§15.93.1μετʼ ὀλίγον δὲ ὁ μὲν βασιλεὺς τῶν Περσῶν ἐτελεύτησεν ἄρξας ἔτη τρία πρὸς τοῖς τετταράκοντα, τὴν δὲ βασιλείαν διεδέξατο Ὦχος ὁ μετονομασθεὶς Ἀρταξέρξης, καὶ ἐβασίλευσεν ἔτη τρία πρὸς τοῖς εἴκοσι·
얼마 지나지 않아 페르시아의 왕이 사십삼 년 동안 통치한 뒤 사망했고, 오코스가 왕위를 계승하여 아르타크세르크세스로 이름을 바꾸고 이십삼 년 동안 통치했다.
τοῦ γὰρ Ἀρταξέρξου καλῶς βεβασιλευκότος καὶ γενομένου παντελῶς εἰρηνικοῦ καὶ ἐπιτυχοῦς, τοὺς μετὰ τοῦτον βασιλεύοντας μετωνόμαζον καὶ τὴν τούτου προσηγορίαν ἔχειν προσέταττον.
아르타크세르크세스가 훌륭하게 통치하고 완전히 평화적이며 성공적이었기 때문에, 사람들은 그 이후의 왕들의 이름을 바꾸어 그의 칭호를 갖도록 명했던 것이다.
§15.93.2τοῦ δὲ βασιλέως Ταχὼ ἐπανελθόντος πρὸς τοὺς περὶ τὸν Ἀγησίλαον, Νεκτανεβὼς ἠθροικὼς στρατιώτας πλείους τῶν δέκα μυριάδων ἧκεν ἐπὶ τὸν Ταχώ, καὶ προεκαλεῖτο περὶ τῆς βασιλείας διαγωνίσασθαι.
왕 타코스가 아게실라오스와 그 주변 사람들에게 돌아오자, 넥타네보스는 십만 명이 넘는 군사를 모아 타코스를 치러 와서 왕위를 두고 결전을 벌이자고 도전했다.
ὁ μὲν οὖν Ἀγησίλαος ὁρῶν τὸν βασιλέα καταπεπληγμένον καὶ μὴ τολμῶντα διακινδυνεύειν, παρεκάλει θαρρεῖν·
아게실라오스는 왕이 겁에 질려 모험을 감행하지 못하는 것을 보고 용기를 내라고 격려했다.
τῆς γὰρ νίκης τυγχάνειν οὐ τοὺς κατὰ τὸ πλῆθος προέχοντας, ἀλλὰ τοὺς κατὰ τὰς ἀνδραγαθίας πρωτεύοντας·
승리를 거두는 것은 수에서 우세한 자들이 아니라 무용에서 뛰어난 자들이기 때문이라는 것이었다.
οὐ προσέχοντος δʼ αὐτοῦ συνηναγκάσθη μετʼ αὐτοῦ ποιήσασθαι τὴν ἀναχώρησιν εἴς τινα πόλιν εὐμεγέθη.
그러나 왕이 귀를 기울이지 않자, 그는 왕과 함께 어느 거대한 도시로 퇴각할 수밖에 없었다.
§15.93.3οἱ δʼ Αἰγύπτιοι τὸ πρῶτον ἐπολιόρκουν τοὺς συγκεκλεισμένους· ἐπεὶ δὲ πολλοὺς ἐν ταῖς τειχομαχίαις ἀπέβαλον, τείχει καὶ τάφρῳ περιελάμβανον τὴν πόλιν.
에집트인들은 처음에 갇힌 자들을 포위 공격했으나, 성벽 전투에서 많은 사람을 잃자 성벽과 참호로 도시를 둘러싸기 시작했다.
