§3.39.1ἀπὸ πόλεως τοίνυν Ἀρσινόης κομιζομένοις παρὰ τὴν δεξιὰν ἤπειρον ἐκπίπτει κατὰ πολλοὺς τόπους ἐκ πέτρας εἰς θάλατταν ὕδατα πολλά, πικρᾶς ἁλμυρίδος ἔχοντα γεῦσιν.
아르시노에 시에서 출발하여 우측 대륙을 따라 항해하는 이들에게는, 많은 곳에서 바위로부터 바다로 쓴 소금기를 띤 많은 물이 흘러나온다.
παραδραμόντι δὲ τὰς πηγὰς ταύτας ὑπέρκειται μεγάλου πεδίου μιλτώδη χρόαν ἔχον ὄρος καὶ τὴν ὅρασιν τῶν ἐπὶ πλέον ἀτενιζόντων εἰς αὐτὸ λυμαινόμενον.
이 샘들을 지나친 이에게는, 넓은 평원 위로 붉은 흙빛을 띤 산이 솟아 있는데, 그것을 오랫동안 응시하는 이들의 시력을 상하게 만든다.
ὑπὸ δὲ τὰς ἐσχατιὰς τῆς ὑπωρείας κεῖται λιμὴν σκολιὸν ἔχων τὸν εἴσπλουν, ἐπώνυμος Ἀφροδίτης.
그 산기슭의 가장자리 아래에는 굽어지는 진입로를 가진 항구가 위치해 있는데, 아프로디테의 이름을 딴 것이다.
§3.39.2ὑπέρκεινται δὲ τούτου νῆσοι τρεῖς, ὧν δύο μὲν πλήρεις εἰσὶν ἐλαιῶν καὶ σύσκιοι, μία δὲ λειπομένη τῷ πλήθει τῶν προειρημένων δένδρων, πλῆθος δʼ ἔχουσα τῶν ὀνομαζομένων μελεαγρίδων.
이곳 위쪽에는 세 개의 섬이 있는데, 그중 둘은 올리브 나무로 가득하고 그늘이 짙으며, 하나는 앞서 언급한 나무의 수에 있어서는 미치지 못하지만 메레아그리스라 불리는 새들이 가득하다.
§3.39.3μετὰ δὲ ταῦτα κόλπος ἐστὶν εὐμεγέθης ὁ καλούμενος Ἀκάθαρτος, καὶ πρὸς αὐτῷ βαθεῖα καθʼ ὑπερβολὴν χερρόνησος, ἧς κατὰ τὸν αὐχένα στενὸν ὄντα διακομίζουσι τὰ σκάφη πρὸς τὴν ἀντιπέρας θάλατταν.
이후에는 아카타르토스라 불리는 거대한 만이 있고, 그 곁에는 극도로 길게 뻗은 반도가 있는데, 그 목 부분이 좁아서 배들을 맞은편 바다로 운반하여 넘긴다.
§3.39.4παρακομισθέντι δὲ τοὺς τόπους τούτους κεῖται νῆσος πελαγία μὲν τῷ διαστήματι, τὸ δὲ μῆκος εἰς ὀγδοήκοντα σταδίους παρεκτείνουσα, καλουμένη δὲ Ὀφιώδης, ἣ τὸ μὲν παλαιὸν ὑπῆρχε πλήρης παντοδαπῶν καὶ φοβερῶν ἑρπετῶν, ἀφʼ ὧν καὶ ταύτης ἔτυχε τῆς προσηγορίας, ἐν δὲ τοῖς μεταγενεστέροις χρόνοις ὑπὸ τῶν κατὰ τὴν Ἀλεξάνδρειαν βασιλέων οὕτως ἐξημερώθη φιλοτίμως ὥστε μηδὲν ἔτι κατʼ αὐτὴν ὁρᾶσθαι τῶν προϋπαρξάντων ζῴων.
이 지역들을 따라 지나온 이에게는, 거리상으로는 외해에 있지만 길이는 80스타디온에 걸쳐 뻗어 있는, 오피오데스라 불리는 섬이 있다. 이 섬은 예전에는 온갖 무서운 기어 다니는 동물들로 가득 차 있어서 그 이름도 얻게 되었으나, 후대의 시기에 알렉산드리아의 왕들에 의해 매우 열성적으로 개간되어 이제는 그곳에서 이전에 존재했던 동물들을 더 이상 찾아볼 수 없게 되었다.
§3.39.5οὐ παραλειπτέον δʼ ἡμῖν οὐδὲ τὴν αἰτίαν τῆς περὶ τὴν ἡμέρωσιν φιλοτιμίας.
그러나 우리는 그토록 개간에 열성을 기울인 이유 또한 간과해서는 안 된다.
