§13.82.1ἥ τε γὰρ τῶν ἱερῶν κατασκευὴ καὶ μάλιστα ὁ τοῦ Διὸς νεὼς ἐμφαίνει τὴν μεγαλοπρέπειαν τῶν τότε ἀνθρώπων·
사실, 신전들의 건축과 특히 제우스 신전은 당시 사람들의 웅장함을 보여준다.
τῶν μὲν οὖν ἄλλων ἱερῶν τὰ μὲν κατεκαύθη, τὰ δὲ τελείως κατεσκάφη διὰ τὸ πολλάκις ἡλωκέναι τὴν πόλιν, τὸ δʼ Ὀλύμπιον μέλλον λαμβάνειν τὴν ὀροφὴν ὁ πόλεμος ἐκώλυσεν·
다른 신전들 중 어떤 것들은 불탔고, 어떤 것들은 도시가 여러 번 함락되었기 때문에 완전히 파괴되었으나, 올림피에이온은 지붕을 얹으려던 참에 전쟁이 이를 가로막았다.
ἐξ οὗ τῆς πόλεως κατασκαφείσης οὐδέποτε ὕστερον ἴσχυσαν Ἀκραγαντῖνοι τέλος ἐπιθεῖναι τοῖς οἰκοδομήμασιν.
그 후 도시가 파괴되었기에, 아크라가스인들은 그 뒤로 결코 이 건물들을 완공할 힘을 갖지 못했다.
§13.82.2ἔστι δὲ ὁ νεὼς ἔχων τὸ μὲν μῆκος πόδας τριακοσίους τεσσαράκοντα, τὸ δὲ πλάτος ἑξήκοντα, τὸ δὲ ὕψος ἑκατὸν εἴκοσι χωρὶς τοῦ κρηπιδώματος.
그 신전은 기단을 제외하고 길이가 340피트, 너비가 60피트, 높이가 120피트이다.
μέγιστος δʼ ὢν τῶν ἐν Σικελίᾳ καὶ τοῖς ἐκτὸς οὐκ ἀλόγως ἂν συγκρίνοιτο κατὰ τὸ μέγεθος τῆς ὑποστάσεως·
시켈리아에 있는 신전들 중 가장 큰 것이기에, 설계의 규모 면에서 섬 밖에 있는 신전들과도 무리 없이 비교될 수 있을 것이다.
καὶ γὰρ εἰ μὴ τέλος λαβεῖν συνέβη τὴν ἐπιβολήν, ἥ γε προαίρεσις ὑπάρχει φανερά.
설령 그 시도가 완공에 이르지 못했다 하더라도, 그 구상만큼은 분명히 드러나 있기 때문이다.
§13.82.3τῶν δʼ ἄλλων ἢ μετὰ περιτειχῶν τοὺς νεὼς οἰκοδομούντων ἢ κύκλῳ κίοσι τοὺς σηκοὺς περιλαμβανόντων, οὗτος ἑκατέρας τούτων μετέχει τῶν ὑποστάσεων·
다른 이들이 신전들을 외벽을 두르거나 혹은 내전을 기둥으로 둥글게 둘러싸서 짓는 반면, 이 신전은 이 두 가지 설계를 모두 공유하고 있다.
συνῳκοδομοῦντο γὰρ τοῖς τοίχοις οἱ κίονες, ἔξωθεν μὲν στρογγύλοι, τὸ δʼ ἐντὸς τοῦ νεὼ ἔχοντες τετράγωνον·
기둥들이 벽 속에 짜 맞춰져 건축되었기 때문인데, 외측은 둥글고 신전 내측은 사각형 모양을 하고 있었다.
καὶ τοῦ μὲν ἐκτὸς μέρους ἐστὶν αὐτῶν ἡ περιφέρεια ποδῶν εἴκοσι, καθʼ ἣν εἰς τὰ διαξύσματα δύναται ἀνθρώπινον ἐναρμόζεσθαι σῶμα, τὸ δʼ ἐντὸς ποδῶν δώδεκα.
그리고 기둥 외측 부분의 둘레는 20피트인데, 그 홈 속에는 사람의 몸이 쏙 들어갈 수 있을 정도이며, 내측은 12피트이다.
§13.82.4τῶν δὲ στοῶν τὸ μέγεθος καὶ τὸ ὕψος ἐξαίσιον ἐχουσῶν, ἐν μὲν τῷ πρὸς ἕω μέρει τὴν γιγαντομαχίαν ἐποιήσαντο γλυφαῖς καὶ τῷ μεγέθει καὶ τῷ κάλλει διαφερούσαις, ἐν δὲ τῷ πρὸς δυσμὰς τὴν ἅλωσιν τῆς Τροίας, ἐν ᾗ τῶν ἡρώων ἕκαστον ἰδεῖν ἔστιν οἰκείως τῆς περιστάσεως δεδημιουργημένον.
