§17.14.1τῶν δὲ Θηβαίων ἀνῃρέθησαν μὲν ὑπὲρ τοὺς ἑξακισχιλίους, αἰχμάλωτα δὲ σώματα συνήχθη πλείω τῶν τρισμυρίων, χρημάτων δὲ ἄπιστον πλῆθος διεφορήθη.
테베인들 중에서 육천 명 이상이 살해되었고, 삼만 명 이상의 포로가 소집되었으며, 믿을 수 없을 만큼 엄청난 양의 재물이 약탈당했다.
ὁ δὲ βασιλεὺς τοὺς μὲν τελευτήσαντας τῶν Μακεδόνων ἔθαψε, πλείους ὄντας τῶν πεντακοσίων, τοὺς δὲ συνέδρους τῶν Ἑλλήνων συναγαγὼν ἐπέτρεψε τῷ κοινῷ συνεδρίῳ πῶς χρηστέον τῇ πόλει τῶν Θηβαίων.
왕은 오백 명이 넘는 마케도니아인 전사자들을 매장하였고, 그리스인 대의원들을 소집하여 테베 시를 어떻게 처리할지를 공동 평의회에 위임했다.
§17.14.2προτεθείσης οὖν βουλῆς τῶν ἀλλοτρίως διακειμένων τοῖς Θηβαίοις τινὲς ἐπεχείρουν συμβουλεύειν ἀπαραιτήτοις τιμωρίαις δεῖν περιβαλεῖν αὐτούς, ἀπεδείκνυον δʼ αὐτοὺς τὰ τῶν βαρβάρων πεφρονηκότας κατὰ τῶν Ἑλλήνων·
그리하여 토의가 제안되었을 때, 테베인들에게 적대적인 감정을 품고 있던 이들 중 일부가 그들에게 용서 없는 처벌을 가해야 한다고 건의하기 시작했고, 그들이 그리스인들을 대적하여 야만인들의 편에 섰다는 점을 지적했다.
καὶ γὰρ ἐπὶ Ξέρξου συμμαχοῦντας τοῖς Πέρσαις ἐστρατευκέναι κατὰ τῆς Ἑλλάδος καὶ μόνους τῶν Ἑλλήνων ὡς εὐεργέτας τιμᾶσθαι παρὰ τοῖς βασιλεῦσι τῶν Περσῶν καὶ πρὸ τῶν βασιλέων τοῖς πρεσβεύουσι τῶν Θηβαίων τίθεσθαι θρόνους.
즉, 크세르크세스 시대에 그들이 페르시아인들과 동맹을 맺고 그리스에 맞서 출병했다는 것과, 그리스인들 중 오직 그들만이 페르시아 왕들에게 은혜를 베푼 자들로 존중받았으며 왕들 앞에 테베 사절들을 위한 자리가 마련되었다는 사실을 언급했던 것이다.
§17.14.3πολλὰ δὲ καὶ ἄλλα τοιαῦτα διελθόντες παρώξυναν τὰς τῶν συνέδρων ψυχὰς κατὰ τῶν Θηβαίων καὶ πέρας ἐψηφίσαντο τὴν μὲν πόλιν κατασκάψαι, τοὺς δʼ αἰχμαλώτους ἀποδόσθαι, τοὺς δὲ φυγάδας τῶν Θηβαίων ἀγωγίμους ὑπάρχειν ἐξ ἁπάσης τῆς Ἑλλάδος καὶ μηδένα τῶν Ἑλλήνων ὑποδέχεσθαι Θηβαῖον.
그들은 이와 같은 다른 많은 일들을 상세히 이야기하여 테베인들에 대한 대의원들의 분노를 격발시켰고, 마침내 도시를 완전히 파괴하고, 포로들을 팔아넘기며, 테베인 추방자들을 온 그리스 영토에서 체포 및 인도 대상으로 삼고, 그리스인 중 누구도 테베인을 받아들여서는 안 된다고 결의했다.
§17.14.4ὁ δὲ βασιλεὺς ἀκολούθως τῇ τοῦ συνεδρίου γνώμῃ τὴν μὲν πόλιν κατασκάψας πολὺν ἐπέστησε φόβον τοῖς ἀφισταμένοις τῶν Ἑλλήνων, τοὺς δʼ αἰχμαλώτους λαφυροπωλήσας ἤθροισεν ἀργυρίου τάλαντα τετρακόσια καὶ τεσσαράκοντα.
왕은 평의회의 결의에 따라 도시를 파괴하여 이반을 꾀하는 그리스인들에게 큰 두려움을 심어주었고, 포로들을 전리품으로 매각함으로써 은 사백사십 달란트를 거두어들였다.