§16.84.1ἐπʼ ἄρχοντος δʼ Ἀθήνησι Χαρώνδου τὴν ὕπατον ἀρχὴν διεδέξαντο Λεύκιος Αἰμίλιος καὶ Γάιος Πλώτιος.
아테나이에서 카론다스가 아르콘으로 있을 때, 루키우스 에밀리우스와 가이우스 플로티우스가 집정관 직무를 이어받았다.
ἐπὶ δὲ τούτων Φίλιππος ὁ βασιλεὺς τοὺς πλείστους τῶν Ἑλλήνων εἰς φιλίαν προηγμένος ἐφιλοτιμεῖτο καὶ τοὺς Ἀθηναίους καταπληξάμενος ἀδήριτον ἔχειν τὴν ἡγεμονίαν τῆς Ἑλλάδος.
이들 임기 중에 필리포스 왕은 그리스인의 대부분을 우호 관계로 끌어들였으며, 아테나이인들마저 위압하여 그리스의 패권을 확고하게 차지하기를 열망하고 있었다.
§16.84.2διόπερ ἄφνω καταλαβόμενος Ἐλάτειαν πόλιν καὶ τὰς δυνάμεις εἰς ταύτην ἀθροίσας διέγνω πολεμεῖν τοῖς Ἀθηναίοις.
그리하여 그는 느닷없이 엘라테이아 시를 점령하고 이곳에 군대를 집결시킨 뒤, 아테나이인들과 전쟁을 벌이기로 결정했다.
ἀπαρασκεύων δʼ ὄντων αὐτῶν διὰ τὴν συντεθειμένην εἰρήνην ἤλπιζε ῥᾳδίως περιποιήσεσθαι τὴν νίκην·
그들은 맺어진 평화 때문에 아무런 준비도 하지 않고 있었으므로, 그는 쉽게 승리를 거둘 수 있으리라 기대했다.
ὅπερ καὶ συνετελέσθη.
그리고 그것이 실제로 실현되었다.
καταληφθείσης γὰρ τῆς Ἐλατείας ἧκόν τινες νυκτὸς ἀπαγγέλλοντες τὴν κατάληψιν τῆς πόλεως καὶ διότι ταχέως ἥξει Φίλιππος μετὰ τῆς δυνάμεως εἰς τὴν Ἀττικήν.
엘라테이아가 점령당하자, 어떤 이들이 밤중에 찾아와 그 도시의 점령 소식과 함께 필리포스가 곧 군대를 이끌고 아티카로 쳐들어올 것이라는 사실을 보고했기 때문이다.
§16.84.3οἱ δὲ στρατηγοὶ τῶν Ἀθηναίων διὰ τὸ παράδοξον τῆς πράξεως καταπλαγέντες τούς τε σαλπικτὰς μετεπέμποντο καὶ σημαίνειν προσέταττον διʼ ὅλης τῆς νυκτός.
아테나이의 장군들은 뜻밖의 사태에 경악하여 나팔수들을 불러들였고, 밤새도록 나팔을 불어 경보를 울리라고 명령했다.
τῆς δὲ φήμης εἰς πᾶσαν οἰκίαν διαδοθείσης ἡ μὲν πόλις ὀρθὴ διὰ τὸν φόβον ἦν, ὁ δὲ δῆμος ἅπας ἅμʼ ἡμέρᾳ συνέδραμεν εἰς τὸ θέατρον πρὸ τοῦ συγκαλέσαι τοὺς ἄρχοντας ὡς ἦν ἔθος.
소문이 집집마다 퍼지자 도시는 공포로 인해 술렁였으며, 온 민중은 날이 밝자마자 관례대로 관직자들이 그들을 소집하기도 전에 극장으로 몰려들었다.
§16.84.4ὡς δʼ ἧκον οἱ στρατηγοὶ καὶ τὸν μηνύσαντα παρῆγον κἀκεῖνος εἶπεν, σιωπὴ μὲν καὶ φόβος κατεῖχε τὸ θέατρον καὶ τῶν εἰωθότων δημηγορεῖν οὐδεὶς ἐτόλμα συμβουλεῦσαι·
장군들이 도착하여 정보를 제공한 사람을 앞에 세우고 그 사람이 말을 전하자, 극장은 침묵과 공포에 휩싸였고 대중 연설에 익숙했던 이들 중 누구도 감히 조언하려 나서지 못했다.
πλεονάκις δὲ τοῦ κήρυκος καλέσαντος τοὺς ἐροῦντας ὑπὲρ τῆς κοινῆς σωτηρίας οὐδεὶς παρῄει σύμβουλος.
포고관이 공동의 구원을 위해 발언할 사람들을 여러 번 소집했음에도 조언자로 나서는 사람은 아무도 없었다.
§16.84.5ἀπορίας οὖν μεγάλης οὔσης καὶ καταπλήξεως ἀπέβλεπε τὸ πλῆθος ἐπὶ τὸν Δημοσθένην.
그리하여 큰 곤경과 경악 속에서 대중은 데모스테네스를 바라보았다.
ὁ δʼ καταβὰς καὶ τὸν δῆμον παρακαλέσας θαρρεῖν ἀπεφαίνετο δεῖν παραχρῆμα πρέσβεις ἀποστέλλειν εἰς τὰς Θήβας καὶ παρακαλεῖν τοὺς Βοιωτοὺς κοινῇ τὸν ὑπὲρ τῆς ἐλευθερίας ἀγῶνα τίθεσθαι·
그는 단으로 나아가 민중에게 용기를 잃지 말라고 격려하며, 즉시 테바이로 사절을 파견하여 보이오티아인들에게 자유를 위한 투쟁에 함께 동참할 것을 촉구해야 마땅하다고 밝혔다.
πρὸς γὰρ τοὺς ἄλλους συμμάχους ὁ καιρὸς οὐ συνεχώρει πέμπειν πρεσβείας περὶ τῆς συμμαχίας.
다른 동맹국들의 경우에는 동맹에 관한 사절을 보낼 시간적 여유를 시국이 허락하지 않았기 때문이다.
ἐν ἡμέραις γὰρ δυσὶ προσδόκιμος ἦν ὁ βασιλεὺς ἥξειν εἰς τὴν Ἀττικὴν καὶ τῆς ὁδοιπορίας οὔσης διὰ τῆς Βοιωτίας ἡ παρὰ τῶν Βοιωτῶν συμμαχία μόνη κατελείπετο, φανεροῦ γʼ ὄντος ὅτι Φίλιππος, φίλος ὢν καὶ σύμμαχος Βοιωτοῖς, τούτους ἐν παρόδῳ πειράσεται παραλαβεῖν εἰς τὸν κατʼ Ἀθηναίων πόλεμον.
왕이 이틀 안에 아티카에 도착할 것으로 예상되었고, 그의 행군 경로가 보이오티아를 통과하는 것이었기에 보이오티아 측과의 동맹만이 유일하게 남은 방책이었다. 필리포스가 보이오티아인들의 친구이자 동맹이었던 이상, 그가 길목에서 이들을 아테나이인들과의 전쟁에 끌어들이려 시도하리라는 것은 명백했기 때문이다.