열주랑들의 규모와 높이가 엄청났기에, 동쪽 부분에는 규모와 아름다움에서 뛰어난 조각들로 거인들의 전쟁을 묘사했고, 서쪽 부분에는 트로이아의 함락을 묘사했는데, 거기서 영웅들 각자가 자신들의 처지에 걸맞게 묘사된 것을 볼 수 있다.
§13.82.5ἦν δὲ καὶ λίμνη κατʼ ἐκεῖνον τὸν χρόνον ἐκτὸς τῆς πόλεως χειροποίητος, ἔχουσα τὴν περίμετρον σταδίων ἑπτά, τὸ δὲ βάθος εἴκοσι πηχῶν·
또한 당시 도시 외부에는 인공 연못이 있었는데, 그 둘레는 7스타디온이었고 깊이는 20큐빗이었다.
εἰς ἣν ἐπαγομένων ὑδάτων ἐφιλοτέχνησαν πλῆθος ἰχθύων ἐν αὐτῇ ποιῆσαι παντοίων εἰς τὰς δημοσίας ἑστιάσεις, μεθʼ ὧν συνδιέτριβον κύκνοι καὶ τῶν ἄλλων ὀρνέων πολὺ πλῆθος, ὥστε μεγάλην τέρψιν παρασκευάζειν τοῖς θεωμένοις.
그곳으로 물을 끌어들여, 그들은 공적인 연회를 위해 그 안에 온갖 종류의 물고기를 많이 기르도록 정교하게 공을 들였다. 물고기들과 함께 백조들과 많은 수의 다른 새들이 그곳에서 함께 지냈기에, 구경하는 이들에게 큰 즐거움을 선사했다.
§13.82.6δηλοῖ δὲ τὴν τρυφὴν αὐτῶν καὶ ἡ πολυτέλεια τῶν μνημείων, ἃ τινὰ μὲν τοῖς ἀθληταῖς ἵπποις κατεσκεύασαν, τινὰ δὲ τοῖς ὑπὸ τῶν παρθένων καὶ παίδων ἐν οἴκῳ τρεφομένοις ὀρνιθαρίοις, ἃ Τίμαιος ἑωρακέναι φησὶ μέχρι τοῦ καθʼ ἑαυτὸν βίου διαμένοντα.
또한 그들의 사치스러움은 기념비들의 화려함을 통해서도 드러나는데, 그중 어떤 것들은 경주에서 우승한 말들을 위해 세워졌고, 또 다른 것들은 처녀들과 소년들이 집에서 기르던 애완용 작은 새들을 위해 세워졌는데, 티마이오스에 따르면 이것들은 그의 시대까지 남아 있었다고 한다.
§13.82.7καὶ κατὰ τὴν προτέραν δὲ ταύτης Ὀλυμπιάδα, δευτέραν ἐπὶ ταῖς ἐνενήκοντα, νικήσαντος Ἐξαινέτου Ἀκραγαντίνου, κατήγαγον αὐτὸν εἰς τὴν πόλιν ἐφʼ ἅρματος·
그리고 이번 올림피아드 직전의 올림피아드, 즉 제92회 대회에서 아크라가스인 엑사이네토스가 우승했을 때, 그들은 전차에 그를 태우고 도시로 데려왔다.
συνεπόμπευον δʼ αὐτῷ χωρὶς τῶν ἄλλων συνωρίδες τριακόσιαι λευκῶν ἵππων, πᾶσαι παρʼ αὐτῶν τῶν Ἀκραγαντίνων.
그의 행렬에는 다른 수레들 외에도 백마들이 끄는 이두마차 300대가 수행했는데, 이는 모두 아크라가스인들 자신의 소유였다.
§13.82.8καθόλου δὲ καὶ τὰς ἀγωγὰς εὐθὺς ἐκ παίδων ἐποιοῦντο τρυφεράς, τήν τʼ ἐσθῆτα μαλακὴν φοροῦντες καθʼ ὑπερβολὴν καὶ χρυσοφοροῦντες, ἔτι δὲ στλεγγίσι καὶ ληκύθοις ἀργυραῖς τε καὶ χρυσαῖς χρώμενοι.
전반적으로 그들은 어린 시절부터 사치스러운 생활 방식을 취했으며, 극도로 부드러운 의복을 입고 금 장신구를 몸에 지녔고, 나아가 은과 금으로 된 긁개와 기름병을 사용했다.