§14.44.1τοῦ δʼ ἔτους τούτου διεληλυθότος Ἀθήνησι μὲν ἦρξεν Ἰθυκλῆς, ἐν Ῥώμῃ δʼ ἀντὶ τῶν ὑπάτων χιλίαρχοι πέντε κατεστάθησαν, Λεύκιος Ἰούλιος, Μάρκος Φούριος, Μάρκος Αἰμίλιος, Γάιος Κορνήλιος, Καίσων Φάβιος.
이 해가 지나자, 아테네에서는 이튀클레스가 아르콘이 되었고, 로마에서는 집정관 대신 루키우스 유일리우스, 마르쿠스 푸리우스, 마르쿠스 아이밀리우스, 가이우스 코르넬리우스, 카이소 파비우스 등 다섯 명의 군사 집정관이 임명되었다.
Διονύσιος δʼ ὁ τῶν Συρακοσίων τύραννος, ἐπειδὴ τῶν περὶ τὴν ὁπλοποιίαν καὶ ναυπηγίαν ἔργων τὰ πλεῖστα συντέλειαν εἰλήφει, περὶ τὴν τῶν στρατιωτῶν παρασκευὴν εὐθὺς ἐγένετο.
시라쿠사의 참주 디오뉘시오스는 무기 제조와 조선에 관한 일들의 대부분이 마무리되자, 즉시 군대를 정비하는 일에 착수했다.
§14.44.2τῶν οὖν Συρακοσίων κατέλεγε τοὺς ἐπιτηδείους εἰς τάξεις, καὶ παρὰ τῶν ὑπʼ αὐτὸν ταττομένων πόλεων μετεπέμπετο τοὺς εὐθέτους.
그리하여 그는 시라쿠사인들 중에서 적합한 자들을 군대에 징집하고, 자신의 지배하에 있는 도시들로부터도 적임자들을 소환했다.
συνήγαγε δὲ καὶ μισθοφόρους ἐκ τῆς Ἑλλάδος καὶ μάλιστα παρὰ τῶν Λακεδαιμονίων·
또한 그리스 전역, 특히 라케다이몬인들로부터 용병을 모집했다.
οὗτοι γὰρ αὐτῷ συναύξοντες τὴν ἀρχὴν ἔδωκαν ἐξουσίαν ὅσους βούλοιτο παρʼ αὐτῶν ξενολογεῖν.
왜냐하면 라케다이몬인들은 그의 지배력을 함께 확대하고자 하여, 그가 원하는 만큼의 인원을 자신들의 지역에서 모집할 수 있는 권한을 주었기 때문이다.
καθόλου δʼ ἐκ πολλῶν ἐθνῶν σπεύδων τὸ ξενικὸν στρατόπεδον συνηθροικέναι, καὶ μισθοὺς πολλοὺς ἐπαγγελλόμενος, εὕρισκε τοὺς ὑπακούοντας.
대체로 많은 민족으로부터 용병 부대를 열심히 소집하고자 열망하고 많은 급료를 약속함으로써, 그는 이에 응하는 자들을 찾아내었다.
§14.44.3μέλλων δὲ μέγαν ἐξεγείρειν πόλεμον, ταῖς κατὰ τὴν νῆσον πόλεσι φιλανθρώπως προσεφέρετο, τὴν εὔνοιαν αὐτῶν ἐκκαλούμενος.
큰 전쟁을 일으키려던 참이었기에, 그는 섬의 도시들에게 친절하게 대하며 그들의 호의를 끌어내고자 했다.
τοὺς δὲ παρὰ τὸν πορθμὸν κατοικοῦντας Ῥηγίνους τε καὶ Μεσσηνίους ὁρῶν ἱκανὴν δύναμιν ἔχοντας συντεταγμένην, εὐλαβεῖτο μήποτε τῶν Καρχηδονίων διαβάντων εἰς Σικελίαν ἐκείνοις πρόσθωνται·
한편, 해협 주변에 거주하는 레기온인들과 메세네인들이 조직된 충분한 군사력을 보유하고 있는 것을 보고, 카르타고인들이 시켈리아로 건너왔을 때 그들이 그쪽에 가담할까 보아 경계했다.
οὐ μικρὰν γὰρ αἱ πόλεις αὗται ῥοπὴν εἶχον, ὁποτέροις εἰς τὸν πόλεμον συμμαχήσειαν.
왜냐하면 이 도시들은 전쟁에서 어느 쪽과 동맹을 맺든 결코 가볍지 않은 결정적인 영향력을 가지고 있었기 때문이다.
