§1.51.1ὁ δὲ τὴν Μέμφιν κτίσας μετὰ τὴν τοῦ χώματος καὶ τῆς λίμνης κατασκευὴν ᾠκοδόμησε βασίλεια τῶν μὲν παρὰ τοῖς ἄλλοις οὐ λειπόμενα, τῆς δὲ τῶν προβασιλευσάντων μεγαλοψυχίας καὶ φιλοκαλίας οὐκ ἄξια.
멤피스를 창건한 자는 제방과 호수를 건설한 후에 궁전을 지었는데, 이는 다른 이들의 궁전에 뒤지지 않으면서도 선대 왕들의 너그러운 마음씨와 아름다움을 사랑하는 마음에 비하면 미치지 못하는 것이었다.
§1.51.2οἱ γὰρ ἐγχώριοι τὸν μὲν ἐν τῷ ζῆν χρόνον εὐτελῆ παντελῶς εἶναι νομίζουσι, τὸν δὲ μετὰ τὴν τελευτὴν διʼ ἀρετὴν μνημονευθησόμενον περὶ πλείστου ποιοῦνται, καὶ τὰς μὲν τῶν ζώντων οἰκήσεις καταλύσεις ὀνομάζουσιν, ὡς ὀλίγον χρόνον ἐν ταύταις οἰκούντων ἡμῶν, τοὺς δὲ τῶν τετελευτηκότων τάφους ἀιδίους οἴκους προσαγορεύουσιν, ὡς ἐν ᾅδου διατελούντων τὸν ἄπειρον αἰῶνα·
왜냐하면 현지인들은 살아 있는 동안의 시간을 전적으로 보잘것없는 것으로 여기고, 죽은 뒤에 덕행으로 기억될 시간을 가장 소중히 여기기 때문이다. 그리하여 그들은 산 자들의 거처를 우리가 그곳에서 아주 짧은 시간 동안만 살 뿐이라는 의미에서 '숙소'라고 부르는 반면, 죽은 자들의 무덤은 저승에서 무한한 세월을 보낸다는 의미에서 '영원한 집'이라고 부른다.
διόπερ τῶν μὲν κατὰ τὰς οἰκίας κατασκευῶν ἧττον φροντίζουσι, περὶ δὲ τὰς ταφὰς ὑπερβολὴν οὐκ ἀπολείπουσι φιλοτιμίας.
그렇기 때문에 그들은 집을 짓는 일에는 덜 정성을 들이지만, 무덤에 관해서는 열성의 극치를 아끼지 않는다.
§1.51.3τὴν δὲ προειρημένην πόλιν ὀνομασθῆναί τινές φασιν ἀπὸ τῆς θυγατρὸς τοῦ κτίσαντος αὐτὴν βασιλέως.
앞서 말한 도시는 그것을 창건한 왕의 딸의 이름을 따서 명명되었다고 말하는 이들이 있다.
ταύτης δὲ μυθολογοῦσιν ἐρασθῆναι τὸν ποταμὸν Νεῖλον ὁμοιωθέντα ταύρῳ, καὶ γεννῆσαι τὸν ἐπʼ ἀρετῇ θαυμασθέντα παρὰ τοῖς ἐγχωρίοις Αἴγυπτον, ἀφʼ οὗ καὶ τὴν σύμπασαν χώραν τυχεῖν τῆς προσηγορίας.
신화에 따르면 나일강이 황소의 모습으로 변하여 그녀와 사랑에 빠졌고, 현지인들 사이에서 덕행으로 찬탄을 받은 아이깁토스를 낳았으며, 그의 이름을 따서 나라 전체도 그 명칭을 얻게 되었다고 한다.
§1.51.4διαδεξάμενον γὰρ τοῦτον τὴν ἡγεμονίαν γενέσθαι βασιλέα φιλάνθρωπον καὶ δίκαιον καὶ καθόλου σπουδαῖον ἐν πᾶσι·
그가 통치권을 물려받아 자애롭고 정의로우며 전반적으로 모든 면에서 훌륭한 왕이 되었기 때문이다.
διὸ καὶ μεγάλης ἀποδοχῆς ἀξιούμενον ὑπὸ πάντων διὰ τὴν εὔνοιαν τυχεῖν τῆς προειρημένης τιμῆς.
그리하여 그는 그의 선의 덕분에 모든 이들에게 크게 환영받을 자격을 인정받아 앞서 언급한 영예를 얻게 되었다.
§1.51.5μετὰ δὲ τὸν προειρημένον βασιλέα δώδεκα γενεαῖς ὕστερον διαδεξάμενος τὴν κατʼ Αἴγυπτον ἡγεμονίαν Μοῖρις ἐν μὲν τῇ Μέμφει κατεσκεύασε τὰ βόρεια προπύλαια, τῇ μεγαλοπρεπείᾳ πολὺ τῶν ἄλλων ὑπερέχοντα, ἐπάνω δὲ τῆς πόλεως ἀπὸ δέκα σχοίνων λίμνην ὤρυξε τῇ μὲν εὐχρηστίᾳ θαυμαστήν, τῷ δὲ μεγέθει τῶν ἔργων ἄπιστον·
앞서 말한 왕으로부터 열두 세대 뒤에 이집트의 통치권을 승계한 모이리스는 멤피스에 북쪽 문을 건설했는데, 이는 그 웅장함에서 다른 것들을 훨씬 능가했다. 또한 도시에서 상류로 10스코이노스 떨어진 곳에 실용성 면에서는 훌륭하고 공사의 규모 면에서는 믿기 힘들 정도의 호수를 팠다.
§1.51.6τὴν μὲν γὰρ περίμετρον αὐτῆς φασιν ὑπάρχειν σταδίων τρισχιλίων καὶ ἑξακοσίων, τὸ δὲ βάθος ἐν τοῖς πλείστοις μέρεσιν ὀργυιῶν πεντήκοντα·
이 호수의 둘레는 3,600스타디온에 달하고 깊이는 대부분의 곳에서 50오르구이아에 이른다고 그들이 말하기 때문이다.
ὥστε τίς οὐκ ἂν ἀναλογιζόμενος τὸ μέγεθος τοῦ κατασκευάσματος εἰκότως ζητήσαι πόσαι μυριάδες ἀνδρῶν ἐν πόσοις §1.51.7ἔτεσι τοῦτο συνετέλεσαν;
그러니 이 건조물의 규모를 헤아려 보며, 대체 몇만 명의 사람들이 몇 년에 걸쳐 이것을 완공했는가 하고 누군들 당연히 묻지 않을 수 있겠는가?
τὴν δὲ χρείαν τὴν ἐκ ταύτης καὶ κοινωφελίαν τοῖς τὴν Αἴγυπτον οἰκοῦσιν, ἔτι δὲ τὴν τοῦ βασιλέως ἐπίνοιαν, οὐκ ἄν τις ἐπαινέσειε τῆς ἀληθείας ἀξίως.
이 호수로부터 얻어지는 실용성과 이집트에 거주하는 이들에게 주는 공공의 이익, 그리고 나아가 왕의 혜안에 대해서는, 누구도 진실에 값할 만큼 충분히 찬양할 수 없을 것이다.