§15.3.1οὗτος μὲν οὖν τοσαύτας ἀφορμὰς ἔχων τεθαρρηκότως συγκατέβαινεν εἰς τὸν πόλεμον.
이처럼 많은 자원을 가지고 있던 그는 자신만만하게 전쟁에 돌입했다.
καὶ πρῶτον μὲν λῃστρικὰς ἔχων ναῦς οὐκ ὀλίγας ἐφήδρευσε ταῖς κομιζομέναις τῶν πολεμίων ἀγοραῖς, καὶ τὰς μὲν αὐτῶν διέφθειρεν ἐν θαλάττῃ, τὰς δὲ διεκώλυσεν, ἐνίας δὲ ἀφείλατο.
우선 그는 적지 않은 사략선을 거느리고 적을 위해 운반되는 식량 공급망을 노려 대기하다가, 그중 일부를 바다에서 격파하고, 일부는 저지하고, 일부는 빼앗았다.
διὸ καὶ τῶν ἐμπόρων μὴ τολμώντων εἰς τὴν Κύπρον παρακομίζειν σῖτον, μεγάλων δὲ δυνάμεων ἠθροισμένων εἰς τὴν νῆσον, ταχὺ σιτοδεία κατέσχε τὸ τῶν Περσῶν στρατόπεδον.
이로 인해 상인들이 키프로스로 곡물을 운반할 엄두를 내지 못하게 되었고, 섬에는 대규모 군대가 집결해 있었기에, 곧 식량 부족이 페르시아군의 진영을 덮쳤다.
§15.3.2τῆς δʼ ἀπορίας γενομένης εἰς στάσιν, οἱ μισθοφόροι τῶν Περσῶν ἐπὶ τοὺς ἡγεμόνας ὁρμήσαντες καί τινας ἀνελόντες ταραχῆς καὶ στάσεως ἐνέπλησαν τὸ στρατόπεδον.
이러한 궁핍이 폭동으로 번지자, 페르시아측 용병들은 지휘관들에게 달려들어 몇몇을 살해하고 진영을 혼란과 폭동으로 가득 채웠다.
μόγις δʼ οἱ στρατηγοὶ τῶν Περσῶν καὶ ὁ τῆς ναυτικῆς δυνάμεως ἡγούμενος, ὀνομαζόμενος δὲ Γλῶς, κατέπαυσαν τὴν στάσιν.
페르시아의 장군들과 글로스라고 불리는 해군 부대의 지휘관이 간신히 그 폭동을 진압했다.
§15.3.3πλεύσαντες δὲ τῷ παντὶ στόλῳ καὶ σίτου πλῆθος ἐκ τῆς Κιλικίας παρακομίσαντες, πολλὴν παρεῖχον τῆς τροφῆς δαψίλειαν.
그들은 전 함대를 이끌고 출항하여 킬리키아로부터 많은 양의 곡물을 운반해 옴으로써 풍부한 식량을 공급했다.
τῷ δʼ Εὐαγόρᾳ σίτου πλῆθος ἱκανὸν ὁ βασιλεὺς Ἄκορις ἐκ τῆς Αἰγύπτου παρεκόμισε, καὶ χρήματα καὶ τὴν ἄλλην παρασκευὴν ἱκανὴν ἐξέπεμψεν.
한편, 에우아고라스에게는 아코리스 왕이 이집트로부터 충분한 양의 곡물을 운반해 왔고, 자금과 기타 충분한 군비를 보내 주었다.
§15.3.4ὁ δʼ Εὐαγόρας ὁρῶν ἑαυτὸν πολὺ λειπόμενον τῇ ναυτικῇ δυνάμει, ἑξήκοντα μὲν ναῦς ἄλλας προσεπλήρωσε, πεντήκοντα δὲ παρὰ Ἀκόριδος ἐξ Αἰγύπτου μετεπέμψατο, ὥστε τὰς πάσας ἔχειν τριήρεις διακοσίας.
에우아고라스는 자신이 해군력에서 크게 뒤처지는 것을 보고, 추가로 60척의 배에 인원을 채우고 이집트의 아코리스로부터 50척을 불러들여, 총 200척의 삼단노선을 보유하게 되었다.
ταύτας δὲ κοσμήσας πρὸς ναυμαχίαν καταπληκτικῶς, καὶ συνεχεῖς διαπείρας καὶ γυμνασίας ποιούμενος, ἡτοιμάζετο πρὸς ναυμαχίαν.
그는 이 배들을 해전에 대비해 놀라울 정도로 훌륭하게 장비하고, 끊임없는 모의 훈련과 연습을 실시하며 해전을 준비했다.
διὸ καὶ τοῦ βασιλικοῦ στόλου παραπλέοντος εἰς Κίτιον, ἀπροσδοκήτως ἐπιπλεύσας ταῖς ναυσὶ πολλὰ τῶν Περσῶν ἐπλεονέκτει.
그리하여 왕의 함대가 키티온을 향해 연안을 항해할 때, 그는 아군 선박들을 이끌고 불시에 습격하여 페르시아군을 상대로 큰 우세를 점했다.
§15.3.5ἐπέβαλε γὰρ συντεταγμέναις ναυσὶν ἐπὶ ἀσυντάκτους, καὶ προβεβουλευμένοις ἀνδράσι πρὸς ἀπροσδοκήτους ἀγωνιζόμενος εὐθὺς ἐν τῇ πρώτῃ συστάσει τὴν νίκην προκατεσκεύασεν·
왜냐하면 그는 정돈된 선박으로 무질서한 선박들을 공격했고, 미리 계획을 세운 병사들로 불시의 습격을 당한 적들과 싸웠기에, 첫 번째 충돌에서 즉시 승리를 결정지었기 때문이다.
ἀθρόαις γὰρ ταῖς τριήρεσιν ἐπιπλεύσας ἐπὶ διεσπαρμένας καὶ τεταραγμένας, ἃς μὲν διέφθειρεν, ἃς δʼ ἐχειροῦτο.
즉, 밀집한 삼단노선들로 흩어지고 혼란에 빠진 적선들을 덮쳐, 어떤 것은 파괴하고 어떤 것은 나포했다.
§15.3.6ὅμως δὲ τοῦ τε ναυάρχου τῶν Περσῶν Γλῶ καὶ τῶν ἄλλων ἡγεμόνων γενναίως ὑποστάντων, ἐγένετο ναυμαχία καρτερά, καθʼ ἣν ὁ Εὐαγόρας τὸ μὲν πρῶτον ὑπερεῖχεν, ὕστερον δὲ τοῦ Γλῶ μετὰ τοῦ βάρους ἐπενεχθέντος καὶ γενναίως ἀγωνισαμένου συνέβη φυγεῖν τοὺς περὶ τὸν Εὐαγόραν καὶ πολλὰς τῶν τριήρων ἀποβαλεῖν.
그럼에도 불구하고 페르시아의 해군 장성 글로스와 다른 지휘관들이 용맹하게 버텨내어 치열한 해전이 벌어졌고, 이 전투에서 에우아고라스가 처음에는 우세를 보였다. 그러나 나중에 글로스가 주력을 이끌고 몰아쳐 용맹하게 싸웠기에, 에우아고라스 주변의 군사들은 패주하고 많은 삼단노선을 잃게 되었다.