§3.18.1τοῖς δὲ τὴν ἐκτὸς τοῦ κόλπου παράλιον νεμομένοις πολλῷ τούτων παραδοξότερον εἶναι τὸν βίον συμβέβηκεν, ὡς ἂν ἄδιψον ἐχόντων καὶ ἀπαθῆ τὴν φύσιν.
그러나 만 외곽의 연안 지역에서 살아가는 이들의 경우, 그들의 삶은 이들보다 훨씬 더 기이한데, 마치 그들이 갈증을 느끼지 않고 감정이 없는 본성을 지닌 것과 같다.
ἀπὸ γὰρ τῶν οἰκουμένων τόπων εἰς τὴν ἔρημον ὑπὸ τῆς τύχης ἐκτετοπισμένοι τῆς μὲν ἀπὸ τῶν ἰχθύων ἄγρας εὐποροῦσιν, ὑγρὰν δὲ τροφὴν οὐκ ἐπιζητοῦσι.
왜냐하면 그들은 운명에 의해 사람이 사는 곳에서 황무지로 쫓겨났으나, 물고기 사냥을 통해 충분한 양식을 얻는 한편, 액체 양식은 구하지 않기 때문이다.
§3.18.2προσφερόμενοι γὰρ τὸν ἰχθῦν ἔγχυλον, μικρὰν ἔχοντα τῶν ὠμῶν τὴν παραλλαγήν, οὐχ οἷον ὑγρὰν τροφὴν ἐπιζητοῦσιν, ἀλλʼ οὐδʼ ἔννοιαν ἔχουσι ποτοῦ.
실제로 그들은 날것과 거의 차이가 없는 즙이 많은 물고기를 섭취하기 때문에, 액체 양식을 구하지 않을 뿐만 아니라 마실 것에 대한 개념조차 가지고 있지 않다.
στέργουσι δὲ τὴν ἐξ ἀρχῆς δίαιταν ὑπὸ τῆς τύχης αὐτοῖς προσκληρωθεῖσαν, εὐδαιμονίαν ἡγούμενοι τὴν ἐκ τῆς ἐνδείας αὐτοῦ τοῦ λυποῦντος ὑπεξαίρεσιν.
그리고 그들은 운명에 의해 자신들에게 처음부터 할당된 생활 방식을 감내하며, 결핍에서 오는 고통 그 자체를 제거하는 것을 행복으로 여긴다.
§3.18.3τὸ δὲ πάντων παραδοξότατον, ἀπαθείᾳ τοσοῦτον ὑπερβάλλουσι πάντας ὥστε μὴ ῥᾳδίως πιστευθῆναι τὸν λόγον.
그리고 모든 것 중 가장 기이한 것은, 그들이 무감각(무감정)에 있어서 모든 사람을 너무나 능가하므로 그 이야기가 쉽게 믿어지지 않을 정도라는 점이다.
καίτοι γε πολλοὶ τῶν ἀπʼ Αἰγύπτου πλεόντων διὰ τῆς Ἐρυθρᾶς θαλάττης ἔμποροι μέχρι τοῦ νῦν, πολλάκις προσπεπλευκότες πρὸς τὴν τῶν Ἰχθυοφάγων χώραν, ἐξηγοῦνται σύμφωνα τοῖς ὑφʼ ἡμῶν εἰρημένοις περὶ τῶν ἀπαθῶν ἀνθρώπων.
하지만 에집트에서 홍해를 거쳐 항해하는 많은 상인들이 오늘날에 이르기까지 자주 물고기 먹는 사람들의 땅에 배를 대어 보고서, 이 무감각한 사람들에 관해 우리가 말한 바와 일치하는 내용을 이야기하고 있다.
§3.18.4καὶ ὁ τρίτος δὲ Πτολεμαῖος, ὁ φιλοτιμηθεὶς περὶ τὴν θήραν τῶν ἐλεφάντων τῶν περὶ τὴν χώραν ταύτην ὄντων, ἐξέπεμψεν ἕνα τῶν φίλων, ὄνομα Σιμμίαν, κατασκεψόμενον τὴν χώραν·
또한 이 지역 주변에 있는 코끼리 사냥에 열의를 가졌던 프톨레마이오스 3세는 그 땅을 정찰하기 위해 시미아스라는 이름의 친구 한 명을 파견했다.
οὗτος δὲ μετὰ τῆς ἁρμοττούσης χορηγίας ἀποσταλεὶς ἀκριβῶς, ὥς φησιν Ἀγαθαρχίδης ὁ Κνίδιος ἱστοριογράφος, ἐξήτασε τὰ κατὰ τὴν παραλίαν ἔθνη.
이 사람은 적절한 장비를 갖추어 파견된 뒤, 크니도스의 역사가 아가타르키데스가 말한 대로 연안의 부족들을 정밀하게 조사했다.
φησὶν οὖν τὸ τῶν ἀπαθῶν Αἰθιόπων ἔθνος τὸ σύνολον ποτῷ μὴ χρῆσθαι, μηδὲ τὴν φύσιν αὐτῶν ἐπιζητεῖν διὰ τὰς προειρημένας αἰτίας.
