§16.68.1τοῦ δὲ Διονυσίου κυριεύοντος τῶν Συρακουσσῶν Ἱκέτας ἔχων περὶ ἑαυτὸν ἀξιόλογον δύναμιν ἐστράτευσεν ἐπὶ τὰς Συρακούσσας καὶ τὸ μὲν πρῶτον χάρακα βαλόμενος περὶ τὸ Ὀλυμπιεῖον διεπολέμει τῷ κρατοῦντι τῆς πόλεως τυράννῳ,
디오니시오스가 시라쿠사를 지배하고 있는 동안, 히케타스는 자신 주변에 상당한 규모의 병력을 거느리고 시라쿠사로 원정하였으며, 처음에는 올림피에이온 주변에 말뚝을 박아 진지를 구축하고 도시를 지배하고 있는 참주와 계속해서 전쟁을 벌였다.
§16.68.2χρονιζούσης δὲ τῆς πολιορκίας καὶ τῶν ἐπιτηδείων ἐκλιπόντων ὁ μὲν Ἱκέτας ἀνέζευξεν εἰς Λεοντίνους (ἐκ ταύτης γὰρ ὡρμᾶτο τῆς πόλεως)·
포위 공격이 장기화되고 필수품이 바닥나자, 히케타스는 레온티노이로 퇴각했다(그는 바로 이 도시에서 출격했기 때문이다).
ὁ δὲ Διονύσιος ἐπακολουθήσας αὐτοῖς καὶ καταλαβὼν τὴν οὐραγίαν συνεστήσατο μάχην.
한편 디오니시오스는 그들을 추격하여 후위 부대를 따라잡고 전투를 벌였다.
§16.68.3ὁ δʼ Ἱκέτας ἐπιστρέψας ἐπὶ τὸν Διονύσιον συνῆψε μάχην καὶ πλείους τῶν τρισχιλίων μισθοφόρων ἀνελὼν τοὺς λοιποὺς φυγεῖν ἠνάγκασεν.
그러나 히케타스는 몸을 돌려 디오니시오스를 상대로 전투를 벌여 3,000명 이상의 용병들을 죽이고 남은 자들을 달아나게 했다.
ὀξεῖ δὲ τῷ διωγμῷ χρησάμενος καὶ συνεισπεσὼν τοῖς φεύγουσιν εἰς τὴν πόλιν ἐκράτησε τῶν Συρακουσσῶν πλὴν τῆς Νήσου.
그리고 격렬한 추격을 벌여 도망치는 자들과 함께 도시 안으로 밀고 들어가, 네소스를 제외한 시라쿠사를 장악했다.
καὶ τὰ μὲν περὶ τὸν Ἱκέταν καὶ Διονύσιον ἐν τούτοις ἦν.
그리하여 히케타스와 디오니시오스에 관한 일들은 이 상태에 있었다.
§16.68.4Τιμολέων δὲ μετὰ τὴν κατάληψιν τῶν Συρακουσσῶν τρισὶν ἡμέραις ὕστερον κατέπλευσεν εἰς τὸ Ῥήγιον καὶ καθωρμίσθη πλησίον τῆς πόλεως.
한편, 티모레온은 시라쿠사 함락 사흘 뒤에 레기온으로 입항하여 도시 근처에 정박했다.
§16.68.5ἐπικαταπλευσάντων δὲ καὶ τῶν Καρχηδονίων εἴκοσι τριήρεσι καὶ τῶν Ῥηγίνων συνεργούντων τῷ Τιμολέοντι καὶ κοινὴν ἐκκλησίαν ἐν τῇ πόλει συναγαγόντων καὶ περὶ συλλύσεως δημηγορούντων οἱ μὲν Καρχηδόνιοι διαλαβόντες τὸν Τιμολέοντα πεισθήσεσθαι τὸν εἰς Κόρινθον ἀπόπλουν ποιήσασθαι ῥᾳθύμως εἶχον τὰ κατὰ τὰς φυλακάς, ὁ δὲ Τιμολέων οὐδεμίαν ἔμφασιν διδοὺς τοῦ δρασμοῦ αὐτὸς μὲν πλησίον τοῦ βήματος ἔμεινε, λάθρᾳ δὲ παρήγγειλε τὰς ἐννέα ναῦς ἀποπλεῦσαι τὴν ταχίστην.
카르타고인들 역시 20척의 삼단노선과 함께 입항하였고, 레기온인들이 티모레온과 협력하여 도시에서 공동 민회를 소집하고 화해에 관해 연설을 하고 있는 동안, 카르타고인들은 티모레온이 설득되어 코린토스로의 귀환 항해를 할 것이라고 짐작하여 감시를 소홀히 하고 있었다. 한편 티모레온은 도주의 기색을 전혀 보이지 않은 채 자신은 연단 근처에 머물면서, 비밀리에 나머지 아홉 척의 배들에게 가능한 한 빨리 출항하라고 지시했다.
