§17.39.1Δαρεῖος δὲ διανύσας εἰς Βαβυλῶνα καὶ τοὺς ἀπὸ τῆς ἐν Ἰσσῷ μάχης διασωζομένους ἀναλαβὼν οὐκ ἔπεσε τῷ φρονήματι, καίπερ μεγάλῃ περιπεπτωκὼς συμφορᾷ, ἀλλὰ πρὸς τὸν Ἀλέξανδρον ἔγραψεν ἀνθρωπίνως φέρειν τὴν εὐτυχίαν καὶ τοὺς αἰχμαλώτους ἀλλάξασθαι χρημάτων πλῆθος λαβόντα·
다레이오스는 바빌론에 도착하여 이소스 전투에서 살아남은 자들을 다시 수습하고서, 큰 재난을 겪었음에도 기가 죽지 않고, 오히려 알렉산드로스에게 편지를 보내어 행운을 인간답게 받아들이고 많은 돈을 받는 대가로 포로들을 교환하자고 권했다.
προσετίθει δὲ καὶ τῆς Ἀσίας τὴν ἐντὸς Ἅλυος χώραν καὶ πόλεις συγχωρήσειν, ἐὰν βουληθῇ γενέσθαι φίλος.
또한 만일 알렉산드로스가 친구가 되고자 한다면, 아시아 중 할리스 강 안쪽 편의 영토와 도시들을 양도하겠다고 덧붙였다.
§17.39.2ὁ δʼ Ἀλέξανδρος συναγαγὼν τοὺς φίλους καὶ τὴν μὲν ἀληθινὴν ἐπιστολὴν ἀποκρυψάμενος, ἑτέραν δὲ γράψας ῥέπουσαν πρὸς τὸ ἑαυτῷ συμφέρον προσήνεγκε τοῖς συνέδροις καὶ τοὺς πρέσβεις ἀπράκτους ἐξαπέστειλεν.
그러나 알렉산드로스는 친구들을 소집하고서 진짜 편지는 숨긴 채, 자신에게 유리한 방향으로 고쳐 쓴 다른 편지를 회의 참석자들에게 제시하고서 사절들을 아무런 소득 없이 돌려보냈다.
§17.39.3διόπερ ὁ Δαρεῖος ἀπογνοὺς τὴν διὰ τῶν ἐπιστολῶν σύνθεσιν παρασκευὰς μεγάλας ἐποιεῖτο πρὸς τὸν πόλεμον καὶ τοὺς μὲν κατὰ τὴν τροπὴν ἀποβεβληκότας τὰς πανοπλίας καθώπλιζεν, ἄλλους δʼ ἐπιλεγόμενος εἰς στρατιωτικὰς τάξεις κατέγραφε·
그리하여 다레이오스는 편지를 통한 화해를 단념하고 전쟁을 위한 대대적인 준비에 착수했으며, 패주할 때 무장을 잃어버린 자들에게 다시 무기를 채워주고, 다른 이들을 선발하여 군의 대열에 등록시켰다.
τὰς δʼ ἐκ τῶν ἄνω σατραπειῶν δυνάμεις, ἃς ἀπολελοιπὼς ἦν διὰ τὴν ὀξύτητα τῆς στρατείας, μετεπέμπετο.
또한 행군의 신속함 때문에 남겨두고 왔던 상부 사트라피의 군대도 소환했다.
§17.39.4καὶ τέλος τοσαύτην εἰσηνέγκατο σπουδὴν εἰς τὴν κατασκευὴν τῆς δυνάμεως ὥστε διπλασίαν γενέσθαι τῆς ἐν Ἰσσῷ παραταξαμένης·
그리고 마침내 그는 군대를 편성하는 데 매우 큰 열의를 쏟아부었기에, 군세가 이소스에서 대치했던 군세의 두 배에 달하게 되었다.
ὀγδοήκοντα μὲν γὰρ μυριάδες πεζῶν, εἴκοσι δʼ ἱππέων ἠθροίσθησαν καὶ χωρὶς ἁρμάτων δρεπανηφόρων πλῆθος.
실제로 80만 명의 보병과 20만 명의 기병, 그리고 이와는 별개로 수많은 낫 전차가 집결되었다.
ταῦτα μὲν οὖν ἐπράχθη κατὰ τοῦτον τὸν ἐνιαυτόν.
그리하여 이러한 일들이 이 해에 치러졌다.