§17.8.1Ἀλέξανδρος δὲ τὰς κατὰ τὴν Ἑλλάδα ταραχὰς καταπαύσας ἐστράτευσεν ἐπὶ τὴν Θρᾴκην καὶ πολλὰ μὲν ἔθνη Θρᾴκια ταραττόμενα καταπληξάμενος ὑποταγῆναι κατηνάγκασεν, ἐπῆλθεν δὲ καὶ τὴν Παιονίαν καὶ τὴν Ἰλλυρίδα καὶ τὰς ὁμόρους ταύταις χώρας καὶ πολλοὺς τῶν κατοικούντων βαρβάρων ἀφεστηκότας χειρωσάμενος ὑπηκόους πάντας τοὺς πλησιοχώρους βαρβάρους ἐποιήσατο.
알렉산드로스는 그리스의 소요를 진압한 후 트라키아로 원정하여, 동요하고 있던 많은 트라키아 부족들을 위협하여 굴복하도록 강요했고, 또한 파이오니아와 일리리스 및 이들과 이웃한 지역들로 나아가, 반란을 일으킨 많은 현지 야만인들을 진압하여 근방의 모든 야만인들을 신하로 삼았다.
§17.8.2περὶ ταῦτα δʼ ὄντος αὐτοῦ παρῆσάν τινες ἀπαγγέλλοντες πολλοὺς τῶν Ἑλλήνων νεωτερίζειν καὶ πολλὰς τῆς Ἑλλάδος πόλεις πρὸς ἀπόστασιν ὡρμηκέναι, μάλιστα δὲ Θηβαίους.
그가 이 일들에 전념하고 있을 때, 많은 그리스인들이 정세를 뒤흔들려 하고 있으며 그리스의 많은 도시들, 특히 테베인들이 반란을 일으키려 분격하고 있다는 것을 보고하는 자들이 나타났다.
ἐπὶ δὲ τούτοις ὁ βασιλεὺς παροξυνθεὶς ἐπανῆλθεν εἰς τὴν Μακεδονίαν, σπεύδων τὰς κατὰ τὴν Ἑλλάδα παῦσαι ταραχάς.
이에 격분한 왕은 그리스의 소요를 서둘러 진압하기 위해 마케도니아로 회군했다.
§17.8.3Θηβαίων δὲ τὴν ἐν τῇ Καδμείᾳ φρουρὰν ἐκβάλλειν φιλοτιμουμένων καὶ πολιορκούντων τὴν ἄκραν ἧκεν ὁ βασιλεὺς ἄφνω πρὸς τὴν πόλιν καὶ κατεστρατοπέδευσε πλησίον τῶν Θηβῶν μετὰ πάσης τῆς δυνάμεως.
테베인들이 카드메이아의 수비대를 쫓아내려고 안간힘을 쓰며 그 요새를 포위하고 있을 때, 왕이 갑자기 그 도시 앞에 나타나 전 군대를 거느리고 테베 근처에 진을 쳤다.
§17.8.4οἱ δὲ Θηβαῖοι πρὸ μὲν τῆς τοῦ βασιλέως παρουσίας τὴν Καδμείαν τάφροις βαθείαις καὶ σταυρώμασι πυκνοῖς περιέλαβον ὥστε μήτε βοήθειαν αὐτοῖς δύνασθαι μήτʼ ἀγορὰν εἰσπέμψαι,
테베인들은 왕이 도착하기 전에 카드메이아를 깊은 참호와 촘촘한 목책으로 둘러싸서, 그들에게 원군을 보낼 수도 식량을 들여보낼 수도 없게 만들었다.
§17.8.5πρὸς δὲ Ἀρκάδας καὶ Ἀργείους, ἔτι δὲ Ἠλείους πρεσβεύσαντες ἠξίουν βοηθεῖν.
또한 아르카디아인들과 아르고스인들, 그리고 엘리스인들에게 사절을 보내 원조를 요청했다.
ὁμοίως δὲ καὶ πρὸς Ἀθηναίους περὶ συμμαχίας ἐπρέσβευον καὶ παρὰ Δημοσθένους ὅπλων πλῆθος ἐν δωρεαῖς λαβόντες τοὺς ἀνόπλους καθώπλιζον.
마찬가지로 아테네인들에게도 동맹에 관한 사절을 보냈으며, 데모스테네스로부터 선물로 다량의 무기를 받아 무장하지 않은 자들을 무장시켰다.
§17.8.6τῶν δʼ ἐπὶ τὴν βοήθειαν παρακεκλημένων οἱ μὲν ἐν Πελοποννήσῳ στρατιώτας ἐξέπεμψαν ἐπὶ τὸν Ἰσθμὸν καὶ διατρίβοντες ἐκαραδόκουν, προσδοκίμου τοῦ βασιλέως ὄντος.
원조를 요청받은 자들 중 펠로폰네소스인들은 이스트모스로 군사들을 보냈으나, 왕이 올 것으로 예상되었기에 그곳에 머물며 눈치를 살피고 있었다.
Ἀθηναῖοι δʼ ἐψηφίσαντο μὲν βοηθεῖν τοῖς Θηβαίοις, πεισθέντες ὑπὸ Δημοσθένους, οὐ μέντοι γε τὴν δύναμιν ἐξέπεμψαν, καραδοκοῦντες τὴν ῥοπὴν τοῦ πολέμου.
아테네인들은 데모스테네스의 설득에 따라 테베인들을 돕기로 결의는 하였으나, 전쟁의 형세를 살피느라 군대를 파견하지는 않았다.
§17.8.7ὁ δὲ τῆς ἐν τῇ Καδμείᾳ φρουρᾶς ἡγούμενος Φιλώτας ὁρῶν τοὺς Θηβαίους μεγάλας παρασκευὰς ποιουμένους πρὸς τὴν πολιορκίαν καὶ τὰ τείχη φιλοτιμότερον κατεσκεύασεν καὶ βελῶν παντοδαπῶν πλῆθος ἡτοιμάζετο.
카드메이아 요새 수비대의 지휘관인 필로타스는 테베인들이 포위 공격을 위해 대대적인 준비를 하고 있는 것을 보고, 방벽을 더욱 정성껏 보강하였으며 온갖 종류의 투척 무기를 다량으로 준비했다.