§17.42.1μετὰ δὲ ταῦτα οἱ μὲν Τύριοι τὴν αὔξησιν τοῦ χώματος εὐλαβηθέντες ἐπλήρωσαν πολλὰ τῶν ἐλαττόνων σκαφῶν ὀξυβελῶν τε καταπελτῶν καὶ τοξοτῶν καὶ σφενδονητῶν ἀνδρῶν καὶ προσπλεύσαντες τοῖς ἐργαζομένοις τὸ χῶμα πολλοὺς μὲν κατέτρωσαν, οὐκ ὀλίγους δὲ ἀπέκτειναν· §17.42.2εἰς ἀνόπλους γὰρ καὶ πυκνοὺς πολλῶν καὶ παντοίων βελῶν φερομένων οὐδεὶς ἡμάρτανεν, ἑτοίμων καὶ ἀφυλάκτων τῶν σκοπῶν κειμένων.
그 후 티로스인들은 둑길의 연장을 두려워하여, 많은 소형 선박에 노포와 궁수, 물매꾼들을 태우고 둑길을 건설하고 있는 작업자들에게 배로 접근하여 많은 이를 부상 입히고 적지 않은 이를 죽였다. 왜냐하면 무기를 들지 않고 밀집해 있는 이들에게 온갖 종류의 수많은 발사무기가 날아들었기에, 표적이 고스란히 노출되어 무방비 상태에 있었으므로 누구 하나 빗나가지 않았기 때문이다.
συνέβαινε γὰρ οὐ μόνον κατὰ πρόσωπον τὰ φερόμενα βέλη προσπίπτειν, ἀλλὰ καὶ πρὸς τὰ νῶτα τῶν ἀντιπροσώπων ὄντων ἐν στενῷ χώματι διικνεῖσθαι καὶ μηδένα δύνασθαι διαφυλάξασθαι τοὺς ἐξ ἀμφοτέρων τῶν μερῶν κατατιτρώσκοντας. §17.42.3ὁ δʼ Ἀλέξανδρος τὸ παράλογον τῆς συμφορᾶς βουλόμενος ὀξέως διορθώσασθαι, πληρώσας πάσας τὰς ναῦς καὶ καθηγούμενος αὐτὸς ἔπλει κατὰ σπουδὴν ἐπὶ τὸν λιμένα τῶν Τυρίων καὶ τὴν ἐπάνοδον τῶν Φοινίκων ὑπετέμνετο. §17.42.4οἱ δὲ βάρβαροι φοβηθέντες μήποτε κυριεύσας τῶν λιμένων καταλάβηται τὴν πόλιν ἔρημον οὖσαν στρατιωτῶν, κατὰ πολλὴν σπουδὴν ἀνέπλεον εἰς τὴν Τύρον.
실제로 날아드는 발사무기는 정면에서 덮칠 뿐만 아니라, 좁은 둑길 위에서 적을 마주보고 서 있는 이들의 등 뒤에까지 도달하였으며, 양쪽에서 상처를 입혀오는 자들로부터 스스로를 방어할 수 있는 사람은 아무도 없었다. 알렉산드로스는 이 뜻밖의 재난을 신속히 수습하고자 하여, 모든 배에 군사를 태우고 자신이 직접 선두에 서서 티로스인들의 항구를 향해 급히 항해하여 페니키아인들의 퇴로를 차단하려 했다. 한편 야만인들은 왕이 항구를 장악하고 군사들이 없는 도시를 점령하지 않을까 두려워하여 매우 급히 티로스로 되돌아 항해했다.
