§3.60.1μετὰ δὲ τὴν Ὑπερίονος τελευτὴν μυθολογοῦσι τοὺς υἱοὺς τοῦ Οὐρανοῦ διελέσθαι τὴν βασιλείαν, ὧν ὑπάρχειν ἐπιφανεστάτους Ἄτλαντα καὶ Κρόνον.
히페리온이 죽은 후에 우라노스의 아들들이 나라를 나누어 가졌는데, 그중 가장 눈에 띄는 인물은 아틀라스와 크로노스였다고 신화는 전한다.
τούτων δὲ τὸν μὲν Ἄτλαντα λαχεῖν τοὺς παρὰ τὸν ὠκεανὸν τόπους, καὶ τούς τε λαοὺς Ἀτλαντίους ὀνομάσαι καὶ τὸ μέγιστον τῶν κατὰ τὴν χώραν ὀρῶν ὁμοίως Ἄτλαντα προσαγορεῦσαι.
이들 중 아틀라스는 대양 근처의 땅을 얻어, 그 백성들을 아틀란티스 인이라 이름 짓고, 그 지역에서 가장 거대한 산을 마찬가지로 아틀라스라 불렀다.
§3.60.2φασὶ δʼ αὐτὸν τὰ περὶ τὴν ἀστρολογίαν ἐξακριβῶσαι. καὶ τὸν σφαιρικὸν λόγον εἰς ἀνθρώπους πρῶτον ἐξενεγεῖν·
또한 그가 천문학에 관한 지식을 정교하게 다듬고 구체의 원리를 인류에게 최초로 전했다고 사람들은 말한다.
ἀφʼ ἧς αἰτίας δόξαι τὸν σύμπαντα κόσμον ἐπὶ τῶν Ἄτλαντος ὤμων ὀχεῖσθαι, τοῦ μύθου τὴν τῆς σφαίρας εὕρεσιν καὶ καταγραφὴν αἰνιττομένου.
이로 인해 온 우주가 아틀라스의 어깨 위에 얹혀 있는 것처럼 여겨지게 되었는데, 이 신화는 구체의 발견과 도해를 암시하는 것이다.
γενέσθαι δʼ αὐτῷ πλείους υἱούς, ὧν ἕνα διενεγκεῖν εὐσεβείᾳ καὶ τῇ πρὸς τοὺς ἀρχομένους δικαιοσύνῃ καὶ φιλανθρωπίᾳ, τὸν προσαγορευόμενον Ἕσπερον.
그리고 그에게는 여러 아들이 있었는데, 그중 한 명은 경건함과 피지배자들에 대한 정의 및 인간애가 뛰어나서 헤스페로스라 불렸다.
§3.60.3τοῦτον δʼ ἐπὶ τὴν κορυφὴν τοῦ Ἄτλαντος ὄρους ἀναβαίνοντα καὶ τὰς τῶν ἄστρων παρατηρήσεις ποιούμενον ἐξαίφνης ὑπὸ πνευμάτων συναρπαγέντα μεγάλων ἄφαντον γενέσθαι·
이 인물이 아틀라스 산의 정상에 올라 별들을 관측하고 있던 중에, 갑자기 강한 돌풍에 휩쓸려 사라졌다고 한다.
διὰ δὲ τὴν ἀρετὴν αὐτοῦ τὸ πάθος τὰ πλήθη ἐλεήσαντα τιμὰς ἀθανάτους ἀπονεῖμαι καὶ τὸν ἐπιφανέστατον τῶν κατὰ τὸν οὐρανὸν ἀστέρων ὁμωνύμως ἐκείνῳ προσαγορεῦσαι.
그리하여 대중은 그의 덕성 때문에 그의 불행한 운명을 가엾게 여겨 불멸의 명예를 부여하고, 하늘에서 가장 빛나는 별을 그와 같은 이름으로 불렀다.
§3.60.4ὑπάρξαι δʼ Ἄτλαντι καὶ θυγατέρας ἑπτά, τὰς κοινῶς μὲν ἀπὸ τοῦ πατρὸς καλουμένας Ἀτλαντίδας, ἰδίᾳ δʼ ἑκάστην ὀνομαζομένην Μαῖαν, Ἠλέκτραν, Ταϋγέτην, Στερόπην, Μερόπην, Ἁλκυόνην, καὶ τελευταίαν Κελαινώ.
아틀라스에게는 일곱 딸도 있었는데, 그녀들은 공동으로 아버지의 이름을 따서 아틀란티데스라 불렸고, 개별적으로는 각각 마이아, 엘렉트라, 타위게테, 스테로페, 메로페, 알키오네, 그리고 마지막으로 켈라이노라는 이름을 가졌다.
ταύτας δὲ μιγείσας τοῖς ἐπιφανεστάτοις ἥρωσι καὶ θεοῖς ἀρχηγοὺς καταστῆναι τοῦ γένους τῶν ἀνθρώπων, τεκούσας τοὺς διʼ ἀρετὴν θεοὺς καὶ ἥρωας ὀνομασθέντας, οἷον τὴν πρεσβυτάτην Μαῖαν Διὶ μιγεῖσαν Ἑρμῆν τεκνῶσαι, πολλῶν εὑρετὴν γενόμενον τοῖς ἀνθρώποις·
이들은 가장 고명한 영웅들과 신들과 결합하여 인류 가문의 시조가 되었으며, 그 덕성 덕분에 신과 영웅으로 일컬어지는 이들을 낳았다. 예컨대, 가장 연장자인 마이아는 제우스와 결합하여 인류를 위한 많은 것의 발명가가 된 헤르메스를 낳았다.
παραπλησίως δὲ καὶ τὰς ἄλλας Ἀτλαντίδας γεννῆσαι παῖδας ἐπιφανεῖς, ὧν τοὺς μὲν ἐθνῶν, τοὺς δὲ πόλεων γενέσθαι κτίστας.
마찬가지로 다른 아틀란티데스 역시 저명한 자식들을 낳았는데, 그중 일부는 민족들의, 일부는 도시들의 건립자가 되었다.
§3.60.5διόπερ οὐ μόνον παρʼ ἐνίοις τῶν βαρβάρων, ἀλλὰ καὶ παρὰ τοῖς Ἕλλησι τοὺς πλείστους τῶν ἀρχαιοτάτων ἡρώων εἰς ταύτας ἀναφέρειν τὸ γένος.
이 때문에 일부 야만인들 사이에서뿐만 아니라 그리스인들 사이에서도 가장 고대의 영웅들 대부분이 자신들의 혈통을 이 여성들에게 소급해 올라간다.
ὑπάρξαι δʼ αὐτὰς καὶ σώφρονας διαφερόντως, καὶ μετὰ τὴν τελευτὴν τυχεῖν ἀθανάτου τιμῆς παρʼ ἀνθρώποις καθιδρυθείσας ἐν τῷ κόσμῳ καὶ τῇ τῶν Πλειάδων προσηγορίᾳ περιληφθείσας.
또한 그녀들은 유달리 정숙하였으며, 사후에는 우주 속에 자리 잡아 플레이아데스라는 명칭 아래 포괄되면서 사람들 사이에서 불멸의 영예를 얻었다.
ἐκλήθησαν δὲ αἱ Ἀτλαντίδες καὶ νύμφαι διὰ τὸ τοὺς ἐγχωρίους κοινῇ τὰς γυναῖκας νύμφας προσαγορεύειν.
아틀란티데스는 또한 '님프'라고도 불렸는데, 이는 그 지방 사람들이 흔히 여성을 통틀어 님프라고 불렀기 때문이다.