§14.83.1Λακεδαιμόνιοι δʼ ὁρῶντες τὰς μεγίστας τῶν κατὰ τὴν Ἑλλάδα πόλεων ἐφʼ ἑαυτοὺς συνισταμένας, ἐψηφίσαντο τόν τε Ἀγησίλαον ἐκ τῆς Ἀσίας μεταπέμψασθαι καὶ τὴν μετʼ αὐτοῦ δύναμιν, αὐτοὶ δὲ ἐν τοσούτῳ παρά τε σφῶν καὶ τῶν συμμάχων ἀθροίσαντες πεζοὺς μὲν δισμυρίους τρισχιλίους, ἱππεῖς δὲ πεντακοσίους, ἀπήντησαν τοῖς πολεμίοις.
라케다이몬인들은 그리스의 가장 위대한 도시들이 자신들에게 맞서 결속하는 것을 보고, 아시아로부터 아게실라오스와 그의 군대를 소환하기로 결의했다. 한편 그동안에 그들 자신은 자국과 동맹국들로부터 보병 이만 삼천 명과 기병 오백 명을 모아 적들을 맞이하러 나아갔다.
§14.83.2γενομένης δὲ παρατάξεως παρὰ τὸν Νεμέαν ποταμὸν μέχρι νυκτός, ἑκατέρων προετέρησε τὰ μέρη τοῦ στρατεύματος·
네메아 강가에서 밤까지 회전이 벌어졌는데, 양측 군대의 일부 부대들이 각각 우세를 점했다.
καὶ τῶν μὲν Λακεδαιμονίων καὶ τῶν συμμάχων ἔπεσον ἑκατὸν πρὸς τοῖς χιλίοις, Βοιωτῶν δὲ καὶ τῶν ἄλλων συμμάχων περὶ δισχιλίους ὀκτακοσίους.
라케다이몬인들과 그 동맹국 측에서는 천백 명이 전사했고, 보오티아인들과 다른 동맹국 측에서는 약 이천팔백 명이 전사했다.
§14.83.3Ἀγησίλαος δὲ τὴν δύναμιν ἐκ τῆς Ἀσίας διαβιβάσας εἰς τὴν Εὐρώπην, τὸ μὲν πρῶτον Θρᾳκῶν τινων ἀπαντησάντων αὐτῷ πολλῇ στρατιᾷ, μάχῃ τε ἐνίκησε καὶ τοὺς πλείστους τῶν βαρβάρων ἀνεῖλε·
아게실라오스는 아시아에서 유럽으로 그의 군대를 건너가게 한 후, 처음에는 일부 트라키아인들이 대군을 이끌고 그에게 맞섰으나 전투에서 이들을 물리치고 야만인들의 대부분을 사살했다.
μετὰ δὲ ταῦτα διὰ Μακεδονίας τὴν πορείαν ἐποιεῖτο, τὴν αὐτὴν διεξιὼν χώραν ἣν καὶ Ξέρξης ἐπορεύθη, καθʼ ὃν καιρὸν ἐστράτευσεν ἐπὶ τοὺς Ἕλληνας.
그 후에 그는 마케도니아를 거쳐 행군했는데, 이는 과거 크세르크세스가 그리스인들을 상대로 원정했을 때 행군했던 것과 동일한 지역을 통과한 것이었다.
§14.83.4Ἀγησίλαος μὲν οὖν διὰ Μακεδονίας καὶ Θετταλίας πορευθείς, ὡς διῆλθε τὰ περὶ Θερμοπύλας στενά, τὴν πορείαν ἐποιεῖτο.
그리하여 아게실라오스는 마케도니아와 테살리아를 거쳐 행군하여 테르모필레 인근의 협로를 통과한 후 행군을 계속했다.
Κόνων δὲ ὁ Ἀθηναῖος καὶ Φαρνάβαζος ἀφηγοῦντο μὲν τοῦ βασιλικοῦ στόλου, διέτριβον δὲ περὶ Λώρυμα τῆς Χερρονήσου, τριήρεις ἔχοντες πλείους τῶν ἐνενήκοντα.
아테네인 코논과 파르나바조스는 왕의 함대를 지휘하고 있었는데, 이들은 구십 척이 넘는 삼단노선을 보유하고 헤르소네소스의 로리마 인근에 머무르고 있었다.
§14.83.5πυθόμενοι δὲ ἐν Κνίδῳ τὸ ναυτικὸν τῶν πολεμίων εἶναι, τὰ πρὸς τὴν ναυμαχίαν παρεσκευάζοντο.
적의 해군이 크니도스에 있다는 것을 알게 되자, 그들은 해전을 치를 준비를 했다.
Πείσανδρος δʼ ὁ τῶν Λακεδαιμονίων ναύαρχος ἐξέπλευσεν ἐκ τῆς Κνίδου τριήρεσιν ὀγδοήκοντα πέντε, καὶ κατηνέχθη πρὸς Φύσκον τῆς Χερρονήσου.
라케다이몬인의 해군 사령관 페이산드로스는 팔십오 척의 삼단노선을 이끌고 크니도스에서 출항하여 헤르소네소스의 피스코스로 입항했다.
§14.83.6ἐκεῖθεν δʼ ἐκπλεύσας περιέπεσε τῷ στόλῳ τοῦ βασιλέως, καὶ ταῖς μὲν προπλεούσαις ναυσὶ συμβαλὼν προετέρει, τῶν δὲ Περσῶν ἅμα ταῖς τριήρεσιν ἀθρόαις παραβοηθησάντων, ἐπειδὴ πάντες οἱ σύμμαχοι πρὸς τὴν γῆν ἔφυγον, τὴν ἰδίαν ναῦν ἐπέστρεψεν, αἰσχρὸν εἶναι νομίσας καὶ τῆς Σπάρτης ἀνάξιον τὸ φυγεῖν ἀγεννῶς.
그곳에서 출항한 그는 왕의 함대와 마주쳐 앞서 가던 함선들과 교전하여 처음에는 우세를 점했으나, 페르시아인들이 삼단노선 전체를 이끌고 한꺼번에 원군으로 오고 모든 동맹국들이 육지로 도망치자, 비겁하게 도망치는 것은 불명예스럽고 스파르타에 걸맞지 않다고 생각하여 자신의 배를 돌렸다.
§14.83.7ἀγωνισάμενος δὲ λαμπρῶς καὶ πολλοὺς τῶν πολεμίων ἀνελών, τὸ τελευταῖον ἀξίως τῆς πατρίδος ἀνῃρέθη μαχόμενος.
그는 눈부시게 싸워 많은 적을 사살한 끝에, 마침내 조국에 걸맞게 싸우다가 전사했다.
οἱ δὲ περὶ τὸν Κόνωνα μέχρι τῆς γῆς καταδιώξαντες τοὺς Λακεδαιμονίους πεντήκοντα μὲν τριήρων ἐκυρίευσαν, τῶν δʼ ἀνδρῶν οἱ πλεῖστοι μὲν ἐκκολυμβήσαντες κατὰ γῆν ἔφυγον, ἑάλωσαν δὲ περὶ πεντακοσίους·
코논과 그의 부하들은 라케다이몬인들을 육지까지 추격하여 삼단노선 오십 척을 나포했으며, 선원들 중 대부분은 헤엄쳐 육지로 도망쳤으나 약 오백 명이 생포되었다.
αἱ δὲ λοιπαὶ τριήρεις εἰς Κνίδον διεσώθησαν.
나머지 삼단노선들은 크니도스로 무사히 대피했다.