§14.7.1κατὰ δὲ τὴν Σικελίαν Διονύσιος ὁ τῶν Σικελῶν τύραννος ἐπειδὴ πρὸς Καρχηδονίους εἰρήνην ἐποιήσατο, περὶ τὴν ἀσφάλειαν τῆς τυραννίδος διενοεῖτο μᾶλλον γίνεσθαι·
시킬리아에서는 시킬리아인들의 참주 디오뉘시오스가 카르타고인들과 평화를 맺은 후, 자신의 참주정의 안전을 더욱 공고히 하는 것을 구상하고 있었다.
ὑπελάμβανε γὰρ τοὺς Συρακοσίους ἀπολελυμένους τοῦ πολέμου σχολὴν ἕξειν εἰς τὸ τὴν ἐλευθερίαν ἀνακτήσασθαι.
시라쿠사인들이 전쟁에서 벗어남으로써 자유를 되찾을 여유를 갖게 될 것이라고 생각했기 때문이다.
§14.7.2θεωρῶν δὲ τῆς πόλεως τὴν Νῆσον ὀχυρωτάτην οὖσαν καὶ δυναμένην ῥᾳδίως φυλάττεσθαι, ταύτην μὲν διῳκοδόμησεν ἀπὸ τῆς ἄλλης πόλεως τείχει πολυτελεῖ, καὶ πύργους ὑψηλοὺς καὶ πυκνοὺς ἐνῳκοδόμησε, καὶ πρὸ αὐτῆς χρηματιστήρια καὶ στοὰς δυναμένας ὄχλων ἐπιδέχεσθαι πλῆθος.
그는 도시 중 '섬'이 가장 견고하고 쉽게 수비될 수 있는 곳임을 보고, 이곳을 값비싼 성벽으로 다른 도시로부터 격리시켰으며, 그 안에 높고 밀집된 탑들을 지어 넣었다. 또한 그 앞에는 수많은 군중을 수용할 수 있는 거래소들과 주랑들을 세웠다.
§14.7.3ᾠκοδόμησε δʼ ἐν αὐτῇ πολυτελῶς ὠχυρωμένην ἀκρόπολιν πρὸς τὰς αἰφνιδίους καταφυγάς, καὶ συμπεριέλαβε τῷ ταύτης τείχει τὰ πρὸς τῷ μικρῷ λιμένι τῷ Λακκίῳ καλουμένῳ νεώρια·
그는 섬 안에 뜻밖의 피난에 대비하여 호화롭게 보강된 아크로폴리스를 건설하였고, 이 아크로폴리스의 성벽 안에 '라키오스'라고 불리는 작은 항구 근처의 선창들을 포함시켰다.
ταῦτα δʼ ἑξήκοντα τριήρεις χωροῦντα πύλην εἶχε κλειομένην, διʼ ἧς κατὰ μίαν τῶν νεῶν εἰσπλεῖν συνέβαινεν.
이 선창들은 60척의 삼단노선을 수용할 수 있었고, 폐쇄할 수 있는 문을 갖추어 그 문을 통해 배들이 한 척씩 들어오게 되어 있었다.
§14.7.4τῆς δὲ χώρας τὴν μὲν ἀρίστην ἐξελόμενος ἐδωρήσατο τοῖς τε φίλοις καὶ τοῖς ἐφʼ ἡγεμονίας τεταγμένοις, τὴν δʼ ἄλλην ἐμέρισεν ἐπʼ ἴσης ξένῳ τε καὶ πολίτῃ, συμπεριλαβὼν τῷ τῶν πολιτῶν ὀνόματι τοὺς ἠλευθερωμένους δούλους, οὓς ἐκάλει νεοπολίτας.
그는 영토 중 가장 좋은 곳을 골라 친구들과 지휘관들에게 선물로 주었고, 나머지는 외국인과 시민에게 공평하게 분배하였는데, 시민이라는 이름 아래 해방된 노예들을 포함시켜 그들을 '네오폴리타이(새 시민)'라고 불렀다.
