§17.36.1οἱ δʼ ἐπιεικέστατοι τῶν Μακεδόνων τὴν μεταβολὴν τῆς τύχης ὁρῶντες συμπαθεῖς ἐγίνοντο καὶ τὰς τῶν ἀκληρούντων συμφορὰς ἠλέουν, αἷς τὰ μὲν προσήκοντα καὶ μεγάλα μακρὰν ἀπήρτητο, τὰ δʼ ἀλλόφυλα καὶ πολέμια παρῆν σύνεγγυς καὶ πρὸς ἀτυχῆ καὶ ἐπονείδιστον αἰχμαλωσίαν παρώρμητο.
마케도니아인들 중 가장 온건하고 양식 있는 자들은 운명의 변전을 보고 동정심을 가졌으며, 불행한 여인들의 비극을 가련히 여겼다. 그녀들에게는 합당하고 고귀한 것들은 멀리 사라져 버렸고, 이질적이고 적대적인 것들이 바로 곁에 닥쳐와 불행하고 치욕적인 포로의 처지로 그들을 몰아넣고 있었기 때문이다.
§17.36.2μάλιστα δὲ τοὺς παρόντας εἰς δάκρυα καὶ συμπάθειαν ἤγαγεν ἡ Δαρείου μήτηρ καὶ γυνὴ καὶ δύο θυγατέρες ἐπίγαμοι καὶ υἱὸς παῖς τὴν ἡλικίαν.
특히 그곳에 있던 자들을 눈물과 동정으로 이끈 것은 다레이오스의 어머니와 아내, 혼기가 찬 두 딸, 그리고 나이가 어린 아들이었다.
§17.36.3ἐπὶ γὰρ τούτων ἡ μεταβολὴ τῆς τύχης καὶ τὸ μέγεθος τῶν ἀνελπίστων ἀκληρημάτων ἐν ὄψει κείμενον εὐλόγως τοὺς ὁρῶντας ἐποίει συμπάσχειν τοῖς ἠτυχηκόσι.
왜냐하면 이들의 경우, 운명의 변전과 예기치 못한 불행의 거대함이 눈앞에 고스란히 드러나 있어, 보는 이들로 하여금 당연하게도 이 불행을 당한 이들에게 동조하도록 만들었기 때문이다.
§17.36.4περὶ μὲν γὰρ Δαρείου πότερον ζῇ καὶ περίεστιν ἢ καὶ μετὰ τῆς τῶν ἄλλων φθορᾶς ἀπόλωλεν οὐκ ἐγίνωσκον, ἑώρων δὲ τὴν σκηνὴν διαρπάζοντας ἐνόπλους πολεμίους ἄνδρας, ἀγνοοῦντας μὲν τὰς ἡλωκυίας, πολλὰ δὲ διὰ τὴν ἄγνοιαν ἀπρεπῆ πράττοντας, καὶ τὸ σύνολον ὅλην τὴν Ἀσίαν αἰχμάλωτον μεθʼ αὑτῶν γεγενημένην καὶ ταῖς μὲν τῶν σατραπῶν γυναιξὶ προσπιπτούσαις καὶ δεομέναις βοηθεῖν οὐχ οἷον συνεπιλαβέσθαι τινὸς ἴσχυον, ἀλλὰ καὶ αὐταὶ ταύτας ἠξίουν συνεπικουρῆσαι τοῖς ἑαυτῶν ἀκληρήμασιν.
그녀들은 다레이오스에 대해 그가 살아남아 있는지 아니면 다른 이들의 파멸과 함께 죽었는지 알지 못했고, 무장한 적의 군사들이 천막을 약탈하는 것을 보고 있었는데, 그 군사들은 잡힌 여인들이 누구인지 알지 못하여 그 무지함 때문에 많은 무례한 짓을 저지르고 있었다. 요컨대 자신들과 함께 아시아 전체가 포로가 된 것을 보았으며, 도움을 청하며 엎드리는 사트라페스들의 아내들에게 어떠한 도움의 손길도 내밀 수 없었을 뿐만 아니라, 오히려 자신들도 그들에게 자신들의 불행을 함께 도와달라고 요청하는 처지였다.
§17.36.5οἱ δὲ τοῦ βασιλέως παῖδες καταλαβόμενοι τὴν τοῦ Δαρείου σκηνὴν τἀκείνου λουτρὰ καὶ δεῖπνα παρεσκευάζοντο καὶ λαμπάδων πολλὴν πυρὰν ἅψαντες προσεδέχοντο τὸν Ἀλέξανδρον, ὅπως ἀπὸ τοῦ διωγμοῦ γενόμενος καὶ καταλαβὼν ἑτοίμην πᾶσαν τὴν παρασκευὴν τοῦ Δαρείου οἰωνίσηται τὴν ὅλην τῆς Ἀσίας ἡγεμονίαν.
한편 왕의 시종들은 다레이오스의 천막을 차지하고서 그의 목욕과 식사를 준비했으며, 많은 횃불을 밝히고 알렉산드로스를 기다렸는데, 이는 그가 추격을 끝내고 돌아와 다레이오스의 모든 준비가 갖춰진 것을 보고 아시아 전체의 지배권을 얻게 될 좋은 징조로 받아들이도록 하기 위함이었다.
§17.36.6κατὰ δὲ τὴν μάχην ἐτελεύτησαν τῶν βαρβάρων πεζοὶ μὲν πλείους τῶν δέκα μυριάδων, ἱππεῖς δʼ οὐκ ἐλάττους τῶν μυρίων, τῶν δὲ Μακεδόνων πεζοὶ μὲν εἰς τριακοσίους, ἱππεῖς δὲ περὶ ἑκατὸν καὶ πεντήκοντα.
이 전투에서 바르바로이 측은 보병 10만 명 이상, 기병 1만 명 이상이 전사했고, 마케도니아 측은 보병 약 300명, 기병 약 150명이 전사했다.
ἡ μὲν οὖν ἐν Ἰσσῷ τῆς Κιλικίας μάχη τοιοῦτον ἔσχε τὸ τέλος.
그리하여 킬리키아의 이소스에서 벌어진 전투는 이와 같은 결말을 맺었다.