§1.86.1πάντα δὲ θαυμάσια καὶ μείζω πίστεως ἐπιτελοῦντες οἱ κατʼ Αἴγυπτον εἰς τὰ τιμώμενα ζῷα πολλὴν ἀπορίαν παρέχονται τοῖς τὰς αἰτίας τούτων ζητοῦσιν.
이집트 사람들은 숭배받는 동물들에 대해 전적으로 경이롭고 믿기 힘든 일들을 행함으로써, 이것들의 원인을 찾는 이들에게 큰 당혹감을 안겨준다.
§1.86.2οἱ μὲν οὖν ἱερεῖς αὐτῶν ἀπόρρητόν τι δόγμα περὶ τούτων ἔχουσιν, ὃ προειρήκαμεν ἐν τοῖς θεολογουμένοις ὑπʼ αὐτῶν, οἱ δὲ πολλοὶ τῶν Αἰγυπτίων τρεῖς αἰτίας ταύτας ἀποδιδόασιν, ὧν τὴν μὲν πρώτην μυθώδη παντελῶς καὶ τῆς ἀρχαϊκῆς ἁπλότητος οἰκείαν.
그들의 사제들은 이에 대해 어떤 비밀스러운 교리를 가지고 있으며, 그것은 우리가 그들의 신학적 전승에 관한 대목에서 이미 언급한 바와 같지만, 대다수의 이집트인들은 다음의 세 가지 원인을 제시하는데, 그중 첫 번째 것은 전적으로 신화적이며 고풍스러운 소박함에 부합하는 것이다.
§1.86.3φασὶ γὰρ τοὺς ἐξ ἀρχῆς γενομένους θεούς, ὀλίγους ὄντας καὶ κατισχυομένους ὑπὸ τοῦ πλήθους καὶ τῆς ἀνομίας τῶν γηγενῶν ἀνθρώπων, ὁμοιωθῆναί τισι ζῴοις, καὶ διὰ τοῦ τοιούτου τρόπου διαφυγεῖν τὴν ὠμότητα καὶ βίαν αὐτῶν·
그들의 말에 따르면, 태초에 존재했던 신들은 수가 적었고 흙에서 태어난 인간들의 수적 우세와 무법함에 압도당하고 있었으나, 어떤 동물들의 모습으로 자신들을 변신시킴으로써 그러한 방법으로 인간들의 잔혹함과 폭력에서 벗어났다고 한다.
ὕστερον δὲ τῶν κατὰ τὸν κόσμον πάντων κρατήσαντας, καὶ τοῖς αἰτίοις τῆς ἐξ ἀρχῆς σωτηρίας χάριν ἀποδιδόντας, ἀφιερῶσαι τὰς φύσεις αὐτῶν οἷς ἀφωμοιώθησαν, καὶ καταδεῖξαι τοῖς ἀνθρώποις τὸ τρέφειν μὲν ζῶντα πολυτελῶς, θάπτειν δὲ τελευτήσαντα.
그러나 나중에 그들이 세상의 모든 것을 지배하게 되었을 때, 태초의 구원의 원인이 된 동물들에게 감사를 표하며 자신들이 변신했던 그 동물들의 본성을 성스럽게 구별하여 바쳤고, 인간들에게는 그것들이 살아 있을 때 사치스럽게 기르고 죽었을 때는 매장하도록 규정했다는 것이다.
§1.86.4δευτέραν δὲ λέγουσιν αἰτίαν, ὅτι τὸ παλαιὸν οἱ κατʼ Αἴγυπτον διὰ τὴν ἀταξίαν τὴν ἐν τῷ στρατοπέδῳ πολλαῖς μάχαις ὑπὸ τῶν πλησιοχώρων ἡττηθέντες ἐπενόησαν σύνθημα φορεῖν ἐπὶ τῶν ταγμάτων.
그들이 말하는 두 번째 원인은, 옛날에 이집트인들이 군진 내의 무질서함 때문에 여러 전투에서 이웃 나라들에게 패배하자, 부대마다 표식을 가지고 다니는 방법을 고안해 냈다는 것이다.
§1.86.5φασὶν οὖν κατασκευάσαντας εἰκόνας τῶν ζῴων ἃ νῦν τιμῶσι, καὶ πήξαντας ἐπὶ σαυνίων, φορεῖν τοὺς ἡγεμόνας, καὶ διὰ τούτου τοῦ τρόπου γνωρίζειν ἕκαστον ἧς εἴη συντάξεως·
그리하여 그들의 말에 따르면, 지휘관들이 자신들이 지금 숭배하는 동물들의 형상을 제작하고 그것들을 창 끝에 고정하여 가지고 다녔으며, 이 방법을 통해 각자가 어느 부대에 속해 있는지 알 수 있게 되었다고 한다.
μεγάλα δὲ συμβαλλομένης αὐτοῖς τῆς διὰ τούτων εὐταξίας πρὸς τὴν νίκην, δόξαι τῆς σωτηρίας αἴτια γεγονέναι τὰ ζῷα·
그리고 이것을 통한 군기가 그들의 승리에 크게 기여하였기 때문에, 그 동물들이 구원의 원인이 되었다고 여겨지게 되었다는 것이다.
χάριν οὖν αὐτοῖς τοὺς ἀνθρώπους ἀποδοῦναι βουλομένους εἰς ἔθος κατατάξαι τῶν εἰκασθέντων τότε μηδὲν κτείνειν, ἀλλὰ σεβομένους ἀπονέμειν τὴν προειρημένην ἐπιμέλειαν καὶ τιμήν.
그래서 인간들은 그 동물들에게 감사를 표하고자 하여, 당시 형상으로 모사된 동물들을 하나도 죽이지 않고 도리어 경외하며 앞서 말한 보살핌과 경의를 바치는 것을 관습으로 삼게 되었다고 한다.