§5.4.1ὁμοίως δὲ ταῖς προειρημέναις δυσὶ θεαῖς καὶ τὴν Κόρην λαχεῖν τοὺς περὶ τὴν Ἔνναν λειμῶνας·
앞서 언급한 두 여신과 마찬가지로, 코레 역시 엔나 주변의 들판을 할당받았다.
πηγὴν δὲ μεγάλην αὐτῇ καθιερωθῆναι ἐν τῇ Συρακοσίᾳ τὴν ὀνομαζομένην Κυάνην.
그리고 쉬라쿠사이 영토에서 쿠아네라고 불리는 거대한 샘이 그녀에게 봉헌되었다.
§5.4.2τὸν γὰρ Πλούτωνα μυθολογοῦσι τὴν ἁρπαγὴν ποιησάμενον ἀποκομίσαι τὴν Κόρην ἐφʼ ἅρματος πλησίον τῶν Συρακουσῶν, καὶ τὴν γῆν ἀναρρήξαντα αὐτὸν μὲν μετὰ τῆς ἁρπαγείσης δῦναι καθʼ ᾅδου, πηγὴν δʼ ἀνεῖναι τὴν ὀνομαζομένην Κυάνην, πρὸς ᾗ κατʼ ἐνιαυτὸν οἱ Συρακόσιοι πανήγυριν ἐπιφανῆ συντελοῦσι, καὶ θύουσιν οἱ μὲν ἰδιῶται τὰ ἐλάττω τῶν ἱερείων, δημοσίᾳ δὲ ταύρους βυθίζουσιν ἐν τῇ λίμνῃ, ταύτην τὴν θυσίαν καταδείξαντος Ἡρακλέους καθʼ ὃν καιρὸν τὰς Γηρυόνου βοῦς ἐλαύνων περιῆλθε πᾶσαν Σικελίαν.
신화에 따르면 플루톤이 납치를 자행한 후 전차에 코레를 태워 쉬라쿠사이 근처로 데려갔으며, 스스로 대지를 가르고 납치된 처녀와 함께 하데스로 내려갔고, 쿠아네라고 불리는 샘을 솟구치게 했다고 전하기 때문이다. 그 샘 근처에서 매년 쉬라쿠사이인들은 성대한 축제를 거행하며, 개인들은 더 작은 제물을 바치는 반면, 공적으로는 황소들을 호수에 가라앉히는데, 이 제사는 헤라클레스가 게리온의 소들을 몰고 시켈리아 전역을 돌던 시절에 이를 제정한 것이다.
§5.4.3μετὰ δὲ τὴν τῆς Κόρης ἁρπαγὴν μυθολογοῦσι τὴν Δήμητραν μὴ δυναμένην ἀνευρεῖν τὴν θυγατέρα λαμπάδας ἐκ τῶν κατὰ τὴν Αἴτνην κρατήρων ἀναψαμένην ἐπελθεῖν ἐπὶ πολλὰ μέρη τῆς οἰκουμένης, τῶν δʼ ἀνθρώπων τοὺς μάλιστʼ αὐτὴν προσδεξαμένους εὐεργετῆσαι τὸν τῶν πυρῶν καρπὸν ἀντιδωρησαμένην.
그리고 코레의 납치 이후, 데메테르가 딸을 찾을 수 없게 되자 아이트네의 화구에서 횃불을 밝혀 거주 세계의 많은 지역을 찾아다녔으며, 그녀를 가장 온정적으로 맞이해 준 인간들에게 밀의 열매를 답례로 주어 은혜를 베풀었다고 신화적으로 전해진다.
§5.4.4φιλανθρωπότατα δὲ τῶν Ἀθηναίων ὑποδεξαμένων τὴν θεόν, πρώτοις τούτοις μετὰ τοὺς Σικελιώτας δωρήσασθαι τὸν τῶν πυρῶν καρπόν·
아테나인들이 가장 자애롭게 여신을 맞이했기 때문에, 시켈리아인 다음으로 이들에게 최초로 밀의 열매를 선물했다.
ἀνθʼ ὧν ὁ δῆμος οὗτος περιττότερον τῶν ἄλλων ἐτίμησαν τὴν θεὸν θυσίαις τʼ ἐπιφανεστάταις καὶ τοῖς ἐν Ἐλευσῖνι μυστηρίοις, ἃ διὰ τὴν ὑπερβολὴν τῆς ἀρχαιότητος καὶ ἁγνείας ἐγένετο πᾶσιν ἀνθρώποις περιβόητα.