그리하여 그는 무감각한 에티오피아인 부족이 전체적으로 마실 물을 전혀 사용하지 않으며, 앞서 말한 이유들 때문에 그들의 본성 역시 그것을 구하지 않는다고 말한다.
§3.18.5καθόλου δʼ ἀποφαίνεται μήτʼ εἰς σύλλογον ἔρχεσθαι πρὸς τοὺς ἀλλοεθνεῖς, μήτε τὸ ξένον τῆς ὄψεως τῶν προσπλεόντων κινεῖν τοὺς ἐγχωρίους, ἀλλʼ ἐμβλέποντας ἀτενῶς ἀπαθεῖς ἔχειν καὶ ἀκινήτους τὰς αἰσθήσεις, ὡς μηδενὸς παρόντος.
또한 그는 대체로 그들이 타 부족의 사람들과 교제하지도 않으며, 배를 타고 들어오는 이들의 낯선 외모가 현지인들을 자극하지도 않고, 오히려 빤히 쳐다보며 마치 아무도 없는 것처럼 감각을 무감각하고 흔들림 없이 유지한다고 밝히고 있다.
οὔτε γὰρ ξίφος σπασαμένου τινὸς καὶ καταφέροντος ὑπεξέφυγον, οὔθʼ ὕβριν οὐδὲ πληγὰς ὑπομένοντες ἠρεθίζοντο, τό τε πλῆθος οὐ συνηγανάκτει τοῖς πάσχουσιν, ἀλλʼ ἐνίοτε τέκνων ἢ γυναικῶν σφαττομένων ἐν ὀφθαλμοῖς ἀπαθεῖς ταῖς διαθέσεσιν ἔμενον, οὐδεμίαν ἔμφασιν ὀργῆς ἢ πάλιν ἐλέου διδόντες.
왜냐하면 누군가 칼을 빼어 내리쳐도 피하지 않았고, 모욕이나 매질을 당하면서도 격분하지 않았으며, 군중 역시 피해를 입는 이들에게 동조하여 분개하지 않았기 때문이다. 오히려 때로는 자식이나 아내가 눈앞에서 도살당하고 있어도, 그들의 마음 상태는 무감각한 채로 머물러 있었으며, 분노나 혹은 반대로 가련함의 기색을 전혀 보이지 않았다.
§3.18.6καθόλου δὲ τοῖς ἐκπληκτικωτάτοις δεινοῖς περιπίπτοντες ἠρεμαῖοι διέμενον, βλέποντες μὲν ἀτενῶς εἰς τὰ συντελούμενα, ταῖς δὲ κεφαλαῖς παρʼ ἕκαστα διανεύοντες.
요컨대 그들은 가장 끔찍한 재난을 겪으면서도 차분하게 머물렀으며, 벌어지는 일을 빤히 쳐다보면서 매번 그저 고개만을 끄덕일 뿐이었다.
διὸ καί φασιν αὐτοὺς διαλέκτῳ μὲν μὴ χρῆσθαι, μιμητικῇ δὲ δηλώσει διὰ τῶν χειρῶν διασημαίνειν ἕκαστα τῶν πρὸς τὴν χρείαν ἀνηκόντων.
그리하여 사람들은 그들이 언어를 사용하지 않고, 손을 통한 모방적인 표시로 생활의 필요에 속한 각각의 일들을 나타낸다고 말하기도 한다.
§3.18.7καὶ τὸ πάντων θαυμασιώτατον, φῶκαι τοῖς γένεσι τούτοις συνδιατρίβουσαι θήραν ποιοῦνται τῶν ἰχθύων καθʼ αὑτὰς παραπλησίως ἀνθρώποις.
그리고 모든 것 중 가장 놀라운 것은, 아자라시들이 이 부족들과 공존하며 인간과 거의 비슷하게 스스로 물고기 사냥을 한다는 점이다.
ὁμοίως δὲ καὶ περὶ τὰς κοίτας καὶ τὴν τῶν γεννηθέντων ἀσφάλειαν μεγίστῃ πίστει τὰ γένη χρῆσθαι ταῦτα πρὸς ἄλληλα· χωρὶς γὰρ ἀδικήματος ἀλλοφύλοις ζῴοις ἡ συναναστροφὴ γίνεται μετʼ εἰρήνης καὶ πάσης εὐλαβείας.
마찬가지로 잠자리와 태어난 새끼들의 안전에 관해서도 이 종족들은 서로에 대해 최고의 신뢰를 보이는데, 아무런 해를 끼치지 않고 이종 동물들 간의 교류가 평화와 세심한 주의 속에서 이루어지기 때문이다.
οὗτος μὲν οὖν ὁ βίος, καίπερ ὢν παράδοξος, ἐκ παλαιῶν χρόνων τετήρηται τοῖς γένεσι τούτοις, εἴτε ἐθισμῷ διὰ τὸν χρόνον εἴτε ἀναγκαίᾳ χρείᾳ διὰ τὸ κατεπεῖγον ἡρμοσμένος.
그리하여 이러한 생활 방식은 기이한 것이기는 하지만 옛날부터 이 부족들에게 보존되어 왔으니, 오랜 세월을 통한 습관 때문이든 혹은 절박한 사정으로 인한 필연적인 필요에 맞추어진 것이든 그러하다.