§3.17.1τῆς μὲν οὖν ξηρᾶς τροφῆς τὸν εἰρημένον τρόπον εὐποροῦσι, τῆς δʼ ὑγρᾶς παράδοξον ἔχουσι καὶ παντελῶς ἀπιστουμένην τὴν χρῆσιν.
이와 같이 그들은 고체 형태의 양식에 대해서는 앞서 말한 방식으로 풍족하게 얻고 있으나, 액체 양식에 대해서는 기이하고 전적으로 믿기 힘든 습속을 가지고 있다.
ταῖς μὲν γὰρ θήραις προσκαρτεροῦσιν ἐφʼ ἡμέρας τέτταρας, εὐωχούμενοι πανδημεὶ μεθʼ ἱλαρότητος καὶ ταῖς ἀνάρθροις ᾠδαῖς ἀλλήλους ψυχαγωγοῦντες·
왜냐하면 그들은 나흘 동안 사냥에 전념하면서, 온 공동체가 다 함께 쾌활하게 잔치를 벌이고 분절되지 않은 노래로 서로를 즐겁게 하기 때문이다.
πρὸς δὲ τούτοις ἐπιμίσγονται τότε ταῖς γυναιξὶν αἷς ἂν τύχωσι παιδοποιίας ἕνεκα, πάσης ἀσχολίας ἀπολελυμένοι διὰ τὴν εὐκοπίαν καὶ τὴν ἑτοιμότητα τῆς τροφῆς.
이에 더하여, 그들은 이때 자식을 낳기 위해 우연히 만나는 여자들과 잠자리를 같이하는데, 양식을 구하기가 쉽고 늘 준비되어 있는 덕분에 모든 고된 일에서 벗어나 있기 때문이다.
§3.17.2τῇ δὲ πέμπτῃ πρὸς τὴν ὑπώρειαν ἐπείγονται πανδημεὶ ποτοῦ χάριν, ἔνθα συρρύσεις ὑδάτων γλυκέων εἰσί, πρὸς αἷς οἱ νομάδες τὰς ἀγέλας τῶν θρεμμάτων ποτίζουσιν.
그러나 다섯째 날에는 마실 물을 찾아 온 공동체가 다 함께 산기슭으로 급히 가는데, 그곳에는 단물이 모여 흐르는 곳이 있으며, 그곳에서 유목민들이 가축 무리에게 물을 먹인다.
§3.17.3ἡ δὲ ὁδοιπορία τούτων παραπλήσιος γίνεται ταῖς ἀγέλαις τῶν βοῶν, πάντων φωνὴν ἀφιέντων οὐκ ἔναρθρον, ἀλλʼ ἦχον μόνον ἀποτελοῦσαν.
그들의 행진은 소 떼의 행진과 매우 비슷한데, 모두가 분절된 말이 아니라 단지 소리에 불과한 소리를 내기 때문이다.
τῶν δὲ τέκνων τὰ μὲν νήπια παντελῶς αἱ μητέρες ἐν ταῖς ἀγκάλαις φέρουσι, τὰ δὲ κεχωρισμένα τοῦ γάλακτος οἱ πατέρες, τὰ δʼ ὑπὲρ πενταετῆ χρόνον ὄντα προάγει μετὰ τῶν γονέων σὺν παιδιᾷ, πεπληρωμένα χαρᾶς, ὡς ἂν πρὸς τὴν ἡδίστην ἀπόλαυσιν ὁρμώμενα.
그들의 자녀들 중 젖먹이 아기들은 전적으로 어머니들이 품에 안고 가고, 젖을 뗀 아이들은 아버지들이 데려가며, 다섯 살이 넘은 아이들은 가장 달콤한 즐거움을 향해 달려가는 것처럼 기쁨에 가득 차서 부모와 함께 장난을 치며 앞장서서 걸어간다.
§3.17.4ἡ γὰρ φύσις αὐτῶν ἀδιάστροφος οὖσα τὴν ἀναπλήρωσιν τῆς ἐνδείας ἡγεῖται μέγιστον ἀγαθόν, οὐδὲν τῶν ἐπεισάκτων ἡδέων ἐπιζητοῦσα.
그들의 본성은 왜곡되지 않았기에 결핍을 채우는 것을 가장 큰 선으로 여기며, 외래의 즐거움은 전혀 구하지 않기 때문이다.
ὅταν δὲ ταῖς τῶν νομάδων ποτίστραις ἐγγίσωσι καὶ τοῦ ποτοῦ πληρωθῶσι τὰς κοιλίας, ἐπανέρχονται, μόγις βαδίζοντες διὰ τὸ βάρος.
그들이 유목민들의 물 먹이는 곳에 가까이 이르러 마실 물로 배를 가득 채우면, 그 무게 때문에 간신히 걸으며 돌아간다.
§3.17.5κἀκείνην μὲν τὴν ἡμέραν οὐδενὸς γεύονται, κεῖται δʼ ἕκαστος ὑπεργέμων καὶ δύσπνους καὶ τὸ σύνολον παρεμφερὴς τῷ μεθύοντι.
그리고 그날은 아무것도 먹지 않으며, 각자 너무 가득 차서 숨이 찬 채로, 전체적으로 술 취한 사람과 매우 비슷한 상태로 누워 있다.
τῇ δʼ ἑξῆς ἐπὶ τὴν ἀπὸ τῶν ἰχθύων πάλιν τροφὴν ἀνακάμπτουσι·
그러나 다음 날에는 다시 물고기를 먹는 식생활로 돌아간다.
καὶ τοῦτον τὸν τρόπον ἡ δίαιτα κυκλεῖται παρʼ αὐτοῖς πάντα τὸν τοῦ ζῆν χρόνον.
그리고 이와 같은 방식으로 그들의 생활 방식은 평생 동안 순환한다.
οἱ μὲν οὖν τὴν παράλιον τὴν ἐντὸς τῶν στενῶν κατοικοῦντες οὕτω βιοῦσι, νόσοις μὲν διὰ τὴν ἁπλότητα τῆς τροφῆς σπανίως περιπίπτοντες, ὀλιγοχρονιώτεροι δὲ πολὺ τῶν παρʼ ἡμῖν ὄντες.
그리하여 해협 안쪽 연안에 사는 이들은 이처럼 살아가는데, 음식의 단순함 덕분에 질병에 걸리는 일은 드물지만, 우리 처지의 사람들보다는 훨씬 더 수명이 짧다.