이에 보답하여 이 민족은 다른 이들보다 유달리 가장 유명한 제사와 엘레우시스의 비의를 통해 여신을 숭배했는데, 이 비의는 극에 달한 오래됨과 신성함 때문에 모든 인류에게 널리 알려지게 되었다.
παρὰ δὲ τῶν Ἀθηναίων πολλοὶ μεταλαβόντες τῆς ἐκ τοῦ σίτου φιλανθρωπίας, καὶ τοῖς πλησιοχώροις μεταδιδόντες τοῦ σπέρματος, ἐπλήρωσαν πᾶσαν τὴν οἰκουμένην.
그리고 많은 이들이 아테나인들로부터 곡물의 혜택을 나누어 받았고, 이웃 사람들에게 씨앗을 나누어 줌으로써 온 거주 세계를 가득 채웠다.
§5.4.5οἱ δὲ κατὰ τὴν Σικελίαν, διὰ τὴν τῆς Δήμητρος καὶ Κόρης πρὸς αὐτοὺς οἰκειότητα πρῶτοι τῆς εὑρέσεως τοῦ σίτου μεταλαβόντες, ἑκατέρᾳ τῶν θεῶν κατέδειξαν θυσίας καὶ πανηγύρεις, ἐπωνύμους αὐταῖς ποιήσαντες καὶ τῷ χρόνῳ διασημήναντες τὰς δοθείσας δωρεάς.
한편 시켈리아의 주민들은 데메테르와 코레가 자신들에게 보여준 친밀함 때문에 곡물의 발견이라는 혜택을 가장 먼저 받았으므로, 두 여신 각각을 위해 제사와 축제를 제정하고, 그것들을 그들의 이름을 따서 부르게 하였으며, 개최 시기를 통해 베풀어진 선물을 기념했다.
§5.4.6τῆς μὲν γὰρ Κόρης τὴν καταγωγὴν ἐποιήσαντο περὶ τὸν καιρὸν ἐν ᾧ τὸν τοῦ σίτου καρπὸν τελεσιουργεῖσθαι συνέβαινε, καὶ ταύτην τὴν θυσίαν καὶ πανήγυριν μετὰ τοσαύτης ἁγνείας καὶ σπουδῆς ἐπιτελοῦσιν ὅσης εἰκός ἐστι τοὺς τῇ κρατίστῃ δωρεᾷ προκριθέντας τῶν ἄλλων ἀνθρώπων ἀποδιδόναι τὰς χάριτας·
그들은 코레의 '귀환'을 곡물의 열매가 성숙해지는 시기 즈음으로 정했으며, 이 제사와 축제를 다른 어떤 인류보다도 가장 위대한 선물을 받도록 선택된 자들이 감사를 드리는 데 걸맞은 만큼의 경건함과 열의를 다해 거행하고 있기 때문이다.
§5.4.7τῆς δὲ Δήμητρος τὸν καιρὸν τῆς θυσίας προέκριναν ἐν ᾧ τὴν ἀρχὴν ὁ σπόρος τοῦ σίτου λαμβάνει, ἐπὶ δʼ ἡμέρας δέκα πανήγυριν ἄγουσιν ἐπώνυμον τῆς θεοῦ ταύτης, τῇ τε λαμπρότητι τῆς παρασκευῆς μεγαλοπρεπεστάτην καὶ τῇ διασκευῇ μιμούμενοι τὸν ἀρχαῖον βίον.
반면 데메테르 제사의 시기로는 곡물의 씨뿌리기가 시작되는 때를 그들은 선택하였으며, 열흘 동안 이 여신의 이름을 딴 축제를 열어, 준비의 화려함에 있어서는 극히 장엄하게 하고 차림새에 있어서는 고대 생활을 모방한다.
ἔθος δʼ ἐστὶν αὐτοῖς ἐν ταύταις ταῖς ἡμέραις αἰσχρολογεῖν κατὰ τὰς πρὸς ἀλλήλους ὁμιλίας διὰ τὸ τὴν θεὸν ἐπὶ τῇ τῆς Κόρης ἁρπαγῇ λυπουμένην γελάσαι διὰ τὴν αἰσχρολογίαν.
또한 이 시기 동안 그들이 서로 대화할 때 음담패설을 나누는 것이 관습인데, 이는 여신이 코레의 납치로 인해 슬퍼하고 있을 때 음담패설로 인해 웃음을 터뜨렸기 때문이다.