§5.34.1τοῖς δʼ ἤθεσι πρὸς μὲν τοὺς κακούργους καὶ πολεμίους ὑπάρχουσιν ὠμοί, πρὸς δὲ τοὺς ξένους ἐπιεικεῖς καὶ φιλάνθρωποι.
그들의 성품을 보면, 범죄자들과 적들에게는 냉혹하지만, 외지인들에게는 친절하고 인도적이다.
τοὺς γὰρ ἐπιδημήσαντας ξένους ἅπαντες ἀξιοῦσι παρʼ αὑτοῖς ποιεῖσθαι τὰς καταλύσεις καὶ πρὸς ἀλλήλους ἁμίλλῶνται περὶ τῆς φιλοξενίας·
그들 모두는 방문한 외지인들이 자신들의 집에 머무르게 하는 것을 당연하게 여기며, 서로 손님 대접을 경쟁한다.
οἷς δʼ ἂν οἱ ξένοι συνακολουθήσωσι, τούτους ἐπαινοῦσι καὶ θεοφιλεῖς ἡγοῦνται.
그리고 외지인들이 동행한 이들을 그들은 칭찬하고 신들의 사랑을 받는 이들이라고 생각한다.
§5.34.2τροφαῖς δὲ χρῶνται κρέασι παντοδαποῖς καὶ δαψιλέσι καὶ οἰνομέλιτος πόματι, χορηγούσης τῆς χώρας τὸ μὲν μέλι παμπληθές, τὸν δʼ οἶνον παρὰ τῶν ἐπιπλεόντων ἐμπόρων ὠνούμενοι.
그들은 온갖 종류의 풍부한 고기와 벌꿀주를 음식과 음료로 삼는데, 그 땅이 꿀을 매우 풍부하게 공급하는 반면, 와인은 항해해 오는 상인들에게서 구입한다.
§5.34.3χαριέστατον δὲ τῶν πλησιοχώρων ἐθνῶν ἐστι τὸ τῶν Οὐακκαίων ὀνομαζομένων σύστημα·
이웃한 부족들 가운데 가장 매력적인 곳은 바카이인이라 불리는 이들의 사회적 집단이다.
οὗτοι γὰρ καθʼ ἕκαστον ἔτος διαιρούμενοι τὴν χώραν γεωργοῦσι, καὶ τοὺς καρποὺς κοινοποιούμενοι μεταδιδόασιν ἑκάστῳ τὸ μέρος, καὶ τοῖς νοσφισαμένοις τι γεωργοῖς θάνατον τὸ πρόστιμον τεθείκασι.
이들은 매년 토지를 분할하여 농사를 짓고, 수확물을 공동 소유로 삼아 각자에게 그 몫을 나누어 주며, 수확물을 횡령한 농부들에게는 사형을 벌칙으로 규정하고 있다.
§5.34.4τῶν δʼ Ἰβήρων ἀλκιμώτατοι μέν εἰσιν οἱ καλούμενοι Λυσιτανοί, φοροῦσι δʼ ἐν τοῖς πολέμοις πέλτας μικρὰς παντελῶς, διαπεπλεγμένας νεύροις καὶ δυναμένας σκέπειν τὸ σῶμα περιττότερον διὰ τὴν στερεότητα·
이베리아인들 가운데 가장 용맹한 이들은 루시타니아인이라 불리는 이들인데, 그들은 전쟁에서 힘줄로 엮어 만들어 그 견고함 덕분에 몸을 아주 잘 보호할 수 있는 매우 작은 가벼운 방패를 사용한다.
ταύτην δʼ ἐν ταῖς μάχαις μεταφέροντες εὐλύτως ἄλλοτε ἄλλως ἀπὸ τοῦ σώματος διακρούονται φιλοτέχνως πᾶν τὸ φερόμενον ἐπʼ αὐτοὺς βέλος.
전투 중에 그들은 이 방패를 몸 앞뒤로 자유자재로 움직이며, 자신들을 향해 날아오는 모든 투사물을 교묘하게 막아낸다.
§5.34.5χρῶνται δὲ καὶ σαυνίοις ὁλοσιδήροις ἀγκιστρώδεσι, φοροῦσι δὲ κράνη καὶ ξίφη παραπλήσια Κελτίβηρσιν.
그들은 또한 완전히 철로 만들어진 미늘이 달린 투창을 사용하며, 켈티베리아인들과 매우 비슷한 투구와 검을 쓴다.
ἀκοντίζουσι δʼ εὐστόχως καὶ μακράν, καὶ καθόλου καρτεροπληγεῖς ὑπάρχουσιν.
