§1.30.1ἡ γὰρ Αἴγυπτος κεῖται μὲν μάλιστά πως κατὰ μεσημβρίαν, ὀχυρότητι δὲ φυσικῇ καὶ κάλλει χώρας οὐκ ὀλίγῳ δοκεῖ προέχειν τῶν εἰς βασιλείαν ἀφωρισμένων τόπων.
에집트는 대체로 남쪽에 위치해 있으며, 자연적인 견고함과 국토의 아름다움에 있어서 왕국으로 지정된 다른 지역들보다 적지 않게 우월한 것으로 보인다.
§1.30.2ἀπὸ μὲν γὰρ τῆς δύσεως ὠχύρωκεν αὐτὴν ἡ ἔρημος καὶ θηριώδης τῆς Λιβύης, ἐπὶ πολὺ μὲν παρεκτείνουσα, διὰ δὲ τὴν ἀνυδρίαν καὶ τὴν σπάνιν τῆς ἁπάσης τροφῆς ἔχουσα τὴν διέξοδον οὐ μόνον ἐπίπονον, ἀλλὰ καὶ παντελῶς ἐπικίνδυνον·
왜냐하면 서쪽으로는 리비아의 사막지대이자 맹수들이 들끓는 곳이 에집트를 요새화하고 있는데, 이는 널리 펼쳐져 있으며 물 부족과 모든 식량의 결핍 때문에 그곳을 통과하는 것을 고될 뿐만 아니라 완전히 위험하게 만들기 때문이다.
ἐκ δὲ τῶν πρὸς νότον μερῶν οἵ τε καταράκται τοῦ Νείλου καὶ τῶν ὀρῶν τὰ συνορίζοντα τούτοις·
그리고 남쪽 지역들로부터는 나일강의 급류들과 이에 인접한 산들이 (요새 역할을 한다).
§1.30.3ἀπὸ γὰρ τῆς Τρωγλοδυτικῆς καὶ τῶν ἐσχάτων τῆς Αἰθιοπίας μερῶν ἐντὸς σταδίων πεντακισχιλίων καὶ πεντακοσίων οὔτε πλεῦσαι διὰ τοῦ ποταμοῦ ῥᾴδιον οὔτε πεζῇ πορευθῆναι μὴ τυχόντα βασιλικῆς ἢ παντελῶς μεγάλης τινὸς χορηγίας.
왜냐하면 트로그로디테 지방과 에티오피아의 극방 지역들로부터 오천오백 스타디온 이내에서는, 왕실의 지원이나 완전히 막대한 공급을 얻지 못한다면 강을 통해 항해하는 것도 도보로 여행하는 것도 쉽지 않기 때문이다.
§1.30.4τῶν δὲ πρὸς τὴν ἀνατολὴν νευόντων μερῶν τὰ μὲν ὁ ποταμὸς ὠχύρωκε, τὰ δʼ ἔρημος περιέχει καὶ πεδία τελματώδη τὰ προσαγορευόμενα Βάραθρα.
동쪽을 향하는 지역들의 경우, 어떤 부분은 강이 요새화하고 있고, 다른 부분은 사막과 ‘바라트라’라 불리는 늪지 평야가 둘러싸고 있다.
ἔστι γὰρ ἀνὰ μέσον τῆς Κοίλης Συρίας καὶ τῆς Αἰγύπτου λίμνη τῷ μὲν πλάτει στενὴ παντελῶς, τῷ δὲ βάθει θαυμάσιος, τὸ δὲ μῆκος ἐπὶ διακοσίους παρήκουσα σταδίους, ἣ προσαγορεύεται μὲν Σερβωνίς, τοῖς δʼ ἀπείροις τῶν προσπελαζόντων ἀνελπίστους ἐπιφέρει κινδύνους.
왜냐하면 코일레 시리아와 에집트 사이에 폭은 완전히 좁지만 깊이는 놀라우며 길이는 이백 스타디온에 달하는 호수가 있는데, 이는 세르보니스라 불리며 다가오는 미숙한 자들에게 예기치 못한 위험을 초래하기 때문이다.
§1.30.5στενοῦ γὰρ τοῦ ῥεύματος ὄντος καὶ ταινίᾳ παραπλησίου, θινῶν τε μεγάλων πάντῃ περικεχυμένων, ἐπειδὰν νότοι συνεχεῖς πνεύσωσιν, ἐπισείεται πλῆθος ἅμμου.
