§1.65.1μετὰ δὲ τοὺς προειρημένους βασιλεῖς διεδέξατο τὴν ἀρχὴν Βόκχορις, τῷ μὲν σώματι παντελῶς εὐκαταφρόνητος, ἀγχινοίᾳ δὲ πολὺ διαφέρων τῶν προβασιλευσάντων.
앞서 언급한 왕들의 뒤를 이어 복코리스가 권력을 계승했는데, 그는 신체적으로는 지극히 초라했으나 총명함에 있어서는 전임 왕들을 훨씬 능가했다.
§1.65.2πολλοῖς δʼ ὕστερον χρόνοις ἐβασίλευσε τῆς Αἰγύπτου Σαβάκων, τὸ μὲν γένος ὢν Αἰθίοψ, εὐσεβείᾳ δὲ καὶ χρηστότητι πολὺ διαφέρων τῶν πρὸ αὐτοῦ.
그로부터 오랜 세월이 흐른 뒤에 사바콘이 에집트의 왕이 되었는데, 그는 종족상으로는 에티오피아인이었으나 경건함과 선량함에 있어서 그의 전임자들을 훨씬 능가했다.
§1.65.3τῆς μὲν οὖν ἐπιεικείας αὐτοῦ λάβοι τις ἂν τεκμήριον τὸ τῶν νομίμων προστίμων ἆραι τὸ μέγιστον, λέγω δὲ τὴν τοῦ ζῆν στέρησιν·
그의 온화함에 대한 증거로, 법정 형벌 중 가장 무거운 것, 즉 내가 말하고자 하는 생명의 박탈을 그가 폐지한 것을 들 수 있을 것이다.
§1.65.4ἀντὶ γὰρ τοῦ θανάτου τοὺς καταδικασθέντας ἠνάγκαζε λειτουργεῖν ταῖς πόλεσι δεδεμένους, καὶ διὰ τούτων πολλὰ μὲν χώματα κατεσκεύαζεν, οὐκ ὀλίγας δὲ διώρυχας ὤρυττεν εὐκαίρους·
사형 대신에 그는 유죄 판결을 받은 자들에게 결박된 상태로 도시들을 위해 공공 봉사를 하도록 강제했으며, 이들을 통해 많은 제방을 쌓고 유용한 운하를 적지 않게 팠기 때문이다.
ὑπελάμβανε γὰρ τοῖς μὲν κολαζομένοις τὸ τῆς τιμωρίας ἀπότομον ἠλαττωκέναι, ταῖς δὲ πόλεσιν ἀντὶ προστίμων ἀνωφελῶν μεγάλην εὐχρηστίαν περιπεποιηκέναι.
그는 형벌을 받는 자들에게는 처벌의 가혹함을 줄여주고, 도시들에게는 무익한 형벌 대신에 커다란 유익을 가져다주었다고 생각했다.
§1.65.5τὴν δὲ τῆς εὐσεβείας ὑπερβολὴν συλλογίσαιτʼ ἄν τις ἐκ τῆς κατὰ τὸν ὄνειρον φαντασίας καὶ τῆς κατὰ τὴν ἀρχὴν ἀποθέσεως.
그의 지극한 경건함은 꿈속의 환영과 왕위의 포기 과정으로부터 추론할 수 있을 것이다.
§1.65.6ἔδοξε μὲν γὰρ κατὰ τὸν ὕπνον λέγειν αὐτῷ τὸν ἐν Θήβαις θεὸν ὅτι βασιλεύειν οὐ δυνήσεται τῆς Αἰγύπτου μακαρίως οὐδὲ πολὺν χρόνον, ἐὰν μὴ τοὺς ἱερεῖς ἅπαντας διατεμὼν διὰ μέσων αὐτῶν διέλθῃ μετὰ τῆς θεραπείας.
그는 잠결에 테베의 신이 자신에게 말하기를, 만일 모든 사제들을 두 동강 내고 시종들을 거느리고 그들 사이로 지나가지 않는다면 에집트를 행복하게도 오래도 통치할 수 없을 것이라고 말하는 꿈을 꾸었다.
§1.65.7πολλάκις δὲ τούτου γινομένου μεταπεμψάμενος πανταχόθεν τοὺς ἱερεῖς ἔφη λυπεῖν τὸν θεὸν ἐν τῇ χώρᾳ μένων·
이 일이 여러 번 반복되자, 그는 사방에서 사제들을 불러들여 자신이 이 나라에 머무는 것이 신을 슬프게 하고 있다고 말했다.
οὐ γὰρ ἂν αὐτῷ τοιαῦτα προστάττειν κατὰ τὸν ὕπνον.
그렇지 않다면 신이 꿈속에서 자신에게 그런 일을 명령했을 리가 없기 때문이라는 것이다.
§1.65.8ἀπελθὼν οὖν βούλεσθαι καθαρὸς παντὸς μύσους ἀποδοῦναι τὸ ζῆν τῇ πεπρωμένῃ μᾶλλον ἢ λυπῶν τὸν κύριον καὶ μιάνας ἀσεβεῖ φόνῳ τὸν ἴδιον βίον ἄρχειν τῆς Αἰγύπτου· καὶ πέρας τοῖς ἐγχωρίοις ἀποδοὺς τὴν βασιλείαν ἐπανῆλθεν εἰς τὴν Αἰθιοπίαν.
그리하여 그는 주를 슬프게 하고 불경한 살인으로 자신의 삶을 더럽히며 에집트를 통치하기보다는, 모든 부정함으로부터 깨끗한 상태로 떠나서 운명에 목숨을 맡기기를 원한다고 말했고, 결국 현지인들에게 왕권을 돌려주고 에티오피아로 돌아갔다.