그들은 표적을 정확히 맞추고 멀리까지 창을 던지며, 대체로 강력한 타격을 가하는 자들이다.
εὐκίνητοι δʼ ὄντες καὶ κοῦφοι ῥᾳδίως καὶ φεύγουσι καὶ διώκουσι, κατὰ δὲ τὰς ἐν ταῖς συστάσεσι τῶν δεινῶν ὑπομονὰς πολὺ λείπονται τῶν Κελτιβήρων.
몸이 민첩하고 가벼워 쉽게 후퇴하고 추격하기도 하지만, 근접전에서 위험을 견뎌내는 인내력에 있어서는 켈티베리아인들보다 훨씬 떨어진다.
ἐπιτηδεύουσι δὲ κατὰ μὲν τὴν εἰρήνην ὄρχησίν τινα κούφην καὶ περιέχουσαν πολλὴν εὐτονίαν σκελῶν, ἐν δὲ τοῖς πολέμοις, πρὸς ῥυθμὸν ἐμβαίνουσι καὶ παιᾶνας ᾅδουσιν, ὅταν ἐπίωσι τοῖς ἀντιτεταγμένοις.
그들은 평화로울 때는 다리의 큰 탄력성을 필요로 하는 가벼운 춤을 연습하고, 전쟁 중에는 대치 중인 적들을 향해 나아갈 때 장단에 맞추어 행진하며 승전가를 부른다.
§5.34.6ἴδιον δέ τι παρὰ τοῖς Ἴβηρσι καὶ μάλιστα παρὰ τοῖς Λυσιτανοῖς ἐπιτηδεύεται·
이베리아인들 사이, 특히 루시타니아인들 사이에서는 독특한 관습이 행해진다.
τῶν γὰρ ἀκμαζόντων ταῖς ἡλικίαις οἱ μάλιστα ἀπορώτατοι ταῖς οὐσίαις, ῥώμῃ δὲ σώματος καὶ θράσει διαφέροντες, ἐφοδιάσαντες αὑτοὺς ἀλκῇ καὶ τοῖς ὅπλοις εἰς τὰς ὀρεινὰς δυσχωρίας ἀθροίζονται, συστήματα δὲ ποιήσαντες ἀξιόλογα κατατρέχουσι τὴν Ἰβηρίαν καὶ λῃστεύοντες πλούτους ἀθροίζουσι·
혈기 왕성한 젊은이들 중 재산은 가장 빈곤하지만 신체의 강건함과 대담함이 뛰어난 자들이 용기와 무기로 스스로를 무장하고 산악의 험난한 지형에 모여서, 상당한 규모의 무리를 지어 이베리아 땅을 급습하고 약탈을 통해 부를 축적한다.
καὶ τοῦτο διατελοῦσι πράττοντες μετὰ πάσης καταφρονήσεως·
그리고 그들은 모든 것을 대수롭지 여겨 조소하며 이 행동을 계속해 나간다.
κούφοις γὰρ χρώμενοι καθοπλισμοῖς καὶ παντελῶς ὄντες εὐκίνητοι καὶ ὀξεῖς δυσχειρότατοι τοῖς ἄλλοις εἰσί.
그들은 가벼운 무장을 사용하고 지극히 민첩하고 신속하여 다른 이들이 대처하기가 매우 까다롭기 때문이다.
§5.34.7καθόλου δὲ τὰς ἐν τοῖς ὄρεσι δυσχωρίας καὶ τραχύτητας ἡγούμενοι πατρίδας εἶναι, εἰς ταύτας καταφεύγουσι, δυσδιεξόδους οὔσας μεγάλοις καὶ βαρέσι στρατοπέδοις.
대체로 그들은 산속의 험난하고 거친 지형을 조국으로 여기고 그곳으로 도망치는데, 그곳은 대규모의 무거운 군대가 통과하기 어려운 곳이다.
διὸ καὶ Ῥωμαῖοι πολλάκις ἐπʼ αὐτοὺς στρατεύσαντες τῆς μὲν πολλῆς καταφρονήσεως ἀπέστησαν αὐτούς, εἰς τέλος δὲ τὰ λῃστήρια καταλῦσαι πολλάκις φιλοτιμηθέντες οὐκ ἠδυνήθησαν.
그렇기 때문에 로마인들도 여러 차례 그들을 향해 원정을 떠나 그들의 대단한 오만함을 꺾어 놓기는 했지만, 결국 그 도적 떼를 완전히 소탕하려는 열망을 품었음에도 불구하고 번번이 성과를 거두지 못했다.