθαι τοῖς ὅπλοις διαγωνίζεσθαι πρὸς αὐτόν.
아리다이오스는 사절들의 말을 끝까지 듣고 그 언사의 오만함을 규탄하며, 자신은 총독령에서 물러나지 않을 것이며 여러 도시를 수비대로 확보하여 그와 무력으로 맞서 싸우겠다고 답했다.
ἀκολούθως δὲ ταῖς ἀποκρίσεσι τὰς πόλεις ἀσφαλισάμενος μέρος τῆς δυνάμεως ἐξέπεμψε καὶ στρατηγὸν ἐπʼ αὐτῆς.
이 답변에 따라 여러 도시를 안전하게 다진 후, 그는 군대의 일부와 이를 이끌 장군을 파견했다.
τούτῳ δὲ προσέταξε συνάπτειν τοῖς περὶ τὸν Εὐμενῆ καὶ λύειν τὴν πολιορκίαν τοῦ φρουρίου καὶ τὸν Εὐμενῆ τῶν κινδύνων ἀπαλλάξαντα ποιήσασθαι σύμμαχον.
그리고 이 장군에게 에우메네스 일행과 합류하여 요새의 포위를 풀고, 에우메네스를 위험에서 구출하여 동맹으로 삼으라고 명령했다.
§18.52.5Ἀντίγονος δὲ σπεύδων ἀμύνασθαι τὸν Ἀρριδαῖον ἐξέπεμψεν ἐπʼ αὐτὸν δύναμιν τὴν διαπολεμήσουσαν, αὐτὸς δὲ τὴν ἱκανὴν στρατιὰν ἀναλαβὼν προῆγεν ἐπὶ Λυδίας, βουλόμενος ἐκβαλεῖν τὸν ἐν αὐτῇ σατράπην Κλεῖτον.
안티고노스는 아리다이오스에게 보복하는 것을 서둘러 그와 맞서 싸울 군대를 파견하고, 자신은 충분한 군세를 이끌고 리디아로 진군했는데, 그곳의 총독인 클레이토스를 몰아내고자 했기 때문이다.
§18.52.6ὁ δὲ προϊδόμενος τὴν ἔφοδον αὐτοῦ τὰς μὲν ἀξιολογωτάτας πόλεις φρουραῖς ἠσφαλίσατο, αὐτὸς δὲ εἰς Μακεδονίαν ἐξέπλευσε, δηλώσων τοῖς τε βασιλεῦσι καὶ Πολυπέρχοντι τὴν Ἀντιγόνου τόλμαν καὶ ἀπόστασιν καὶ ἀξιώσων ἑαυτῷ βοηθεῖν.
클레이토스는 그의 습격을 예견하고 가장 중요한 도시들을 수비대로 안전하게 다졌으나, 자신은 마케도니아로 배를 타고 떠났다. 왕들과 폴리페르콘에게 안티고노스의 대담함과 반역 행위를 보고하고 자신을 도울 것을 요청하기 위해서였다.
§18.52.7ὁ δʼ Ἀντίγονος τὴν μὲν Ἔφεσον ἐξ ἐφόδου παρέλαβε συνεργησάντων αὐτῷ τινων ἐκ τῆς πόλεως·
한편 안티고노스는 에페소스 시 내부 몇몇 사람들의 협력을 받아 단숨에 그곳을 점령했다.
μετὰ δὲ ταῦτα καταπλεύσαντος εἰς Ἔφεσον Αἰσχύλου τοῦ Ῥοδίου καὶ κομίζοντος ἐκ Κιλικίας ἐν τέσσαρσι ναυσὶν ἀργυρίου τάλαντα ἑξακόσια ἀπεσταλμένα εἰς Μακεδονίαν πρὸς τοὺς βασιλεῖς παρείλετο, φάσκων ἑαυτῷ χρείαν ἔχειν πρὸς τὰς τῶν ξένων μισθοφορίας.
그 후, 로도스인 아이스킬로스가 기리기아로부터 네 척의 배에 실어 왕들이 있는 마케도니아로 보내지던 은 600달란트를 싣고 에페소스에 입항하자, 안티고노스는 외국인 용병들의 급료를 지급하기 위해 그것이 자신에게 필요하다고 주장하며 가로챘다.
§18.52.8τοῦτο δὲ πράξας φανερὸς ἐγένετο πρὸς ἰδιοπραγίαν ὡρμημένος καὶ τοῖς βασιλεῦσιν ἐναντιούμενος.
이 일을 행함으로써 그가 사적인 야심을 지니고 행동하며 왕들에게 대적하고 있음이 백일하에 드러났다.
μετὰ δὲ ταῦτα συμπολιορκήσας ἐπῄει τὰς ἑξῆς πόλεις, ἃς μὲν βίᾳ χειρούμενος, ἃς δὲ πειθοῖ προσαγόμενος.
그 이후로 그는 연이어 인접한 도시들을 공략해 나갔는데, 어떤 도시들은 무력으로 굴복시키고 다른 도시들은 설득하여 포섭했다.