§13.88.1μετὰ δὲ τὴν ἐκκλησίαν οἱ περὶ τὸν Δαφναῖον προαγαγόντες τὰς δυνάμεις ἐπεχείρουν μὲν πολιορκεῖν τὴν παρεμβολὴν τῶν Καρχηδονίων, πολυτελῶς δʼ αὐτὴν ὁρῶντες ὠχυρωμένην ταύτης μὲν τῆς ἐπιβολῆς ἀπέστησαν, τὰς δʼ ὁδοὺς ἱππαζόμενοι τούς τʼ ἐν ταῖς προνομαῖς αὐτῶν κατελάμβανον καὶ τῶν σιτοπομπιῶν ἀποκλείοντες εἰς πολλὴν ἀπορίαν ἦγον.
민회가 끝난 후, 다프나이오스와 그 부하들은 군대를 전진시켜 카르타고인의 진영을 포위하려 시도했으나, 그것이 매우 견고하게 요새화되어 있는 것을 보고 이 기도를 포기했다. 그리고 기병으로 도로를 순찰하며 식량 약탈에 나선 적들을 붙잡고, 식량 수송을 차단하여 그들을 큰 궁핍에 빠뜨렸다.
§13.88.2οἱ δὲ Καρχηδόνιοι παρατάττεσθαι μὲν οὐ τολμῶντες, τῇ δὲ σιτοδείᾳ δεινῶς πιεζούμενοι, μεγάλοις ἀτυχήμασι περιέπιπτον.
카르타고인들은 회전을 벌일 엄두를 내지 못하고 식량 부족으로 심하게 압박을 받아 큰 불행에 처했다.
τῶν μὲν γὰρ στρατιωτῶν πολλοὶ διὰ τὴν σπάνιν ἀπέθνησκον, οἱ δὲ Καμπανοὶ μετὰ τῶν ἄλλων μισθοφόρων σχεδὸν ἅπαντες ἐπὶ τὴν Ἰμίλκα σκηνὴν ὠθούμενοι τὰς σιτομετρίας τὰς προτεταγμένας ᾔτουν·
병사들 중 많은 이들이 결핍으로 인해 사망했고, 캄파니아인들은 다른 용병들과 함께 거의 대부분이 히밀코의 천막으로 몰려가 미리 약속된 식량 배급을 요구했다.
εἰ δὲ μή, διηπειλοῦντο μεταβάλλεσθαι πρὸς τοὺς πολεμίους.
그렇지 않으면 적에게 투항하겠다고 위협했다.
§13.88.3ὁ δʼ Ἰμίλκας ἦν ἀκηκοώς τινος, ὅτι Συρακόσιοι πλῆθος σίτου παρακομίζοιεν εἰς Ἀκράγαντα κατὰ θάλατταν.
히밀코는 시라쿠사인들이 바다를 통해 아크라가스로 많은 양의 식량을 실어 나르고 있다는 소식을 누군가에게 들었다.
διόπερ ταύτην μόνην ἔχων ἐλπίδα σωτηρίας, τοὺς μὲν στρατιώτας ἔπεισεν ὀλίγας ἐπισχεῖν ἡμέρας, ἐνέχυρα δοὺς τὰ παρὰ τῶν ἐκ Καρχηδόνος στρατευομένων ποτήρια.
그리하여 이것을 유일한 구원의 희망으로 삼고, 카르타고에서 참전한 이들의 잔을 담보로 주어 병사들을 설득해 며칠 동안 기다리게 했다.
§13.88.4καὶ αὐτὸς μὲν ἐκ Πανόρμου καὶ Μοτύης μεταπεμψάμενος τεσσαράκοντα τριήρεις ἐπέθετο τοῖς τὴν ἀγορὰν παρακομίζουσιν·
그리고 그 자신은 파노르모스와 모튀에에서 사십 척의 삼단노선을 소집하여 보급품을 수송하는 자들을 습격했다.
οἱ δὲ Συρακόσιοι, τὸν ἔμπροσθεν χρόνον τῶν βαρβάρων τῆς θαλάττης παρακεχωρηκότων καὶ τοῦ χειμῶνος ἐνεστηκότος ἤδη, κατεφρόνουν τῶν Καρχηδονίων, ὡς οὐκέτι τολμησόντων πληροῦν τὰς τριήρεις.
시라쿠사인들은 그동안 야만인들이 바다를 양보해 주었던 것과 이미 겨울이 시작되었다는 점 때문에 카르타고인들을 얕보고 있었으며, 그들이 더 이상 삼단노선에 승무원을 태울 엄두를 내지 못할 것이라 생각했다.
