§2.34.1τῶν δὲ Μήδων βασιλεῦσαι μετὰ τὴν Ἀρταίου τελευτὴν Ἀρτύνην μὲν ἔτη δύο πρὸς τοῖς εἴκοσι, Ἀστιβάραν δὲ τετταράκοντα.
알타이오스가 죽은 뒤 메디아인들을 통치한 것은 아르튀네스가 22년 동안이었고, 아스티바라스가 40년 동안이었다고 한다.
ἐπὶ δὲ τούτου Πάρθους ἀποστάντας Μήδων Σάκαις τήν τε χώραν καὶ τὴν πόλιν ἐγχειρίσαι·
이 사람의 치세에 파르티아인들이 메디아인들에게서 반역하여 자신들의 영토와 도시를 사카이인들에게 넘겨주었다.
§2.34.2διόπερ συστάντος πολέμου τοῖς Σάκαις πρὸς Μήδους ἐπʼ ἔτη πλείω γενέσθαι τε μάχας οὐκ ὀλίγας καὶ συχνῶν παρʼ ἀμφοτέροις ἀναιρεθέντων τὸ τελευταῖον εἰρήνην αὐτοὺς ἐπὶ τοῖσδε συνθέσθαι, Πάρθους μὲν ὑπὸ Μήδους τετάχθαι, τῶν δὲ προϋπαρχόντων ἑκατέρους κυριεύσαντας φίλους εἶναι καὶ συμμάχους ἀλήλοις εἰς τὸν ἅπαντα χρόνον.
그리하여 사카이인들과 메디아인들 사이에 수년 동안 전쟁이 일어나 적지 않은 전투가 벌어졌고, 양측에서 수많은 이들이 전사한 끝에, 마침내 그들은 다음과 같은 조건으로 평화 조약을 맺었다고 한다. 즉, 파르티아인들은 메디아인들의 지배 하에 두고, 양측은 기존에 소유하고 있던 것들을 지배하며 영원히 서로의 친구이자 동맹국이 된다는 것이었다.
§2.34.3βασιλεῦσαι δὲ τότε τῶν Σακῶν γυναῖκα τὰ κατὰ πόλεμον ἐζηλωκυῖαν καὶ τόλμῃ τε καὶ πράξει πολὺ διαφέρουσαν τῶν ἐν Σάκαις γυναικῶν, ὄνομα Ζαρίναν.
당시 사카이인들을 통치한 것은 전쟁에 관한 일들을 열성적으로 따르고 대담함과 행동력에서 사카이인 여성들 중 단연 돋보였던 자리나라는 이름의 여성이었다.
καθόλου μὲν οὖν τὸ ἔθνος τοῦτο γυναῖκας ἀλκίμους ἔχειν καὶ κοινωνούσας τοῖς ἀνδράσι τῶν ἐν τοῖς πολέμοις κινδύνων, ταύτην δὲ λέγεται τῷ τε κάλλει γενέσθαι πασῶν ἐκπρεπεστάτην καὶ ταῖς ἐπιβολαῖς καὶ τοῖς κατὰ μέρος ἐγχειρήμασι θαυμαστήν.
대체로 이 부족은 여성들이 용맹하여 전쟁의 위험을 남편들과 공유하는데, 이 여성은 아름다움에서도 모두 중에서 가장 뛰어났으며, 계획과 개별적인 실행력에서도 경이로웠다고 전해진다.
§2.34.4τῶν μὲν γὰρ πλησιοχώρων βαρβάρων τοὺς ἐπηρμένους τῷ θράσει καὶ καταδουλουμένους τὸ ἔθνος τῶν Σακῶν καταπολεμῆσαι, τῆς δὲ χώρας πολλὴν ἐξημερῶσαι, καὶ πόλεις οὐκ ὀλίγας κτίσαι, καὶ τὸ σύνολον εὐδαιμονέστερον τὸν βίον τῶν ὁμοεθνῶν ποιῆσαι.