§16.68.6περισπωμένων δὲ τῶν Καρχηδονίων ταῖς ψυχαῖς περὶ τοὺς ἐγκαθέτως δημηγοροῦντας μακρῶς τῶν Ῥηγίνων ἔλαθεν ὁ Τιμολέων διαδρὰς ἐπὶ τὴν ὑπολελειμμένην ναῦν καὶ ταχέως ἐξέπλευσεν.
카르타고인들의 정신이 미리 짜인 대로 길게 연설하는 레기온인들에게 쏠려 있는 사이에, 티모레온은 눈에 띄지 않게 남겨진 배로 도망쳐 신속히 출항했다.
οἱ δὲ Καρχηδόνιοι καταστρατηγηθέντες ἐπεβάλοντο διώκειν τοὺς περὶ τὸν Τιμολέοντα.
카르타고인들은 계략에 당했음을 깨닫고 티모레온의 일행을 추격하기 시작했다.
§16.68.7ἐκείνων δὲ προειληφότων ἱκανὸν διάστημα καὶ τῆς νυκτὸς ἐπιλαβούσης ἔφθασαν οἱ περὶ τὸν Τιμολέοντα ἀποπλεύσαντες εἰς τὸ Ταυρομένιον.
그들이 충분한 거리를 선점하고 밤이 찾아왔기 때문에, 티모레온 일행은 추격을 따돌리고 타우로메니온으로 배를 타고 도착했다.
§16.68.8ὁ δὲ τῆς πόλεως ταύτης ἡγούμενος, διὰ παντὸς πεφρονηκὼς τὰ τῶν Συρακοσίων, Ἀνδρόμαχος, φιλοφρόνως ὑπεδέξατο τοὺς διωκομένους καὶ πολλὰ συνεβάλετο πρὸς τὴν σωτηρίαν αὐτῶν.
이 도시의 지도자로서 항상 시라쿠사인들의 편을 들어 생각하고 있던 안드로마코스는 추격받는 자들을 친절하게 영접하고 그들의 안전을 위해 크게 공헌했다.
§16.68.9μετὰ δὲ ταῦτα ὁ μὲν Ἱκέτας ἀναλαβὼν τῶν στρατιωτῶν τοὺς ἀρίστους πεντακισχιλίους ἐστράτευσεν ἐπὶ τοὺς Ἀδρανίτας ἀντιπράττοντας αὐτῷ καὶ πλησίον τῆς πόλεως κατεστρατοπέδευσεν·
그 후, 히케타스는 군사들 중 가장 우수한 5,000명을 이끌고 자신에게 반대하는 하드라논인들을 치기 위해 원정하여 도시 근처에 진을 쳤다.
ὁ δὲ Τιμολέων προσλαβόμενος παρὰ τῶν Ταυρομενίων στρατιώτας ἀνέζευξεν ἐκ τοῦ Ταυρομενίου, τοὺς ἅπαντας ἔχων οὐ πλείους τῶν χιλίων.
한편 티모레온은 타우로메니온인들로부터 병사들을 더해, 총합 1,000명을 넘지 않는 병력을 거느리고 타우로메니온에서 출발했다.
§16.68.10ἀρχομένης δὲ τῆς νυκτὸς ἀφορμήσας καὶ διανύσας ἐπὶ τὸ Ἄδρανον δευτεραῖος ἀνελπίστως ἐπέθετο τοῖς περὶ τὸν Ἱκέταν δειπνοποιουμένοις·
밤이 시작될 무렵 출발하여 이틀째에 하드라논에 도착한 그는, 뜻밖에도 저녁 식사를 하고 있던 히케타스 일행을 습격했다.
παρεισπεσὼν δʼ εἰς τὴν παρεμβολὴν καὶ φονεύσας πλείους τῶν τριακοσίων, ζωγρήσας δὲ περὶ ἑξακοσίους τῆς παρεμβολῆς ἐκράτησε.
그리고 진영에 난입하여 300명 이상을 죽이고 약 600명을 생포하여 진영을 장악했다.
§16.68.11τούτῳ δὲ τῷ στρατηγήματι ἕτερον ἐπεισάγων παραχρῆμα ἐπὶ τὰς Συρακούσσας ἀφώρμησε καὶ δρομαῖος τὴν ὁδὸν διανύσας ἀπροσδοκήτως προσέπεσε ταῖς Συρακούσσαις, καταταχήσας τοὺς ἀπὸ τῆς τροπῆς φεύγοντας.
이 작전에 이어 즉시 또 다른 책략을 실행하여 지체 없이 시라쿠사로 출발했고, 급속 행군으로 길을 돌파하여 뜻밖에도 시라쿠사를 급습하여 패주하며 달아나던 자들을 앞질렀다.
ταῦτα μὲν οὖν ἐπράχθη κατὰ τοῦτον τὸν ἐνιαυτόν.
이리하여 이 해에 이러한 일들이 행해졌다.