왜냐하면 물길이 좁고 띠와 같으며 거대한 모래 언덕들이 사방에 둘러싸고 있어, 남풍이 계속 불어올 때면 엄청난 양의 모래가 흩날려 덮치기 때문이다.
§1.30.6αὕτη δὲ τὸ μὲν ὕδωρ κατὰ τὴν ἐπιφάνειαν ἄσημον ποιεῖ, τὸν δὲ τῆς λίμνης τύπον συμφυῆ τῇ χέρσῳ καὶ κατὰ πᾶν ἀδιάγνωστον.
이 모래는 표면의 물을 보이지 않게 만들고, 호수의 형태를 육지와 이어져 구분할 수 없게 만든다.
διὸ καὶ πολλοὶ τῶν ἀγνοούντων τὴν ἰδιότητα τοῦ τόπου μετὰ στρατευμάτων ὅλων ἠφανίσθησαν τῆς ὑποκειμένης ὁδοῦ διαμαρτόντες.
이 때문에 그 지역의 특성을 알지 못하는 많은 이들이 그 아래에 있는 길을 놓치고 군대 전체와 함께 사라져 버렸다.
§1.30.7ἡ μὲν γὰρ ἅμμος ἐκ τοῦ κατʼ ὀλίγον πατουμένη τὴν ἔνδοσιν λαμβάνει, καὶ τοὺς ἐπιβάλλοντας ὥσπερ προνοίᾳ τινὶ πονηρᾷ παρακρούεται, μέχρι ἂν ὅτου λαβόντες ὑπόνοιαν τοῦ συμβησομένου βοηθήσωσιν ἑαυτοῖς, οὐκ οὔσης ἔτι φυγῆς οὐδὲ σωτηρίας.
왜냐하면 모래는 조금씩 밟힐 때 가라앉으며, 그 위에 발을 딛는 자들을 마치 어떤 악의적인 의도가 있는 것처럼 기만하여, 마침내 그들이 일어날 일을 눈치채고 스스로를 구하려 할 때에는 이미 탈출구도 구원도 없게 만들기 때문이다.
§1.30.8ὁ γὰρ ὑπὸ τοῦ τέλματος καταπινόμενος οὔτε νήχεσθαι δύναται, παραιρουμένης τῆς ἰλύος τὴν τοῦ σώματος κίνησιν, οὔτʼ ἐκβῆναι κατισχύει, μηδὲν ἔχων στερέμνιον εἰς ἐπίβασιν·
왜냐하면 늪에 삼켜진 자는 진흙이 몸의 움직임을 빼앗기 때문에 수영할 수도 없고, 딛고 올라설 단단한 곳이 아무것도 없기 때문에 빠져나올 수도 없기 때문이다.
μεμιγμένης γὰρ τῆς ἅμμου τοῖς ὑγροῖς, καὶ διὰ τοῦτο τῆς ἑκατέρων φύσεως ἠλλοιωμένης, συμβαίνει τὸν τόπον μήτε πορευτὸν εἶναι μήτε πλωτόν.
모래가 수분과 섞여 그로 인해 양쪽의 성질이 변해 버렸기 때문에, 그 장소는 걸을 수도 없고 배를 타고 갈 수도 없는 곳이 되고 만다.
§1.30.9διόπερ οἱ τοῖς μέρεσι τούτοις ἐπιβάλλοντες φερόμενοι πρὸς τὸν βυθὸν οὐδεμίαν ἀντίληψιν βοηθείας ἔχουσι, συγκατολισθανούσης τῆς ἅμμου τῆς παρὰ τὰ χείλη.
그러므로 이 지역에 발을 들이는 자들은 심연으로 휩쓸려 들어가면서 아무런 구조의 실마리도 잡지 못하는데, 가장자리의 모래가 함께 무너져 내리기 때문이다.
τὰ μὲν οὖν προειρημένα πεδία τοιαύτην ἔχοντα τὴν φύσιν οἰκείας ἔτυχε προσηγορίας, ὀνομασθέντα Βάραθρα.
따라서 앞서 말한 평야들은 그러한 성질을 가지고 있어 그에 어울리는 명칭을 얻게 되었으니, ‘바라트라’라고 이름 지어졌다.