§13.95.1ταχὺ δὲ τῶν πολλῶν, ὥσπερ εἰώθασιν, ἐπὶ τὸ χεῖρον ῥεπόντων, ὁ Διονύσιος ἀπεδείχθη στρατηγὸς αὐτοκράτωρ.
그리고 대중이 늘 그렇듯 급속히 더 나쁜 쪽으로 기울자, 디오니시우스가 전권장군으로 임명되었다.
ἐπεὶ δʼ οὖν αὐτῷ τὰ πράγματα κατὰ νοῦν ἠκολούθει, ψήφισμα ἔγραψε τοὺς μισθοὺς διπλασίους εἶναι·
이윽고 사태가 그의 뜻대로 흘러가자, 그는 군사들의 급료를 두 배로 인상한다는 결의안을 작성했다.
πάντας γὰρ ἔφησε τούτου γενομένου προθυμοτέρους ἔσεσθαι πρὸς τὸν ἀγῶνα, καὶ περὶ τῶν χρημάτων παρεκάλει μηθὲν ἀγωνιᾶν·
왜냐하면 이렇게 되면 모든 이가 싸움에 더 열성적으로 임할 것이라고 그가 말하며, 자금에 대해서는 아무 걱정도 하지 말라고 당부했기 때문이다.
ἔσεσθαι γὰρ αὐτῶν τὸν πόρον ῥᾴδιον.
자금의 조달은 쉬울 것이라는 이유였다.
§13.95.2διαλυθείσης δὲ τῆς ἐκκλησίας οὐκ ὀλίγοι τῶν Συρακοσίων κατηγόρουν τῶν πραχθέντων, ὥσπερ οὐκ αὐτοὶ ταῦτα κεκυρωκότες·
민회가 해산하자, 시라쿠사 사람들 중 적지 않은 이들이 마치 자신들이 이를 가결하지 않은 것처럼 결정된 일들을 비난했다.
τοῖς γὰρ λογισμοῖς εἰς ἑαυτοὺς ἐρχόμενοι τὴν ἐσομένην δυναστείαν ἀνεθεώρουν.
왜냐하면 이성적으로 차분히 생각에 잠기면서, 그들은 앞으로 닥쳐올 독재 권력에 대해 다시금 생각하게 되었기 때문이다.
οὗτοι μὲν οὖν βεβαιῶσαι βουλόμενοι τὴν ἐλευθερίαν ἔλαθον ἑαυτοὺς δεσπότην τῆς πατρίδος καθεστακότες·
이처럼 그들은 자유를 확고히 하기를 원하면서도, 자신도 모르는 사이에 조국의 지배자를 세워버렸던 것이다.
§13.95.3ὁ δὲ Διονύσιος τὴν μετάνοιαν τῶν ὄχλων φθάσαι βουλόμενος, ἐπεζήτει διʼ οὗ τρόπου δύναιτο φύλακας αἰτήσασθαι τοῦ σώματος·
한편 디오니시우스는 군중이 마음을 바꾸기 전에 선수 치기를 원하여, 어떤 방법으로 자신의 신변 경호대를 요구할 수 있을지 모색했다.
τούτου γὰρ συγχωρηθέντος ῥᾳδίως ἤμελλε κυριεύσειν τῆς τυραννίδος.
이것이 허락된다면 그가 수월하게 참주정의 권력을 장악하게 될 것이기 때문이었다.
εὐθὺς οὖν παρήγγειλε τοὺς ἐν ἡλικίᾳ πάντας ἕως ἐτῶν τεσσαράκοντα λαβόντας ἐπισιτισμὸν ἡμερῶν τριάκοντα καταντᾶν μετὰ τῶν ὅπλων εἰς Λεοντίνους.
이에 그는 즉시 40세 이하의 징집 연령에 있는 모든 이에게 30일분의 식량을 지참하고 무기를 갖추어 레온티노이로 집결하라고 명령했다.