§14.7.5διέδωκε δὲ καὶ τὰς οἰκίας τοῖς ὄχλοις πλὴν τῶν ἐν τῇ Νήσῳ· ταύτας δὲ τοῖς φίλοις καὶ τοῖς μισθοφόροις ἐδωρήσατο.
또한 섬에 있는 것들을 제외한 가옥들을 대중에게 나누어 주었으나, 섬의 가옥들은 친구들과 용병들에게 선물로 주었다.
ἐπεὶ δὲ τὰ κατὰ τὴν τυραννίδα καλῶς ἐδόκει διῳκηκέναι, τὴν δύναμιν ἐξήγαγεν ἐπὶ τοὺς Σικελούς, πάντας μὲν σπεύδων τοὺς αὐτονόμους ὑφʼ ἑαυτὸν ποιήσασθαι, μάλιστα δὲ τούτους διὰ τὸ συμμαχῆσαι πρότερον Καρχηδονίοις.
참주정에 관한 일들을 훌륭하게 정리했다고 여겨졌을 때, 그는 군대를 이끌고 시켈로이인들을 향해 출전했다. 자치권을 가진 모든 이들을 자신의 지배하에 두고자 애썼으나, 특히 이들을 표적으로 삼은 것은 이들이 이전에 카르타고인들과 동맹을 맺었기 때문이었다.
§14.7.6οὗτος μὲν οὖν ἐπὶ τὴν τῶν Ἑρβησσίνων πόλιν στρατεύσας τὰ πρὸς τὴν πολιορκίαν παρεσκευάζετο.
그리하여 그는 헤르베소스인들의 도시를 향해 진군하여 포위 공격을 위한 준비를 하고 있었다.
οἱ δὲ συστρατευόμενοι Συρακόσιοι κύριοι τῶν ὅπλων ὄντες συστάσεις ἐποιοῦντο καὶ κατηγόρουν ἀλλήλων, ὅτι τοῖς ἱππεῦσιν οὐ συνεπελάβοντο τῆς καταλύσεως τῆς τοῦ τυράννου.
한편, 함께 참전한 시라쿠사인들은 자신들이 무기를 쥐고 있었기에, 도당을 지으며 참주를 타도할 때 기병들을 돕지 않은 것에 대해 서로를 비난했다.
ὁ δὲ καθεσταμένος ὑπὸ τοῦ Διονυσίου τῶν στρατιωτῶν ἡγεμὼν τὸ μὲν πρῶτον ἠπείλησέ τινι τῶν παρρησιαζομένων, ἀντειπόντος δʼ ἐκείνου θρασέως ἐπῆλθεν ὡς πατάξων.
디오뉘시오스에 의해 임명된 군대의 지휘관은 처음에는 거침없이 말하는 자들 중 한 명을 위협했으나, 그가 대담하게 맞받아치자 때릴 듯이 다가갔다.
§14.7.7ἐφʼ ᾧ παροξυνθέντες οἱ στρατιῶται τὸν μὲν ἔπαρχον ὄνομα Δωρικὸν ἀπέκτειναν, τοὺς δὲ πολίτας βοῶντες ἐπὶ τὴν ἐλευθερίαν μετεπέμποντο τοὺς ἐκ τῆς Αἴτνης ἱππεῖς·
이에 격분한 군인들은 도리코스라는 이름의 그 지휘관을 죽였고, 시민들을 자유로 소리 높여 부르며 에트나로부터 기병들을 불러들였다.
οὗτοι γὰρ ἐν ἀρχῇ τῆς τυραννίδος ἐκπεπτωκότες ᾤκουν τοῦτο τὸ φρούριον.
왜냐하면 이들은 참주정의 시작 때 쫓겨나 이 요새에 살고 있었기 때문이다.