εὑρίσκεται γὰρ ἐν τῇ νήσῳ ταύτῃ τὸ καλούμενον τοπάζιον, ὅπερ ἐστὶ λίθος διαφαινόμενος ἐπιτερπής, ὑάλῳ παρεμφερὴς καὶ θαυμαστὴν ἔγχρυσον πρόσοψιν παρεχόμενος.
왜냐하면 이 섬에서는 토파지온이라 불리는 것이 발견되기 때문인데, 이것은 비쳐 보이는 아름다운 보석으로 유리와 유사하며 놀라운 황금빛 외관을 선사한다.
§3.39.6διόπερ ἀνεπίβατος τοῖς ἄλλοις τηρεῖται, θανατουμένου παντὸς τοῦ προσπλεύσαντος ὑπὸ τῶν καθεσταμένων ἐπʼ αὐτῆς φυλάκων.
이 때문에 그 섬은 다른 사람들의 접근이 통제된 상태로 지켜지며, 그곳으로 배를 타고 오는 자는 누구든 배치된 파수꾼들에 의해 사형에 처해진다.
οὗτοι δὲ τὸν ἀριθμὸν ὄντες ὀλίγοι βίον ἔχουσιν ἀτυχῆ.
이 파수꾼들은 그 수가 적은데 불행한 삶을 영위하고 있다.
ἵνα μὲν γὰρ μηδεὶς λίθος διακλαπῇ, πλοῖον οὐκ ἀπολείπεται τὸ παράπαν ἐν τῇ νήσῳ· οἱ δὲ παραπλέοντες αὐτὴν διὰ τὸν ἀπὸ τοῦ βασιλέως φόβον πόρρωθεν παραθέουσι·
왜냐하면 보석이 단 하나도 도난당하지 않도록 배가 섬에 전혀 남겨지지 않으며, 섬을 지나쳐 항해하는 자들도 왕에 대한 두려움 때문에 멀리서 지나치기 때문이다.
τροφαὶ δὲ αἱ μὲν παρακομιζόμεναι ταχέως ἐκλείπουσιν, ἕτεραι δʼ ἐγχώριοι τὸ σύνολον οὐχ ὑπάρχουσι.
또한 운반되어 오는 식량은 빠르게 떨어지고, 자생하는 다른 식량은 아예 존재하지 않는다.
§3.39.7διόπερ ὅταν τῶν σιτίων ὀλίγα καταλείπηται, κάθηνται πάντες οἱ κατὰ τὴν κώμην προσδεχόμενοι τὸν τῶν κομιζόντων τὰς τροφὰς κατάπλουν·
이 때문에 식량이 조금만 남게 되면, 마을의 모든 이들이 주저앉아 식량을 운반해 오는 이들의 입항만을 기다린다.
ὧν βραδυνόντων εἰς τὰς ἐσχάτας ἐλπίδας συστέλλονται.
그들이 늦어지면 이들은 극도의 절망에 빠지게 된다.
§3.39.8ὁ δὲ προειρημένος λίθος φυόμενος ἐν ταῖς πέτραις τὴν μὲν ἡμέραν διὰ τὸ πνῖγος οὐχ ὁρᾶται, κρατούμενος ὑπὸ τοῦ περὶ τὸν ἥλιον φέγγους, τῆς δὲ νυκτὸς ἐπιγινομένης ἐν σκότει διαλάμπει καὶ πόρρωθεν δῆλός ἐστιν ἐν ᾧ ποτʼ ἂν ᾖ τόπῳ.
바위 속에 생겨나는 앞서 언급한 보석은, 낮 동안에는 무더위 때문에 보이지 않고 태양 주변의 빛에 압도당해 있으나, 밤이 찾아와 어두워지면 어둠 속에서 빛을 발하여 그것이 어떤 장소에 있든 멀리서도 뚜렷이 드러난다.
§3.39.9οἱ δὲ νησοφύλακες κλήρῳ διῃρημένοι τοὺς τόπους ἐφεδρεύουσι, καὶ τῷ φανέντι λίθῳ περιτιθέασι σημείου χάριν ἄγγος τηλικοῦτον ἡλίκον ἂν ᾖ τὸ μέγεθος τοῦ στίλβοντος λίθου·
섬의 파수꾼들은 제비뽑기로 분할된 구역들을 감시하다가, 빛나는 보석이 보이면 표시를 해두기 위해 그 반짝이는 보석의 크기에 걸맞은 크기의 그릇을 그 둘레에 덮어놓는다.
τῆς δʼ ἡμέρας περιιόντες περιτέμνουσι τὸν σημειωθέντα τόπον τῆς πέτρας, καὶ παραδιδόασι τοῖς διὰ τῆς τέχνης δυναμένοις ἐκλεαίνειν τὸ παραδοθὲν οἰκείως.
낮이 되면 그들은 순찰하며 바위의 표시된 부분을 잘라내고, 그것을 전문 기술을 통해 건네받은 것을 적절히 갈고닦을 수 있는 이들에게 넘겨준다.