αὕτη δʼ ἡ πόλις τότε φρούριον ἦν τῶν Συρακοσίων, πλῆρες ὑπάρχον φυγάδων καὶ ξένων ἀνθρώπων.
이 도시는 당시 시라쿠사인들의 요새였으며, 망명자들과 외지인들로 가득 차 있었다.
ἤλπιζε γὰρ τούτους συναγωνιστὰς ἕξειν, ἐπιθυμοῦντας μεταβολῆς, τῶν δὲ Συρακοσίων τοὺς πλείστους οὐδʼ ἥξειν εἰς Λεοντίνους.
왜냐하면 그는 변혁을 열망하는 이 사람들을 공동 투쟁가로 삼을 수 있고, 반면에 시라쿠사인들 대다수는 레온티노이로 오지도 않을 것이라 기대했기 때문이다.
§13.95.4οὐ μὴν ἀλλὰ νυκτὸς ἐπὶ τῆς χώρας στρατοπεδεύων, καὶ προσποιηθεὶς ἐπιβουλεύεσθαι, κραυγὴν ἐποίησε καὶ θόρυβον διὰ τῶν ἰδίων οἰκετῶν·
뿐만 아니라 밤중에 시골 지역에서 야영을 하던 중, 그는 음모의 표적이 된 척하며 자신의 하인들을 시켜 비명과 소동을 일으켰다.
τοῦτο δὲ πράξας συνέφυγεν εἰς τὴν ἀκρόπολιν, καὶ διενυκτέρευσε πυρὰ καίων καὶ τοὺς γνωριμωτάτους τῶν στρατιωτῶν μεταπεμπόμενος.
이렇게 한 뒤 그는 아크로폴리스로 피신하였고, 불을 피우고 군사들 중 가장 잘 아는 이들을 불러 모으며 밤을 지새웠다.
§13.95.5ἅμα δʼ ἡμέρᾳ τοῦ πλήθους ἀθροισθέντος εἰς Λεοντίνους, πολλὰ πρὸς τὴν τῆς ἐπιβολῆς ὑπόθεσιν πιθανολογήσας ἔπεισε τοὺς ὄχλους δοῦναι φύλακας αὐτῷ τῶν στρατιωτῶν ἑξακοσίους, οὓς ἂν προαιρῆται.
날이 밝자 군중이 레온티노이로 집결했고, 그는 자신이 꾸민 계획의 취지에 맞추어 그럴듯한 주장을 여러 차례 제기하며, 그가 직접 고르는 600명의 군사를 호위대로 자신에게 내어주도록 군중을 설득했다.
λέγεται δὲ τοῦτο πρᾶξαι τὸν Διονύσιον ἀπομιμούμενον Πεισίστρατον τὸν Ἀθηναῖον·
디오니시우스가 이같이 행동한 것은 아테네의 페이시스트라토스를 모방했기 때문이라고 전해진다.
§13.95.6καὶ γὰρ ἐκεῖνόν φασιν ἑαυτὸν κατατραυματίσαντα προελθεῖν εἰς τὴν ἐκκλησίαν ὡς ἐπιβεβουλευμένον, καὶ διὰ τοῦτο φυλακὴν λαβεῖν παρὰ τῶν πολιτῶν, ᾗ χρησάμενον τὴν τυραννίδα περιπεποιῆσθαι.
왜냐하면 그 역시 스스로 몸에 상처를 입힌 뒤 음모의 피해자인 양 민회에 나타났고, 이 때문에 시민들로부터 호위대를 얻어내었으며, 이를 이용해 참주의 권력을 손에 넣었다고 전해지기 때문이다.
καὶ τότε Διονύσιος τῇ παραπλησίᾳ μηχανῇ τὸ πλῆθος ἐξαπατήσας ἐνήργει τὰ τῆς τυραννίδος.
그리하여 당시 디오니시우스도 이와 유사한 속임수로 대중을 기만하고 참주정의 실현을 실행에 옮겼던 것이다.