§4.57.1ἡμῖν δʼ ἀρκούντως ἐξειργασμένοις τὴν περὶ τῶν Ἀργοναυτῶν ἱστορίαν καὶ τὰ ὑφʼ Ἡρακλέους πραχθέντα οἰκεῖον ἂν εἴη κατὰ τὴν γενομένην ἐπαγγελίαν ἀναγράψαι τὰς τῶν υἱῶν αὐτοῦ πράξεις.
아르고나우타이에 관한 역사와 헤라클레스에 의해 행해진 일들을 충분히 마무리한 우리에게는, 이전에 한 약속에 따라 그의 아들들의 업적을 기록하는 것이 적절할 것이다.
μετὰ τὴν Ἡρακλέους τοίνυν ἀποθέωσιν οἱ παῖδες αὐτοῦ κατῴκουν ἐν Τραχῖνι παρὰ Κήυκι τῷ βασιλεῖ.
그리하여 헤라클레스의 신격화 이후에 그의 자녀들은 트라키스에서 왕 케욱스 곁에 거주했다.
§4.57.2μετὰ δὲ ταῦτα Ὕλλου καί τινων ἑτέρων ἀνδρωθέντων, Εὐρυσθεὺς φοβηθεὶς μὴ πάντων ἐνηλίκων γενομένων ἐκπέσῃ τῆς ἐν Μυκήναις βασιλείας, ἔγνω τοὺς Ἡρακλείδας ἐξ ὅλης τῆς Ἑλλάδος φυγαδεῦσαι.
그 뒤에 훌로스와 다른 몇몇 이들이 장성하자, 에우뤼스테우스는 그들 모두가 성인이 되었을 때 자신이 뮈케나이의 왕위에서 쫓겨날 것을 두려워하여, 헤라클레이다이를 그리스 전역에서 추방하기로 마음먹었다.
διὸ Κήυκι μὲν τῷ βασιλεῖ προηγόρευσε τούς τε Ἡρακλείδας καὶ τοὺς Λικυμνίου παῖδας ἐκβαλεῖν, §4.57.3ἔτι δὲ Ἰόλαον καὶ τὸ σύστημα τῶν Ἀρκάδων τῶν Ἡρακλεῖ συνεστρατευκότων, ἢ ταῦτα μὴ ποιοῦντα πόλεμον ἀναδέξασθαι.
그리하여 그는 왕 케욱스에게 헤라클레이다이와 리쿰니오스의 자녀들을 쫓아내라고 요구했으며, 나아가 이올라오스와 헤라클레스와 함께 종군했던 아르카디아인들의 무리도 쫓아낼 것과, 만약 이 일을 행하지 않는다면 전쟁을 감수해야 할 것이라고 경고했다.
§4.57.4οἱ δʼ Ἡρακλεῖδαι καὶ οἱ μετʼ αὐτῶν θεωροῦντες αὑτοὺς οὐκ ἀξιομάχους ὄντας Εὐρυσθεῖ πολεμεῖν, ἔγνωσαν ἑκουσίως φεύγειν ἐκ τῆς Τραχῖνος·
그러나 헤라클레이다이와 그들과 함께 있던 이들은 자신들이 에우뤼스테우스와 맞서 싸우기에 충분한 전력을 갖추지 못했음을 알고, 자발적으로 트라키스에서 도망치기로 결정했다.
ἐπιόντες δὲ τῶν ἄλλων πόλεων τὰς ἀξιολογωτάτας ἐδέοντο δέξασθαι σφᾶς αὐτοὺς συνοίκους.
그리고 다른 도시들 중 가장 유력한 곳들을 찾아가 자신들을 함께 살 거주자로 받아달라고 간청했다.
μηδεμιᾶς δὲ τολμώσης ὐποδέξασθαι, μόνοι τῶν ἄλλων Ἀθηναῖοι διὰ τὴν ἔμφυτον παρʼ αὐτοῖς ἐπιείκειαν προσεδέξαντο τοὺς Ἡρακλείδας·
어느 도시도 받아들이기를 두려워했으나, 다른 이들 중에서 오직 아테나이인들만이 자신들의 타고난 관대함 덕분에 헤라클레이다이를 받아들였다.
κατῴκισαν δὲ αὐτοὺς μετὰ τῶν συμφυγόντων εἰς Τρικόρυθον πόλιν, ἥτις ἐστὶ μία τῆς ὀνομαζομένης τετραπόλεως.
그리고 그들을 함께 피신한 이들과 함께 소위 테트라폴리스(네 도시 연합) 중 하나인 트리코뤼토스 시에 정착시켰다.
§4.57.5μετὰ δέ τινα χρόνον ἁπάντων τῶν Ἡρακλέους παίδων ἠνδρωμένων, καὶ φρονήματος ἐμφυομένου τοῖς νεανίσκοις διὰ τὴν ἀφʼ Ἡρακλέους δόξαν, ὑφορώμενος αὐτῶν τὴν αὔξησιν Εὐρυσθεὺς ἐστράτευσεν ἐπʼ αὐτοὺς μετὰ πολλῆς δυνάμεως.
얼마간의 시간이 흐른 뒤, 헤라클레스의 자녀들이 모두 장성하고, 헤라클레스로부터 유래한 명성 덕분에 청년들 사이에 자긍심이 싹트자, 그들의 성장을 경계한 에우뤼스테우스는 대군을 이끌고 그들을 향해 원정길에 올랐다.
§4.57.6οἱ δʼ Ἡρακλεῖδαι, βοηθούντων αὐτοῖς τῶν Ἀθηναίων, προστησάμενοι τὸν Ἡρακλέους ἀδελφιδοῦν Ἰόλαον, καὶ τούτῳ τε καὶ Θησεῖ καὶ Ὕλλῳ τὴν στρατηγίαν παραδόντες, ἐνίκησαν παρατάξει τὸν Εὐρυσθέα.
그러나 헤라클레이다이는 아테나이인들의 원조를 받으며, 헤라클레스의 조카 이올라오스를 선두에 세우고, 그와 테세우스와 훌로스에게 지휘권을 위임하여, 회전에서 에우뤼스테우스를 물리쳤다.
κατὰ δὲ τὴν μάχην πλεῖστοι μὲν τῶν μετʼ Εὐρυσθέως κατεκόπησαν, αὐτὸς δʼ ὁ Εὐρυσθεύς, τοῦ ἅρματος κατὰ τὴν φυγὴν συντριβέντος, ὑπὸ Ὕλλου τοῦ Ἡρακλέους ἀνῃρέθη·
이 전투에서 에우뤼스테우스와 함께했던 이들 중 대부분이 참살되었고, 에우뤼스테우스 자신은 도망치던 중 전차가 부서져 헤라클레스의 아들 훌로스에게 목숨을 잃었다.
ὁμοίως δὲ καὶ οἱ υἱοὶ τοῦ Εὐρυσθέως πάντες κατὰ τὴν μάχην ἐτελεύτησαν.
마찬가지로 에우뤼스테우스의 아들들도 모두 전투 중에 전사했다.