ἀμφοτέρων δὲ διὰ τὴν ὑπερβολὴν τῆς φιλοτιμίας ταῖς εἰρεσίαις πυκναῖς χρωμένων καὶ τῶν Μακεδόνων ἤδη πλησιαζόντων τοῖς λιμέσιν οἱ Φοίνικες παρʼ ὀλίγον μὲν ἦλθον τοῦ πάντες ἀπολέσθαι, παρεισπεσόντες δʼ ὅμως τῇ βίᾳ καὶ τὰς τελευταίας ναῦς ἀποβαλόντες διεσώθησαν εἰς τὴν πόλιν. §17.42.5ὁ δὲ βασιλεὺς μεγάλης ἐπιβολῆς ἀποτυχὼν πάλιν προσεκαρτέρει τῷ χώματι καὶ τῷ πλήθει τῶν νεῶν παρείχετο τοῖς ἐργαζομένοις τὴν ἀσφάλειαν.
양측 모두 극도에 달한 경쟁심으로 격렬히 노를 저었고 마케도니아인들이 이미 항구에 근접해 있었기에, 페니키아인들은 하마터면 모두 파멸할 뻔했으나, 그럼에도 힘겹게 안으로 밀고 들어가 마지막 배들을 잃으면서도 도시 안으로 무사히 대피했다. 왕은 큰 기도를 성취하지 못했으나 다시 둑길 건설에 끈기 있게 매달렸고, 수많은 배로 작업자들에게 안전을 제공했다.
τῶν δʼ ἔργων πλησιαζόντων τῇ πόλει καὶ τῆς ἁλώσεως προσδοκωμένης ἀργέστης ἄνεμος μέγας ἐπεγένετο καὶ τοῦ χώματος πολὺ μέρος ἐλυμήνατο. §17.42.6ὁ δʼ Ἀλέξανδρος εἰς ἀμηχανίαν ἐμπίπτων διὰ τὴν αὐτόματον τῶν ἔργων φθορὰν μετεμέλετο μὲν ἐπὶ τῇ τῆς πολιορκίας ἐπιβολῇ, ὅμως δὲ τῇ φιλοτιμίᾳ προαγόμενος ἐκ τῆς ὀρεινῆς ἐκκόπτων ὑπερμεγέθη δένδρα παρεκόμιζε καὶ σὺν αὐτοῖς τοῖς κλάδοις ἐγχώσας ἐνέφραξε τὴν βίαν τοῦ κλύδωνος. §17.42.7ταχὺ δʼ ἀποκαταστήσας τὰ πεπονηκότα τοῦ χώματος καὶ τῇ πολυχειρίᾳ προκόψας εἰς βέλους ἄφεσιν ἐπέστησε τὰς μηχανὰς ἐπʼ ἄκρον τὸ χῶμα καὶ τοῖς μὲν πετροβόλοις κατέβαλλε τὰ τείχη, τοῖς δʼ ὀξυβελέσιν ἀνεῖργε τοὺς ἐπὶ τῶν ἐπάλξεων ἐφεστῶτας·
그러나 공사물이 도시에 근접하여 함락이 기대되던 순간, 강력한 북서풍이 불어 닥쳐 둑길의 많은 부분을 파괴했다. 알렉산드로스는 공사물이 자연적으로 파괴되자 어찌할 바를 몰라 포위 공격을 시도한 것을 후회하기도 했으나, 그럼에도 명예욕에 이끌려 산지로부터 엄청나게 큰 나무들을 베어 가져오게 한 뒤, 그것들을 가지째 묻어버림으로써 파도의 맹위를 차단했다. 그는 둑길의 손상된 부분들을 신속히 복구하고 수많은 인손으로 발사 무기 사정거리까지 진척시킨 후, 둑길 끝부분에 무기들을 배치하여 투석기로는 성벽을 무너뜨렸고, 노포로는 성벽의 흉벽 위에 서 있는 자들을 저지했다.
συνηγωνίζοντο δὲ τούτοις οἵ τε τοξόται καὶ σφενδονῆται καὶ πολλοὺς τῶν ἐν τῇ πόλει παραβοηθοῦντας κατετίτρωσκον.
또한 궁수들과 물매꾼들도 이들과 함께 싸워, 도시 안에서 구원을 돕기 위해 달려오는 많은 이들에게 부상을 입혔다.