§17.33.1τῶν δὲ κατασκόπων ἀπαγγειλάντων αὐτῷ τριάκοντα σταδίους ἀπέχειν τὸν Δαρεῖον καὶ συντεταγμένῃ τῇ δυνάμει προσιέναι καταπληκτικῶς, ὑπολαβὼν παρὰ τῶν θεῶν αὐτῷ δεδόσθαι τὸν καιρὸν ὥστε μιᾷ παρατάξει νικήσαντα καταλῦσαι τὴν Περσῶν ἡγεμονίαν τοὺς μὲν στρατιώτας τοῖς οἰκείοις λόγοις παρεκάλεσεν ἐπὶ τὸν περὶ τῶν ὅλων ἀγῶνα, τὰ δὲ τάγματα τῶν στρατιωτῶν καὶ τὰς τῶν ἱππέων εἴλας οἰκείως τοῖς ὑποκειμένοις τόποις διατάξας τοὺς μὲν ἱππεῖς ἐπέστησε πρὸ πάσης τῆς στρατιᾶς, τὴν δὲ τῶν πεζῶν φάλαγγα κατόπιν ἐφεδρεύειν προσέταξεν.
정찰병들이 그에게 다레이오스가 삼십 스타디온 거리에 다다랐으며 정비된 군대를 이끌고 두려운 기세로 접근하고 있다고 보고하자, 알렉산드로스는 한 번의 회전에서 승리하여 페르시아의 지배를 종식시킬 기회가 신들로부터 자신에게 주어졌다고 생각하고, 병사들을 적절한 말로 총력전을 향해 격려했다. 그리고 병사들의 부대와 기병의 대들을 그 지형에 맞게 배치한 뒤, 기병을 전군 앞에 세우고 보병 파랑크스에게는 뒤에서 대기하라고 명령했다.
§17.33.2αὐτὸς δὲ προηγούμενος τοῦ δεξιοῦ μέρους ἀπήντα τοῖς πολεμίοις, ἔχων μεθʼ ἑαυτοῦ τοὺς κρατίστους τῶν ἱππέων·
그 자신은 우익을 이끌고 적을 맞이하러 나아갔으며, 자신과 함께 가장 강력한 기병들을 동반했다.
τὸ δʼ εὐώνυμον μέρος ἐπεῖχον οἱ τῶν Θετταλῶν ἱππεῖς, πολὺ τῶν ἄλλων διαφέροντες ταῖς τε ἀνδραγαθίαις καὶ ταῖς ἐμπειρίαις.
한편 좌익은 테살리아 기병들이 차지하고 있었는데, 이들은 무용과 경험에 있어서 다른 이들보다 훨씬 뛰어났다.
§17.33.3ὡς δʼ αἱ δυνάμεις ἐντὸς βέλους ἐγίνοντο, τοῖς μὲν περὶ τὸν Ἀλέξανδρον ἐπέρριψαν οἱ βάρβαροι τοσοῦτον πλῆθος βελῶν ὥστε διὰ τὴν πυκνότητα τῶν βαλλομένων ἀλλήλοις συγκρουόντων ἀσθενεστέρας γίνεσθαι τὰς πληγάς.
양군이 사정거리 안에 들어서자, 바르바로이들은 알렉산드로스와 그 주변 사람들에게 엄청난 수의 투사체를 퍼부었으므로, 투사체들이 너무나 조밀하게 날아와 서로 부딪치는 바람에 그 타격이 오히려 약해질 정도였다.
§17.33.4τῶν δὲ σαλπικτῶν παρʼ ἀμφοτέροις τὸ πολεμικὸν σημαινόντων οἱ Μακεδόνες πρῶτοι συναλαλάξαντες βοὴν ἐξαίσιον ἐποίησαν, μετὰ δὲ ταῦτα τῶν βαρβάρων ἀντιφθεγξαμένων συνήχησε μὲν ἡ σύνεγγυς ὀρεινὴ πᾶσα, τὸ δὲ μέγεθος τῆς βοῆς ὑπερῆρε τὴν προγεγενημένην κραυγήν, ὡς ἂν πεντήκοντα μυριάδων μιᾷ φωνῇ συνηχουσῶν.
양측의 나팔수들이 전투 신호를 울리자, 마케도니아인들이 먼저 일제히 함성을 지르며 엄청난 소리를 냈고, 그 뒤를 이어 바르바로이들이 맞받아 소리를 지르자 부근의 모든 산들이 공명하였는데, 그 함성의 크기는 앞서 지른 비명을 압도하여 마치 오십만 명이 한 목소리로 함께 외치는 듯했다.
§17.33.5ὁ δʼ Ἀλέξανδρος πάντῃ τὴν ὄψιν βάλλων καὶ σπεύδων κατιδεῖν τὸν Δαρεῖον ἅμα τῷ κατανοῆσαι παραχρῆμα μετὰ τῶν περὶ αὐτὸν ἱππέων ἐπʼ αὐτὸν ἐφέρετο τὸν βασιλέα, σπεύδων οὐχ οὕτω καταπροτερῆσαι τῶν Περσῶν ὡς τὸ διʼ αὑτοῦ περιποιήσασθαι τὴν νίκην.
한편 알렉산드로스는 사방으로 시선을 던지며 다레이오스를 포착하려 애썼고, 그를 알아보자마자 즉시 자신 주변의 기병들과 함께 그 왕을 향해 돌진했는데, 이는 페르시아인들을 제압하는 것보다도 자기 자신의 손으로 승리를 쟁취하기를 열망했기 때문이었다.
§17.33.6ἅμα δὲ τούτῳ καὶ τῶν ἄλλων ἁπάντων ἱππέων συμπεσόντων ἀλλήλοις καὶ πολλοῦ φόνου γινομένου ἡ μὲν μάχη διὰ τὰς τῶν ἀγωνιζομένων ἀρετὰς ἀμφίδοξον εἶχε τὴν τῶν ὅλων κρίσιν·
이와 동시에 다른 모든 기병들도 서로 맞붙어 큰 살육이 벌어지자, 전투는 싸우는 자들의 용맹함으로 인해 대세의 판가름을 예측하기 어렵게 만들었다.
ἐταλαντεύετο γὰρ δεῦρο κἀκεῖσε, τῆς τροπῆς ἐναλλὰξ γινομένης.
전황이 이리저리 요동치며 전세의 역전이 번갈아 일어났기 때문이다.
§17.33.7οὔτε γὰρ ἀκοντίσας οὔτε πατάξας οὐδεὶς ἄπρακτον ἔσχε τὴν πληγήν, ὡς ἂν διὰ τὸ πλῆθος ἑτοίμου τοῦ σκοποῦ κειμένου.
창을 던지거나 타격을 가한 사람 중 그 누구도 일격을 허사로 돌리지 않았으니, 군중의 수 덕분에 표적이 눈앞에 손쉽게 놓여 있었기 때문이다.
διὸ καὶ πολλοὶ τραύμασιν ἐναντίοις περιτυγχάνοντες ἔπιπτον καὶ μέχρι τῆς ἐσχάτης ἀναπνοῆς θυμομαχοῦντες τὸ ζῆν πρότερον ἢ τὴν ἀρετὴν ἐξέλειπον.
이 때문에 많은 이들이 정면에 부상을 입고 쓰러지면서도 마지막 숨이 다할 때까지 기백 있게 싸웠으며, 자신들의 무용보다 먼저 생명을 잃었다.