§14.44.4ἃ δὴ λίαν ἀγωνιῶν ὁ Διονύσιος, τοῖς Μεσσηνίοις ἔδωκε πολλὴν τῆς ὁμόρου χώραν, ἰδίους αὐτοὺς κατασκευάζων ταῖς εὐεργεσίαις·
이 일로 몹시 불안해하던 디오뉘시오스는 메세네인들에게 이웃한 영토를 많이 나누어 주어, 그 은혜를 통해 그들을 자기 편으로 만들었다.
πρὸς δὲ Ῥηγίνους ἀπέστειλε πρεσβευτάς, παρακαλῶν ἐπιγαμίαν ποιήσασθαι καὶ δοῦναι τῶν πολιτικῶν παρθένων αὐτῷ μίαν συμβιώσασθαι·
반면 레기온인들에게는 사절단을 보내 통혼 관계를 맺고 시민들의 처녀들 중 한 명을 자신의 아내로 달라고 요청했다.
ἐπηγγέλλετο δʼ αὐτοῖς πολλὴν τῆς συνοριζούσης χώρας κατακτήσεσθαι, τὴν πόλιν δʼ αὐξήσειν ἐφʼ ὅσον ἂν αὐτὸς ἰσχύῃ.
그리고 그들에게 인접한 많은 영토를 차지하게 해 줄 것이며, 자신이 힘이 닿는 한 그들의 도시를 번창하게 해 주겠다고 약속했다.
§14.44.5τῆς γὰρ γυναικὸς αὐτοῦ, θυγατρὸς δʼ Ἑρμοκράτους, κατὰ τὴν ἀπόστασιν τῶν ἱππέων ἀνῃρημένης, ἔσπευδε τεκνοποιήσασθαι, διαλαμβάνων τῇ τῶν γεννηθέντων εὐνοίᾳ βεβαιότατα τηρήσειν τὴν δυναστείαν.
헤르모크라테스의 딸이자 그의 아내였던 여인이 기병들의 반란 중에 살해당했기 때문에, 그는 자식을 얻기를 열망하고 있었는데, 태어난 자식들의 호의를 통해 자신의 권력을 가장 확고하게 유지할 수 있으리라 생각했기 때문이다.
οὐ μὴν ἀλλʼ ἐν τῷ Ῥηγίῳ συναχθείσης περὶ τούτων ἐκκλησίας, καὶ πολλῶν ῥηθέντων λόγων, ἔδοξε τοῖς Ῥηγίνοις μὴ δέξασθαι τὴν ἐπιγαμίαν.
하지만 레기온에서 이 문제로 민회가 소집되고 많은 연설이 행해진 끝에, 레기온인들은 통혼을 받아들이지 않기로 결의했다.
§14.44.6Διονύσιος δʼ ἀποτυχὼν ταύτης τῆς ἐπιβολῆς, περὶ τῶν αὐτῶν ἀπέστειλε τοὺς πρεσβευτὰς πρὸς τὸν δῆμον τῶν Λοκρῶν.
디오뉘시오스는 이 시도에 실패하자, 같은 사안에 대해 로크리인들의 민중에게 사절단을 보냈다.
ὧν ψηφισαμένων τὴν ἐπιγαμίαν, ἐμνήστευεν ὁ Διονύσιος Δωρίδα τὴν Ξενέτου θυγατέρα, κατʼ ἐκεῖνον τὸν χρόνον ὄντος ἐνδοξοτάτου τῶν πολιτῶν.
그들이 통혼을 의결하자, 디오뉘시오스는 당시 시민들 중에서 가장 명망이 높았던 크세네토스의 딸 도리스에게 구혼했다.
§14.44.7ὀλίγαις δʼ ἡμέραις πρὸ τῶν γάμων ἀπέστειλεν εἰς Λοκροὺς πεντήρη πρῶτον νεναυπηγημένην, ἀργυροῖς καὶ χρυσοῖς κατασκευάσμασι κεκοσμημένην·
혼례를 치르기 며칠 전에 그는 새로 건조되어 금과 은 장식으로 꾸며진 5단노선을 로크리로 보냈다.
ἐφʼ ἧς διακομίσας τὴν παρθένον εἰς τὰς Συρακούσας εἰσήγαγεν εἰς τὴν ἀκρόπολιν.
그리고 이 배에 그 처녀를 태워 시라쿠사로 데려와 아크로폴리스로 맞아들였다.
§14.44.8ἐμνηστεύσατο δὲ καὶ τῶν πολιτικῶν τὴν ἐπισημοτάτην Ἀριστομάχην, ἐφʼ ἣν ἀποστείλας λευκὸν τέθριππον ἤγαγεν εἰς τὴν ἰδίαν οἰκίαν.
그는 또한 시민들의 여성들 중에서 가장 두드러진 아리스토마케에게도 구혼했으며, 그녀를 데려오기 위해 흰색 네 마리 말이 끄는 전차를 보내 자신의 집으로 인도했다.