§13.88.5διόπερ ὀλιγώρως αὐτῶν παραπεμψάντων τὴν ἀγοράν, Ἰμίλκας ἐκπλεύσας τεσσαράκοντα τριήρεσιν ἄφνω κατέδυσε μὲν τῶν μακρῶν νεῶν ὀκτώ, τὰς δʼ ἄλλας εἰς τὸν αἰγιαλὸν κατεδίωξεν·
그리하여 그들이 소홀하게 보급품을 호송하던 중, 히밀코가 사십 척의 삼단노선을 이끌고 출항하여 갑자기 군선 중 여덟 척을 침몰시키고 나머지를 해안으로 추격했다.
τῶν δʼ ἄλλων πλοίων ἁπάντων κυριεύσας, τοσοῦτον εἰς τοὐναντίον τὰς ἑκατέρων ἐλπίδας μεταπεσεῖν ἐποίησεν, ὥστε τοὺς παρὰ τοῖς Ἀκραγαντίνοις Καμπανοὺς καταγνόντας τῆς τῶν Ἑλλήνων ὑποθέσεως πεντεκαίδεκα ταλάντοις φθαρῆναι καὶ μεταβαλέσθαι πρὸς τοὺς Καρχηδονίους.
그리고 다른 모든 수송선들을 나포하여 양측의 희망을 정반대로 바꾸어 놓았으므로, 아크라가스 측에 있던 캄파니아인들은 그리스인들의 세가 불리하다고 판단하여 십오 탈란톤에 매수되어 카르타고인 편으로 전향했다.
§13.88.6οἱ δὲ Ἀκραγαντῖνοι τὸ μὲν πρῶτον κακῶς ἀπαλλαττόντων τῶν Καρχηδονίων ἀφθόνως ἀπήλαυον τοῦ τε σίτου καὶ τῶν ἄλλων ἐπιτηδείων, ἀεὶ προσδοκῶντες ταχέως λυθήσεσθαι τὴν πολιορκίαν·
아크라가스인들은 처음에는 카르타고인들이 곤경에 처해 있었기 때문에 식량과 기타 생필품을 풍부하게 누렸으며, 포위가 곧 풀릴 것이라 늘 기대했다.
ἐπεὶ δʼ αἱ τῶν βαρβάρων ἐλπίδες ἀνέκυψαν καὶ τοσαῦται μυριάδες εἰς μίαν ἠθροίσθησαν πόλιν, ἔλαθεν αὐτοὺς ὁ σῖτος ἐξαναλωθείς.
그러나 야만인들의 희망이 되살아나고 이처럼 수많은 군중이 하나의 도시에 모이게 되자, 그들은 자신도 모르는 사이에 식량을 완전히 소진하고 말았다.
§13.88.7λέγεται δὲ καὶ Δέξιππος ὁ Λακεδαιμόνιος πεντεκαίδεκα ταλάντοις διαφθαρῆναι·
또한 라케다이몬인 덱시포스 역시 십오 탈란톤에 매수되었다고 전해진다.
εὐθὺ γὰρ ἀπεκρίνατο πρὸς τοὺς τῶν Ἰταλιωτῶν στρατηγούς, ὅτι συμφέρει τὸν πόλεμον ἐν ἄλλῳ συστήσασθαι τόπῳ· τὴν γὰρ τροφὴν ἐκλιπεῖν.
그는 이탈리아 측 장군들에게 식량이 떨어졌으므로 전쟁을 다른 곳에서 치르는 것이 유리하다고 즉각 답변했기 때문이다.
διόπερ οἱ στρατηγοὶ πρόφασιν ἐνέγκαντες ὡς διεληλύθασιν οἱ ταχθέντες τῆς στρατηγίας χρόνοι, τὰς δυνάμεις ἀπήγαγον ἐπὶ τὸν πορθμόν.
그리하여 장군들은 자신들에게 지정된 임기가 끝났다는 핑계를 대고 군대를 해협으로 철수시켰다.
§13.88.8μετὰ δὲ τὴν τούτων ἀπαλλαγὴν συνελθόντες οἱ στρατηγοὶ μετὰ τῶν ἐφʼ ἡγεμονίας τεταγμένων διέγνωσαν ἐξετάσαι τὸν ἐν τῇ πόλει σῖτον·
이들이 떠난 후 장군들은 지휘관 자리에 있는 자들과 함께 모여 도시 안의 식량을 조사하기로 결정했다.
ὃν εὑρόντες παντελῶς ὀλίγον ἐθεώρουν ἀναγκαῖον ὑπάρχειν ἐκλιπεῖν τὴν πόλιν.
식량이 완전히 바닥난 것을 확인하자 도시를 버려야 한다고 판단했다.
εὐθὺς οὖν ἐπιγινομένης τῆς νυκτὸς παρήγγειλαν ἀναζευγνύειν ἅπαντας.
그리하여 밤이 되자마자 즉시 모두에게 철수할 것을 명령했다.