§17.38.1περιέθηκε γὰρ αὐτῇ κόσμον τε βασιλικὸν καὶ τὸ προγεγονὸς ἀξίωμα ταῖς προσηκούσαις τιμαῖς ἀποκατέστησε·
그는 그녀에게 왕의 의복을 입히고, 그에 걸맞은 영예를 주어 이전의 존엄을 회복시켜 주었기 때문이다.
τὴν μὲν γὰρ θεραπείαν αὐτῇ πᾶσαν τὴν δοθεῖσαν ὑπὸ Δαρείου παρέδωκεν, ἰδίαν δʼ ἄλλην οὐκ ἐλάττονα τῆς προϋπαρχούσης προσεδωρήσατο καὶ τῆς μὲν τῶν παρθένων ἐκδόσεως βέλτιον τῆς Δαρείου κρίσεως ἐπηγγείλατο προνοήσεσθαι, τὸν παῖδα δὲ θρέψειν ὡς υἱὸν ἴδιον καὶ βασιλικῆς τιμῆς ἀξιώσειν.
즉, 다레이오스로부터 제공받았던 시종들을 모두 그녀에게 인도해 주었을 뿐만 아니라, 그에 못지않은 자신 소유의 다른 시종들을 추가로 선사하였고, 공주들의 출가에 대해서는 다레이오스의 결정보다 더 나은 방식으로 보살필 것을 약속했으며, 사내아이는 자신의 친아들처럼 키워 왕에 걸맞은 영예를 누리게 하겠다고 했다.
§17.38.2προσκαλεσάμενος δʼ αὐτὸν καὶ φιλήσας, ὡς εἶδεν ἀδεῶς βλέψαντα καὶ μηδὲν ὅλως καταπλαγέντα, πρὸς τοὺς περὶ τὸν Ἡφαιστίωνα εἶπεν ὅτι ὁ παῖς ὢν ἓξ ἐτῶν καὶ τὴν ἀρετὴν ὑπὲρ τὴν ἡλικίαν προφαίνων πολλῷ βελτίων ἐστὶ τοῦ πατρός.
그리고 그 아이를 불러서 입을 맞추었는데, 아이가 두려움 없이 자신을 바라보고 전혀 기가 죽지 않는 모습을 보고서는, 헤파이스티온의 주변 사람들에게 이 아이가 비록 여섯 살이지만 나이를 초월한 뛰어난 기품을 보여주고 있으니 그의 아버지보다 훨씬 낫다고 말했다.
περὶ δὲ τῆς Δαρείου γυναικὸς καὶ τῆς περὶ αὐτὴν σεμνότητος πρόνοιαν ἕξειν ἔφησεν ὅπως μηδὲν ἀνάξιον πάθῃ τῆς προγεγενημένης εὐδαιμονίας.
또한 다레이오스의 아내와 그녀를 둘러싼 품위에 대해서는, 그녀가 이전의 행복에 어긋나는 부당한 처우를 받지 않도록 유념하겠다고 말했다.
§17.38.3πολλὰ δὲ καὶ ἄλλα πρὸς ἔλεον καὶ φιλανθρωπίαν διαλεχθεὶς ἐποίησε τὰς γυναῖκας διὰ τὸ μέγεθος τῆς ἀνελπίστου χαρᾶς εἰς ἀκατάσχετα προπεσεῖν δάκρυα.
그 밖에 자비와 인애에 관한 많은 말을 건네며, 알렉산드로스는 여인들로 하여금 예기치 못한 기쁨의 크기로 인해 억누를 수 없는 눈물을 쏟아내게 만들었다.
ἐπὶ δὲ πᾶσι τοῖς προειρημένοις δοὺς τὴν δεξιὰν οὐ μόνον ὑπὸ τῶν εὖ παθόντων ἐπαίνων ἐτύγχανεν, ἀλλὰ καὶ παρὰ πᾶσι τοῖς συστρατευομένοις περιβόητον ἔσχε τὴν ὑπερβολὴν τῆς ἐπιεικείας.
이 모든 약속에 대하여 오른손을 내밀어 굳게 보증함으로써, 그는 은혜를 입은 이들로부터 찬사를 받았을 뿐만 아니라, 함께 싸운 모든 군사들 사이에서도 그의 지극한 관대함이 널리 전해지게 되었다.
§17.38.4καθόλου δʼ ἔγωγε νομίζω πολλῶν καὶ καλῶν ἔργων ὑπʼ Ἀλεξάνδρου συντετελεσμένων μηδὲν τούτων μεῖζον ὑπάρχειν μηδὲ μᾶλλον ἄξιον ἀναγραφῆς καὶ μνήμης ἱστορικῆς εἶναι.
대체로 나로서는, 알렉산드로스에 의해 완수된 많고도 빛나는 업적들 중에서 이것보다 더 큰 것은 없으며, 역사적 기록과 기억에 이보다 더 걸맞은 일은 없다고 생각한다.
§17.38.5αἱ μὲν γὰρ τῶν πόλεων πολιορκίαι καὶ παρατάξεις καὶ τὰ ἄλλα τὰ κατὰ τὸν πόλεμον προτερήματα τὰ πλείονα διὰ τύχην ἢ διʼ ἀρετὴν ἐπιτυγχάνεται, ὁ δʼ ἐν ταῖς ἐξουσίαις εἰς τοὺς ἐπταικότας ἔλεος μεριζόμενος διὰ μόνης τῆς φρονήσεως γίνεται.
도시의 포위나 회전, 그리고 전쟁에서의 다른 승리들은 대부분 덕보다 행운 덕분에 달성되는 반면, 권력을 쥔 상태에서 실패한 자들에게 베풀어지는 자비는 오직 지혜를 통해서만 생겨나기 때문이다.
§17.38.6οἱ πλεῖστοι γὰρ διὰ τὴν εὐτυχίαν ἐπαίρονται μὲν ταῖς εὐπραξίαις, ὑπερήφανοι δʼ ἐν ταῖς εὐτυχίαις γινόμενοι τῆς ἀνθρωπίνης καὶ κοινῆς ἀσθενείας ἐπιλανθάνονται·
대부분의 사람들은 행운으로 인해 성공에 취해 으스대고, 행복 속에서 오만해져서 인간의 보편적인 나약함을 망각하기 마련이다.
διὸ καὶ τοὺς πλείστους ὁρᾶν ἔστι τὴν εὐτυχίαν ὥσπερ τι βαρὺ φορτίον φέρειν ἀδυνατοῦντας.
그리하여 대부분의 사람들이 행운을 마치 무거운 짐인 양 짊어지지 못하는 모습을 보게 되는 것이다.
§17.38.7Ἀλέξανδρος μὲν οὖν, καίπερ πολλαῖς γενεαῖς προγεγονὼς τοῦ καθʼ ἡμᾶς βίου, τυγχανέτω καὶ παρὰ τῶν μεταγενεστέρων δικαίου καὶ πρέποντος ταῖς ἰδίαις ἀρεταῖς ἐπαίνου.
그러므로 알렉산드로스는 비록 우리가 살고 있는 시대보다 여러 세대 앞서 존재했던 인물이기는 하지만, 후세 사람들로부터도 그의 합당한 덕에 걸맞은 공정하고도 마땅한 찬사를 받아야 할 것이다.