§18.1.1Πυθαγόρας ὁ Σάμιος καί τινες ἕτεροι τῶν παλαιῶν φυσικῶν ἀπεφήναντο τὰς ψυχὰς τῶν ἀνθρώπων ὑπάρχειν ἀθανάτους, ἀκολούθως δὲ τῷ δόγματι τούτῳ καὶ προγινώσκειν αὐτὰς τὰ μέλλοντα καθʼ ὃν ἂν καιρὸν ἐν τῇ τελευτῇ τὸν ἀπὸ τοῦ σώματος χωρισμὸν ποιῶνται.
사모스의 피타고라스와 고대 자연 철학자들 중 다른 이들은 인간의 영혼이 불멸한다고 주장하였으며, 이 교의에 따라 영혼이 죽음에 임하여 육체로부터 분리를 이룰 바로 그때에 미래의 일들을 예지하기도 한다고 선언하였다.
§18.1.2τούτοις δὲ ἔοικε συμφωνεῖν καὶ ὁ ποιητὴς Ὅμηρος, παρεισάγων τὸν Ἕκτορα κατὰ τὸν τῆς τελευτῆς καιρὸν προλέγοντα τῷ Ἀχιλλεῖ τὸν μέλλοντα συντόμως αὐτῷ συνακολουθήσειν θάνατον.
시인 호메로스 역시 이들에 동의하는 것으로 보이는데, 그는 헥토르가 죽음을 맞이하는 순간에 아킬레우스에게 곧 그에게 뒤따를 죽음을 예언하는 모습으로 등장시키고 있기 때문이다.
§18.1.3ὁμοίως δὲ καὶ κατὰ τοὺς νεωτέρους χρόνους ἐπὶ πολλῶν καταστρεφόντων τὸν βίον ἱστορεῖται γεγονέναι τὸ προειρημένον καὶ μάλιστα ἐπὶ τῆς Ἀλεξάνδρου τοῦ Μακεδόνος τελευτῆς.
마찬가지로 더 최근의 시대에도 많은 이들이 생을 마감할 때 앞서 언급한 일들이 일어났다고 전해지며, 특히 마케도니아인 알렉산드로스의 죽음에서 그러하였다.
§18.1.4οὗτος γὰρ ἐν Βαβυλῶνι μεταλλάττων τὸν βίον, κατὰ τὴν ἐσχάτην ἀναπνοὴν ἐρωτηθεὶς ὑπὸ τῶν φίλων τίνι τὴν βασιλείαν ἀπολείπει, εἶπεν Τῷ ἀρίστῳ· προορῶμαι γὰρ ἐπιτάφιον μέγαν ἀγῶνα γενησόμενόν μοι τῶν φίλων.
왜냐하면 그는 바빌론에서 생을 마감하면서, 마지막 숨을 몰아쉴 때 동료들로부터 누구에게 왕국을 남기는지 질문을 받자 "가장 뛰어난 자에게"라고 답하며, "내게는 동료들이 나를 두고 벌일 거대한 장례 경쟁이 일어날 것이 예견되기 때문이다"라고 말했기 때문이다.
§18.1.5ὅπερ καὶ πρὸς ἀλήθειαν ἐξέβη·
그리고 이것은 실제로 사실이 되었다.
οἱ γὰρ ἐπιφανέστατοι τῶν φίλων ὑπὲρ τοῦ πρωτείου διενεχθέντες πολλοὺς καὶ μεγάλους ἀγῶνας συνεστήσαντο μετὰ τὴν Ἀλεξάνδρου τελευτήν.
가장 현저한 동료들이 우두머리 자리를 두고 대립하여, 알렉산드로스의 사후에 수많은 거대한 투쟁들을 벌였던 것이다.
τὰς δὲ συντελεσθείσας ὑπʼ αὐτῶν πράξεις ἡ βύβλος αὕτη περιέχουσα ποιήσει φανερὸν τὸ ῥηθὲν τοῖς φιλαναγνωστοῦσιν.
그들에 의해 수행된 행적들을 담고 있는 이 책은 독서를 사랑하는 이들에게 그 말이 진실이었음을 분명히 보여줄 것이다.
§18.1.6ἡ μὲν γὰρ πρὸ ταύτης βύβλος τὰς Ἀλεξάνδρου πράξεις ἁπάσας περιείληφε μέχρι τῆς τελευτῆς· αὕτη δὲ τὰ τοῖς διαδεξαμένοις τὴν τούτου βασιλείαν πεπραγμένα περιέχουσα τελευτὴν μὲν ἔχει τὸν προηγούμενον ἐνιαυτὸν τῆς Ἀγαθοκλέους τυραννίδος, περιείληφεν δʼ ἔτη ἑπτά.
이 책의 이전 권은 알렉산드로스의 모든 행적을 그의 죽음에 이르기까지 포괄하였으나, 이 권은 그의 왕국을 계승한 자들에 의해 행해진 일들을 담고 있으며, 아가토클레스의 참주정 전해를 종점으로 삼고 일곱 해를 포괄한다.