그녀는 오만한 태도로 사카이인 부족을 노예로 삼으려 했던 이웃 야만인들을 정복하였고, 국토의 많은 부분을 개간하였으며, 적지 않은 도시를 건설하고, 전체적으로 동포들의 삶을 더욱 풍요롭게 만들었기 때문이다.
§2.34.5διὸ καὶ τοὺς ἐγχωρίους μετὰ τὴν τελευτὴν αὐτῆς χάριν ἀποδιδόντας τῶν εὐεργεσιῶν καὶ τῆς ἀρετῆς μνημονεύοντας τάφον οἰκοδομῆσαι πολὺ τῶν ὄντων παρʼ αὐτοῖς ὑπερέχοντα·
그러므로 현지인들은 그녀가 죽은 뒤 그 은혜에 보답하고 그녀의 미덕을 기리기 위해, 그들 사이에 있는 것들보다 훨씬 뛰어난 무덤을 건설했다.
ὑποστησαμένους γὰρ πυραμίδα τρίγωνον τριῶν μὲν σταδίων ἑκάστην πλευρὰν αὐτῆς κατασκευάσαι τὸ μῆκος, τὸ δʼ ὕψος σταδιαῖον, εἰς ὀξὺ συνηγμένης τῆς κορυφῆς·
즉, 그들은 삼각뿔의 기단을 세우고, 그 각 변의 길이를 3스타디온, 높이를 1스타디온으로 제작했으며, 그 꼭대기는 뾰족하게 모이도록 했다.
ἐπιστῆσαι δὲ τῷ τάφῳ καὶ χρυσῆν εἰκόνα κολοττικήν, καὶ τιμὰς ἡρωικὰς ἀπονεῖμαι, καὶ τἄλλα πάντα μεγαλοπρεπέστερα ποιεῖν τῶν τοῖς προγόνοις αὐτῆς συγχωρηθέντων.
그리고 그 무덤 위에 거대한 황금 조각상을 세웠으며, 영웅적인 명예를 바쳤고, 그 밖의 모든 것을 그녀의 선조들에게 허용되었던 것들보다 훨씬 웅장하게 행했다.
§2.34.6Ἀστιβάρα δὲ τοῦ βασιλέως τῶν Μήδων ἐν Ἐκβατάνοις γήρᾳ τελευτήσαντος τὴν ἀρχὴν Ἀσπάνδαν τὸν υἱὸν διαδέξασθαι, τὸν ὑπὸ τῶν Ἑλλήνων Ἀστυάγην καλούμενον.
메디아인들의 왕 아스티바라스가 에크바타나에서 노령으로 사망하자 그의 아들 아스판다스가 왕위를 계승했는데, 이 인물은 그리스인들에게는 아스티아게스라고 불린다.
τούτου δʼ ὑπὸ Κύρου τοῦ Πέρσου καταπολεμηθέντος μεταπεσεῖν τὴν βασιλείαν εἰς Πέρσας, περὶ ὧν ἡμεῖς τὰ κατὰ μέρος ἐν τοῖς ἰδίοις χρόνοις ἀκριβῶς ἀναγράψομεν.
그가 페르시아인 키루스에게 패배했기 때문에 왕권은 페르시아인들에게로 넘어갔는데, 이에 대해서는 우리가 각각의 시대에 상세하고 정확하게 기록할 것이다.
§2.34.7περὶ μὲν οὖν τῆς Ἀσσυρίων καὶ Μήδων βασιλείας καὶ τῆς τῶν συγγραφέων διαφωνίας ἱκανῶς εἰρῆσθαι νομίζομεν·
이로써 아시리아인들과 메디아인들의 왕국, 그리고 역사가들 사이의 이견에 대해서는 충분히 서술되었다고 우리는 생각한다.
περὶ δὲ τῆς Ἰνδικῆς καὶ τῶν ἐν αὐτῇ μυθολογουμένων ἐν μέρει διέξιμεν.
다음으로는 인도와 그곳에서 전해지는 신화적인 일들에 대해 차례로 상세히 논하기로 하겠다.