ταχὺ δὲ τῶν ἔργων συντελουμένων διὰ τὴν πολυχειρίαν, καὶ τῶν ἐπιτηδείων ἐξαναλωθέντων, ὁ μὲν Ταχὼς ἀπέγνω τὴν σωτηρίαν, ὁ δὲ Ἀγησίλαος παρακαλέσας τοὺς στρατιώτας, καὶ νυκτὸς ἐπιθέμενος τοῖς πολεμίοις, διέσωσεν ἅπαντας τοὺς στρατιώτας ἀνελπίστως.
일손이 많아 공사가 빠르게 완료되고 식량마저 바닥나자 타코스는 살아날 가망을 단념했으나, 아게실라오스는 병사들을 격려하고 밤에 적을 습격하여 예상치 못하게 병사 전원을 구출해 냈다.
§15.93.4ἐπιδιωξάντων δὲ τῶν Αἰγυπτίων καὶ τῶν τόπων ὄντων πεδινῶν, οἱ μὲν Αἰγύπτιοι διέλαβον τῷ πλήθει κεκυκλῶσθαι τοὺς πολεμίους καὶ πάντας ἄρδην ἀναιρήσειν, ὁ δὲ Ἀγησίλαος καταλαβόμενος τόπον, ὃς εἶχεν ἐξ ἑκατέρου μέρους διώρυγα ποταμοῦ χειροποίητον, ὑπέμενε τὴν τῶν πολεμίων ἔφοδον.
에집트인들이 추격해 오고 그 지세가 평탄했기에 에집트인들은 수의 우세로 적을 포위하여 모조리 몰살할 수 있으리라 생각했으나, 아게실라오스는 양쪽에 인공으로 만든 강의 운하가 있는 지점을 장악하고 적의 내습을 대기했다.
§15.93.5ἐκτάξας δὲ τὴν δύναμιν οἰκείως τοῖς τόποις, καὶ τοῖς τοῦ ποταμοῦ ῥείθροις ὀχυρώσας τὴν στρατιάν, συνῆψε μάχην.
그는 지형에 맞게 군세를 배치하고 강물로 군대를 견고히 방어한 뒤 전투를 벌였다.
τοῦ δὲ πλήθους τοῖς Αἰγυπτίοις ἀχρήστου γενομένου, ταῖς ἀρεταῖς προέχοντες οἱ Ἕλληνες πολλοὺς μὲν ἀπέκτειναν τῶν Αἰγυπτίων, τοὺς δὲ λοιποὺς φεύγειν ἠνάγκασαν.
에집트인들에게는 많은 머릿수가 무용지물이 되었고, 용맹함에서 앞선 그리스인들은 에집트인들을 많이 죽이고 나머지는 도망치게 만들었다.
§15.93.6μετὰ δὲ ταῦτα ὁ μὲν Ταχὼς ῥᾳδίως ἀνεκτήσατο τὴν κατʼ Αἴγυπτον βασιλείαν, ὁ δʼ Ἀγησίλαος ὡς μόνος κατωρθωκὼς τὴν βασιλείαν ἐτιμήθη προσηκούσαις δωρεαῖς.
이 일이 있은 후 타코스는 쉽게 에집트 왕위를 되찾았고, 아게실라오스는 홀로 왕위를 바로잡은 인물로서 그에 걸맞은 선물들로 예우를 받았다.
ἐπανιὼν δὲ εἰς τὴν πατρίδα διὰ Κυρήνης ἐτελεύτησε, καὶ τοῦ σώματος ἐν μέλιτι κομισθέντος εἰς τὴν Σπάρτην ἔτυχε τῆς βασιλικῆς ταφῆς τε καὶ τιμῆς.
그러나 키레네를 경유하여 조국으로 돌아가던 중에 사망했고, 그의 시신은 꿀에 절여져 스파르타로 운반되어 왕의 장례와 예우를 받았다.
καὶ τὰ μὲν κατὰ τὴν Ἀσίαν μέχρι τούτων προέβη κατὰ τοῦτον τὸν ἐνιαυτόν.
그리하여 아시아에서의 일은 이 해에 이르기까지 이와 같이 진행되었다.