§17.59.1ὡς δʼ ἤγγισαν ἀλλήλαις αἱ δυνάμεις καὶ διὰ τῶν τόξων καὶ σφενδονῶν, ἔτι δὲ τῶν ἀκοντιζομένων σαυνίων τὰ ῥιπτούμενα βέλη παρανήλωτο, πρὸς τὴν ἐκ χειρὸς μάχην κατήντησαν.
양군이 접근하여 활과 투석, 그리고 투창에 의해 던져진 발사무기들이 모두 소모되자, 그들은 백병전으로 들어갔다.
§17.59.2καὶ πρῶτον τῶν ἱππέων συστησαμένων ἀγῶνα καὶ τῶν Μακεδόνων τῷ δεξιῷ κέρατι διαγωνιζομένων ὁ μὲν Δαρεῖος τοῦ λαιοῦ κέρατος ἡγούμενος συναγωνιστὰς εἶχε τοὺς συγγενεῖς ἱππεῖς, ἐπιλέκτους ταῖς ἀρεταῖς καὶ ταῖς εὐνοίαις, χιλίους ἐν μιᾷ περιειλημμένους εἴλῃ.
그리고 먼저 기병들이 전투를 개시하고 마케도니아인들이 우익에서 치열하게 싸우는 동안, 좌익을 이끌던 다레이오스는 용맹과 충성심으로 선발된 천 명으로 이루어져 단일 부대에 묶인 친족 기병들을 공투자로 동반하고 있었다.
§17.59.3οὗτοι δὲ θεατὴν ἔχοντες τῆς ἰδίας ἀνδραγαθίας τὸν βασιλέα τὸ πλῆθος τῶν ἐπʼ αὐτὸν φερομένων βελῶν προθύμως ἐξεδέχοντο.
이들은 왕을 자신들의 용맹함의 목격자로 삼고 있었기 때문에, 왕을 향해 날아오는 무수한 발사무기들을 기꺼이 몸으로 받아냈다.
συνῆσαν δὲ τούτοις οἵ τε μηλοφόροι, διάφοροι ταῖς ἀνδραγαθίαις καὶ πολλοὶ κατὰ τὸ πλῆθος, πρὸς δὲ τούτοις Μάρδοι καὶ Κοσσαῖοι, ταῖς τε τῶν σωμάτων ὑπεροχαῖς καὶ ταῖς λαμπρότησι τῶν ψυχῶν θαυμαζόμενοι.
이들 곁에는 용맹함에서 뛰어나고 수적으로도 매우 많은 사과지기들이 함께 있었고, 여기에 더해 육체적인 우수함과 정신의 고결함으로 찬사받는 마르도인들과 코사이인들이 있었다.
§17.59.4συνηγωνίζοντο δὲ τούτοις οἵ τε περὶ τὰ βασίλεια διατρίβοντες καὶ τῶν Ἰνδῶν οἱ κράτιστοι κατʼ ἀνδρείαν.
또한 궁정에서 일하는 이들과 인도인들 중 용기 면에서 가장 뛰어난 자들도 이들과 함께 싸웠다.
οὗτοι μὲν οὖν μετὰ πολλῆς βοῆς ἐπιρράξαντες τοῖς πολεμίοις ἐκθύμως ἠγωνίζοντο καὶ τῷ πλήθει κατεπόνουν τοὺς Μακεδόνας·
그리하여 이들은 큰 함성과 함께 적에게 돌격하여 열정적으로 싸웠고, 그 수로 마케도니아인들을 압도했다.
§17.59.5Μαζαῖος δὲ τὸ δεξιὸν ἔχων κέρας καὶ μετὰ τῶν ἀρίστων ἱππέων διαγωνιζόμενος εὐθὺς κατὰ τὴν πρώτην ἔφοδον τῶν ἀνθεστώτων ἀνεῖλεν οὐκ ὀλίγους, δισχιλίους δὲ Καδουσίους καὶ χιλίους τῶν Σκυθῶν ἱππεῖς ἐπιλέκτους ἐξέπεμψε, προστάξας περιιππεῦσαι τὸ κέρας τὸ τῶν πολεμίων καὶ προσελάσαντας τῇ παρεμβολῇ τῆς ἀποσκευῆς κυριεῦσαι.
한편 우익을 담당하고 가장 우수한 기병들과 함께 싸우던 마자이오스는 첫 돌격에서 맞서는 적들을 적지 않게 처단했고, 이천 명의 카두시아인과 일천 명의 선발된 스키타이 기병을 파견하며 적의 날개를 우회하여 진영으로 돌격해 수하물을 장악하라고 명령했다.
§17.59.6ὧν ὀξέως ποιησάντων τὸ προσταχθὲν καὶ παρεισπεσόντων εἰς τὴν στρατοπεδείαν τῶν Μακεδόνων τῶν αἰχμαλώτων τινὲς ἁρπάσαντες ὅπλα συνήργουν τοῖς Σκύθαις καὶ διήρπαζον τὰς ἀποσκευάς·
그들이 명령받은 바를 신속히 수행하여 마케도니아인들의 진영으로 돌입하자, 포로들 중 일부가 무기를 빼앗아 스키타이인들을 도우며 수하물을 약탈했다.
βοὴ δʼ ἦν καὶ ταραχὴ διὰ τὸ παράδοξον καθʼ ὅλην τὴν παρεμβολήν.
이 뜻밖의 일로 인해 진영 전체에 비명과 혼란이 일어났다.
§17.59.7αἱ μὲν οὖν ἄλλαι τῶν αἰχμαλωτίδων πρὸς τοὺς βαρβάρους ἀπεχώρουν, ἡ δὲ μήτηρ τοῦ Δαρείου Σισύγγαμβρις παρακαλουσῶν αὐτὴν τῶν αἰχμαλωτίδων οὐ προσέσχεν, ἀλλʼ ἐφʼ ἡσυχίας ἔμεινε φιλοφρόνως, οὔτε τῷ παραδόξῳ τῆς τύχης πιστεύσασα οὔτε τὴν πρὸς Ἀλέξανδρον εὐχαριστίαν λυμαινομένη.
그리하여 다른 여성 포로들은 야만인들에게로 도망쳤으나, 다레이오스의 어머니 시시감브리스는 여성 포로들의 촉구에도 불구하고 귀를 기울이지 않고 평온하고 차분하게 머물렀으니, 이는 운명의 뜻밖의 반전을 신뢰하지도 않았고 알렉산드로스에 대한 감사하는 마음을 해치고 싶지도 않았기 때문이다.
§17.59.8τέλος δὲ οἱ Σκύθαι πολλὴν τῆς ἀποσκευῆς διαρπάσαντες ἀφίππευσαν πρὸς τοὺς περὶ Μαζαῖον καὶ τὴν εὐημερίαν ἀπήγγειλαν.
마침내 스키타이인들은 많은 수하물을 약탈한 뒤 마자이오스 일행에게로 말을 달려가 성공을 보고했다.
ὁμοίως δὲ καὶ τῶν περὶ Δαρεῖον τεταγμένων ἱππέων τινὲς καταπονήσαντες τῷ πλήθει τοὺς ἀνθεστῶτας Μακεδόνας φεύγειν ἠνάγκασαν.
마찬가지로 다레이오스 주변에 배치된 기병들의 일부도 수적인 우세로 맞서는 마케도니아인들을 압도하여 패주하게 만들었다.